Kina e ka liruar gazetaren australiane Cheng Lei, pas më shumë se tri vjetëve, njoftoi të mërkurën kryeministri i Australisë, Anthony Albanese.
Ai tha se Lei u lirua nga paraburgimi dhe u ribashkua me dy fëmijët e vet në Melburn, shkruan REL.
“Populli australian ka dashur aq shumë ta shihte Cheng Lein duke u ribashkuar me fëmijët e vet”, tha Albanese.
Cheng, ish-spikere e lajmeve në televizionin shtetëror kinez CGTN, ishte paraburgosur në gusht 2020.
Ajo ishte arrestuar formalisht disa muaj më vonë dhe ndaj saj ishte ngritur aktakuzë për “dërgimin e sekreteve shtetërore jashtë vendit” në një rast për të cilin shumë njerëz thanë se ishte i nxitur politikisht.
