Nënkryetari i grupit parlamentar CDU/CSU në Bundestag, Johann Wadephul, me anë të një reagimi në llogarinë e tij në Twitter, është shprehur se është për të ardhur keq që Marrëveshja e 5 qershorit nuk është përfunduar ende.
Miratimi i Reformës Zgjedhore në mënyrë konsensuale ndër-partiake pa asnjë ndryshim, shprehet Wadephul më tej, është thelbësore për rrugën e Shqipërisë drejt BE-së.
Po ashtu, Wadephul u bën thirrje palëve, dhe sidomos deputetëve që ta finalizojnë “këtë kriter të rëndësishëm”.
Johann Wadephul shkruan në postimin e tij:
“Është për të ardhur keq që marrëveshja e 5 qershorit nuk është ende e kodifikuar. Miratimi i reformës zgjedhore konsensuale ndër-partiake pa asnjë ndryshim, dhe zbatimi i saj është thelbësor për rrugën e Shqipërisë në BE. Unë u bëj thirrje të gjitha palëve, veçanërisht deputetëve, që të finalizojnë këtë kriter të rëndësishëm. Jepi, #Albania!” /abcnews.al/
It is regretful that the June 5-th agreement isn’t yet codified. Approval of the cross party consensual electoral reform without any changes, and its implementation is key for Albania’s EU path. I urge all sides, esp. MPs, to finalize this important criteria. Go, #Albania!
— Johann Wadephul (@JoWadephul) July 9, 2020
