Irani ka vendosur sanksione kundër 11 shtetasve amerikanë të akuzuar si të përfshirë në “shkeljen e të drejtave të njeriut duke shtypur protestat paqësore në favor të Palestinës nga studentët dhe profesorët e universitetit në SHBA”.
Kështu thuhet në një deklaratë të Ministrisë së Jashtme të Teheranit, sipas së cilës sanksionet janë vendosur në përputhje me ligjin që lufton “shkeljet e të drejtave të njeriut dhe aktivitetet aventuriste dhe terroriste të Shteteve të Bashkuara në rajon”.
Sanksionet e Teheranit përfshijnë “ngrirjen e llogarive dhe transaksioneve në sistemin financiar dhe bankar iranian, ngrirjen e aseteve brenda juridiksionit iranian dhe ndalimin e lëshimit të vizave dhe hyrjes në territorin iranian”.
Personat e sanksionuar përfshijnë Komisionerin e Departamentit të Sigurisë Publike të Georgia, Ëilliam Billy Hitchens, komandantin e operacioneve në terren të Georgia, Eddie Grier, shefen e Departamentit të Policisë së Universitetit të Floridës Linda J. Stump-Kurnick, shefin e Departamentit të Policisë Metropolitane të Distriktit të Kolumbisë, Pamela A. Smith dhe ndihmës shefi ekzekutiv i të njëjtit departament policie, Jeffery Carroll.
Në deklaratën e Ministrisë së Jashtme iraniane, të sanksionuarit përfshijnë gjithashtu Karl Jacobson, kreun e Departamentit të Policisë së Neë Haven, Shane Streepy, nënkryetar i Departamentit të Policisë së Universitetit të Teksasit (UTPD), Michael Cox, komisioner i Policisë së Bostonit, Indiana, drejtori i Departamentit të Policisë Qendrore të Universitetit Scott Dunning, Shefi i Policisë së Universitetit Shtetëror të Arizonës, Michael Thompson, dhe shefi i policisë së shtetit të Long Beach të CAL, John Brockie.
/abcnews.al
