Erando Karabeci, mesfushori i Teutës, është pjesë e emisionit “Pressing” në ABC. Në takimin e fundit ai shënoi një gol shumë të bukur kundër Skënderbeut, me goditje dënimi. Fillimisht ai foli për kampionatin dhe u ngacmua nëse Vllaznia bën lojën më të bukur në Superiore.
“Konkurrencë është e madhe sivjet, por të shohim fundin. Klasifikimi tregon atë që kanë bërë ekipet, por është gjysma e rrugës dhe do të shohim se si do të shkojë”, tha fillimisht Karabeci.
Më tej ai shtoi: “Jemi përballur me Vllazninë dhe kanë ekip të mirë. Bëjnë futboll të mirë, janë me meritë të parët. Bëjnë futboll ofensiv dhe ndoshta është strategji e trajnerit. Janë ekip që të vënë në vështirësi, i meritojnë pikët që kanë marrë”.
