Kërkimet optike përmes Google Lens, të cilat u shfaqën për herë të parë në 2018, po rriten në nivel ndërkombëtar me hapa të mëdhenj.
Siç theksoi sot Emanuela Locci, menaxhere e komunikimit të korporatave dhe marrëdhënieve me publikun në Itali dhe Greqi të Google, çdo muaj regjistrohen më shumë se 12 miliardë kërkime në Google Lens.
Ndërsa, Google thotë: “Nëse mund ta shihni, mund ta kërkoni. Kjo është ideja e thjeshtë që u krijua Lens, mjeti vizual i kërkimit i disponueshëm përmes aplikacionit Google (Android dhe iOS).”
Me Lens, përdoruesit mund të kërkojnë çdo gjë që shohin përmes kamerës së tyre celulare, të bëjnë një foto ose pamje nga ekrani ose të shtypin gjatë një imazh ndërsa janë në një faqe interneti dhe do të shfaqen rezultate vizuale shtesë./abcnews.al
