Loading ...
Kryebashkiakja e Roskovecit nuk ka kryer vepër penale. Gjykata e Posaccme shpalli të pafajshme Majlinda Bufin për veprën penale “përdorim i funksionit publik për veprimtari politike”, akuzë që u ngrit nga SPAK pas denoncimit në televizionin e Sali Berishës.
Majlinda Bufi u hetua në cilësinë e kryetares së Bashkisë Roskovec dhe dha disa herë deklarime në strukturën e posaccme, duke mbajtur qëndrim kundërshtues lidhur me provat që kishte grumbulluar prokurorja Dorina Bejko.
Kjo e fundit pretendoi në sallën e gjyqit se Bufi ushtroi presion ndaj një qytetari që mbështeste opozitën në zgjedhjet e 14 majit të vitit 2023, që të mos përfshihej në veprimtari politike të forcave të tjeta pasi kishte përfituar nga programi social i Bashkisë për përmirësimin e kushteve të banimit.
Organi i akuzës kërkoi dënimin e Bufit me 1 vit e 6 muaj burg, në mënyrë që të konvertohej në shërbim prove për një periudhë 2 vjeccare. Megjithatë krahas kësaj dhe provave të tjera që u përcollën në procesin gjyqësor, gjyqtarja Irena Gjoka nuk i mori parasysh, duke dalë në konkluzionin se zyrtarja e Bashkisë nuk ka konsumuar veprën penale që u pretendua nga SPAK.
Prokurorja e ccështjes pritet të ankimojë vendimin në Apel dhe më pas do të jetë shkalla e dytë e gjyqësorit ajo që do të japë verdiktin final./abcnews.al
