kushtet
ger ta13:21 | 24/11/2019
Tezgat ku blihen produkte në një nga tregjet më të vjetra të Shkodrës janë ngritur mbi një rrugë të amortizuar dhe me mungesë higjene të dukshme. Edhe vetë tregëtarët ndihen në vështirësi për këtë fakt pasi veç frutave dhe perimeve ata tregëtojnë dhe qumësht apo nënprodukte të tij kur dihet se ato duhet të mbahet në frigorifer.
“Jo, kushtet shumë të këqija”, thonë tregtarët.
Kurse konsumatorët edhe pse e dinë rrezikun që sjell në shëndet mungesa e higjensë janë dorëzuar.
“Siguria ushqimore për mu, e kam lënë pas krahëve, derisa shteti nuk merret me këtë punë, jam i detyruar ta blejë”
Ky treg hera herë është investuar. Ato kanë qënë të pjesëshme dhe sot ai është bërë I rrezikshëm për sigurinë ushqimore dhe shëndetin e qytetarëve./abcnews.al
nev ila22:01 | 02/10/2019
Kreu i grupit parlamentar të Partisë Socialiste, Taulant Balla, ka qenë ditën e sotme i ftuar në Mbrëmje Ide, me gazetaren Mirela Milori.
Balla tha se nuk shqetësohet për pozicionin e Danimarkës në lidhje me hapjen e negociatave me Shqipërinë, pasi në tërësi ajo gjithmonë ka qenë refraktare në lidhje me zgjerimin e BE.
Sipas bindjes së Ballës, do të fitojë pro evropianizimi dhe pro zgjerimi i BE-së.
Balla gjithashtu u shpreh edhe për kushtet e vendosura nga Bundestagu, siç është ajo e ngritjes së gjykatës së lartë, asaj kushtetuese dhe hartimi i reformës zgjedhore, që sipas Ballës, ato do të jenë funksionale brenda dhjetorit të këtij viti.
Pjesë nga biseda në studio:
Mirela Milori: Një opinion të parë në lidhje me zhvillimin e një mbledhje të rëndësishme që zhvillohet në Bruksel në lidhje me çeljen e negociatave, informacioni më i fundit që na vjen është se Franca vazhdon të jetë anonime në qëndrime, Holanda ka përsëritur se nuk ndryshon qëndrim ndërkohë që vendeve skeptike i është shtuar edhe Danimarka, si duket panorama e çështjes së integrimit?
Taulant Balla: Për Shqipërinë dhe shqiptarët fakti që Gjermania ka shprehur qartë mbështetjen, është certifikim i asaj që ka rekomanduar Komisioni Evropian. Për mua nuk është e re që pozicioni i Danimarkës në tërësi gjithmonë ka qenë prej vitesh paksa refraktar për zgjerimin. Edhe për Serbinë dhe Malin e zi nuk duhet të vijohet më tej me kapitujt është shprehur Danimarka. por unë jam i bindur që ndërmjet vendeve që kanë frikë nga zgjerimi dhe vendeve që janë pro zgjerimit do të fitojë mbajtja ndezur e pro europianizmit sepse vetë historia e BE ka treguar se BE e ka bërë të fortë procesi i zgjerimit.
Mirela Milori: Propozimi i ditës së sotme nga opozita janë 5 pikat e propozuara në tryezën e thirrur nga OSBE/ODIHR si kushti për tu ulur në dialog përndryshe i thonë kryeministrit Rama largohu. cili është qëndrimi juaj për këto 5 pika?
Taulant Balla: Më duhet të përsëris pozicionin shumë të qartë që Partia demokratike apo aleatët e saj duhet të ketë kuptuar që minimalisht Partisë Socialiste dhe parlamentit nuk mund ti vendosë dot kushte sepse nuk është në kushtet për të vendosur kushte. Bundestagu e ka thënë shumë qartë që reforma zgjedhore të bëhet sa më gjithëpërfshirëse të jetë e mundur, kushdo që ka dëshirë të japë kontributin është i mirëpritur por në fund reforma zgjedhore në fund do të votohet në Kuvendin e Shqipërisë.
Mirela Milori: A do të uleshit në një tryezë sipas kushtit të PD?
Taulant Balla: Komisioni i posaçëm i ka mundësuar PD të përfaqësohet aty, shumica parlamentare është e përfaqësuar ndërkohë shumica parlamentare ka shfaqur dëshirën e plotë për të qenë bashkëpunuese. Por Lulzim Basha vendos kushte për diçka që është detyruese për të gjithë. Në 2021 Shqipëria do të shkojë në zgjedhje me një kod të ri zgjedhor.
Mirela Milori: ka një kërkesë nga ndërkombëtarët për ti rifutur në sistem opozitën jashtë parlamentit?
Taulant Balla: Propozimi për të përfshirë opozitën jashtë parlamentit, përmes përfaqësimit të saj nga Partia Demokratike, është sjellë nga ne, në ndryshimin që i bëmë formatimit të komisionit të posaçëm të reformës zgjedhore.
Mirela Milori: A ka presion nga ndërkombëtaret??
Taulant Balla: Partnerët e Shqipërisë nuk kanë bërë presione për të “dhunuar” institucionet e zgjedhura në mënyrë demokratike, pra nuk ka.
Mirela Milori: Janë 2 kërkesa të vendosura nga Bundestagu për ngritjen e 2 gjykatave dhe hartimin e reformës zgjedhore, a janë të realizueshme?
Taulant Balla: Patjetër. Padyshim që të dy kërkesat janë më se të realizueshme, besoj deri në ditën e pavarësisë për Gjykatën kushtetuese, ndërsa për gjykatën e lartë do e kemi deri për krishtlindje. /abcnews.al
nev ila20:53 | 01/10/2019
Mbrëmjen e sotme në studion e ABC News në Mbrëmje Ide me gazetaren Mirela Milori ka qenë e ftuar deputetja e partisë socialiste Ermonela Felaj. Deputetja Felaj dha një opinion në lidhje me procesin e shkarkimit të presidentit Meta dhe hapjen e negociatave të Shqipërisë me Bashkimin Europian.
Sipas Felajt po punohet për kompletimin e Gjykatës Kushtetuese dhe Gjykatës së Lartë brenda vitit.
E pyetur në lidhje me veprimin e presidentit Meta për c’dekretimin zgjedhjeve të datës 30 qershor ku Meta tha se kishte informacione për djegien e kuvendit gjatë protestave të opozitës, Felaj tha se ky ishte një justifikim i presidentit i nxjerrë në momentet e fundit.
Mirela Milori: A besoni se 9 kushtet janë të plotësueshme nga ju pa opozitën?
Ermonela Felaj: Më lejoni së pari që partitë kryesore gjermane CDU/CSU vendosën ti thonë po hapjes së negociatave. Jam shpresëplotë që në datën 18 tetor ne do të kemi po këtë përgjigje pozitive e cila për Shqipërinë shënon një hap të mëtejshëm në procesin e anëtarësimit në BE. E gjithë kjo i detyrohet ecurisë që ne kemi patur në reformën në drejtësi dhe posaçërisht me procesin e vettingut. të ashtuquajturat kushtet që rreken të zbehin po-në e qartë të shtetit gjerman janë përpjekje të dobëta sepse bërja e gjykatës kushtetuese apo gjykatës së lartë janë detyrime që rrjedhin na vetë procesi i reformës në drejtësi.
Mirela Milori: Gjermanët kërkojnë funksionimin e gjykatës kushtetuese dhe gjykatës së lartë dhe pajisjen e tyre me numrin e duhur të gjyqtarëve dhe prokurorëve dhe miratimin e ligjit të ri zgjedhor dhe garantimin e një financimi transparent të partive dhe fushatave elektorale brenda pranverës së ardhshme, a janë të realizueshme këto 2 kushte?
Ermonela Felaj: të gjitha këto që ju përmendët nuk janë gjëra për të cilat nuk jemi duke punuar, pavarësisht se opozita në rrugë na ka bërë të humbim disa afate, ne jemi duke punuar qartësisht për secilin nga këto kushte, për përmbushjen e tyre. Ne duhet të besojmë që kjo do të ndodhë më shpejt se sa përpara pranverës. për sa i takon ligjit të ri zgjedhor ka qenë një përpjekje e mirë fakti që me ndërmjetësimin e OSBE u arrit më në fund që edhe opozita erdhi dhe u ul në atë tryezë pavarësisht sjelljes që rezervoi deri në fund të asaj mbledhje.
Mirela Milori: ndërkohë janë 7 kushte të tjera dhe do doja të ndalesha te kushti i 7-të ku thotë që vendimi i gjykatës kushtetuese për ligjshmërinë e zgjedhjeve lokale të 30 qershorit, në rast se zgjedhjet duhet të përsëriten atëherë ato duhet të mbahen mbi bazën e ligjit të ri zgjedhor, mendoni se teston më në fund ligjshmërinë një kusht i tillë?
Ermonela Felaj: Kjo nuk më shqetëson fare se ndërkohë mund ta kishim gjykatën kushtetuese dhe zgjedhjet e 30 qershorit mund të ishin marrë në shqyrtim nga ajo, kushdo qoftë ajo gjykatë është e detyruar për shkak të ligjit vetë organik dhe vetë kushtetutës që të njohë vendimet të cilat ka dhënë më parë. gjykata kushtetuese është shprehur për një gjë të ngjashme, pra për dekretin e presidentit në rastin e zgjedhjeve të 2017 e ka konsideruar si një akt administrativ individual, ishte pikërisht ky vendim që u përdor edhe si bazë i justifikimit ligjor të vendimit që dha më pas kolegji Zgjedhor.
Mirela Milori: Çështja e Komisionit të Venecias, doja tju pyesja në lidhje me deklaratën e Z. Meta që ka patur të dhëna që në datën 7-8 do të digjej kuvendi, shmanga një “Rajshtag” tjetër, a keni patur ju të dhëna që vërtet kërcënohej Kuvendi i Shqipërisë për tu djegur?
Ermonela Felaj: Arsyeja e nxjerrë nga presidenti si një justifikim për veprimin e tij në rastin e c’dekretimit të zgjedhjeve të datës 30 qershor më është dukur një justifikim i gjetur prej tij në momentin e fundit pasi kjo nuk ishte shqiptuar më parë. Ai e ndjen tashmë që e ka shkelur kushtetutën, pastaj se sa e rëndë është kjo shkelje, këtë vlerësim pritet ta bëj komisioni hetimor, por në përfundim do të shprehet gjykata kushtetuese./abcnews.al
nev ila17:15 | 30/09/2019
Ish ministri i jashtëm, Ditmir Bushati kërkon që qeveria dhe opozita të arrijnë një pakt kombëtar për Evropën. Gjatë një interviste për Deutche Welle, ish ministri thotë se kushtet e Bundestagut duhet të kthehen në program pune, ndërsa politika duhet të dalë nga vetëmashtrimi.
Ish-ministri i jashtëm Ditmir Bushati nuk është i habitur nga kushtet e Gjermanisë për të hapur bisedimet për anëtarësim mes Shqipërisë dhe Bashkimit Evropian.
Peshën ja lë qeverisë, por përgjegjësinë e ndan me të gjithë klasën politike në vend.
Ish ministri i Edi Ramës ka një apel për politikën shqiptare:
Bushati thotë se ndër të tjera, jeta politike në Shqipëri duhet të ndryshojë, duke pranuar garën e brendshme si një mjet përparimi.
Gjatë bisedës me Dojce Vele, Bushati heq të gjitha dyshimet, duke thënë se do të vazhdojë të japë kontributin e tij brenda Partisë Socialiste./ABC News Albania 24/7
ent ela16:32 | 27/09/2019
Kryetari i grupit parlamentar të Partisë Socialiste, Taulant Balla kërkesat e vendosura nga Bundestagu gjerman për çeljen e negociatave të Shqipërisë me BE i konsideron detyra shtëpie. Sipas Ballës, vendimi për Shqipërinë është një arritje e madhe dhe për të duhet të gëzojnë të gjithë. Balla u shpreh i gatshëm gjithashtu të bashkëpunojë me opozitën për reformën zgjedhore, por kujtoi se zgjedhjet e radhës do të jenë në vitin 2021.
Kërkesat e bundestagut gjerman përpara se të jap dritën jeshile për çeljen e negociatave për Shqipërinë për socialistët nuk janë kushte por vetëm detyra shtëpie. Kreu i grupit parlamentar socialsit, Taulant Balla u shpreh i bindur se këto detyra shtëpie do të zbatohen dhe për këtë tregoi rrugën e plotësimit të institucioneve të drejtësisë.
Rrugën për plotësimin e detyra të shtëpisë për negociatat e sheh të pandarë nga opozita. Ndaj edhe tregohet i hapur për bashkëpunim kur vjen fjala për një nga kërkesat kryesore të ndërkombëtarëve, reformën zgjedhore.
Por për socialistët pavarësisht bashkëpunimit, zgjedhjet e reja do të jenë ato të vitit 2021.
OSBE mundi të ulë pak ditë më parë në të njëjtën tryezë maxhorancën dhe opozitën për reformën zgjedhore. Demokratët kanë propozuar një formulë të re për drejtimin e komisionit ku peshën e drejtimit e marrin ndërkombëtarët./ABC News Albania 24/7
nev ila11:21 | 31/08/2019
Gjatë qëndrimit në Helsinki, për takimin joformal të Ministrave të Jashtëm të Bashkimit Evropian dhe Ballkanit Perëndimor, formati Gymnich, Ministri për Evropën dhe Punët e Jashtme, Gent Cakaj, zhvilloi takime me homologët e tij, Ministrat e Jashtëm të Danimarkës, Rumanisë, Kroacisë, Çekisë, Sllovenisë dhe me Sekretaren e Shtetit për Çështjet Evropiane të Portugalisë.
Fokusi i diskutimit në këto takime ishte perspektiva e zgjerimit të BE-së në Ballkanin Perëndimor, si dhe ambicia e Shqipërisë për marrjen e një përgjigje pozitive për çeljen e negociatave me BE në tetor.
Ministri Cakaj rikonfirmoi gjatë këtyre takimeve se Shqipëria ka përmbushur të gjitha kushtet teknike për fillimin e negociatave, çka mbështetet plotësisht edhe nga progres raporti i Komisionit Evropian, dhe vijon thellimin e reformave, duke shprehur bindjen se çelja e negociatave me BE-në është më se e merituar.
Ministri slloven Miroslav Cerar vlerësoi kriteret e plotësuara nga Shqipëria, për të merituar çeljen e negociatave me BE. Ministri Cerar siguroi Ministrin Cakaj për mbështetjen e Sllovenisë për të mundësuar një vendim pozitiv në mbledhjen e ardhshme të Këshillit në tetor.
Gjatë takimit me Ministrin e ri kroat Gordan Grlic-Radman, ky i fundit rikonfirmoi mbështetjen e fuqishme dhe aktive të Kroacisë për çeljen e negociatave të Shqipërisë me BE-në, duke ritheksuar qëndrimin e palëkundur për integrimin e plotë të Ballkanit Perëndimor në Bashkimin Evropian si një nga prioritetet e pritshme kryesore të presidencës së ardhshme kroate të BE-së.
Ministri danez Jeppe Kofod vlerësoi progresin e bërë deri tani në drejtim të plotësimit të prioriteteve kyçe, si dhe inkurajoi Ministrin Cakaj për vazhdimin e reformave në vend. Ai siguroi për një vlerësim të drejtë mbi bazën e arritjeve për çeljen e negociatave për anëtarësim.
Ministrja rumune Ramona Manescu siguroi për vijimin e mbështetjes së Rumanisë, të shprehur edhe gjatë presidencës së tyre për avancimin e vendit tonë në procesin e integrimit evropian nëpërmjet hapjes sa më parë të bisedimeve të anëtarësimit.
Ministri çek Tomáš Petříček konfirmoi se vendi i tij do të vijojë të jetë i zëshëm dhe aktiv në mbështetje të perspektivës evropiane të Ballkanit Perëndimor dhe do të mbrojë bindshëm objektivin e Shqipërisë për hapjen e bisedimeve të anëtarësimit në tetor.
Shqipëria ka bërë progresin e nevojshëm për plotësimin e kritereve për këtë faze të procesit dhe tashmë i takon Bashkimit Evropian të mbajë premtimin e tij.
Sekretarja e shtetit për Çështjet Evropiane të Portugalisë, Ana Paula Zacarias, u interesua për zhvillimet më të fundit në vendin tonë, veçanërisht për ecurinë e reformës në drejtësi. Ajo vlerësoi rezultatet konkrete të arritura që do të shërbejnë si një bazë e qëndrueshme për diskutimet dhe vendimmarrjen në Këshillin e tetorit ku vendi i saj do të kontribuojë në mënyrë konstruktive.
Ministri Cakaj mori mbështetje edhe nga përfaqësues të vendeve të tjera të Bashkimit Evropian gjatë bisedave me ta në margjinat e takimit të Gymnich.
Kryefjala e këtyre bisedave ishte se i takon Bashkimit Evropian tashmë t’i përgjigjet pozitivisht Shqipërisë për reformat e ndërmarra, duke i kurorëzuar këto përpjekje të vendit tonë me një vendim të merituar dhe pozitiv nga Këshilli në tetor./abcnews.al
ad min16:10 | 08/07/2019
Shqipëria ka përqindjen më të lartë në rajon të familjeve që nuk mund të sigurojnë kushtet bazë për të jetuar. Kjo sipas Barometrit të Ballkanit për vitin 2019, i cili thekson se më shumë se 1/3 e shqiptarëve e kanë të pamundur plotësojnë nevojat për ushqim e veshmbathje.
Disa kthehen në shtëpi duarbosh. Të tjerë i bëjnë llogaritë mirë para se të shpenzojnë.
Buxheti nuk iu del për t’i blerë të gjitha. Kjo zonjë na tregon se për të përmbushur nevojat bazë duhet te shpenzoje rreth 1 mijë lekë të reja në ditë.
31 % e familjeve shqiptare sipas Barometrit të Ballkanit për vitin 2019 e kanë të pamundur të përmbushin nevojat për ushqim, veshje apo shërbime të tjera bazë.
Kjo është përqindja më e lartë në rajon.
Familjet shqiptare që nuk mund të plotësojnë nevojat minimale për të jetuar janë gati dyfish i atyre serbe të cilat renditen të dytat me 17%.
Më mirë paraqitet Kosova dhe Mali I Zi ku 14% e familjeve të pyetura kanë pohuar se kanë hasur vështirësi për të blerë ushqime dhe veshje në 12 muajt e fundit.
Nivelin më të ulët të familjeve në varfëri e ka Maqedonia e Veriut me 13% dhe Bosnje Hercegovina me 8%./ABC News Albania 24/7
ent ela12:05 | 29/06/2019
Të paktën 1 restorant është mbyllur nga Autoriteti Kombëtar Ushqimor në plazhin e Golemit në Kavajë për shkak të mungesës së higjenës dhe të përdorimit të produkteve të skaduara. Ndërsa një tjetër restorant është gjobitur për mosimplementimin e planit të vekontrollit.
Gjobë ka marrë dhe një market në Tiranë, pasi gjatë kontrollit u konstatua se ky aktivitet ushtronte veprimtarinë pa u pajisur me licensën përkatëse, Tregtim produktesh ushqimore”.
Lidhur me këto shkelje, Autoriteti Kombëtar Ushqimor ka marrë masa për secilin subjekt.
Njoftimi i AKU
Autoriteti Kombëtar i Ushqimit, në vijim të kontrolleve rigoroze në të gjitha subjektet që janë më të frekuentuara gjatë gjithë sezonit sezonit turistik, me qëllim garantimin e sigurisë ushqimore, parandalimin e çdo praktike mashtruese dhe abuzive në dëm të konsumatorëve, ka kryer kontrolle zyrtare në tre subjekte, në Golem dhe Tiranë, nga të cilat ka rezultuar se:
Nga kontrolli i ushtruar në subjektin “Market” me aktivitet “Tregtim produktesh ushqimore” Tiranë, u konstatua se subjekti ushtronte veprimtarinë pa u pajisur me licensën përkatëse “Shitje me shumicë e produkteve me origjinë shtazore për njerëz” (kategoria II.1.B).
Për shkeljen e konstatuar, AKU mori masën e mëposhtme:
“Gjobë” me vlerën totale 2,000,000 lekë për ushtrim të aktivitetit duke mos disponuar liçensën përkatëse.
Nga kontrolli i ushtruar në subjektin “A.H.” me aktivitet “Restorant” Golem, u konstatua se subjekti ushton aktivitetin në kushte të papërshtatme higjeno-sanitare (në kuzhinë kishte prezencë të sendeve të tepërta dhe pajisje të amortizuara me prani të ndryshkut, muret kishin prezencë lagështire dhe kishte prani të insekteve). Në momentin e kontrollit në subjekt u konstuan produkte me afat të kaluar përdorimi (niseshte, bukë e bluar për gatim). Gjithashtu, subjekti nuk implementonte sistemin e vetëkontrolli (HACCP).
Për shkeljet e konstatuara, AKU mori masat e mëposhtme:
“Gjobë” me vlerën totale 500,000 lekë për mungesë të kushteve higjeno-sanitare,
“Gjobë” me vlerën totale 300,000 lekë për hedhjen në treg të produkteve me afat të kaluar përdorimi,
“Gjobë” me vlerën totale 100,000 lekë për mosimplementimin e planit të vekontrollit (HACCP),
“Bllokimi i aktivitetit” dhe “Bllokimi i produkteve” të pasigurta për konsum, me qëllim asgjësimin e tyre.
Nga kontrolli i ushtruar në subjektin “I.H.G.” me aktivitet “Restorant (produkte mixe)” Tiranë, u konstatua se subjekti nuk implementonte sistemin e vetëkontrollit (HACCP).
Për shkeljen e konstatuar AKU mori masën e mëposhtme:
“Gjobë” me vlerën totale 100,000 lekë për mungesë të implementimit të planit të vetëkontrollit (HACCP).
Autoriteti Kombëtar i Ushqimit do të vijojë kontrollet rigoroze për të garantuar zbatimin e ligjit në të gjithë zinxhirin ushqimor dhe ofrimin e produkteve ushqimore të sigurta për të gjithë konsumatorët, me qëllim garantimin e një sezoni turistik veror të shëndetshëm. /ABC News Albania 24/7
ad min18:30 | 06/06/2019
Banorëve të fshatit Floq të Korçës, u ndryshoi tërësisht jeta pasi humbën shtëpitë e tyre nga lëkundjet sizmike. ABC News është rikthyer në zonën që u godit nga fatkeqësia natyrore ku gjithçka është rrënuar. Le të ndjekim materialin e përgatitur nga korrespondentja jonë në Korçë Daniela Zisi.
Toka në Floq, epiqendra e valës së tërmeteve në Juglindje, nuk po gjen qetësi. Edhe pas gjashtë ditësh, lëkundjet sizmike vazhdojnë. Banoret janë në ankth. Me dridhjet nën këmbë presin goditjen e radhës.
Dy lagjet e sipërme të fshatit, aty ku u ndjenë më fort lëkundjet, kanë mbetur si ditën e parë të fatkeqësisë natyrore. Shtëpi të rrafshuara përtokë, mure të çarë dhe pirgje masive gurësh, brenda dhe jashtë tyre.
Banorët të zhvendosur në çadra dhe ambientet e shkollës, orët e ditës i kalojnë mes gërmadhave. Jeta e tyre ndryshoi kaq befasisht dhe tani gjithçka u zhbë mes rrënojave. Po mundohen t’i kthehen përditshmërisë por pa një çati mbi kokë bëhet gjithmonë dhe më e vështirë.
Bajram Bekolli e kishte ndërtuar shtëpinë pak vite më pare. Por edhe pse e re tërmeti nuk e kurseu. Përjetimet e mëngjesit të 1 Qershorit, i ka ende të forta. Lëkundjet e gjetën në gjumë dhe kur u zgjua nuk donte ta braktiste shtëpinë. Banesa dykatëshe ishte gjithçka donte tu linte trashëgim fëmijëve.
Nuk kanë asnjë plan, se si dhe ku do t’i kalojnë muajt, derisa shtëpitë e tyre të rindërtohen. Të prekurit nga tërmeti ankohen për mungesa në ushqime dhe veshje për fëmijët. Jetesën në çadra nuk e shohin si zgjidhje afatgjatë. Shumica e banorëve merreshin me bujqësi dhe blegtori. Sot askush nuk ka punë për të bërë.
Komisionet e verifikimit të dëmeve, po vijojnë vlerësimin dhe fatura financiare pritet të mësohet pas dy javësh. Bëhet fjalë për më shumë se 65 banesa të shkatërruara dhe 100 të tilla të dëmtuara. Ndërkohë bashkia e Korçës nuk ka mbledhur Këshillin Bashkiak për të çelur fondin e emergjencave civile./ABC News Albania 24/7
ent ela13:30 | 31/05/2019
Transporti urban në Durrës nuk ka njohur asnjë ndryshim edhe pas rritjes së çmimit të biletës. Qytetarët thonë për ABC Neës se autobusët janë të dëmtuar dhe pa kushte, të njëjtën gjendje paraqesin edhe vendstacionet e tyre.
Në Durrës, qytetin e dytë më të madh në vend, autobusët urbanë janë totalisht të dëmtuar. Pjesa më e madhe e tyre janë të amortizuar dhe pa kondicioner, duke vështirësuar udhëtimin e qytetarëve, por edhe turistëve të huaj. Tre muaj më parë Këshilli Bashkiak Durrës miratoi me 10 lekë rritjen e çmimit të biletës. Gjithçka ndodhi pas ankesës që bënë operatorët për rritjen e shpenzimeve.
“Rritja e çmimit të biletës të transportit urban nuk solli asnjë ndryshim në përmirësimin e këtij sherbimi.
Qytetarët vijojnë te presin në stacione totalisht të dëmtuara, siç është edhe ky në të cilin ndodhemi, ndërsa autobusët nuk ofrojnë kushtet e duhura për një transport dinjitoz”.
Edhe përdoruesit e përditshëm të autobusëve thonë se asgjë nuk ka ndryshuar.
“Ne hyjmë që mos të na zërë shiu këtu”.
“Ato as kanë kondicioner asgjë, si me u fut në inkubator, kur të arrijnë temperaturat e larta aty s’durohet fare”.
Durrësi ofron gjashte linja shërbimi me 39 autobusë.
Gazetare ABC News: Enkeleda Arapi
ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.
NUIS/NIPT K01711004FKontaktTelefono
07:20 | 29/03/2020
07:16 | 29/03/2020
