Në Portin e Durrësit sipërfaqja ku ka qenë porti i peshkatarëve është i ndotur. Prishja e magazinave të peshkut nxorri në dukje një territor të ngjashëm me një katastrofë ekologjike.
Në portin e Durrësit, magazinat e peshkut u shembën. Por ajo që lanë pas është katastrofë. Në ish-kalatën e peshkimit, aty ku deri para pak muajsh ishte është porti i peshkarexhave, situata është alarmante. E gjithë sipërfaqa e kalatës është e mbuluar nga pirgje të mëdha inerte dhe mbeturina të gjithfarëllojshme.
“E gjithë kjo situatë, e ngjashme me një katastrofë mjedisore ka ndodhur gjatë dhe pas procesit të prishjes së magazinave të peshkut”.
Edhe baseni ujor u ndot masivisht nga hidrokarburet në një perimetër prej 2 milje. Mbetjet e lëngshme si vajra dhe nafte përfunduan në det nëpërmjet kanaleve të hapura.
Në alarm u vu edhe autoriteti portual. Kompania e pastrimit detar nisi punën. Për largimin hidrokarbureve nga deti u angazhuan dy anije të pastrimit detar si dhe një numër i lartë punonjësish. Prishja e magazinave dhe largimi i anijeve të peshkimit drejt portit të ri, pritet t’i hapë rrugë një investimi të ri./ABC News Albania 24/7
