Kryetarja e Bashkisë së Durrësit, Emiriana Sako po dëshmon në Komisionin Hetimor për aferën e Incineratorëve.
Sako është pyetur nga kryetarja e Komisionit, Jorida Tabaku, lidhur me procedurat e mbylljes së landfillit të Porto Romanos por edhe për vendimin për të depozituar mbetjet nga Durrësi në Landfillin e Sharrës.
Duke iu përgjigjur këtyre pyetjeve Sako është shprehur se Bashkia e Durrësit nuk ka marrë vendim për mbylljen e landfillit, por situata sipas saj në Durrës u bë kritike. Duke u gjendur në një situatë të rëndë me mbetjet si dhe nga pandemia dhe post tërmeti, Sako u shprehe se kërkoi ndihmë për të depozituar mbetjet në Tiranë.
Tabaku nga ana tjetër është shprehur se këto procedura janë kryer pa dokumentim.
Pjesë nga debati:
Këlliçi: Doja të respektohet procedura dhe tu përgjigjen pyetjeve që u drejtohen. Pastaj qëndrimet e tyre mund t’i japin këtu ose ku të duan. procedura nënkupton pyetje dhe përgjigje.
Felaj: Bie dakord me Këlliçin. Që do të thotë që anëtarët e komisionit duhet të pyeten nëse kanë pyetje. Pra me harmonizim dhe të evitoheshin komentet.
Sako: Në 2020 kur mora detyrën qyteti gjendej në situatë të vështirë nga tërmeti dhe post pandemie.
Tabaku: Deri në momentin kur AKUM ka shpallur mbylljen e landifilldi në Porto Romano, bashkia e Durrësit nuk mori asnjë masë dhe ju u detyruat të merrni masa.
Sako: Bashkia Durrës nuk kishte mjaftueshëm financa për të mbyllur landfillin. Bashkitë nuk marrin masa për mbyllje landfilli.
Tabaku: Pati protesta të banorëve dhe i çuat mbetje në Sharrë dhe inceneratorit.
Sako: Patëm në qershor një kaos në qytet në 2020. Se landfilli në Porto Romano u mbyll. Ka një master plan që e demaskon Shqipërinë në 10 zona. Ne u drejtohemi ministrive përkatës për procedurat, i kemi dorëzuar si materiale.
Tabaku: Si keni pasur kontakte me kompaninë? Se ka qenë vetëm një ditë shkresë zyrtare.
Sako: Patëm kontakte zyrtare. Nuk patëm një marrëveshje më parë. E kemi depozituar në Sharrë pas 6 muajsh nga tërmeti. Pa kosto pa marrëveshje i kemi depozituar për shkak të situatës. Nuk ka marrëveshje kryetari i bashkisë, përveçse pas marrëveshjes që u bë më pas.
Tabaku: Keni bërë pa negocim për shkak të emergjencës, sipas informacionit dhe dokumenti në Prokurimet Publike. Procedurë që quhet negocim duke u justifikuar me emergjencën.
Sako: Nuk ka pasur emergjencë. Nuk është e vërtetë.
Tabaku: Pse pritët një vit e gjysmë për të marrë këtë procedurë.
Sako: Duheshin hapat e dokumenteve.
Tabaku: Po si fillove me kompaninë pa dokumente?
Sako: I keni procedurat, se nuk jam teknike e vlerësimit të tenderave.
Tabaku: Për një vit e gjysmë shteti ka punuar me presion. Rama tha se na u desh të rrisim presionin për bashkinë e Durrësit. Dhe me urdhër të Alqi Bllakos u mbyll landfilli dhe u detyruat të nisin në Landfillin e Sharrës. AKUM ka hapur procedurë për parkun në Porto Romano. Është e njohur kompania ndërtuese. Është paguar nga kompania e inceneratorit të Tiranës.
Sako: Nuk më përkasin fare. Është procedurë për ta verifikuar autoritetet.
Tabaku: Me cilin akt keni çuar në Sharrë mbetjet.
Sako: Kam kërkuar me një shkresë, se ishte situata e rëndë. Si mendoni ju, t’i mbaja plehrat në rrugët e Durrësit. Nuk kisha presion. /abcnews.al/
