Policia e Korçës ka goditur një grup të shpërndarjes së heroinës në doza të vogla, ndërsa në pranga kanë përfunduar 3 persona. Te arrestuar jane Julian Gega (Mingo), 39 vjeç Mikel Mingo, 24 vjeç, Mondi Mingo, 42 vjeç, të tre banues në Korçë. Arrestimi i tyre u bë pasi, gjatë kontrollit të ushtruar në dyqanin në pronësi të shtetasve Mondi dhe Mikel Mingo, në lagjen nr 9 Korçë, të marrë në përdorim nga shtetasi Julian Gega, si edhe gjatë kontrollit fizik të këtij të fundit, iu gjetën e sekuestruan në cilësinë e provës materiale: 13.2 gramë lëndë narkotike e dyshuar Heroinë, e ndarë në doza dhe një peshore.
Njoftimi i Policisë Korçë
Goditet një rast i shpërndarjes së drogave të forta, në doza të vogla.
Policia arreston në flagrancë 3 shtetas.
Sekuestrohet 13.2 gr lëndë narkotike e dyshuar Heroinë.
Shërbimet e Komisariatit të Policisë Korçë, në bashkëpunim me Specialistët e Seksionit për Narkotikët, bënë kapjen dhe arrestimin në flagrancë të shtetasve:
Julian Gega (Mingo), 39 vjeç
Mikel Mingo, 24 vjeç,
Mondi Mingo, 42 vjeç, të tre banues në Korçë.
Arrestimi i tyre u bë pasi, gjatë kontrollit të ushtruar nga shërbimet e Komisariatit të Policisë Korçë, në dyqanin në pronësi të shtetasve Mondi dhe Mikel Mingo, në lagjen nr 9 Korçë, të marrë në përdorim nga shtetasi Julian Gega, si edhe gjatë kontrollit fizik të këtij të fundit, iu gjetën e sekuestruan në cilësinë e provës materiale:
13.2 gramë lëndë narkotike e dyshuar Heroinë, e ndarë në doza.
1 peshore.
Gjithashtu shtetasi Julian Gega, tek dyqani i cili shërbente si servis celularësh, tregëtonte aparate satelitore pa dokumentacionin dhe autorizimin përkatës, si edhe rreth 300 aksesorë të ndryshëm telefonash, për të cilat nuk dispononte fatura.
Materialet në ngarkim të tyre i kaluan Prokurorisë të Rrethit Gjyqësor Korçë për veprat penale bazuar në nenet 283/2 , 149/a dhe 180 të Kodit Penal. /abcnews.al
