Ekonomi

shano-dritan.jpg
ger ta09:16 | 13/03/2020

I ftuar në “Abc-ja e mëngjesit” Dritan Shano u shpreh se akordimi prej 3.5 milion eurosh nga qeveria për situatën nga koronavirusi është i pamjaftueshëm. Sipas tij njerëzit duan ndimë dhe jo batuta në televizion.

Qeveria insitson në një pikë në PPP-të, këto nuk preken qoftë edhe kur bie tërmet. lnteresi i pak njerëzve po ruhet në mënyrë të ashpër nga qeveria dhe kryeministri.  Alokimi prej 3.5 milion eurosh për të blerë pajisje është qesharak. Vetë Kosova që është një shtet i ri akordoi 10 milion euro. Nuk po flas për Italinë. Ne kemi një qeveri e cila endet se duke dalë në tv dhe duke bërë nga këto skemat do ikë koronavirusi. Ekipet tona duan para, ndihmë. Njerëzit nuk mund të marrin siguri me dy batuta në tv, apo kur merr mamanë në telefn të del tjetër zë. Këtu kemi një situatë të rëndë, jo aq për shkak të koronvirusit por sepse kapacitetet tona janë të pamjaftueshme, janë primitive. Nuk mjaftojnë 3.5 milion euro. Këtu qeverisë i duhet të dorëzojë atë lodrën e vet të qytetarëve”, tha ai.

Më tej ekonomisti  theksoi se situata është e rëndë dhe se ekonomia po ashtu ka marrë një goditje. Sipas Shanos këto 6 muaj do të jenë mjaft të vështirë.

“Ekonomia shqiptare ka marrë një goditje të rëndë. Duke qenë e bazuar në këtë aksion këto 6 muaj janë mjaft të këqinj. Ajo shifra 4% që pret qeveria ishte e palidhur fare me parashikimin e vërtetë. Këto 6 muaj do jenë mjaft të vëshirë.Pensionistët do e kenë mjaft të vështirë. Të gjithë ata që janë me të ardhura nën minimumin do e kenë të vështirë. Unë mendoj se pas këtij piku do të bjerë konsumi. Të gjithë blerjet do jenë të mirëmenduara. Unë nuk mendoj se rritja ekonomike do të kalojë 2% këtë vit. Aktiviteti ekonomik do të fillojë të lulëzjë me ardhjen e pranverës”, u shpreh ekonomisti. /abcnews.al

106346013-1579610529423dsc00046r-1280x853.jpg
So Nila15:00 | 12/03/2020

Ndërsa stoqet po bien, krahasimet me krizën financiare 2007-2009 janë të natyrshme. Por ato gjithashtu nuk janë plotësisht të sakta.

“Kjo nuk është një krizë financiare,” tha Drejtori i Përgjithshëm i Citi  Michael Corbat. “Bankat janë në gjendje të fortë”.

CEO-të e bankave të mëdha të Amerikës dhe institucioneve financiare u takuan me Presidentin Donald Trump në Uashington.

Drejtuesit  theksuan se gjatë recesionit të fundit, më shumë se një dekadë më parë, industria bankare është kapitalizuar mirë.

Në të njëjtën kohë, virusi paraqet një sfidë unike për politikëbërësit, si dhe bizneset, tha CEO i Goldman Sachs (GS) David Solomon sipas CNBC./abcnews.al

fason.jpg
Autor E13:11 | 12/03/2020

Dhoma e Tregtisë dhe Industrisë Tiranë i ka kërkuar qeverisë të ndërmarrë një seri lehtësirash për shkak të situatës problematike të shkaktuar nga koronavirusi.

Bizneset kërkojnë që punonjësit që do të qendrojnë në shtëpi të trajtohen si të sëmurë nga ISSH për një periudhë një mujore dhe më pas sipas situatës.

Po ashtu, kërkohet shtyrja e afatit të dorëzimit të pasqyrave financiare për vitin 2019 si dhe pezullimi i pagesave fiskale për dy muaj, gjë e cila pas dy muajsh do të vlerësohet sipas situatës.

Bizneset kanë kërkuar gjithashtu pezullimin e pagesave të kësteve të kredive, gjë e cila tashmë është vendosur. /abcnews.al

tenderi.jpg
ger ta19:04 | 10/03/2020

Hapet tenderi për rindërtimin e banesave të banorëve të prekur nga tërmeti i 26 nëntorit. Në Agjensinë e Prokurimeve Publike është publikuar njoftimi ndërsa fondi i vënë në dispozicion është 6.2 mld lekë ose rreth 50 mln euro.

Objekti i marrëveshjes kuadër përfshin rindërtimin e shtëpive individuale sipas projekteve model (1+1, 1+2, 1+3) në territorin e bashkive: Durrës, Kamëz, Kavajë, Rrogozhinë, Krujë, Kurbin, Lezhë, Mirditë, Shijak dhe Vorë.

Të gjithë kompanitë e interesuara do të kenë afat deri në datën 19 mars të dorëzojnë oferat. Kjo kontratë do të konsiderohet kontratë më celsa në dorë. Kjo pasi kërkohet që  pjesë e dokumentave të tenderit janë edhe skicimet, planimetritë e objektit si dhe Projekti i cili do të interpretohet si një i vetëm. Kohëzgjatja e kontratës ose afati kohor për ekzekutimin e saj parashikohet të jetë 2 vite.

Rindërtimi i banesave individuale parashikohet të bëhet në mënyrë të grupuar ose vec e vec,në shtëpitë ekzistuese sipas përcaktimit të shesheve të ndërtimit të caktuara në Planet e Detyruara Vendore.  Modelet e shtëpive që do të rindërtohen parashikohet të jenë me kosto të ulët eficensë energjie si dhe gjendje që të përballojnë lëkundjet deri në 9 balle. /abcnews.al

ish-pronaret.jpg
ger ta15:58 | 04/03/2020

Ish-pronarët  ankohen se projekligji i ri që për pronat që po diskutohet në komisionet parlamentare nuk mbron asnjë të drejtë të tyre. Kreu i Shoqatës Pronësi me Drejtësi Myrshit Vorpsi deklaron se ish-pronarëve nuk u është marë asnjë mendim ndërsa akuzon se me ndryshimet e fundit favorizohen të gjithë ata qytetarë që kanë ndërtuar pa leje.

“Sipërfaqja e tokës që legalizohet rritet nga 300 metra në 500 metra. Kjo është një bonus që u jepet të gjithë atyre që unë po i quaj pushtues të tokave. Sot janë qytetarët të nderuar të Republikës, dhe ligjvënëse mendon tu bëjë edhe një dhuratë tjetër”, thotë ai.

Vorpsi deklaron se në draft nuk ka asnjë pikë për 10 mijë dosje të pronësisë që kanë mbetur të patrajtuara duke i detyruar qytetarët të zvarriten nëpër proçese gjyqësore.

“Shteti shqiptar sot me këtë projektligj të famshëm merr përsipër të ndajë ç’është e pandarë. Dhe nga ana tjetër i ka thënë pronarëve për ato 140 mijë hektarë tokë që kemi kërkuar këtu e 12 vjet më parë q ëtë merrja një vendim…shkoni t’i merrni në dyert e gjykatave”, shprehet Vorpsi.

Sipas ish-pronarëve i padrejtë është edhe neni që parashikon që për investime strategjike pronarëve tju hiqet titulli i pronësisë e të shpërblehen me çmimet e referencës të cilat janë shumë më të ulta se tregu.

Pavarësisht se për këtë draft u kërkua opinioni i Komisionit të Venecias kreu i shoqatës Pronësi me Drejtësi  sqaron se mendimi i kërkuar nuk ka lidhje me thelbin e ligjit dhe nuk ka ndikuar në përmirësimin e tij. /abcnews.al

 

denaj.jpeg
Autor E12:30 | 02/03/2020

Ministrja e Financave Anila Denaj ka dhënë detaje në Kuvend në lidhje me aministinë e paralajmëruar nga kryeministri Rama.

Gjatë fjalës së saj, Denaj shprehet se tarifa që do të caktohet nga qeveria për të futur në sistem paratë jashtë tij do të jetë e ulët.

“Kjo nismë është për të gjitha bizneset që nuk kanë ngjyrim politik.

Do të bëhet diferenca mes atyre që kanë punuar dhe atyre që kanë realizuar me apo pa deklarime me veprimtari të paligjshme, kjo do të jetë e mirë markuar.

Do i bëjë mirë të gjithë procesit të konsultimit publik, që nuk do të jetë shumë i gjatë.

Për të marrë parasysh një zhvillim ekonomik. Sektori bankar e ndjen këtë, prej janarit të 2018 në kredidhënie ka një ngërç dhe kjo do i japë frymëmarrje edhe kreditimit.

Kjo nuk ka të bëjë me parti dhe në këtë proces do të donim ta shikonin të gjithë në këtë format.

Kemi folur për disa shifra, është një tarifë e ulët. Jemi duke e diskutuar, do të kemi edhe mbështetjen e ekspertëve ndërkombëtarë”, tha Denaj në Kuvend. /abcnews.al

bsh.jpg
ger ta14:39 | 29/02/2020

Kreditimi i ekonomisë shqiptare  është tkurrur gjatë muajit janar të këtij viti. Statistikat e Bankës së Shqipërisë tregojnë se në krahasim me një muaj më parë janë dhënë rreth 2 mld lekë më pak.

Kështu në janar të 2020 kreditimi i ekonomisë është në një vlerë prej 569 mld lekë nga  570.8 mld lekë që janë dhënë në dhjetor të  2019. Në këtë situatë mendohet se ka dhënë ndikim tërmeti i 26 nëntorit . Nga statistikat e Bankës së Shqipërisë rezulton se kredia për biznesin ka pësuar një tkurrje me rreth 2%.

Pjesa më e madhe e biznesve në vend janë të përqëndruara në Durrës dhe Tiranë zona të cilat u dëmtuan më shumë nga tërmeti dhe rënia e kreditimit tregon uljen e investimeve nga këto kompani. Ndërkohë nga të dhënat konstatohet rritje e kreditimit për individët.

Portofoli i kredisë për individët është 196 miliradë lekëve dhe bankat po mbështesin gjithmonë e më shumë kreditimin sidomos në drejtim të blerjes së banesave por nuk mbeten pas edhe kreditë konsumatore.Sipas monedhës kredia në lekë përbënte pjesën më të madhe me rreth 52.63% të totalit të kredisë së dhënë.

Ndërkohë sipas një vrojtimi të mëparshëm të Bankës së Shqipërisë rezulton se bizneset shqiptare kanë ndalur investimet në tremujorin e fundit të 2019.Sipas Bankës së Shqipërisë  kompanitë shqiptare kanë bërë kërkesa për kredi vetëm  për të shlyer detyrimet dhe pagat e punonjësve.

Po ashtu edhe pritshmëritë për tremujorin e parë të vitit 2020 janë pesimiste.Bankat e nivelit të dytë  presin një shtim të kërkesës për kredi nga ana e bizneseve, por e kufizuar vetëm në kreditë  për likuiditet. /abcews.al

KLSH.jpg
ger ta17:12 | 28/02/2020

Keqadministrimi i të ardhurave dhe i pronës publike kanë shkaktuar dëmin më të madh ekonomik gjatë 2019. Kontrolli i Lartë i Shtetit ka prezantuar auditimet e realizura për 2019, ndërsa ka konstatuar se dëmi ekonomik në total rezulton që të jetë 223.8 mln euro.

Përtej dëmit ekonomik KLSH ka vlerësuar se ndikimi negativ nga mos arkëtimi i të ardhurave dhe shpenzimet jo eficiente, llogaritet mbi 1,2 miliardë euro.

Kontrolli i Lartë i shtetit ka konstatuar ndër të tjera se edhe niveli i perceptimit të  korrupsionit ka pësuar një rritje të konsiderueshme gjatë 2019. Kreu i këtij institucioni bëri me dije për dëmet e konstatuara janë dorëzuar në prokurori  28 kallëzime penale

Në prezantimin e raportit të dëmeve ka qenë present edhe kryeprokurori i Përgjithshëm   për ti dhënë një shtysë kallëzimeve penale që dorëzohen në prokurori.klsh ka ngritur shqetësim se shpesh herë kallëzimet penale nuk ndiqen nga Prokuroria. /abcnews.al

200227122729-nyse-0228-exlarge-169.jpg
So Nila14:20 | 28/02/2020

Aksionet globale janë duke përjetuar krizën më të rënde financiare, pasi frika nga koronavirusi ka shtyrë shitjet për 7 ditë rresht.

Indeksi MSCI, i cili vëzhgon lëvizjen e aksioneve të shumë prej kompanive më të mëdha në botë, tha se kanë rënë me  8.9% – përqindja më e ulët që nga tetori i vitit 2008 shkruan CNN.

Aksionet evropiane pësuan një humbje të konsiderueshme të premten duke rënë në  5% në Gjermani , FTSE 100 në  Londrër ra me  4.4%. Në Itali, ku 17 persona kanë vdekur si pasojë e virusit, indeksi i  FTSE MIB u ul gati 4%.

Aksionet në Shanghai u ulën me 3.7%, duke sjellë humbje gjatë javës deri në 5.6%, rendimentin më të ulët të indeksit që nga Prilli 2019. Nikkei i Japonisë ra me 3,7% dhe indekset në Australi dhe Korenë e Jugut u ulën me 3.3%.

Koronavirusi ka rritur frikën se epidemia do të shkatërrojë fitimet e korporatave dhe do të çojë disa nga ekonomitë më të mëdha në botë në recesion.

Aksionet në SH.B.A. gjithashtu pësuan ulje të premten. Dow pësoi humbjen e saj më të madhe ndonjëherë, duke rënë në 1.191 pikë, ose me 4.4%. S&P 500 pësoi një rënie të ngjashme dhe ka rënë më shumë se 10% duke e krahasuar me rritjen që pati herën e fundit.

Firma të mëdha kanë parë një ulje  të kërkesës për produktet dhe shërbimet, veçanërisht në Azi. Por industritë e prodhimit, teknologjisë dhe farmaceutikës gjithashtu kanë ndërprerë furnizimet e tyre.

Nëse shpërthimi i koronavirusit bëhet një pandemi globale, ekonomia botërore mund të pësojë një dëm prej 1 trilion dollarësh./abcnews.al

pasagjeret-itali-koronavirusi.jpg
nev ila09:13 | 26/02/2020
Italia është partneri kryesor i Shqipërisë, si për tregtinë, ashtu dhe për lëvizsjet e shtetasve, sidomos përmes ajrit e detit. Me Italinë realizohet rreth 33% e volumit tregtar, ndërsa përmes detit e ajrit qarkullojnë në total 3.3 milionë pasagjerë në vit, ose meaatarisht rreth 9 mijë persona në ditë (në verë fluksi ditor i pasagjerëve është më i larte).

Tregtia

Sipas të dhënave të INSTAT, drejt Italisë shkojnë 48% e totalit të eksporteve në 2019-n, ku peshën kryesore se zënë tekstilet e këpcët, (rreth 60% e totalit), e më pas “Materiale ndërtimi dhe metale”, “Makineri, pajisje dhe pjesë këmbimi”. Italia renditet dhe si partneri i parë për importet me 25% të totalit të blerjeve që bëjmë nga gjithë vendet e botës.

Grupmalli më i importuar janë “tekstilet dhe këpucët”, me 25% të totalit që vjen nga Italia, e lidhur me faktin që një pjesë e tyre janë lëndë e parë dhe më pas rieksportohet e përpunuar. Industria telstile dhe e këpucëve është e lidhur ngushtë me shtetin fqinjë, pasi rreth 70% e eksporteve të këtij grupi kanë si destinacion Italisë.

Grupmallrat e tjera më të importuara nga Italia janë “Makineri, pajisje dhe pjesë këmbimi” (20% e totalit të importeve nga Italia), “Ushqim, pije duhan” (12%), “Materiale ndërtimi dhe metale” (11.5%).

Lëvizjet përmes ajrit, 1.7 milionë pasagjerë në vit, nga dhe drejt Italisë

Italia mbetet destinacioni kryesor i fluturimeve nga dhe drejt Rinasit, me 50% të trafikut total të pasagjerëve për vitin 2019, sipas të dhënave zyrtare nga Tirana International Airport.

Destinacioni kryesor ku udhëtohet nga dhe drejt Rinasit vijon të jetë Roma, me 334 mijë pasagjerë në 2019-n, me rritje prej 1.8% me bazë vjetore. Roma shërben jo vetëm si destinacion direkt, por edhe si tranzit për të udhëtuar në Europë dhe jashtë saj.

Destinacioni i dytë është Milano, me 317 mijë pasagjerë, me rritje të fortë prej 12% në raport me një vit më parë. I treti është Bergamo, me 169 mijë pasagjerë (rritje 18%). Në fakt, të marra së bashku, për shkak të afërsisë, Milano po shënon trafikun kryesor në Itali, duke tërhequr dhe linjat e reja.

Destinacione të tjera italiane që kanë parë rritje të fortë ishin Venecia (22%), Xhenova (37%), Piza (17%), Bolonja (20%). Drejt disa qyteteve të tjera, si Brindizi, Trieste, Pescara nuk kishte lidhje me fluturime në 2019-n.

Në total, pasagjerët nga dhe drejt Italisë ishin gati 1.7 milionë në vitin 2019 (rritje 2%), duke përbërë 50% të trafikut gjithsej, nga 54% vitin e mëparshëm.

“Blue Panorama” është operatori më i madh, me 21% të tregut në 2019-n. Pas saj u rendit “Fly Ernest”, me 17%. Kompania, që prej fillimit të muajit janar të këtij viti nuk fluturon më, pasi licenca e saj u pezullua nga Autoriteti Italian i Aviacionit Civil. Sipas ENAC, kompania e fluturimeve “Ernest” nuk do të jetë në gjendje të kryejë asnjë fluturim dhe transportuesi do të pushojë të gjitha operacionet, duke lënë në këtë mënyrë një hapësirë të konsiderueshme tregu për operatorët e tjerë. “Alba Wings” është në vend të tretë, me peshë tregu të pandryshuar prej 10%. Përmes operatorit ajror italian, Alitalia u realizuan vetëm 7% e fluturimeve, pasi kompania ka humbur treg vitet e fundit. Krahas “Blue Panorama” e “Alba Wings”, dret Milanos apo Bergamos kanë nisur fluturimet dhe “Air Albania”, “Easy Jet” dhe “Wizz Air”, si rrjedhojë e trafikut të lartë drejt këtyre qyteteve.

Lëvizjet përmes porteve, 1.57 milionë pasagjerë

Sipas të dhënave të INSTAT, përmes detit, lëvizën në 2019-n rreth 1.6 milionë pasagjerë, ku fluksi fillon e rritet në maj, me 108 mijë pasagjerë, për të kulmuar në gusht me 450 mijë pasagjerë.

Në mars 2019, përmes detit qarkulluan 35 mijë pasagjerë, ndërsa në mars, numri i tyre u rrit në rreth 76 mijë.

 

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono