Aktorja e njohur kosovare Ilire Vinça, në një interviste për ABC News rrëfen emocionet e jetuara në realizimin e personazhit të Telmës në shfaqjen “Natën ma”, me regji të Ema Andreas. Aktorja flet edhe për realizimin e shfaqjes në Amerikë me trupën e teatrit “Oda “ si dhe për 2 filma që ka në proces.
Ilire Vinça rivjen me rolin e Telmës gruas 50-vjeçare, e cila nuk kishte qenë e kënaqur me jetën e saj, në një martesë ku dashurinë nuk e kishte zënë kurrë në gojë. Për burrin e saj, as pas vdekjes së tij nuk ndjen dhimbje.
Por filli kryesor i shfaqjes “Natën ma” me regji të Ema Andreas është marrëdhënia nënë–bijë. Vinça na thotë se për skalitjen e këtij roli ka shfrytëzuar sa imagjinatën edhe realitetin, pasi ajo është nënë e tre vajzave.
Aktorja thotë se spektatori nga kjo shfaqje duhet të dalë me një reflektim që është mbi sinqeritetin. Ilire Vinça ka luajtur sëbashku edhe në filmin e shkurtër “Gardhi” fitues çmimesh ndërkombëtare. Emocionet në këtë film i kishte të dyfishta pasi interpretonte krah së bijës.
Ndërkohë që pas Tiranës ajo do të interpretojë në Amerikë sëbashku me trupën e Teatrit “Oda”, një shfaqje e cila është e ndërtuar mbi mikëpritjen e izraelitëve në Shqipëri.
Kinemaja është një pikë e fortë e karrierës së saj si aktore, ku ajo na thotë se është pjesë në dy filma. Drama e skenaristes amerikane Marsha Norman “Natën ma” me regji te Ema Andreas do të jetë nga enjtja deri me 6 Maj në skenën e Teatrit të Metropolit./abcnews.al
