Ballkan

9be002da-5e32-48af-8a4d-8e97d53bae90.jpg
ger ta18:50 | 16/02/2020

Sikur politika të ishte aq e vëmendshme ndaj qytetarëve të vet, ndaj atyre që shkon u kërkon dhe u merr votën sa herë që ka zgjedhje, sigurisht që jeta e njerëzve do të ishte më e mirë. Kur jeta e qytetarëve që përbëjnë komunitetin shumicë është e vështirë, jeta e atyre që përbëjnë komunitetet pakicë, bëhet edhe më e vështirë. Dhe ky rregull vlen në gjithë rajonin, ku shtetet janë ndërtuar mbi bazën e komuniteteve shumicë. Ndalesa e parë e udhëtimit tonë në vatrat e atyre që bëjnë pjesë në familjet me më shumë halle e probleme, është në Gracanicë, një fshat/komunë në periferi të Prishtinës, në pjesën lindore të Kosovës.

Komuna e Graçanicës është një prej tri komunave me shumicë serbe dhe kufizohet me komunat e Prishtinës dhe Lipjanit. Mijëra banorë jetojnë këtu, një pjesë të ikur nga Prishtina dhe Lipjani. Është diçka mes fshatit dhe qytezës, me manastirin e famshëm të Gracanicës, i ndërtuar nga mbreti serb Stefan Milutini në 1321 në themelet e një bazilike të shekullit të gjashtë. Manastiri u deklarua monument culture I rëndësisë së vecantë në vitin 1990 dhe në korrik të vitit 2006, u vu nën mbrojtjen e UNESKO-s. Por vetëm pak më tej, nga Manastiri hijerëndë, aq i rëndësishëm për trashëgiminë kulturore, gjendet një bllok me kontejnerë, i vendosur në një fushë anë rrugës, që përbën një simbol të mjerimit dhe neglizhencës. Fëmijë, gra, burra, pleq, jetojnë prej vitesh këtu, ku mëngjesi dhe mbrëmja duken njësoj, ditë dhe netë pa shpresë, të harruar në vetminë dhe vuajtjen e tyre. Këtu, familje serbe, rome, malazeze, jetojnë në kontejnerë prej vitesh, në kushte të mjerueshme.

Ku keni jetuar më parë?

Gruaja: Unë nuk jam kryesorja, shkoni pyetni këta që janë përgjegjës unë jam refugjate.

Nga?

Nuk ka rëndësi, që nga 17 marsi i vitit 2004, nën presion kam ardhur këtu. Faleminderit shumë që keni ardhur për të na vizituar, shkoni tek  institucionet përgjegjëse që do të ju flasin.

Ku keni jetuar më parë?

Nuk ka rëndësi?

Ka rëndësi.

Nga Lipjani jam, kam jetuar edhe në Prishtinë.

Mashkulli: Unë jam nga Staro Gradsko (komuna e Lipajnit) jetoj me gruan shtatzënë në muajin e 8  dhe djemtë Mihajlo dhe Ilija, jetoj në këta kontejner këtu. Është shumë vështirë të jetohet, dhe jetojmë në 10 metra katrorë, tani jemi në pritje edhe të fëmijës tjetër, në mars do jemi 5. Verës bën shumë vapë dhe në dimër bën shumë ftohtë. Kushtet janë katastrofale, kjo komuna jonë serbe asgjë nuk na ndihmon pothuajse. Vijnë dhe premtojnë se do na i rregullojnë kontejnerat, ti pastrojnë. Është një Sergjan Popoviç nga komuna e Kosovës, na solli dhurata për Krishtlindje edhe një derrkuc dhe ca paketa me dhurata. Ishte i sinqertë dhe na tha se mund të na sigurojë banim në shtëpi private por vetëm për tre muaj, dhe nëse nuk gjenden para për muajin e katërt, ne do jemi në rrugë. Po përpiqet të na gjejë një zgjidhje afatgjatë për të gjithë ne këtu. Jemi diku rreth 30 veta dhe këtu ka një padrejtësi që na bëhet nga Serbia, nga Komisariati. Ata 10 marrin edhe ushqimin dhe ne 20 nuk marrim ushqime, dhe 6 kalamaj shikojnë, ja kjo është gruaja ime shtatzënë, dhe ajo duhet të lahet këtu dhe sa herë bën ftohtë, ajo sëmuret, të gjithë ne sëmuremi. Sa herë që bën ftohtë ne të gjithë sëmuremi dhe kemi viruse, edhe gruaja dhe fëmijët kishin virus.

Ku keni jetuar më parë?

Në fshatin Staro Gratsko komuna e Lipjanit. Dhe po ju them se këtu jetohet shumë vështirë, premtojnë por shpresojmë se do na dalin në ndihmë. Vijnë njerëz të ndryshëm dhe ofrojnë, ja shikoni se si jetohet, ja sa vështirë jetojnë fëmijët.

Plaka: Unë jetoj këtu që nga marsi i 2004, jam përndjekur, asnjëherë nuk kam shkuar në Serbi dhe të kthehem, këtu jetoj vetëm.

Mashkulli: Ja t’iu tregoj se si jetohet. Kjo është banjo ku ne lahemi, por ka njerëz që nuk kanë fare banjo.

Gruaja shtatzanë:

Në cilin muaj je?

Në të 8-in, muajin tjetër duhet të lind, është e vështirë, një fëmijë na ka lindur këtu, tani edhe tjetrin, dhe kemi edhe një. Lusim zotin që fëmijët tanë të mos jetojnë këtu. Ja kjo është banjë me lavatricen dhe kabinen e dushit dhe kur na prishet mezi gjejmë para për ta rregulluar, kur na ndihmon komuna. Sa i përket komunës serbe, asgjë nuk na dihmon, vetëm thonë nuk kemi para, nuk kemi para. Komuna e Kosovës të paktën na ndihmon me gjëra, kështu që është e vështirë. Ne jemi këtu 30 veta, 19 familje, fëmijë, gjyshër, gjyshe, ka nga të gjithë.

Burri: Cila është jotja?

Ja kjo është imja, vetë e kam bërë që mos të më hyjnë shiu dhe dëbora brenda, shiu dhe bora hynin deri tek gjysma e kontejnerit brënda, këtu kam bërë një kopsht, kishte lloj lloj gjërash, minj të mëdhenj, infeksione. Gjatë verës këtu ka edhe gjarpërinj, kaos i vërtetë.

Çfarë bën Serbia për ju?

.. Serbia premton çdo gjë por…. 90% ndoshta edhe nuk e dinë se si jetojmë ne këtu,  pra 90% në Serbi nuk dinë sesi jetojmë ne këtu. Ne jemi fundi i fundit, kjo lagja e kontejnerëve. As Vucic nuk e di se kjo ekziston. Po ta dinte, kjo do të zgjidhej brenda 24 orësh sepse kjo nuk është për njerëz. Ky është një donacion i Rusisë, Serbisë dhe Malit të Zi, këta kontejnerë janë të vjetër, 25 vjet të vjetër.

Burri:

Mund të hyj?

Vijnë cdo ditë?

Cdo ditë e sjellin këtu përveç të shtunave kur sjellin ushqim të konservuar. Unë duhet të blej bukë për çdo ditë, dhe mua më duhen 60 bukë në muaj, nëse nuk blej bukë nuk kam cfarë të ha. Dhe ata ushqehen, kjo është e padrejtë, ajo është serbe, edhe unë jam serb, çfarë lidhje ka, edhe ai është rom por edhe ai duhet të marrë ushqimin. Unë kam dy fëmijë, njëri 1 vjeç, tjetri 4, asnjëri nuk e merr këtë ushqim, edhe gruan e kam shtatzënë. I i kemi shkruar komisariatit por nuk na e kanë miratuar kërkesën.

Këto familje marrin ndihma nga kryqi I kuq I Serbisë, që përfshin edhe ushqimin e ngrohtë të përditshëm. Kushtet sanitare janë të paimagjinueshme dhe ndërkohë këtu, vazhdojnë të lindin dhe rriten fëmijë. Banorët e këtyre kontejnerëve janë të ndryshëm, ka pleq dhe plaka të vetmuara, me fëmijët që kanë ikur dhe jetojnë në Serbi, ka familje ku gruaja ka fëmjë dhe është shtatzanë, në pritje të një fëmije tjetër, ka burra që sillen vërdallë në hapësirën e ngushtë mes kontejnerëve pa ditur se cfarë të bëjnë. Një pjesë e tyre kanë ikur nga fshatrat e Lipjanit dhe vazhdojnë të qëndrojnë këtu edhe pse të afërmit e tyre, vëllezërit, kanë ikur tashmë dhe jetojnë në Serbi.

Hyjmë në kufirin verior të Morinës dhe duhet të ecim deri në gjysmën e rrugës për tu kthyer për në Shkodër. Në dalje të Shkodrës, është Vraka, një fshat që dikur njihej për një numër familjesh malazeze që jetonin aty prej disa qindra vjetësh. Një tabelë e vogël dhe një kthese rruge që të con në fshat ku duken vetëm shtëpi në të dy anët e rrugës, por shumë pak njerëz.

Shumica e tyre janë shpërngulur për në Malin e Zi dhe tani në Vrakë, me zor mund të gjesh tre ose katër prej tyre. Familja e Velika Sekulic është një prej tyre. Jeton në një shtëpi që e kishte ndërtuar me bashkëshortin e ndjerë që në vitet e diktaturës, kur punonte në kooperativë. Jeta e saj dhe e familjes së saj ka marrë tatëpjetën në kohën e tranzicionit. I kanë vrarë djalin dhe vazhdon të jetë në gjyq për tokën. Dy nipat kanë ikur në Malin e Zi dhe jetojnë atje, ka mbetur me një djalë këtu, me nusen e tij dhe fëmijët. Djali është I vetmi që punon dhe sjell aq të ardhura sa mund të sjellë duke punuar me një karrocë me kalë.

I flasin të dyja gjuhët dhe gjuhët shqipe dhe malazeze përzihen gjithë kohën në bisedë. Gjuhën malazeze e quajnë Nashki. Nusja e djalit është gjithashtu malazeze. Jeta e saj është gjithashtu pjesë e vuajtjes. Pa punë, me të ardhura minimale dhe me fëmijë për të rritur.

Largohemi nga Vraka, duke lënë pas Velika Selakovicin, e cila capitet ngadalë drejt portës. Duket sikur është plotësuar rrethi i vuajtjes nga Gracanica në Vrakë. Shqiptarë, malazezë, serbë, me gjithë dashurinë për vendet e tyre amë, pavarësisht nga gjuhët që flasin, pavarësisht nga etniteti apo feja që i përkasin, i bashkon vuajtja e një jete me shumë halle dhe shpresa, se ndoshta, një ditë do të bëhet mirë.

/abcnews.al

zoran-1280x723.jpg
Autor E20:23 | 12/02/2020

Zoran Stankoviç, shef i trupit koordinues për jugun e Serbisë në qeverinë e Beogradit, thotë në një intervistë për emisionin Ballkan se pjesëmarrja e shqiptarëve në zgjedhjet e Serbisë do të jetë gjë e mire.

Stankoviç thotë në intervistën për gazetarin Idro Seferi, se shqiptarë mund të marrin 2 deri në 3 deputetë, duke ndihmuar kështu më shumë në zgjidhjen e problemeve të kësaj popullsie.“Standardi social nënkupton që kemi siguruar rreth 350 bursa për nxënësit e shkollave të mesme dhe kemi patur kërkesa dhe për nxënësit që udhëtojnë që tu sigurohet një ndihmë për udhëtimin. Kemi dhënë mjete nxitëse për ndërmarrjet e vogla dhe të mesme dhe kemi punësuar 350 njerëz në periudhën e kaluar. Gjithcka që u intereson dhe që është jeta e qytetarëve është punë e jona dhe ndihmojmë pushtetin lokal dhe organet shtetërore”, shprehet Stankoviç.

Ai pranon se shumë njerëz nga Lugina ikin për në vendet e Evropës Perëndimore, por shton se shteti i Serbisë po përpiqet të aktivizojë potencialet që do tu mundësonin njerëzve që të punësohen dhe që me punën e tyre të sigurojnë mjete për jetesë.

“Ajo që është problem është retorika që na krijon problem, pasi njerëzit flasin për ndarjen, shkëmbimin e territoreve, shkëmbimin e njerëzve dhe kjo është një gjë e pabazë, marrë parasysh qëndrimet e bashkësisë ndërkombëtare, por kur keni një situatë të tillë askush nuk dëshiron të investojë në një hapësirë të tillë dhe besoj se një stablizim politik I statusit të përhershëm, që nënkupton që këto tri komuna, sic kanë thënë edhe presidentët shqiptarë, Ilir Meta dhe Bujar Nishani, por edhe Edi Rama, njerëzit që jetojnë në këto tri komuna janë qytetarë të Serbisë dhe të gjitha problemet duhet ti zgjedhin me institucionet e shtetit”, vijon ai.

Zyrtari serb thotë se pjesëmarrja e shqiptarëve në zgjedhjet e Serbisë do të jetë gjë e mirë dhe ata mund të marrin 2 deri në 3 deputetë, duke ndihmuar kështu më shumë në zgjidhjen e problemeve të kësaj popullsie.

Ndiqni intervistën e plotë:

 

shqiprimarifi-1280x744.jpg
Autor E20:00 | 12/02/2020

Liderët e Luginës së Preshevës kërkojnë mbështetje konkrete nga Shqipëria dhe Kosova, duke dhënë si shembull mbështetjen e madhe dhe konkrete që jep Serbia për serbët e Kosovës.

Kryetari i komunës së Preshevës, Shqiprim Arifi thotë në një intervistë për emisionin Ballkan në Abc News se shqiptarët e Luginës as nuk mund ti ëndërrojnë të drejtat që kanë serbët në Kosovë.

Kryetari i komunës së Preshevës, Shqipërim Arifi, kërkon mbështetjen e Shqipërisë dhe Kosovës për Luginën e Preshevës, duke theksuar se Lugina nuk ka nevojë për ideologji, por për ndihmë dhe mbështetje konkrete.

“Ne e kemi interesin tonë si shqiptarë të Luginës së Preshevës, që të marrim pjesë. Ai është interesi ynë, ne nuk varemi nga opozita serbe, a do të marrim pjesë apo nuk do të marrim pjesë.

Ata kanë interesin e tyre. Për ne është me rëndësi që zgjedhjet janë të drejta, që tregojnë një frymë demokratike, që ia lejojnë edhe minoriteteve të tjera, pra edhe neve, që të marrim pjesë dhe të arrijmë në këto zgjedhje suksesin që ne e mendojmë për veten tonë dhe jo për dikënd tjetër”, shprehet ai.

Arifi komenton gjithashtu pjesëmarrjen e partive shqiptare me një listë të përbashkët në zgjedhjet parlamentare të Serbisë, duke thënë se kjo nuk ka lidhje me presidentin serb Vucic, sepse partitë serbe bëhen bashkë kur bëhet fjalë për çështje nacionale.

Opozita serbe ka vendosur të bojkotojë zgjedhjet parlamentare në Serbi që pritet të mbahen në pranverë.

“Ne shohim që serbët në veri të Kosovës pajisen me 300 mijë euro për problemet që kanë, për të krijuar një perspektivë të jetës, dhe mbeten serbët atje. Ne nuk e shohim këtë nga Republika e Shqipërisë, ne nuk e shohim këtë nga Republika e Kosovës”, vijon Arifi.

5 nga 6 partitë shqiptare në Luginën e Preshevës janë bërë bashkë dhe kanë vendosur të marrin pjesë në zgjedhjet parlamentare të Serbisë me një listë të përbashkët zgjedhore, në një përpjekje për të rritur numrin e deputetëve shqiptarë në parlamentin serb.

Serbia ka 22 pakica kombëtare dhe shqiptarët janë një prej tyre.

Ndiqni intervistën e plotë:

 

 

abazi-haki.jpg
ger ta16:33 | 06/02/2020

Zv.kryeministri i Kosovës, Haki Abazi në një intervistë për emisionin “Ballkan” me gazetaren Linda Karadaku, e ka cilësuar si kapriço politike gjuhën dhe padinë e Ramës ndaj Haradinajt.

Gjuha të cilën ka përdorur zoti Rama ndaj proceseve dhe individëve në Kosovë është jokorrekte. Ngritja e aktakuzës ndaj Haradinajt si kryeministër i Kosovës është po ashtu një precedent i panevojshëm dhe i pashpjegueshëm. Është një kaprricje politike që nuk i nevojitet kombit shqiptar në momentin q ëjemi por nuk duhet t’i nevojitet në asnjë rast. Përfunimisht mendoj që nisma për mini-Shengenin duke bërë kalkulime të vogla përballë sfidave që Shqipëria ka është po shtu një tentim i mbulimit tëproblemeve të vërteta. Dështimi i hapjes së negociatave nga Brukseli nuk duhet t’i faturohet Kosovës në asnjë formë. Lidhja e zotit Rama me individë dhe grupe në Kosovë janë sinonimi i ndarjes, sinomimi i korrigjimit territorial. Përzierja më e madhe ka ndodhur pikërisht me ata që Rama ka treguar një përafrim dhe jo domosdoshmërisht me pjesën e sëndoshë të poltikës. Qeveria shqiptare ka gabuar lursin, ky nuk është nacionalizmë”, tha Abazi.

/abcnews.al

 

 

 

 

sejdiu-1.jpg
Autor E14:16 | 30/01/2020

Ish-Presidenti i Kosovës Fatmir Sejdiu thotë se duhet investuar shumë që të përfundojë ajo që ka qenë më shumë se e tmerrshme gjatë më shumë se një shekulli në marrëdhëniet me Serbinë, për shkak të politikave serbe.

“Kemi arritur që të krijojmë një shtet të ri, që Kosova të pavarësohet, të ecë në këmbët e veta, dhe të ketë miq shumë, prandaj mendoj se është koha që të përmbyllet ky cikël i traumave të mëdha që kanë qenë gjithmonë të imponuara nga grabitësit e territoreve në të cilat kanë qenë edhe stërgjyshërit tanë, por është një kohë kur mendojmë se edhe Kosova, edhe Shqipëria, janë faktorë të rëndësishëm, të dy bashkë, por edhe me të tjerët në fqinjësi të mirë, dhe faktorë të rëndësishëm për paqen dhe stabilitetin”, tha ai në një intervistë për gazetaren e Abc News, Linda Karadaku.

Sejdiu komenton gjithashtu padinë e kryeministrit Rama ndaj kryeministrit Haradinaj, duke thënë se duhet të ketë një gjuhë të marrëveshjeve, të të marrurit vesh.

Ai thekson se ashpërsia e gjuhës nuk sjell rezultat.

Sejdiu nënvizon se Shqipëria dhe Kosova kanë mundësinë ta ndihmojnë njëra-tjetrën dhe të ecin drejt integrimeve të rëndësishme shpirtërore përtej ndarjeve të mëdha të përtej një shekulli.

bilali.jpg
Autor E11:40 | 23/01/2020

Bilall Kasami, kreu i Lëvizjes Besa në Maqedoninë e Veriut, partia kryesore opozitare, thotë për emisionin Ballkan se po bëhen përpjekje për të krijuar një bllok opozitar në kampin shqiptar për tu vënë përballë BDI-së së Ali Ahmetit, për të rregulluar gjithcka që BDI “ka bërë keq.”

“Angazhim I fuqishëm I Lëvizjes Besa në këtë periudhë është që të bashkojë forcat e saj me forca të tjera opozitare, që të bëjmë një bllok të fuqishëm opozitar dhe votuesit opozitar ti japim një opsion fitues, opsion që do të bëjë ndryshimin tek shqiptarët e Maqedonisë më 12 prill të këtij viti”, tha ai për emisionin “Ballkan” të gazetares së Abc News, Linda Karadaku.

Ndiqni intervistën e plotë:

dsgfs.jpg
Autor E11:34 | 23/01/2020

Partitë politike në Maqedoninë e Veriut po pozicionohen ndërkohë që i ashtuquajturi “elektorat shqiptar i LSDM-së,” partisë së Zoran Zaev, vazhdon të marrë vota shqiptare.

Analisti Seladin Xhezairi thotë në intervistën dhënë gazetares se Abc News Linda Karadaku për emisionin “Ballkan” se megjithatë, Zaev nuk do të marrë më shumë vota shqiptare në zgjedhjet e prillit.

“ Nuk besoj se do të ketë avancime, suksese për shkak se këtu në Maqedoninë e Veriut, intolerance ndëretnike vazhdon të jetë goxha e lartë, tek maqedonasit, përshembull, mbasi kanë qenë të vetëdijshëm se ndryshimi i emrit është dicka e domosdoshme, por nuk ka pasur pezm aq të madh sa në rastin e miratimit të ligjit për gjuhët, me të cilin zyrtarizohet edhe përdorimi i shqipes, dhe gjithë këtë, nuk është se nuk e shënon…nuk do të arkëtojë zoti Zaev aq vota sa mori në zgjedhjet e fundit.”

Ndiqni intervistën e plotë:

ministri.jpg
Autor E11:07 | 23/01/2020

Ministri Edmond Ademi është në LSDM-në e Zoran Zaev që nga viti 1992. Ademi thotë për emisionin “Ballkan” në Abc News se LSDM maqedonase është partia e dytë tek shqiptarët dhe mbështetja për të vazhdon të rritet.

Ademi shpjegon pse është rritur mbështetja e elektoratit shqiptar për LSDM-në duke nënvizuar se LSDM tregoi si krijohen urat e bashkëpunimit brenda dhe jashtë vendit.

“Në Ballkan ka patur shumë histori sesa ardhmëri…Anketat, opinion polls tregojnë se Lidhja Socialdemokrate është partia e dytë tek shqiptarët pas Bashkimit Demokratik për Integrim. Ky ishte rezultati i anketës së fundit që ishte para një javë, hulumtim I bërë nga një institut që ka emër në këtë drejtim dhe besoj që ky elektorat në periudhën që vjen, edhe do të rritet.

Madje, Lidhja Socialdemokrate sot, nga rradhët e veta ka nënkryetar shqiptar të partisë, ka drejtorë të institucioneve të ndryshme, një ndër ta është edhe drejtori i policisë financiare, që është shqiptar që vjen nga rradhët e Lëvizjes Socialdemokrate, jam edhe unë, nuk jam vetëm unë kryetar i komisionit të politikës së jashtme si shqiptar, kryetari i komisionit për financa është shqiptar në Lidhjen Socialdemokrate, kryetarja e komisionit të konceptit për një shoqëri të përbashkët për të gjithë është shqiptare, kemi tre deputetë shqiptarë nga rradhët e Lëvizjes Socialdemokrate, kështu që Lidhja Socialdemokrate sot është një parti qytetare që ka me vete edhe shqiptarë, edhe maqedonas, edhe turq, edhe romë, edhe vllehë, edhe të gjithë”, tha ai për gazetaren Linda Karadaku.

Ndiqni intervistën e plotë: 

 

maqedonia-1.jpg
Autor E10:57 | 23/01/2020

“Kryeministri i Shqipërisë Edi Rama, në mënyrë direkte, përzihet në zhvillimet politike në Maqedoni që nga viti 2016 kur është hartuar e ashtuquajtura Platforma e Tiranës, kur i ka ftuar partitë politike shqiptare në Tiranë. Mendojmë se kjo është e pandershme dhe jo korrekte. Përderisa qytetarët që jetojnë në Maqedoni zgjedhin përfaqësuesit e tyre, mendoj se ata duhet që politikat e tyre ti bëjnë këtu dhe çdo gjë tjetër është përzierje në punët e brendshme të një shteti tjetër që është më e keqja që mund të ndodhë. Nëse do ta kishim bërë ne një gjë të ngjashme, reciproke në Shqipëri, besoj se askush atje nuk do të ishte i lumtur dhe marëdhëniet me zotin Rama janë kësisoj. Më duket se ai ka një mik, preferencë në Maqedoni por shpresojmë se do ta kuptojë se duhet të bashkëpunoje edhe me qeveri tjetër dhe se për zhvillimet në Maqedoni vendosin qytetarët e Maqedonisë.”

Intervista me gazetaren Linda Karadaku per emisionin Ballkan:

 Faleminderit qe gjetet kohen per këtë intervistë. Ju jeni tani ne fushate parazgjedhore, do keni zgjedhje per 3 muaj. E para qe dua t’iu pyes është sesi është situata në Maqedoninë e Veriut tani. Ju jeni ne opozite dhe kur je ne opozite, asgje nuk duket mire. Si eshte situata ne aspektin ekonomik, politik, social?

Maqedonia nuk është në një situatë të mirë tani pavarësisht nëse je në qeveri apo në opozitë, pavarësisht se nga cfarë perspektive i sheh gjërat. Punët nuk janë mirë. Për fat të keq, jemi në vitin e pestë të një krizë politike dhe kjo situatë nuk është normale për askënd. Lufta e dytë botërore zgjati katër vjet ndërsa ne jemi 5 vjet në një krizë politike. Dhe është depresive për shumicën e njerëzve,  dëshpëruese dhe për këtë arsye, shumë prej tyre duan të ikin nga vendi ndërkohë që problemet janë thelbësore. Kemi probleme me sundimin e ligjit, korrupsionin dhe zbatimin e ligjeve. Ekonomia është duke u fundosur, dhe është pjesë e mungesës së sundimit të ligjit dhe politikave të gabuara ekonomike të ndërmarra nga kjo qeveri në kuptimin e ekonomisë në përgjithësi, dhe në sektorë të caktuar si shëndetësia apo arsimi, të cilat funksionojnë kur është në interes të qeverisë.

Për fat të keq kemi edhe korrupsionin e përhapur. E gjithë kjo atmosferë ndikon në dëshpërimin e njerëzve. Premtimet e fundit të qeverisë për anëtarësim në BE  hasën në mur sepse për vitin e dytë radhazi, nuk po arrin të marrë një datë për hapjen e negociatave dhe në përgjithësi, kjo zgjat që nga viti 2008, që në total është 12 vjet. Nëse deri vjet, kjo ishte me arsyetimin se kishte veto të Greqisë, që nga viti i kaluar kjo pengesë nuk ekziston, edhe pse sipas mendimit tonë, marrëveshja e arritur me Greqinë është e keqe, por gjithsesi, edhe kur kjo pengesë nuk ekziston, qeveria nuk arrin të hapënegociatat, para së gjithash edhe për shkak të mangësive strukturore edhetë BE, por edhe për atë që e thashë më parë: mos funksionimi i sundimit të ligjit, korrupsioni në shkallë të gjerë, administrata publike, dhe këto janë arsyet pse BE nukpo i hap negociatat me Maqedoninë. Ne jemi për ndryshime me 12 prill, të marrim anëtarësimin dhe t’iu tregojmë se çfarëmundemi.

Çfarë do të ndryshojë pas zgjedhjeve? A do ndryshojë edhe marrëveshja me Greqinë?

Përgjigje: Presim shumë probleme pas zgjedhjeve. Fokusi kryesor për qeverinë, për të mbuluar dështimet, është që flet për tema të mëdha, për tema botërore, ne flasim për njerëzit e thjeshtë, ata flasim, nuk e di, për marrëdhëniet midis Amerikës dhe Kinës, midis Amerikës dhe Rusisë; ne flasim për sistemin e bujqësisë për shembull.

Ky është interesimi i njerëzve, temat e mëdha nuk janë ato me të cilat duhet të merremi. Kjo retorikë e socialdemokratëve, të cilët nuk kanë ofertë, flet edhe për forca apokaliptike pas zgjedhjeve, gjë që nuk do të ndodhë, i vetmi apokalips është ai i klasës qeverisëse aktuale. Do të ndryshojë ekonomia, partia jonë është e njohur për politika të mira ekonomike, kemi patur rezultate brilante në të kaluarën, planifikojmë të vazhdojmë aty ku e lamë: tërheqja e investitorëve të huaj dhe rritja e pagave dhe hapja e vendeve të reja të punës; inkurajimi i investitorëve të mëdhenj për investime;  në pjesën e sundimit të ligjit, luftë e ashpër kundër korrupsionit.

Shikoni, në tre vitet e fundit, në Maqedoni, policia nuk ka kapur një kilogram të vetëm kokaine edhe pse kokaina është përhapur shumë në rrugët e Shkupit, mund të gjendet çdokund dhe çmimi është i lirë sepse ka ofertë dhepolicia nuk arrin ta kapë. Për momentin ekziston një bashkëveprim midis njerëzve pranë kryministrit teknik aktual, i cili deri vonë ishte ministër i punëve të brendshme, ish-kryeministrit dhe kryetarit aktual të LSDM-së, Zoran Zaev, dhe nëntokës kriminale të Shkupit dhe Maqedonisë.

Këta janë njerëzit që ju sollën vota në vitin 2016 Socialdemokratëve me metoda “joakademike” do thosha, por me metoda kriminale, dhe këto tre vite, iu është paguar borxhi për këtë në atë mënyrë që ata mund të kontrabandojnë drogë në të gjithë vendin. Për fat të keq, sic thotë një miku im, tani Maqedonia është Maqedonia  e Kokainës; në një kohë diskutohej se çfarë emri t’i vihej Maqedonisë në kontestin me Greqinë dhe kishte nga ata që thoshin se duhet vënë emri Maqedonia e Kokainës sepse ky është realiteti dhe kjo është një gjë me të cilën ne po ballafaqohemi tani.

Çfarë do të bëni ju për këtë?

Luftë absolute kundër krimit dhe korrupsionit, direkt në thelb, në ballë, siç e themi ne. Lehtë mund të bëhet, të gjithë në rrugë e dinë se nuk është Maqedonia një vend i madh dhe njerëzit njihen mes tyre. Nëse ekziston vullneti politik, kjo është një gjë që zgjidhet për 4 deri në 6 muaj dhe kjo mund të zgjidhet pa asnjë problem. Problemi i korrupsionit dhe krimit në nivele të larta, ne kërkojmë ta zgjidhim këtë çështje thelbësore dhe mendojmë se kjo do të njihet nga Bashkimi Evropian dhe më në fund, në vitin 2020, këtë vit, shpresojmë të mund të hapen negociatat dhe viti 2020 të mos jetë vit i humbur për Maqedoninë dhe ditë më të mira po vijnë për vendin.

Ju bashkëpunoni me partitë shqiptare, dhe kjo është sic thuhet Rregull i Pashkruar. Pas krijimit të qeverisë, por edhe përpara, a do të bashkëpunoni me partitë shqiptare. A ka shanse të ketë koalicion me partitë shqiptare para zgjedhjeve, koalicion parazgjedhor?

Përgjigje: Ne presim të fitojmë bindshëmnë zgjedhje dhe presim të fitojmë shumicën dërmuese të mjaftueshme, që të mos kemi nevojë për partner koalicioni për të krijuar qeverinë. Megjithatë, realiteti në Maqedoni është i qartë, bashkësia e dytë etnike më e madhe në Maqedoni është ajo e popullit shqiptar dhe ne gjithsesi kërkojmë që të bashkëpunojmë me partitë të cilat përfaqësojnë shqiptarët në Maqedoni. Ky bashkëpunim duhet të jetë parimor, të gjenden të përbashkëtat, ne të pranojmë pjesë të programit të partnerit tonë potencial dhe partneri ynë potencial të pranojë pjesë të programit tonë dhe të krijohet aty një sinergji. Sa i përket koalicioneve parazgjedhore, mendojmë se këto nuk janë parimore dhe nuk jusjellin gjë tëmirë as popullit maqedonas dhe as atij shqiptar. Mendojmë se maqedonasit duhet të përfaqësohen nga partitë politike maqedonase dhe shqiptarët nga partitë politike shqiptar, dhe ky është një sistem i cili funksionon në Maqedoni. Sistem ndryshe ishte ai në Jugosllavi dhe për fat të keq, Jugosllavia përfundoi një luftë të përgjakshme. Kështuqë, përsëritja e një Jugosllavie mund të sjellë vetëm probleme në Maqedoni dhe asnjë përparim pozitiv dhe kjo që bën LSDM e ZoranZaev, më ngjan me Jugosllavinë ku humbësit më të mëdhenj prapë janë shqiptarët. Ne i respektojmë shqiptarët dhe gjithmonë kemi patur marrëdhënie të drejta partneriteti dhe për të patur partneritet të drejtë, ne duhet të dimë se kë shqiptarët mendojnë se duhet ta zgjedhin që t’i përfaqësojë në parlament. Ata vetë duhet të zgjedhin përfaqësuesit e tyre e jo t’u themi ne se kush duhet të jetë përfaqësuesi i tyre.

Ju po flisni për elektoratin shqiptar të LSDM-së?

Po, ka një pjesë të shqiptarëve që votojnë për LSDM, kjo është e vërtetë,

A ka shqiptarë që votojnë VMRO-në?

Po, ka edhe shqiptarë që votojnë VMRO-në, por pjesa kryesore e shqiptarëve voton për partitë e tyre politike dhe ne mendojmë se kjo është gjë e mire. Është mire që ne të dime se kë kanë zgjedhur shqiptarët që t’I përfaqësojnë.

Pra këto janë parti etnike, a mendoni se kjo mund të funksionojë gjatë?

Po, mendoj se mënyra se si është rregulluar tani Maqedonia, është funksionale dhe shteti funksionon, dhe në këtë faze të zhvillimit politik të shoqërisë, mendojmë se kjo është një zgjidhje ideale. Se si do të jetë për 20-30 vjet, është një gjë për të cilën do të  flasin gjenerata të tjera të politikanëve, dhe po e them, mënyra tjetër është se si përfundoi ish-Jugosllavia.

A keni preferenca në mesin e partive politike shqiptare?

Jo, jo ne do të bashkëpunojmë me secilën parti politke apo politikan i cili njeh programin tonë, por që ka edhe mbështetjen e popullit shqiptar, kështu që secili që është i gatshëm të pranojë programin tonë është i mirëseardhur si partner.

A mund të bashkëpunoni edhe me BDI e Ali Ahmetit?

Me secilën parti politike. Ne kemi bashkëpunim të rregullt me partitë politike shqiptare që janë në qeveri dhe opozitë, takime dhe komunikime të rregullta. Pas zgjedhjeve, gjithsesi varësisht nga rezultatet e zgjedhjeve, do të ulemi dhe bisedojmë nëse mund të kemi përafrim programesh dhe krijim sinergjie.

Çfarë marrëdhëniesh keni me Shqipërinë sepse mendoj se është me rëndësi për Maqedoninë e Veriut?

Si parti politike apo si shtet?

Jo, jo si shtet.

Si shtete, mendoj se kemi një bashkëpunim korrekt midis Shqipërisë dhe Republikës së Maqedonisë, praktikisht ne jemi fqinjë dhe duhet të bashkëpunojmë. Më vjen keq që infrastruktura nuk është e zhvilluar. Edhe pas 30 viteve, as Maqedonia dhe as Shqipëria nuk po arrijnë të sigurojnë mjete financiare që të rregullohet infrastruktura më e mirë.

Mendoj para së gjithësh, infrastrukturën rrugore dhe hekurudhore, dhe kjo do të pasuronte rajonin shumë dhe mund të ketë tregti më të madhe. Dhe kjo është një gjë që duhet adresuar bashkarisht nga Maqedonia dhe Shqipëria në mënyrë që burimet që kanë Maqedonia dhe Shqipëria, Maqedonia ka industri pak më të mirë, Shqipëria ka portet dhe kjo është një gjë që bashkon zhvillimin e dy ekonomive.

Duhet të ndërtohet korridori i 8-të në formë autostrade, për fat të keq kjo qeveri ka ndaluar punën në autostrada në korridorin 8 të cilën e kishte filluar qeveria e VMRO-DPMNE, por në 3 vitet e fundit as në atuostradën në drejtim të Shqipërise Strugë-Ohër –Kërçovë, por as në pjesën nga Kumanova në drejtim të kufirit me Bullgarinë, në mënyrë që i gjithë korridori 8 të Lindje-Perëndim të përfundojë. Por kjo është një nga planet tona pasi ti fitojmë zgjedhjet në mënyrë që, sikurse e thashë, të fokusohemi në ekonomi dhe pjesë  e saj është infrastruktura.

Dhe Mini-Schengeni mund ta ndihmojë këtë?

Absolutisht, ne përshëndesim çdo bashkëpunim rajonal. Sa i përket Mini Shengenit kemi dy vërejtje: e para ai nuk mund të jetë asnjë lloj alternative për anëtarësim në BE. Mendojmë se vendi i Maqedonisë është në BE dhe e dyta, për të patur kuptim, Mini Shengeni duhet të jetë i plotë. Kjo do të thotë se në të duhet të marrin pjesë edhe Kosova, Mali i Zi dhe Bosnja dhe Hercegovina, nuk mund të mbetet me 3 shtete, sic është tani dhe ose do tëjetë i plotë, dhe në fazën e dytë, të përfshijë edhe Kroacinë dhe Slloveninë, ose si ide nuk do të ketë sukses. Për momentin më duket si ide jo e plotësuar tërësisht.

Dhe me Kosovën?

Po absolutisht Kosova duhet të jetë pjesë e kësaj.

Po mendoja marrëdhëniet me Kosovën?

Marrëdhëniet me Kosovën janë rritur, ekonomikisht janë të mira, ka mjaft shkëmbime tregtare, shumë njerëz nga Kosova vijnë këtu për tu shëruar përshembull ose të kryejnë ndonjë punë tjetër, mjaft produkte Maqedonase eksportohen nëKosovë, për fat të keq, pjesa e sundimit të ligjit nuk ka sukses të madh. Ka njerëz që kryejnë vepra kriminale këtu dhe ikin në Kosovë. Po flas këtu për grabitje të rënda bankash, vrasje njerëzish, dhe në Kosovë nuk ka bashkëpunim në mënyrë që këta njerëz të sillen nga Kosova dhe të gjykohen këtu sipas ligjeve në fuqi.

A janë këta shtetas të Kosovës apo Maqedonisë?

Edhe shtetas të Kosovës, edhe të Maqedonisë, e kombinuar dhe këtu mendoj se qeveria e re e VMRO DPMNE-së duhet të merrret seriozisht me bashkëpunimin me Kosovën për këtë sepse për kriminalitetin, nuk duhet të ketë kufij që mund ti mbrojë. Për të tjerat, bashkëpunimi është korrekt. Ju e dini se Maqedonia e ka njohur pavarsinë e Kosovës dhe këtë e ka bërë qeveria e VMRO DPMNE,  ngjashëm edhe me demarkacionin. Duhet të përmirësohet bashkëpunimi ekonomik edhe më shumë, një minus i madh i kësaj qeverie, edhe pse Zaev përpiqet të tregohet si mik i madh i shqiptarëve por kjo nuk ndodh sepse as nuk e ka përfunduar korridorin 8 dhe as nuk arriti të ndërtonte autostradënnga Shkupi deri në kufirin me Kosovën në Bllace. Kjo do të ndihmonte përshpejtimin e bashkëpunimit ekonomik kjo është gjë e mirë dhe duhet të bëhet. Kosova tani ka telashet e veta, duhet të formohet qeveria dhe shpresojmë se qeveria e re do të merret me shumë dhe me shkelësit e ligjit që tëdalin para organeve të drejtësisë.

Do të bashkëpunoni edhe me Albin Kurtin?

Ne do bashkëpunojmë me cilindo që është zgjedhur nga populli i Kosovës, nuk është puna jonë të zgjedhim kush do të jetë. Në zgjedhjet e fundit fitoi Albin Kurti dhe  ne e respektojmë këtë.

Pyetja e fundit, a keni preferenca midis partive politike në Shqipëri?

Ne jemi e njëjta familje politike e Partive Popullore Evropiane bashkë me Partinë Demokratike në Shqipëri. Në takimet që kemi në Bruksel, ne takohemi me zotin Basha dhe shkëmbejmë mendime, e fundit, në Zagreb ishim në kongresin e partive popullore dhe me Partinë Demokratike, kemi raporte korrekte sikurse edhe me Presidentin e Shqipërisë, zotin Ilir Meta kemi bashkëpunim solid.

Për fat të keq, nukmund të them të njëjtën gjë për Kryeministrin e Shqipërisë Edi Rama i cili në mënyrë direkte, përzihet në zhvillimet politike në Maqedoni që nga viti 2016 kur është hartuar e ashtuquajtura Platforma e Tiranës, kur i ka ftuar partitë politike shqiptare në Tiranë. Mendojmë se kjo është e pandershme dhe jo korrekte. Përderisa qytetarët që jetojnë në Maqedoni zgjedhin përfaqësuesit e tyre, mendoj se ata duhet që politikat e tyre ti bëjnë këtu dhe çdo gjë tjetër është përzierje në punët e brendshme të një shteti tjetër që është më e keqja që mund të ndodhë. Nëse do ta kishim bërë ne një gjë të ngjashme, reciproke në Shqipëri, besoj se askush atje nuk do të ishte i lumtur dhe marëdhëniet me zotin Rama janë kësisoj. Më duket që as nuk përpiqet ta fshehë që ka një mik, preferencë në Maqedoni por shpresojmë se do ta kuptojë se duhet të bashkëpunoje edhe me qeveri tjetër dhe të shqetësohet më shumë për punët në Shqipëri se për punët në Maqedoni vendosin qytetarët e Maqedonisë. /abcnews.al

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono