Edhe këtë herë Teuta e mundi Tiranën. Durrsakët dolën të fituar në Pogradec falë një goli me kokë të Lorenco Vilës në minutën e 32-të.
Pas ndeshjen në “Panorama Sport” janë raportuar ankesat e Tiranës në lidhje me gjykimin dhe faktin se gjyqtari i ndeshjes, Eldorjan Hamiti ka favorizuar Teutën dhe i gjykon ndeshjet me dy standarde.
Ndeshjet e bardhebluve nën gjykimin e Hamitit zakonisht nuk kanë shkuar në mënyrën e dëshiruar dhe një pjesë të fajit për këtë sipas tyre e ka edhe gjyqtari. Në lidhje me këtë ankesë të kampionëve ka reaguar një nga liderët e Teutës, Rustem Hoxha.
Ky i fundit ka postuar një screenshot të lajmit dhe e ka shoqëruar me fjalët: “Jo po nuk punon X, jo po nuk punon Y”. Mbrojtësi ironizon me bardheblutë nëpërmjet një justifikimi, që e përdorim rëndom kur luajmë Play Station.
Kjo shprehje tashmë ka marrë përdorim më të gjerë dhe Hoxha nuk ngurron ta fusë në funksion në këtë rast. /abcnews.al
