Chelsea-Liverpool është një nga ndeshjet më interesante të kësaj jave në Premier League. Ky takim është programuar të zhvillohet të dielën prej orës 17:30. Para kësaj sfide ka folur tekniku Jurgen Klopp, i cili tregon si “Blutë e Londrës” i kujtojnë pak Dortmundin e tij.
“Chelsea më kujton pak skuadrën e Dortmundit që drejtoja unë disa vite më parë. Njerëzit gjithmonë flasin për faktin se sa të rinj janë lojtarët, por ata luajnë ashtu për shkak se janë të mirë”, shprehet trajneri gjerman, duke tentuar të evidentojë cilësitë e elementëve të rinj.
I ngacmuar për faktin se Liverpooli i tij nuk fiton në transferta prej vitesh nga ekipeve më të forta, ai deklaron: “Kemi pasur momente ku fati nuk ka qenë me ne. Gjithçka ka të bëjë me paraqitjen e bërë. Nuk është e shkruar në yje që nuk na lejohet të fitojmë kundër skuadrës së Chelsea”. / abcnews.al
