Gjykata e Lartë e Koresë së Jugut konfirmoi sot dënimin me 17 vite burg, për ish-presidentin Lee Myung-bak, i shpallur fajtor për korrupsion dhe përvetësim dhe i kërkoi të paguajë një shumë prej 11,45 milionë dollarësh.
Lee, 78 vjeç, ish-president i Republikës nga 2008 në 2013, ka mohuar çdo akuzë.
Gjykata e Lartë sqaroi se ”nuk kemi zbuluar asnjë vlerësim të pasaktë në aktgjykimin e kontestuar”, në lidhje me faktet që çuan në dënimin për korrupsion dhe për shpërdorim të pushtetit.
Lee është presidenti i katërt i Koresë së Jugut që dënohet me burg në kohën e mbarimit të mandatit. Pas gjykimit në shkurt, Lee u la i lirë me kusht, në pritje të përgjigjes nga Gjykata e Lartë./abcnews.al
