Italianët zgjedhin vaksinën e tyre me vetëm një dozë: Efikase në 92.5% të rasteve

schedule12:57 - 15 Janar, 2021

schedule 12:57 - 15 Janar, 2021

Shkencëtarët italianë janë në rrugën e duhur për të zhvilluar një vaksinë kundër koronavirusit, i cili synon të mbrojë vendin nga pandemia.

Kompania italiane e bioteknologjisë,  ReiThera, me qendër në Romë, ka deklaruar  se deri më tani vaksina ka treguar rezultate  pozitive.

“Ne jemi duke zhvilluar  fazën e dytë, pastaj do të kalojmë në të tretën, në mënyrë që të kemi gati vaksinën në qershor. Në fund të qershorit ne do t’i dërgojmë të dhënat në Agjencinë Europiane të Barnave.

“Shpresojmë që të marrim miratimin dhe në korrik qytetarët e Italisë do të jenë në gjendje të vaksinohen” , ka deklaruar Giuseppe Ipolito, drejtor shkencor i Institutit Kombëtar të Sëmundjeve Infektive Spalanzani në Romë.

Faza 1 e vaksinës

Gjatë fazës së parë shkencëtarët zbuluan se vaksina shkakton një përgjigje imune. 92.5% e të vaksinuarve kishin nivele të lartë të antitrupave dhe me një dozë të vetme përgjigja është e ngjashme me atë të vaksinave të tjera që kërkojnë dy doza.

Pritët një prodhim prej 100 milion dozash.

“Ne jemi në rrugën e duhur dhe qëllimi është ta kemi gati vaksinën  në qershor ose korrik “,  tha Francesco Vaia, drejtor i  Institutit Kombëtar. “Faza e parë përfundoi me sukses dhe tani jemi në fazën e  dytë.

“Gjithçka po shkon mirë dhe së shpejti do të kalojmë në fazën e tretë,”  shtoi ai .

Dhjetë milion doza në muaj

“Ne po përpiqemi të zgjerojmë kapacitetin tonë të prodhimit.”

“Qëllimi ynë është të jemi në gjendje të prodhojmë 10 milion doza në muaj, deri në 100 milion doza në vit,”  thanë drejtuesit e ndërmarrjes për Mediat Italiane dhe Ndërkombëtare.

Vaksina, e cila është zhvilluar për t’u injektuar në një dozë të vetme, nuk është e zhvilluar nga mARN por prodhon antitrupa. Gjithashtu ruhet në temperaturën e frigoriferit, pra në 4 gradë.

Në fakt, gjatë një konference për shtyp, në prani të Ministrit Italian të Shëndetësisë Roberto Speranza, u prezantuan të dhënat e fazës së parë, e cila filloi në 24 gusht.

Fazat dy dhe tre do të zgjasin edhe gjashtë muaj të tjerë dhe nëse përgjigjet janë në përputhje me rezultatet deri më tani, vaksina italiane do të kërkojë miratimin te autoritetet rregullatore (EMA dhe Aifa) .

Lidhur me problemin që mund të lindë nga mutacionet e koronavirusit të ri, kompania tha:  “Ne mund të prodhojmë doza vaksinash që janë efektive kundër çdo mutacioni, sepse kemi një platformë teknologjike që na lejon t’i bëjmë këto ndryshime.” /abcnews.al