Loading ...
Nëse Amerika nuk korrigjon sjelljen e saj, Ngushtica e Hormuzit nuk do të rihapet.
Këshilli i Lartë i Sigurisë Kombëtare nuk do të tërhiqet kurrë, as në luftë dhe as në negociata, deklaroi sekretari i Këshillit të Lartë të Sigurisë Kombëtare të Iranit, Mohammad Baqer Zolqadr.
“Korrigjimi i sjelljes do të thotë se Irani nuk duhet të kërcënohet kurrë, me asnjë lloj gjuhe dhe nuk duhet të fyhet ajo që është e shenjtë për këtë komb.
Duhet t’i jepet fund përgjithmonë luftës dhe agresionit kundër Iranit dhe aleatëve të tij në Liban, Palestinë, Jemen dhe Irak.
Duhet të hiqet bllokada strategjike detare dhe të tërhiqen forcat ushtarake amerikane, detare dhe ajrore, nga zonat përreth Iranit.
Po ashtu duhet të kompensohen dhe të zbuten dëmet e shkaktuara nga dy luftërat agresive dhe të imponuara ndaj Iranit.
Duhet të hiqen sanksionet mizore dhe të paligjshme kundër popullit iranian.
Duhet të zhbllokohen pa kushte pasuritë e ngrira dhe të vjedhura të popullit iranian,” thekson deklarata.
Ndërkohë, presidenti iranian Masoud Pezeshkian i ka bërë thirrje vendit që të kapërcejë fazën e “as luftë, as paqe”.
“Në vend ka kohezion, forcë dhe unitet dhe me sa di unë, Irani konsiderohet fitimtar dhe i fuqishëm në këtë luftë.
Ky është momenti më i mirë për të arritur një marrëveshje.”
