Presidentja e Kosovës, Vjosa Osmani i ka ndarë i ka ndarë titullin ‘‘Hero i Kosovës’’, Shaban Jasharit, kryefamiljarit të familjes të komandantit legjendar Adem Jashari.
Në emër të familjes dekoratën e pranoi, Bekim Jashari.
Osmani, në një ceremoni të veçantë për nder të shtatëmbëdhjetë vjetorit të Pavarësisë së Kosovës, thekoi se familja Jashari është themeli i lirisë së Kosovës.
“Nga plumbi i parë e deri tek qëndresa heroike e marsit 1998, Jasharët nuk u thyen asnjëherë, nuk u zmbrapsën asnjëherë, ata në fakt përqafuan pavdekësinë”.
Në këtë ceremoni morri pjesë edhe presidenti i Shqipërisë, Bajram Begaj, i cili ka thënë se Kosova e pavarur është një realitet që s’kthehet asnjë herë më prapa.
Presidentja Vjosa Osmani, ndau dekorata presidenciale, për personalitete të shquara vendore dhe ndërkombëtare që kanë kontribuar për lirinë dhe pavarësinë e Kosovës./abcnews.al
