Kryedemokrati i Durrësit, Ferdinand Xhaferaj ka reaguar përmes një videoje në lidhje me investimet e bashkisë së qytetit, e cila sipas tij i ka lënë qytetarët në mëshirë të fatit. Xhaferaj ka publikuar në rrjetin social Facebook një video nga Shkozeti ku thekson se lagjja është tërësisht e shkatërruar.
“Kur shikoni video 3D të pseudo investimeve, mos harroni se realiteti është shumë larg. Tetë vite pa asnjë investim cilësor në infrastrukturë, kanë sjellë në këtë degradim që duket qartë në video. Qytetarët janë të rraskapitur nga pritja, të nevrikosur me keqmenaxhimin dhe të acaruar nga papërgjegjshmëria. Në 2021, kjo nuk mund të jetë pamja jashtë dritares së asnjë fëmije në mes të Europës”, shkruan Xhaferaj në Facebook.
Xhaferaj është nr.5 në listën e Durrësit, ndërsa ka nisur vrullshëm fushatën me takime të përditshme me qytetarët ku thekson se në atë qark është vulosur tashmë përmbysja e Ramës. /abcnews.al
