Irani
nev ila11:55 | 23/03/2020
Një gënjeshtër propozimi amerikan për ndihmë në kohën e një emergjence kundër pandemisë së koronavirusit. Kështu deklaroi presidenti i Iranit, i cili tha se do të mjaftonte që SHBA të heqë sanksionet ndaj vendit të tij.
Presidenti i Iranit Hasan Rohani i cilësoi gënjeshtarë liderët amerikanë, duke i bërë apel që të heqin sanksionet e vendosura nga Teherani, në vend që të ofrojnë ndihmë për të frenuar përhapjen e koronavirusit në vend.
Ai theksoi se liderët amerikanë gënjejnë, dhe vetëm nëse hiqen sanksionet vendi mund të përballet me pandeminë e koronavirusit.
Sipas BBC, Rohani u shpreh se Shtetet e Bashkuara të Amerikës kanë bllokuar eksportimet e naftës së Iranit, si dhe kanë bllokuar veprimet nbankare të vendit. Ai u shpreh se oferta amerikane për ndihmë ishte gënjeshtra më e madhe në histori.
Një ditë më parë lideri suprem iranian Ali Kamenei kishte refuzuar propozimin amerikan për ndihmë.
Më shumë se 1700 persona kanë ndërruar jetë si pasojë e koronavirusit, ndërsa numri i të prekurve është më shumë se 21 mijë./abcnews.al
Sid Orela16:38 | 03/03/2020
Irani ka lajmëruar se do të mobilizojë rreth 300,000 ushtarë dhe vullnetarë për të ‘luftuar’ përhapjen e koronavirusit.
Veç kësaj, televizioni publik njoftoi se 23 deputetë të vendit janë infektuar.
Të martën, lideri suprem i Iranit, Ayatollah Ali Khamenei i urdhëroi forcat e armatosura që të asistojnë zyrtarët e shëndetit në betejën kundër përhapjes së COVID-19.
Zv/Ministri i Shëndetësisë, Alireza Raeisi u shpreh se numri i të infektuarve ishte rritur ndërsa bilanci i personave që kanë humbur jetën ka shkuar në 77.
Raeisi shtoi gjithashtu se deri më tani janë konfirmuar 2,336 raste në Iran, ndërsa përqindja e vdekjeve si pasojë e virusit është rritur në 3.3 për qind.
Veç deputetëve që kanë rezultuar pozitivë, dy zyrtarë të lartë të Iranit kanë dërruar tashmë jetë si pasojë e koronavirusit. Pozitive me virusin ka rezultuar edhe Masoumeh Ebtekar, zv/ presidentja e Iranit për Çështjet e Grave dhe Familjes.
Të mërkurën u raportua gjithashtu se kreu i shërbimeve të emergjencave në vend , Pirhossein Kolivand, ka rezultuar pozitiv me virusin. /abc news/
Autor E14:05 | 03/03/2020
Autoritetet iraniane kanë vendosur transferimin e 54 mijë të dënuarve, në arrest shtëpie për të shmangur rrezikun e përhapjes së koronavirusit në burgje.
Lajmi është konfirmuar nga zëdhënësi i gjykatës në Teheran,i cili shpjegoi se urdhëri është firmosur nga kryetarii gjykatës së lartë Ebrahim Raisi.
Autor E10:21 | 28/02/2020
Koronavirusi duket se ka hyrë në qeverinë dhe parlamentin e Iranit duke ngjallur frikë mes drejtuesve.
Mësohet se pas zv.Presidentes Masoumeh Ebtekar dhe zv.ministrit të Shëndetësisë, sëfundmi janë zbuluar edhe katër deputetë me koronavirus.
Kjo shifër ka dalë pas nxjerrjes së rezultateve të analizave për 30 deputetë, ndërsa pritet të testohen edhe 260 deputetë të tjerë, raporton abcnews.al.
Mediat në Iran kanë publikuar foto nga mbledhja e fundit e qeverisë ku zv.Presidentja ishte ulur ngjitur me presidentin Rouhani duke iu frikësuar kështu një kontaminimi më të gjerë nga koronavirusi tek drejtuesit iranianë.
Koronavirusi hyri në Iran nga Kina dhe që nga data 19 shkurt janë prekur 245 persona, 26 prej të cilëve kanë vdekur.
eri Ida10:01 | 14/02/2020
Senati i Shteteve të Bashkuaraki ka kufizuar autoritetin presidentit Donald Trump për të nisur operacione ushtarake kundër Iranit.
Përmes një rezolutet të miratuar të hartuar nga senatori demokrat, Tim Kaine, thotë se Trump duhet të ketë miratimin e Kongresit përpara se të ndërmarrë veprime ushtarake kundër Iranit.
Tetë republikanë u janë bashkuar demokratëve për të miratuar rezolutën me 55 vota për dhe 45 kundër.Me Kushtetutën e Shteteve të Bashkuara, Kongresi ka fuqinë për të shpallur luftë jo presidenti.
Trump dhe mbështetësit e tij thonë se rezoluta do t’i dërgojë mesazhe të gabuara Iranit dhe kundërshtarëve të tjerë të mundshëm. Ndërkohë pritet që Trump të vendosë veto ndaj saj.
Trump, së voni, ka përdorur veton ndaj një rezolute për luftën në Jemen. Rezoluta e fundit vjen pasi Trump, muajin e kaluar, ka urdhëruar një sulm me dron për vrasjen e komandantit iranian, Kasem Sulejmanit, pa e informuar Kongresin paraprakisht./abcnews.al
So Nila18:39 | 04/02/2020
Drejtësia iraniane ka dënuar me vdekje një person dhe ty rë tjerë janë lënë në burg pasi akuzohen si spiunë të Agjencisë Qendrore të Inteligjenës në Shtetet e Bashkuara – CIA.
Mediat ndërkombëtare raportojnë se gjykata e Lartë e Iranit e konfirmoi dënimin me vdekje për Amir Rahimpour, i cili ka spiunuar dhe ka bërë përpjekje të kalojë informacione rreth programit bërthamor të Iranit te SHBA-ja, tha zëdhënësi i gjyqësorit të Iranit, Gholamhossein Esmaili.
Ai shtoi se dënimi do të ekzekutohet së shpejti, ndërkohë nuk është dhënë asnjë detaj se për çfarë saktësisht akuzohet Rahimpour dhe as për moshën apo sfondin e tij.
Ndërsa dy të tjerët të cilët janë lënë në burg, janë dënuar me nga 15 vjet burgim, nën akuzat se kanë spiunuar për CIA-n dhe kanë vepruar kundër sigurisë kombëtare të Iranit, tha po ashtu Esmaili./abcnews.al
nev ila16:04 | 26/01/2020
Presidenti amerikan Donald Trump komentoi ofertën iraniane për bisedime me kusht që më parë Shtetet e Bashkuara të heqin sanksionet ndaj Iranit. Jo, faleminderit, u përgjigj Trump në përgjigje ndaj ofertës iraniane.
Shtetet e Bashkuara nuk do të tërheqin sanksionet ndaj Iranit në këmbim të negociatave, tha presidenti Donald Trump përmes një postimi në Twitter të shtunën.
“Ministri i Jashtëm iranian tha se do të negocionin me Shtetet e Bashkuara, por fillimisht duhet të heqen sanksionet.. Jo faleminderit”, tha Trump.
Ministri i Jashtëm iranian, Mohammad Javad Zarif, iu është përgjigjur të dielën presidentit Trump përmes një postimi në Twitter, ku tha se Irani është ende i hapur për bisedime nëse Amerika tërhiqet nga sanksionet.
“Donald Trump është më mirë të fokusojë komentet për politikën e jashtme në fakte sesa në titujt e FoxNews dhe përkthyesit e tij të gjuhës Farsi”, tha Zarif.
Tensionet midis Iranit dhe SHBA-së janë ngritur edhe më shumë pas vrasjes së gjeneralit Iranian Qassem Soleimani në një sulm ajror në Bagdad nga SHBA-ja dhe sulmit ajror të Iranit në bazën ushtarake amerikane në Irak.
Por, tensionet kanë filluar të ngriten nga viti 2018, kur Trump u tërhoq nga pakti bërthamor i fuqive botërore dhe rivendosi sanksionet ndaj eksporteve të Iranit./abcnews.al
Igli Nikolli18:26 | 24/01/2020
Gianni De Biasi mbetet një nga personat më të dashur të popullit shqiptar. Trajneri italian i dhuroi tifozëve emocione të paharrueshme dhe ia doli të kualifikonte kombëtaren kuqezi në Euro 2016.
63-vjeçari nuk e harron aventurën fantastike me kuqezinjtë, ndërsa është pranë rikthimit në stol. Irani është gati t’i dorëzojë pankinën dhe akordi është afër. De Biasi zbulon gjithçka në një prononcim për Italiasera, aty ku flet edhe për kujtimet më të bukura të karrierës së tij.
IRANI – “Po merremi me disa detaje dhe gjërat nuk bëhen kurrë pa ardhur firma. Jam i disponueshëm në çdo moment”.
SHQIPËRIA – “Te Shqipëria kam kaluar 5.5 vite intensive dhe me një dëshirë të madhe për të treguar veten. Arritëm një objektiv të pamenduar në fillim. Kam punuar gjithmonë me shumë përkushtim te Shqipëria dhe isha i bindur që rezultatet do të vinin në fund, falë një metodologjie të përcaktuar mirë dhe duke i bërë djemtë të ëndërronin me sy hapur. Në fund ia dolëm të realizonim të pamundurën”.
KLUB APO KOMBËTARE? – “Nuk bëj dallime, unë jap gjithçka nga vetja në gjithçka që bëj. Ajo që ka rëndësi është sesa arrij të përfshihem, qoftë klub apo kombëtare. Rëndësi ka të përcaktosh objektivat në fillim dhe t’i arrish më pas. Qartësia në objektiva është parakushti i parë për të bërë një punë të mirë”.
KUJTIMET MË TË BUKURA – “Kam shumë. Kualifikimi në Europian me Shqipërinë është padyshim një ndër më të bukurit, sepse arritëm ta dërgonim kombëtaren aty ku nuk e kishte menduar as tifozi më optimist. Kujtimi tjetër i bukur është Modena. Arrita të ndërtoj një skuadër që e nisi nga Serie C dhe mbërriti në Serie A. Fituam në kryeqytet përballë Romës, që renditej në vend të dytë. Më pas vjen Torino. Kishim merkaton e bllokuar, ndërtuam një skuadër në pak ditë dhe ia dolëm ta dërgonim ekipi në vend të parë”. /abcnews.al
Autor E14:38 | 23/01/2020
Ministria e Arsimit ka mbyllur shkollën “Saadi” që ushtronte aktivitet prej disa vitesh në Tiranë.
Siç mëson abcnews.al, vendimi është marrë ditët e fundit dhe mban firmën e ministres së Arsimit, Besa Shahini.
E kontaktuar nga abcnews.al, Ministria e Arsimit shpjegon se ka patur një kërkesë nga shkolla për të mbyllur aktivitetin e saj dhe urdhri i pak ditëve më parë është finalizimi i një procesi që ka nisur në fund të vitit akademik 2018-2019.
Në vendimin për mbylljen e shkollës, ministria i kërkon asaj që t’u kthejë nxënësve pagesat e kryera deri më tani, të gjithë dokumentacionin e nevojshëm për t’u registruar në shkolla të tjera dhe të dorëzojë regjistrat.
Gjithashtu urdhërohet edhe ngritja e një komisioni prej tre vetash që do të ndjekin procedurat e mbylljes së shkollës. /abcnews.al
VENDIMI I SIGURUAR NGA ABCNEWS.AL
ger ta15:31 | 21/01/2020
Deputeti iranian Ahmad Hamzeh, ka premtuar një shumë prej 3 milion dollarësh për këdo që arrin të vrasë presidentin Donald Trump.
Hamzeh është deputet për qytetin Kahnuj në provincën Kerman. Kerman ishte qyteti i lindjes së Qassem Soleimani, gjenerali i “Quds Force” i cili u vra nga një avion amerikan në 3 janar në Irak.
“Unë deklaroj në emër të popullit të Kerman se të gjithë Kermanis janë ushtarë të Haj Qassem (Soleimani) dhe të gjithë nuk kemi frikë të dëshmohemi. Ne i japim 3 milion dollarë kujtdo që vret Trump ”tha Hamzeh, në fjalimin e tij të martën në parlament sipas Icana, agjensia e lajmeve parlamentare e Iranit.
Ai kërcënoi Shtetet e Bashkuara, bazat e saj ushtarake dhe ambasadat në rajon: “Do ta shijoni këtë realitet që Dëshmori Qassem Soleimani është më i rrezikshëm se Haj Qassim Soleimani”. Implikimi i tij është që udhëheqësi ushtarak është më i fuqishëm në vdekje sesa ai para se të vritej./abcnews.al
ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.
NUIS/NIPT K01711004FKontaktTelefono
