Hapja e negociatave, Vlahutin i rikujton Tiranës kushtet

Jo vetëm vettingu në drejtësi por edhe lufta ndaj kanabisit dhe korrupsionit, janë pjesë e kushteve që duhet të plotësojë Shqipëria për hapjen e negociatave. Tiranës zyrtare ia rifreskoi kujtesën ambasadorja e BE-së, Romana Vlahutin.
Në kuadër të këshillimeve publike për progres-raportin e vitit 2018, përfaqësuesja e Bashkimit Europian në Shqipëri, Romana Vlahutin, i rikujtoi edhe njëherë Tiranës se lufta ndaj korrupsionit dhe kanabisit, janë gjithashtu pjesë e detyrave të lëna nga Brukseli, si kusht për hapjen e negociatave.
Vlahutin theksoi se është shumë i rëndësishëm zëri i shoqërisë civile, duke kërkuar një angazhim sistematik të saj në procesin e integrimit./abcnews.al