google

Google-718x523-1.png
So Nila15:35 | 03/03/2020

Punonjësit në zyrën e Google në Dublin janë këshilluar që të punojnë nga shtëpia pasi një anëtar i stafit raportoi simptoma të ngjashme me gripin.

Kompania, ka të punësuar rreth 8,000 njerëz në Irlandë, por ende nuk ka konfirmuar nëse personi ka Covid-19.

Kushdo që ka qenë në kontakt të ngushtë me punonjësit, i është kërkuar që të punojë nga shtëpia dhe të monitorojnë shëndetin e tyre derisa të zbulohet nëse personi është infektuar me virus shkruan Siliconrepublic

Google gjithashtu është duke testuar veten nëse punonjësit janë në gjendje  të punojnë nga shtëpia për një periudhë të zgjatur kohore.

Një zëdhënës i kompanisë tha: “Ne do vazhdojmë të marrim masa paraprake për të mbrojtur shëndetin dhe sigurinë e forcës sonë të punës, dhe si pjesë e kësaj përpjekje ne kemi kërkuar që ekipet tona në Dublin të punojnë nga shtëpia .”

Zyra të tjera të Google në të gjithë botën kanë marrë më parë masa të ngjashme  për shkak të frikës së përhapjes së virusit.

Zyrat në Kinë, Hong Kong dhe Tajvan janë mbyllur përkohësisht.

Një shkollë e mesme në Dublin është mbyllur për të ndaluar përhapjen e koronavirusit pasi një nxënës u konfirmua si rasti i parë me Covid-19.

Vëllezërit dhe prindërit e nxënësve të tjerë në shkollë kan⌂ vazhduar  rutinën e tyre të përditshme.

Kjo është sipas Ekipit Kombëtar të Shëndetit Publik, i cili thotë se Irlanda mbetet në një fazë të kontrollit.

Grupi do të takohet përsëri nesër për  marrje të masave të tjera, ndërsa Ministri i Shëndetësisë Simon Harris do të informojë kabinetin./abcnews.al

Capture-70.jpg
So Nila15:55 | 22/02/2020

Qindra dhe mijëra grupe në WhatsApp janë të disponueshme për tu kërkuar në Google.

Një gazetar sapo ka zbuluar se ju mund të gjeni fjalë për fjalë emrin e një grupi në WhatsApp, pa pasur nevojë që dikush ta autorizojë atë, raporton Telecom.

Mënyra se si funksionon është e lidhur me veçorinë “ftoni në grup përmes linkut”, e cila është jashtëzakonisht e dobishme për grupet me shumë anëtarë, në mënyrë që të mos keni nevojë të shtoni secilin person individualisht për t’i lejuar ata të bashkohen në grup.

“Grupet tuaja WhatsApp mund të mos jenë aq të sigurta sa mendoni se janë,” tha Wildon duke shtuar se nëse kërkoni në Google, çdo njëri mund të bëhet pjesë e grupeve të ndyshme.

Kur bashkoheni në një grup nuk do të keni mundësi të shihni ndonjë mesazh të dërguar para se të bashkoheni, por numrat e telefonit të anëtarëve janë lehtësisht të disponueshëm, si dhe fotografitë e tyre./abcnews.al

 

 

 

577d2adf7e338d6cfed7f8a4acfe3024-1280x720.jpg
So Nila12:11 | 17/01/2020

Kompania simotër e gjigantit të kërkimeve në internet Google, Alphabet ka arritur për herë të parë  vlerën prej një trilion dollarësh në treg, duke u bërë kompania e katërt e teknologjisë në SHBA që arrin një nivel të tillë.

Tregu në Alphabet u mbyll me një rekord prej 1.450 dollarësh për aksion në Bursën e Nju Jorkut, më 16 janar.

Kompanitë tjera mbi këtë nivel janë Apple, që tani ka vlerën prej 1.38 trilion dollarësh, dhe Microsoft 1.26 trilion dollarë. Ndërkohë në vitin 2018 Amazon ka arritur në mbi një trilion dollarë, por që atëherë ka rënë në 930 miliardë dollarë.

Google, motori kryesor i kërkimeve në internet, ka prodhuar sistemin e njohur mobil Android./abcnews.al

Year-in-search-2019-1280x771.jpg
So Nila11:59 | 04/01/2020

Revista prestigjioze Forbes ka publikuar listës e 10 personazheve VIP më të kërkuar në motorin e kërkimit Google të vitit që sapo lamë pas.

Pjesë e listës janë emra të njohur të cilët gjatë 2019-ës kanë shkaktuar bujë të madhe mediatike për shkak të skandaleve apo ngjarjeve që kanë marrë vëmendjen e publikut online./abcnews.al

RENDITJA:

1) Antonio Brown

 

2) Jussie Smollett

 

3) James Charles

 

 

4) Kevin Hart

 

5) R. Kelly

 

6) 21 Savage

 

 

7) Lori Loughlin

 

 

8) Jordyn Woods

 

9) Bryce Harper

 

 

10) Robert Kraft

 

google-logo.jpg
So Nila08:41 | 23/12/2019

Në muajin shtator,Google,ka pranuar t’iu paguajë autoriteve franceze gati një miliard euro, për një mashtrim fiskal që ka nisur katër vjet më parë.

Autoriteti i Konkurrencës në Francë e gjobiti kompaninë Google me 150 milionë euro për, siç tha, sjellje anti-konkurruese dhe reklama të paqarta.

Rregullat për platformën e reklamave në Google nuk janë transparente dhe janë të vështira për t’u kuptuar, thanë të premten autoritetet franceze.

Gjoba vjen në kohën kur Franca dhe vendet e tjera evropiane kanë rritur kontrollet ndaj kompanive amerikane të teknologjisë, të tilla si: Google, Facebook, Apple dhe Amazon, të cilat shpesh kritikohen për pagesë relativisht të ulët të taksave.

Isabelle de Silva, udhëheqëse e Autoritetit francez të Konkurrencës, tha se dominimi i Google në reklamat online është “i jashtëzakonshëm”.

Sipas saj, kompania amerikane kontrollon 90 për qind të tregut në këtë fushë.

Google tha se do ta apelojë gjobën./abcnews.al

google.jpeg
ger ta08:03 | 16/12/2019

Në fund të vitit të gjithë mundohen të ktrhehen pas dhe të bëjnë një rezyme në ato se çfarë kanë bërë përgjatë 12 muajve.

Të njënjtën gjë bën edhe gjiganti i kërkimit, Google, i cili nxjerr përfundimet se çfarë është kërkuar më shumë në botë.

Pjesë e këtyre rezultateve është sigurisht edhe Shqipëria. Sipas të dhënave të publikuara nga Google, shqiptarët kanë kërkuar më shumë për dukurinë natyrore të tërmetit dhe historikun e tij.

Prej shtatorit dhe e intensifikuar më shumë pas tërmetit tragjik të 26 nëntorit, tema e tërmetit ka qenë ajo që është diksutuar pafund në Shqipëri, dhe duket se është edhe më e kërkuara në Google.

Më poshtë lista e publikuar nga Google për kërkimet më të shpeshta në botë :

  1. Disney Plus
  2. Cameron Boyce
  3. Nipsey Hussle
  4. Uragani Dorian
  5. Antonio Brown
  6. Luke Perry
  7. Avengers Endgame
  8. Game of Thrones
  9. iPhone 11
  10. Jussie Smollett

Njerëzit më të kërkuar:

  1. Antonio Broën
  2. Jussie Smollett
  3. James Charles
  4. Kevin Hart
  5. R. Kelly
  6. 21 Savage
  7. Lori Loughlin
  8. Jordyn Ëoods
  9. Bryce Harper
  10. Robert Kraft

Këngët më të kërkuara:

  1. “Old Toën Road”

2.”7 Rings”

  1. “Shallow”
  2. “Sunflower”
  3. “Truth Hurts”
  4. “Lose You to Love Me”
  5. “Sicko Mode”
  6. “Thank u, next”
  7. “Act Up”
  8. “Bury a Friend”

Filmat më të kërkuar:

  1. Avengers Endgame
  2. Captain Marvel
  3. Joker
  4. Toy Story 4
  5. Lion King
  6. It Chapter Tëo
  7. Frozen 2
  8. Once Upon a Time in Hollywood
  9. Midsommar
  10. Scary Stories to Tell in the Dark

 

 

kolo-1280x725.jpg
nev ila15:06 | 21/11/2019

Sipas raportit më të fundit të Amnesty International, Google dhe Facebook vënë në rrezik të drejtat e njeriut, duke mbledhur të dhëna personale të miliona përdoruesve të këtyre platformave. Por Facebook hodhi poshtë akuzat duke shtuar se modeli që përdor platforma për biznes është ai me të cilin grupe si organizatat jo qeveritare, arrijnë tek mbështetësit e tyre, mbledhin fonde dhe vazhdojnë misionet e tyre.

Një hetim i Amnesty International, “Gjigantët e Vëzhgimit”, akuzon kolosët e Web-it se përdorinin modele biznesi të bazuar mbi vëzhgimin, duke kërcënuar në këtë mënyrë të drejtat e njeriut dhe duke rrezikuar privatësinë e cdo përdoruesi.

Facebook reagoi menjëherë duke e kundështuar raportin me pretendimin se platform social u lejon njerëzve në të gjitë botën dhe në vendet më pak të zhvilluara, që të lidhen me njëri tjetrin.

Pavarësisht se organizata jo qeveritare e njeh rolin e Google dhe Facebook në lidhjen që krijon në botë dhe në dhënien e shërbimeve thelbësore për miliarda njerëz, në të njëjtën kohë kritikon këto “të mira” sepse sipas saj paguhen me një cmim shumë të lartë: lënia e të dhënave në duart e gjigantëve të rrjetit.

Kjo është e vërtetë sepse modeli i kolosëve – sipas raportit të Amnesty International – bazohet në mbledhjen e të dhënave të përdoruesve, në gjurmimin e aktiviteteve on line dhe në kategorizimin e tyre për qëllime reklamuese.

“Një avantazh, ky i teknologjisë dhe botës së Web-it – thekson raporti – që mbështetet në të drejtat e njerëzve që janë on line duke i bërë object të abuzimit me të drejtat e njeriut”.

Me pak fjalë është një akuzë që nxjerr në dritë sulmin e të drejtës për privatësinë në një mënyrë të paprecedentë dhe thekson se aktualisht nuk ka më siguri për mbrojtjen e të dhënave tona por dhe të drejta si liria e shprehjes, e opinionit; dhe në fund e drejta për mos diskriminimin.

“Google e Facebook dominojnë kjetën tonë moderne, duke mbledhur një pushtet të madh në botën dixhitale me mbledhjen dhe monetizimin e të dhënave personale të dhjetëra personave, këmbëngul raporti. Kontrolli i tyre i vazhdueshëm në jetëm dixhitale minon thelbin e privatësisë dhe është një nga sfidat kryesore për të drejtat e njeriut në kohën që jetojmë”.

Facebook ndër të tjera në reagimin publik, shton se modeli që përdor platforma për biznes është ai me të cilin grupe si organizatat jo qeveritare – të cilat aktualisht publikojnë informacione në Facebook – arrijnë tek mbështetësit e tyre, mbledhin fonde dhe vazhdojnë misionet e tyre./abcnews.al

20776390-7666059-image-a-9_1573242789059.jpg
in a13:15 | 09/11/2019

Një studim i ri që përfshiu 2,000 amerikanëve zbuloi se 43 përqind kontrollojnë për  simptomat e tyre në internet dhe besojnë se kanë një sëmundje shumë më të rëndë sesa mund të jenë në vërtetë.

65 përqind e të anketuarve kanë përdorur internetin për të diagnostikuar simptomat që kishin, por rezultatet tregojnë se kjo sjell më shumë shqetësime për ta.

Në të njëjtën kohë, një e katërta e të anketuarve (26 përqind) nuk kanë një mjek të kujdesit parësor dhe 6 në 10 persona shmangin në mënyrë  të vazhdueshme mjekun.

‘Fakti që më shumë se gjysma e të rriturve amerikanë i drejtohen Google për të mësuar më shumë rreth simptomave të tyre është shqetësuese., përfundoi Dr Mordkin i LetsGetChecked.

lugina.jpg
ad min09:40 | 09/09/2019

Kandidatët demokratë për president po tregojnë vëmendje të madhe ndaj Silicon Valley-t, por këtë herë është ndryshe. Dikur kandidatët kërkonin të mahnisnin drejtuesit e kompanive të fuqishme si Facebook, Google etj. Tani, disa prej kandidatëve i sulmojnë kompanitë për çështje si privatësia e të dhënave, anti-monopolin dhe të drejtat e punëtorëve. Korrespondentja e Zërit të Amerikës, Michelle Quinn, njofton se si kjo stinë zgjedhore reflekton pikëpamjet në ndryshim për sektorin e teknologjisë në mbarë Shtetet e Bashkuara.

“Thonë se këto kompani të teknologjisë janë e ardhmja e punëtorisë amerikane. Mendoj se mund të kenë të drejtë. Pra, a dëshirojmë një të ardhme ku nuk do të ketë mbrojtje…”, u shpreh kandidati Pete Buttigieg, gjatë një proteste të shoferëve të kompanisë “Uber”, në San Fransisko.

Kur kandidat për president Pete Butttigieg ndaloi tek një protestë në hyrje të zyrave të qendrore të kompanisë “Uber” në San Fransisko, ai u hodh në sulm ndaj favoritëve të industrisë së teknologjisë.

Dhe ai nuk është i vetmi. Në reklamat e fushatës së kandidates Elizabeth Warren kërkohet ndarja e këtyre kompanive të mëdha dhe premtohet mbrojtja e konsumatorëve dhe konkurencës.

Dikur, kandidatët politikë vinin në Silicon Valley, për të dalë në fotografi me drejtuesit kryesorë të këtyre kompanive. Por tani, kompanitë e mëdha teknologjike janë shndërruar në një thes boksi për disa kandidatë.

Elizabeth Warren thotë se është koha për të copëtuar kompanitë Google, Amazon dhe Facebook.

Bernie Sanders kritikon kompanitë e teknologjisë se asgjësuan gazetarinë dhe se kontribuojnë për praktikat e gabuara të kontrollit.

Kamala Harris, vetë nga Kalifornia, u është bashkuar të tjerëve që kërkojnë më shumë të drejta për punonjësit kontraktorë, duke kundërshtuar kështu interesat e kompanive si Uber dhe Lyft.

“Nëse je kandidat demokrat për president mund të zgjedhësh mënyra nga më të ndryshmet për të sulmuar Silicon Valley; mënyra që ishin shumë më të vështira 20 vite më parë, kur shikoheshin si djem të mirë”, thotë Donnie Fowler, i Universitetit të San Fransiskos.

Ditët e mira kanë përfunduar. Tani ka ardhur sezoni i kundër-reagimit. Presidenti Trump e filloi këtë rrugëtim, duke e sulmuar këtë industri bazuar mbi pretendimet se censuronte zërat konservatorë.

Lanhee Chen ishte drejtor për politikat në fushatën e vitit 2012 të republikanit Mitt Romney.

“Mendoj se teknologjia në këto momente është më shumë në pozita mbrojtëse se sulmuese. Mendojnë se kë të shmangin dhe jo se kë të mbështesin”, thotë Lanhee Chen, studiues në Institutin Hoover të Universitetit Stanford.

Kandidatët politikë kanë kërkuar prej kohësh fonde nga Silicon Valley, por tashmë edhe kjo është më e komplikuar.

“Kur gjendesh në një epokë politike që në thelb është populiste dhe e orientuar larg biznesit të madh, atëherë ngritja e fondeve për fushatë do të vuajë kostot”, thotë zoti Chen.

Për momentin, ekziston një ndasi mes drejtuesve të teknologjisë dhe njerëzve të zakonshëm.

Drejtuesit e kompanive teknologjike po kontribuojnë me fonde për kandidatë që nuk po krijojnë shumë problem, si p.sh. Senatori nga Nju Xhersi, Cory Booker, apo kandidati kryesor, ish-Nënpresidenti Joe Biden.

Megjithatë, punonjësit e teknologjisë dhe familjet e tyre po dhurojnë për fushatën e Elizabeth Warren dhe Pete Buttigieg.

Gjatë një takimi rishtazi të demokratëve në Silicon Valley, njerëzit u mblodhën për të diskutuar kandidatët për postet lokale. Njëri prej tyre është Max Kaehn, inxhinier programimi në Google. Ai ka dhënë fonde për fushatat Warren dhe të tjerë. Ai i mirëpret kandidatët që kritikojnë punëdhënësin e tij.

“Me fuqinë e madhe vjen edhe përgjegjësia e madhe. Kompanitë e teknologjisë kanë fuqi të madhe. Duhet t’i vendosim nën mibkqyrje”, thotë zoti Kaehn.

Kompanitë e teknologjisë do të shqyrtohen edhe më shumë në muajt në vazhdim, ndërsa kandidatët për president, si dhe Presidenti Donald Trump, vazhdojnë të sulmojnë këto kompani për çështje që prekin votuesit amerikanë./VOA

108536645_mediaitem108536641.jpg
ent ela22:30 | 29/08/2019

Gjenerata e re e celularëve të Huawei nuk do të përmbajë disa prej aplikacioneve të njohura të Google, të tilla si Youtube dhe Google Maps. Google konfirmoi se për shkak të ndalimit që qeveria amerikane bëri ndaj shitjes së produkteve për Huawei, nuk mund të licencojë aplikacionet e saj në telefonat e rinj Huawei.

Kjo do të thotë që telefoni i ri Huawei që do të dalë në shitje, nuk do të ketë akses as në “Play Store”, duke u hequr mundësinë përdoruesve për të përdorur aplikacionet e njohura. Qeveria e SHBA ndaloi kompanitë amerikane që të shisnin produkte për gjigandin kinez Huawei me pretendimin se cënohet siguria kombëtare, por më vonë Presidenti Trump tha se mund të bëhen disa lëshime.

Megjithatë, autoritetet zyrtare amerikane nuk kanë dhënë ende asnjë licencë që kompanitë të bëjnë tregti me Huawei. Sistemi operativ Android është “burim i hapur”, që do të thotë se mund të instalohet në smartphone apo tablet nga çdo prodhues. Por, për të përdorur disa aplikacione, kompanitë duhet të nënshkruajnë marrëveshje me Google, për shkak se shumë prej këtyre aplikacioneve i përkasin kësaj kompanie.

Këto aplikacione janë Maps, Play Store, YouTube, Photos etj. Google nuk ka dhënë asnjë informacion nëse ka kërkuar leje që të ofrojë shërbimet e saj tek Huawei. Nga ana tjetër, gjigandi kinez i teknologjisë tha në një deklaratë: “Huawei do të vazhdojë të përdorë sistemin operativ Android nëse qeveria amerikane na lejon ta bëjmë këtë. Në të kundër, do të zhvillojmë sistemin tonë operativ”/tvklan.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono