Zonja e Parë e Shteteve të Bashkuara të Amerikës, Jill Biden është infektuar sërish me koronavirus dhe për momentin ka shfaqur simptoma të lehta.
Lajmi u dha nga zëdhënësja e saj, e cila shton se Jill është duke qëndruar nën monitorim të rreptë në banesën e saj në Rehoboth Beach të Delaware.
Edhe presidenti Joe Biden iu nënshtrua një testi anti-Covid pas këtij lajmi, por rezultoi negativ, teksa Shtëpia e Bardhë informon se ai do të testohet herë pas here gjatë kësaj jave.
Lideri amerikan ka një agjendë të ngjeshur këtë javë, ku më 9-10 shtator pritet të marrë pjesë në samitin e G20 që do të mbahet në Indi.
/abcnews.al
