Kina është duke u përgatitur që të analizojë kampione gjaku nga Wuhan-i që janë marrë në muajt e hershëm të pandemisë. Zyrtarët kinezë thonë po vijojnë përgatitjet për të testuar 200,000 dhurime gjaku të bëra në Wuhan, në dy muajt përpara raportimit të rastit të parë zyrtar për të kërkuar gjurmë të virusit.
Nëse në këto kampione gjaku gjenden gjurmë të virusit, atëherë do të vërtetohej se sëmundja po qarkullonte në zonë me herët nga ç’mendohej. Po ashtu me këtë metodë mund të zbulohet edhe pacienti zero dhe mënyra sesi e ka marrë virusin.
Megjithatë, zyrtarët në vend bënë të ditur se testet do të bëhen në Kinë nga ekspertë vendas, duke shtuar kështu frikën se rezultatet mund të manipulohen. Tashmë shkencëtarët perëndimorë po nxisin OBSH-në që të ndërhyjë dhe testimi të bëhet ë një vendndodhje neutrale.
Po ashtu, nuk është ende e qartë se çdo të ndodhë me kampionet pasi të testohen. /abcnews.al/
