Ambasada shqiptare në Greqi në një postim në Facebook konfirmon lajmin e pak ditëve më parë se Athina do i dhurojë vendit tonë 20 mijë vaksina kundër COVID-19.
“Sipas deklaratës zyrtare së zëdhënëses së qeverisë greke znj. Aristotelia Peloni, Greqia fqinje do t’i dhurojë Shqipërisë 20.000 doza të vaksinës kundër Covid-19, siç bëjnë shumica e vendeve evropiane për fqinjët e tyre të afërt. Ecim përpara në bashkëpunimin mes dy vendeve dhe në projektet tona të përbashkëta. Faleminderit” mbyllet postimi i ambasadës shqiptare në Athinë.
E ndërsa nuk dihet se cfarë vaksinash do të bëjë dhuratë, vendi fqinj 20 mijë vaksina do i japë edhe Maqedonisë së Veriut në luftën kundër COVID-19. d.b/ Abcnews.al
