Azerbajxhani njoftoi sot mbërritjen e delegacionit armen nga enklava e Nagorno-Karabakpër të nisur bisedimet pas operacionit anti-terrorist të nisur nga Baku, i cili zgjati 24 orë dhe më shumë se 200 persona humbën jetën.
Delegacioni armen mbërriti në mëngjes në qytetin e Azerbajxhanit Yevlakh, sipas një deklarate të lëshuar nga presidenca e Azerbajxhanit.
Sipas Hikmet Hajiyev, këshilltar i presidentit azerbajxhanas, qëllimi i Bakut nga bisedimet e sotme është “riintegrimi paqësor i armenëve të enklavës” dhe normalizimi i marrëdhënieve me Armeninë.
Delegation of Armenian population of Karabakh arrives in the city of Yevlakh to meet with the Azerbaijani authorities https://t.co/9uZtiF03KO pic.twitter.com/A4lw1BzqF1
— Anadolu English (@anadoluagency) September 21, 2023
Ramin Mammadov përfaqëson palën azere, njoftuan mediat lokale.
Agjencia e lajmeve Azertag transmetoi imazhe të një kolone me automjete të zeza që mbërrinin në vendin e negociatave, e ndjekur nga një automjet që mbante flamurin rus dhe targa ushtarake ruse.
Kujtojmë se “lufta 24-orëshe” e nisur nga Baku përfundoi ditën e djeshme me dorëzimin e separatistëve dhe rikthimin e rajonit nën kontrollin e Bakut. Baku tani dëshiron të negociojë riintegrimin e kësaj enklavë, e cila është e populluar kryesisht nga armenë.
The meeting between the delegation representing the Armenian community in Karabakh and the representatives of Baku has commenced in Yevlakh. pic.twitter.com/o2ofItIuDD
— Adnan Huseyn (@adnanhuseyn) September 21, 2023
Nagorno-Karabak u shkëput kur BRSS u shemb dhe shkëputja e tij çoi në dy luftëra të përgjakshme në vitet 1990 dhe 2020.
/abcnews.al
