reforma zgjedhore
in a16:40 | 15/03/2020
Kur u ulën për herë të parë në tryezën politike të reformës zgjedhore në 14 janar të viti, palët u zotuan se brenda 15 marsit do të arrinin mes tyre dakordësinë për një kod të ri zgjedhor. Pas 2 muajsh takimesh të njëpasnjëshme, palët ishin gati për tu vendosur në pozicionet e tyre dhe për të vlerësuar se cilat do të ishin çështjet që do të pranonin nga propozimet e mbërritura në tryezë.
Mbledhjen e tyre të fundit, tryeza politike e reformës zgjedhore e mbajti të hënën e 9 marsit, vetëm pak orë pasi në Shqipëri ishin konfirmuar dy rastet e para me koronavirus.
Pavarësisht zotimit fillestar edhe vetë reforma zgjedhore do të izolohet për aq kohë sa edhe vetë të mandatuarit politik nuk do ushtrojnë aktivitetin e tyre normalisht. Si pasojë e situatës së krijuar me përhahpjen e virusit, Kuvendi i Shqipërisë dhe komisionet parlamentare kanë pezulluar veprimtarinë e tyre deri në normalizim të situatës. Aktualisht Partia Demokratike ka depozituar 6 drafte në tryezën e reformës ndërkohë që socialistët kanë mbështetur draftin e propozuar nga ekspertët e Kuvendit.
Me kërkesë të ndërkombëtarëve, palëve i është kërkuar të mos largohen nga tryeza e reformës zgjedhore pa një draft konsensual./abcnews.al
nev ila11:16 | 09/03/2020
Një mbledhje mes përfaqësuesve politikë të tryezës së reformës zgjedhore është duke u zhvilluar e cila është mbledhur më shumë se 30 minuta më parë në Rogner.
Përkundër masave që janë marrë nga qeveria për të mos u lejuar mbledhje dhe grumbullime njerëzish, tryeza politike përbëhet nga një numër jo i konsiderueshëm njerëzish duke qënë edhe përpara faktit se ndodhen në limite të afatave të përcakruara nga aktorët politikë për reformën zgjedhore, ndërkohë që janë zbardhur 9 pikat kryesore të opozitës për administratën zgjedhore, të cilat do të propozohen në tryezën për reformën zgjedhore.
Zbardhen 9 pikat kryesore të opozitës për administratën zgjedhore, të cilat do të propozohen në tryezën për reformën zgjedhore.
- Opozita propozon depolitizim të administrimit të votimit dhe numërimit, duke ruajtur balancimin politik.
- Një anëtar jopolitik, i emëruar nga KQZ, të jetë përgjegjës i vetëm për administrimin e votimit. Kur është e nevojshme te merren vendime, ato merren nga komisionerët politikë, që do të emërohen në raportin 3:3, qeveri:opozitë.
- Rastet e vendimmarrjes në komisionet e votimit janë të pakta. Pjesa më e madhe e ditës së votimit nuk është vendimmarrje, ndaj roli i anëtarit jopolitik është vendimtar në depolitizimin e votimit.
- Opozita propozon që numërimi të kryhet nga zyrtarë jopolitikë, të trajnuar dhe emëruar nga KQZ. Numëruesi jopolitik ka të gjithë përgjegjësinë e numërimit.
- Partitë politike nuk do të kenë më numërues, por do të mbikqyrin nga afër numërimin dhe do të kontestojne çdo shkelje.
- Komisionet e nivelit të mesëm, KZAZ, ndjekin të njëjtin model. Komisioneri jopolitik, i emëruar nga KQZ, do të menaxhojë procedurat ligjore, si dhe përgjigjet për zbatimin e ligjit. Partitë do të kenë anëtarë në mënyrë të balancuar.
- Për të parandaluar dhe eleminuar parregullsitë në votim, propozohet futja e rinumërimit të detyrueshëm të 10% të kutive nga KQZ.
- Nëse nga rinumërimi dalin probleme, subjektet zgjedhore kanë të drejtë të kërkojnë hapjen e kutive të tjera në KZAZ ku dalin probleme.
- Nëse rinumërimi ndryshon rezultatin, numeruesit dhe komisionerët përgjegjës ndëshkohen dhe dërgohen për ndjekje penale.
Opozita e Bashkuar propozon një model miks të administrimit zgjedhor që garanton zbatim rigoroz të ligjit nga komisioneri jopartiak i cili mban përgjegjësinë disiplinore dhe penale në mënyrë të individualizuar, ruan aksesin e balancuar të partive politike dhe besimin e tyre në vendimmarrje, por garanton ndërhyrjen ligjore për të zhbërë parregullsitë dhe manipulimet në votim dhe numërim.
Sipas tyre këto masa ndërveprojnë në kompleks me masat e propozuara me parë nga Opozita e Bashkuar për të garantuar lirinë dhe sekretin e votës së zgjedhësve.
Këto parashikime mund të funksionojnë vetëm në kushtet e çaktivizimit të vullnetit të qeverisë për të manipuluar zgjedhjet dhe për këtë arsye propozimi i parashtruar në vijmësi nga opozita e bashkuar për një qeveri kujdestare 100 ditë para zgjedhjeve është parakusht për zbatimin e secilit prej propozimeve te parashtruara./abcnews.al
Autor E09:01 | 06/03/2020
Është shtyrë takimi për Reformën Zgjedhore, i cili ishte parashikuar për ditën e sotme.
Siç ishte njoftuar më parë, ditën e sotme do të zhvillohej tryeza e Reformës Zgjedhore me rend dite: 1) diskutimin mbi administratën zgjedhore dhe 2) sistemin zgjedhor.
Megjithatë, mbledhja është shtyrë me kërkesë të përfaqësuesit të demokratëve. Mbledhja do të zhvillohet të hënën kur opozita jashtë parlamentare do të sjellë propozimet e saj. /abcnews.al
ger ta15:08 | 04/03/2020
Shtetet e Bashkuara të Amerikës i kanë kërkuar të mandatuarve politikë për reformën zgjedhore të mos largohen nga tryeza pa arritur më parë një marrëveshje konsensuale. Kur reforma zgjedhore po shkon drejtë finalizimit të saj, ndërkombëtarët kanë vendosur të jenë sërish garancia në tryezën politike për miratimin e një drafti konsensual. Katër të mandatuarit politik në tryezën e reformës, raportuan përpara diplomatëve të SHBA, BE, OSBE, ecurinë e reformës përfshirë edhe pikat ku palët ndahen dhe bashkohen mes tyre.
Burime të ABC NEËS nga takimi me dyer të mbyllura sqarojnë se ambasadorja amerikane, Yuri Kim ka përshendetur dakordësinë e palëve për tu ulur në tryezë dhe ka inkurajuar aktorët politikë të shkojnë drejtë një marrëveshjeje konsensuale. Sipas të njëjtave burime, diplomatja amerikane ka theksuar se në këtë negociatë nuk do të ketë asnjë palë që fitoj 100 % nga kërkesat e saj e asnjë që humbet. Kim i ka kujtuar palëve se rekomandimet e ODIHR janë dyshemeja mbi të cilat palët nuk mund të bien, por falë vullnetit mund të shkojnë shumë më lart me propozimet e tyre.
Të mandaturit politikë në tryezën e reforëms zgjedhore kanë mbrojtur propozimet e tyre përpara ambasdorëve, ndërkohë që diplomatët kanë bërë pyetjet e tyre. Edhe ambasadori i BE, Luigi Soreca inkurajoi palët të shkojnë drejtë një marrëveshjeje politike, por duke ju referuar propozimit të demokratëve për amnisti të gjyqtarëve të zgjedhjeve nga procesi i vettingut për ka kërkuar të bëhet kujdes për të mos cënuar në asnjë formë reformën zgjedhore.
Por qetësia e 2 muajve në tryezën e reformës nuk u reflektua në qëndrimet politike të aktorëve në përfundim të saj. Socialisti Damian Gjiknuri ftoi PD të heq dorë nga disa propozime dhe të jetë me këmbë në tokë.
Pasi e denoncuan te ndërkombëtarët marrëdhënien e Edi Ramës me vjedhjen e zgjedhjeve, Bylykbashi e Vasili i kujtuan PS se nuk do të mund të sillet si pronare e reformës.
Të premten e 6 marsit, palët do të ulen sërish mes tyre për të disktuar mbi çështjen e sistemit zgjedhor, një kërkesë të hershme të opozitës parlamentare. /abcnews.al
ger ta10:51 | 04/03/2020
Përfaqësuesit e tryezës politike për Reformën Zgjedhore janë duke zhvilluar këtë paradite një takim me ambasadorët në vendin tonë.
Gazetari Juxhin Mustafaraj duke cituar burime nga takimi, raporton për abcnews.al se përfaqësuesi i PD dhe i opozitës për Reformën Zgjedhore, Oerd Bylykbashi, identifikoi Edi Ramën si pengesën kryesore për zgjedhje me standarde demokratike.
Bykykbashi po merr pjesë në një takim me përfaqësues diplomatikë të vendeve të BE, Britaniasë së Madhe, Zvicrës, SHBA , OSBE dhe ODIHR, të cilët marrin opinionet e palëve të përfshira në reformën zgjedhore.
“Zgjedhjet kane arritur nivelet me te uleta ne raport me standartet e OSBE. Nëse në 2009 zgjedhjet arritën shumicën dërrmuese të standarteve tëOSBE, nga 2015-2019 raportet e ODIHR kanë si shqetësim prioritar shkeljen e standarteve bazë: lirisë dhe sekretit të votës, shitblerjen e votës, lirinë nga frika e ndëshkimit, ndarjen e shtetit nga partitë dhe fushën e barabartë të lojës.
Produkt i këtyre standarteve të dhunuara është Parlamenti i dalë nga votat e blera dhe të dhunuara në 2017 dhe pushteti vendor i emëruar nga Kryeministri në të gjitha bashkitë, emërim i ratifikuar me votim monist.
Legjitimiti i Parlamentit dhe pushtetit vendor, dy mbajtësve të përfaqësimit demokratik me votë, nuk është thjesht i minuar, ai thjesht nuk ekziston.
Parimet që kanë dështuar në zgjedhje janë parime kushtetuese. Dhunimi i tyre masiv, në çdo vend normal do të çonte në anulim të zgjedhjeve nga Gjykata Kushtetuese dhe sistemi gjyqësor. Por në Shqipëri asnjë gjykatë nuk ekziston apo nuk është e lirë nga presioni. Këtë e thotë ODIHR. Rënia e kësaj garancie nuk është vetëm rënie e shtetit të së drejtës, por e demokracisë përmes zgjedhjeve. “- u shpreh Bylykbashi. /abcnews.al
ger ta15:32 | 03/03/2020
Partia Demokratike hoqi dorë nga kërkesa e saj për financim 100% të fushatave zgjedhore nga shteti. Në tryezën politike të reformës zgjedhore, demokratët dorëzuan draftin e tyre të fundit për financimin e partive politike dhe fushatave zgjedhore, ku pavarësisht se u la sërish hapësirë për financimet private, një sërë sanksionesh pritet të jenë barriera për të ndalur sponcorizimet e dyshimta.
“Propozimi që bën opozita e bashkuar është një reduktim drastik i financimit që merret nga burimet private duke e cuar në standarte ndërkombëtare”, tha Bylykbashi.
Në draftin e propozuar nga demokratët, kërkohet që fondi për financimin e partive në zgjedhjet e ardhshme për Kuvendin dhe qeverisjen vendore, të jetë jo më pak se trefishi i buxhetit aktual nga ai i zgjedhjeve të vitit 2017.
Edhe vetë socialsitët janë për një sistem miks të financimit të fushatave zgjedhore, ndonëse nuk e kanë dhënë dakordësi të plotë për masën e financimeve mes privatitt dhe shtetit.
“Çështja që diskutohet është se sa kontribut do ketë nga buxheti i shtetit dhe sa fonde të pavarura. Këtu je i në diskutim dhe po marrim edhe mendimet e ndërkombëtarëve. Ne jemi të një parimi miks siç ka qenë deri tani, duke lënë edhe një tavan të pranueshëm”, deklaroi Gjiknuri.
Demokratët propozojnë kufizime të forta mbi donacionet që vijnë në drejtim të kandidatëve dhe forcave politike nga privatët. Sipas propozimit të tyre, nuk do të lejohen të dhurojnë para për kandidatët apo partitë politike, individë që kanë përfituar nga kontratat shtetërore 4 vitet e fundit me vlerë mbi 10 milionë lekë. E njëjta pengesë do të vlejë edhe për këdo që do të dhurojë para në zgjedhje. Këta individë do të përjashtohen nga marrja e fondeve publike me vlerë mbi 10 milionë lekë për 4 vite.
“Ata nuk mund të financojnë dhe gjithashtu kush financon subjektet politike, nuk mund të marrë për një periudhë të caktuar tendera nga shteti”, tha Bylykbashi.
Një tjetër koncept i ri i futur si risi në draftin e opozitës është “ Pavlefshmëri e mandatit” dhe përfundim i parakohshëm i mandatit nga KQZ-ja për të zgjedhurin ose subjektin zgjedhor, kur shkelja e dispozitave për financimin e partive politike përbën vepër penale.
Në 6 mars, aktorët politikë do të ulen sërish për të disktuar mbi propozimet e ndryshimit të sistemit zgjedhor, të kërkuar me insistim nga opozita parlamentare. Por a do të arrijnë palët të përmbyllin draftin në 15 mars, datën e përcaktuar prej tyre finalizimin e reformës.
Këtë të martë palët u njohën edhe me listat zgjedhore, një shqetësim të hershëm të demokratëve. Kur mijëra mjete identifikimi janë drejtë skadimit, demokratët kanë bindjen se shumë qytetarë nuk do të mund të votojnë dot për shkak të pamundësisë për të pasur mjetet e tyre të identifikimit. /abcnews.al
ger ta13:15 | 03/03/2020
Damian Gjiknuri nuk e përjashton mundësinë se mund të ketë një shtyrje të afatit për realizimin e Reformës Zgjedhore.
Teksa 15 marsi është vendosur si afati i fundit, Gjiknuri tha se mund të kërkojë më shumë kohë, por sipas tij e rëndësishme është që në këtë datë të arrihet një dakordësi mes palëve.
“A do ketë shtyrej të afatit? Ka akoma shumë çështje të pazgjidhura në tavolinë. Mos shikoni 15 marsin si një datë… e rendësishme është që të kemi një dakordësi. E rëndësisshme është që në 15 mars ne të kemi rënë dakord për çështjet. Mund të ishte shumë mirë që në 15 mars t’i kemi të gjitha gati”, tha Gjiknuri.
Po ashtu ai sqaroi edhe se çfarë u diskutua në mbledhjen e sotme, ku tha se kanë bërë propozime për uljen e tavanit të shpenzimeve të partive gjatë fushatave elektorale. Gjiknuri theksoi se kanë rënë dakord me Partinë Demokratike për financim miks të partive.
“Kemi bërë disa propozime për uljen e tavanit të shpenzimeve të partive. Çështja që diskutohet është se sa ku kontribut do ketë nga buxheti i shtetit dhe sa fonde të pavarura. Këtu je i në disktum dhe po marrim edhe mendimet e ndërkombëtarëve.
Pjesa e ligjit të finacimit të partive mund të na marrë më shumë. Jemi për fanincimim miks, na vjen mirë që edhe PD ka hequr dorë nga financimi 100%. Janë futur elementë të tjerë garancie, monitorim më i imët, raportim nga palët e treta, futja në prces. Shumë elememtë të tjerë garantues që kanë ardhur edhe nga rekomandimet e ohir por edhe PD”, deklaroi Gjiknuri. /abcnews.al
in a12:18 | 28/02/2020
Ish- ministri i Energjitikës, Damian Gjiknuri pas përfundimit të takimit për tryezën e zgjedhores në një deklaratë për mediat u shpreh se mazhoranca është e gatshme për të gjetur kompromise të përbashkëta.
“Ne si mazhorancë do të konsultohemi me eksperte dhe do të shikojmë se si do të vijojë. Jemi të gatshëm të gjejmë kompromis, por si çdo gjë teknologjike edhe kjo kërkon kohë. Nëse kjo është e realizueshme ne do të bëjmë konsultime ku do të përfshihen organe të Këshillit të Ministrave. Parimet i vendosim në ligj dhe implementimin ia lëmë organev ligjzbatuese. Futja e teknolgjisë është avantash i dyfishtë”, tha Gjiknuri.
Ndërsa deputetja Rudina Hajdari theksoi se propozimi i saj ishte për verifikimin e kandidatëve nëse kanë qenë apo jo bashkëpunëtorë të sigurimit të shtetit.
“Propozova një projektligj që ka të bëjë me verifikimin e kandidatëve nëse kanë qenë apo jo ish- bashkpunëtorë të sigurimit të shtetit”, tha Hajdari.
Ndërkohë zëvendës krytari i LSI-së, Petrit Vasili në një dekaratë për mediat u shpreh Opozita i ka përmbushur të gjitha detyrimet e saj.
“Kemi ndarë nevojën për të evituar manipulimin për ti dhënë një kohë të gjatë aplikimit të kësaj teknologjie. Manipulimi i votave ka shkatërruar besimin e zgjedhjeve. Përdorimi i kësaj teknologjie justfikon çdo lloj kosto. Çdo lloj shpenzimi për të rritur cilësinë justfikon çdolloj sakrifice. Opozita ka përmbushur të gjitha detyrimet e saj. Konfirmoj që opozita e bashkuar ka punuar për të pasur një cilësë afatgjate. Kemi të bëjmë me përmbushjen e një kushti kyç që lidhet me hapjen e negociatave dhe kushdo që do të ishte kundër do të merrte një përgjegjësi shumë të rëndë”, tha Vasili.
Ndërsa eksperti i PD, Oerd Bylykbashi i cilësoi hapa të rëndësishëm propozimet e PD sa i përket Reformës Zgjedhore.
“Probleme të tilla janë kanceri i procesit të votimit. Propozimi ynë i sotëm është një adresim i drejtëpërdrejtë. Kemi kohë që e propozojmë shpresojmë se do të kemi dakordësi që shqiptarët në të gjitha qendrat e votimit të identifikohen në mënyrë të besueshme”, tha Bylykbashi.
Gjiknuri u shpreh se kërkon kohë, kjo do të shihet si pengesë nga ana e mazhorancës?
Bylykbashi: Ti lëmë kohën e mjaftueshme për të marrë propozimet tona. Propozimi ynë është i thjeshtë./abcnews.al
in a11:00 | 28/02/2020
Partia Demokratike ka publikuar draftin e plotë në lidhje me rekomandimet e ODIHR për zgjedhje të lira.
Në draftin e publikuar PD bën me dije se qëllimi i tij është të bëhet indentifikimi i sigurtë i votuesve në qendrat e votimit duke siguruar numërimin korrekt të votës.
Gazetari Junxhin Mustafaraj tha për ABC News” se tashmë ka nisur tryeza radhës e reformës zgjedhore. “PD ka mbërritur me një draft duke propozuar një kërkesë të vjetër të opozitës. Demokratët kanë diskutuar kërkojnë që në zgjedhjet e ardhshme të ketë votim elektronik ku pasi zgjedhësi të votojë do të dalë një votë e printuar për të vërtetuar nëse do të ketë apo jo parregullsi.
Fillimisht kjo kërkesë është kundërshtuar për shkak të afateve që u dashur për tu implmentuar.
Nëse një zgjedhës nuk ka votuar asnjë herë pasi të bëhet indentifikimi do të pulsojë në qendrën e votimit një dritë jeshile për ta vërtetuar dhe kjo do të shmangë votimet e shumëfishta.”
Sistemi qendror i të gjitha aparaturave ka ndonjë garanci?
“Ajo që PD propozon është që të kete dy sisteme të ndara, sistemi i identifikimit dhe i votimit të jenë të ndara, por të ndërlidhen me një ssitem qendror që do të bëjë dokumentimin në fund”, raportoi gazetari Junxhin Mustafaraj.
Drafti i Plotë/
Identifikimi Elektronik
Me qëllim identifikimin e sigurtë të votuesve në qendrën e votimit, verifikimin dhe parandalimin e votimit të shumfishtë në të njëjtën qendër votimi ose në qendra të ndryshme ndërtohet sistemi elektronik i identifikimit në vijim EPB (Electronic Poll Book), i cili identifikon zgjedhësin në qendrën e votimit nëpërmjet dokumentit të identitetit dhe të dhënave biometrike, përfshirë shenjën e gishtërinjve.
Sistemi garanton verifikimin e të dhënave të zgjedhësve bazuar në të dhënat biometrike të sistemit të letërnjoftimeve elektronike si dhe listës së zgjedhësve e cila gjenerohet nga regjistri kombëtar i gjendjes civile. Skanimi dhe ruajtja e të dhënave biometrike gjate procesit të identifikimit garanton që zgjedhësi ka te drejte të votoje në atë QV ku po identifikohet dhe gjithashtu shërben si provë për verifikimin dhe dënimin e tentativave për të votuar më shumë se një herë si dhe në vend të zgjedhësve te tjerë.
Te dhënat e identifikimit të zgjedhësve ngarkohen të enkriptuara në memorien e pajisjes elektronike të identifikimit EPB nga sistemi qendror, para ditës së zgjedhjeve. Çdo pajisje kur aktivizohet personalizohet për QV me anë te kodeve unike një përdorimshme.
EPB do të mundësojë gjetjen e votuesit në listë duke lexuar kodin MRZ të ID card ose pasaportën biometrike për të gjetur në mënyrë të shpejtë identitetin e votuesit. EPB do të verifikojë nëse zgjedhësit i lejohet të votojë në atë QV:
- Nëse është votues në listë që ska votuar ende dhe me pas:
- do të shfaqë në ekranin e EPB të gjithë te dhënat e identifikimit si dhe foton e votuesit
- do të lexoje gjurmët e gishtërinjve të votuesit
- do të printojë një kupon verifikimi të procesit të identifikimit
- do të sinjalizojë me dritë jeshile të dukshme për të gjithë komisionerët në QV
- do të regjistrojë identifikimin dhe të dhënat biometrike në memorien elektronike
Kuponi i printuar do te ketë te gjitha te dhënat e votuesit si edhe foton e tij të sistemit të ID card, në mënyrë qe të verifikohet nga çdo anëtar i komisionit nëse shihet e nevojshme para se ai te procedoje me votimin. Kuponat administrohen me pas nga komisioni , në një kuti të veçantë, dhe administrohen dhe arkivohen sipas rregullave per administrimin e materialeve zgjedhore.
Nëpërmjet leximit të gjurmëve të gishtërinjve te votuesit zëvendësohet dhe procesi i firmosjes nga votuesit ne listat e votimit dhe është provë e identifikimit të votuesit. Gjurmët e gishtërinjve ruhen në pajisje dhe kryqëzimi i te dhënave, i cili do te kryhet në mënyrë të detyrueshme nga KQZ, mbas votimit ne sistemi qendror do te mundësojë verifikimin e tentativave te votimit te shumëfishtë apo ne emër te zgjedhësve te tjerë. Raste të tilla, nqse do të evidentohen do të referohen menjëherë në Prokurori.
- Nëse votuesi nuk është regjistruar te votoje ne atë QV
- ne ekranin e EPB do të shfaqen të dhënat dhe adresa e QV-se ku ai zgjedhësi duhet te shkoje për te votuar
- do te sinjalizoje me një drite te verdhe te dukshme për te gjithë komisionerët ne QV, që tregon se votuesi nuk mund të votoje në atë QV.
- EPB duhet te printoje një kupon me te dhënat/adresën e QV-se se ku votuesi duhet te shkoje dhe ky kupon i jepet votuesit ne fjale.
- Nëse votuesi ka votuar tashmë në atë QV
- në ekranin e EPB do te afishohen të dhënat e votuesit dhe ora kur ai është identifikuar se ka votuar në atë QV
- do të sinjalizoje me drite të kuqe te dukshme për te gjithë komisionerët në QV
- do të sinjalizoje me një alarm zanor që tregon se ai votues ka votuar me pare
- do të printoje gjithashtu një kupon/raport që votuesi përkatës tentoi të votoje dy here.
- do të regjistroje tentativën në sistemin elektronik
Në përfundim të procedurave të votimit, pajisja do të prodhojë një raport përmbledhës të detajuar lidhur me numrin përfundimtar dhe identitetin e te gjithe votuesve ne ate qender votimi, i cili gjithashtu do të bëhet pjesë e materialit zgjedhor të asaj qendre votimi.
Për sa është parashikuar më sipër, pajisja mund te bashkëjetojë me procedurat aktuale te votimit dhe mund te hyje ne përdorim dhe në të gjithë territorin sepse procedura e vjetër eventualisht mund te përdoret n.q.s. ka probleme.
- Pajisja elektronike e identifikimit EPB mund të mundësojë dhe votimin pa dokument identifikimi meqenëse i ka tashmë në memorie te dhënat e zgjedhësve, duke i mundësuar që komisioni te kërkojë zgjedhësin në listë duke i futur te dhënat manualisht.
- Pajisja mund të jete e pajisur me kamera që mundëson dhe foton e zgjedhësit që po identifikohet.
- Pajisja mund te regjistroje ne menyre unike, te pandryshueshme shenjën e 1,2 gishtave ose dhe të gjithë dorës, duke parandaluar regjistrimin e më shumë se një shenje identifikuese të zgjedhësit, në të njëjtën makineri ose në makineri të ndryshme.
Votimi Elektronik
Qendra e votimit duhet të jetë e pajisur me pajisje elektronike votimi ku zgjedhja e subjektit zgjedhor nga votuesi bëhet në ekranin e pajisjes elektronike të votimit (Electronic Voting Machine) EVM ne vijim.
Për te krijuar besimin te publikut dhe për te larguar çdo dyshim për identifikimin e votës nuk mund te ketë komunikim apo shkëmbim te dhënash midis EPB dhe EMV. Procesi i identifikimit dhe procesi i votimit elektronik janë tërësisht të ndara prej njeri tjetrit për të bërë të pamundur identifikimin e votës.
Pasi votuesi të jete identifikuar me ane te EPB, ai ve me dispozicion kuponin e identifikimit përkatës te gjeneruar nga EPB, tek anëtarët e komisionit ne mënyrë qe te vijohet me pas me votimin.
EVM do te aktivizohet për te lejuar votimin me ane te shtypjes se një butoni nga komisionerët e QV pasi ata te kane pare/verifikuar se procesi i identifikimit te votuesit u krye dhe pasi kane administruar kuponin e identifikimit.
Pas aktivizimit, në EVM do të shfaqen ne monitorin me ekran me prekje një paraqitje te fletës së votimit te miratuar nga KQZ. Shfaqja e subjekteve në ekran duhet të jetë e qartë dhe e thjeshtë për t’u kuptuar dhe zgjedhur.
Ne rastet kur procesi i votimit ka me shume se një votim (Zgjedhje te përgjithshme dhe lokale, referendum etj.) votuesit do ti jepet mundësia me radhë te votojë përkatësisht njëra pas tjetrës.
- Votuesi bën zgjedhjen e tij
- Votuesit i shfaqet zgjedhja e bërë dhe e konfirmon atë ne ekran
- EVM printon një kupon të votës përkatëse dhe ky kupon duket nëpërmjet xhamit te pajisjes
- Zgjedhësi konfirmon ne ekran qe kuponi është identik me zgjedhjen ne ekran.
- EVM printon ne kupon një shenje qe vota u verifikua dhe e pret kuponin
- Kuponi i votës me te dhënat për zgjedhjen e bere bie ne kutinë e ruajtje se kuponave te verifikimit te votave.
- Vota regjistrohet e enkriptuar ne memorien elektronike
EVM do të ruajë të koduara me enkriptin të shumëfishtë dhe pa referenca kohore të sigurte çdo votë. EVM duhet te ketë siguri fizike me vula sigurie dhe memorie te dyfishte për ruajtjen e votave elektronike. (çdo vote do te ruhet ne dy memorie te veçanta)
Me qëllim shmangien e shit-blerjes së votës, intimidimin e zgjedhësit vota e printuar nuk mund të merret fizikisht nga zgjedhësi. Votuesit dhe komisioni nuk duhet te kenë akses ne pajisje dhe as ne kutinë e ruajtje se kuponave dhe çdo veprim për printimin, prerjen dhe hedhja e kuponëve te votimit do të kryhet automatikisht nga EVM.
EVM do të eliminojë votat e pavlefshme duke parandaluar qe një votues te votoje për me shume se një përzgjedhje.
Ne fund te procesit mbas inicimit te mbylljes se votimit nga komisioni:
- EVM do te përllogarisë rezultatin përfundimtar.
- EVM do te printoje procesverbalin e rezultatit përfundimtar te QV-se ne aq kopje sa parashikohet ne ligj, për tu firmosur nga komisionerët e QV-se.
- EVM do te firmose elektronikisht dhe do te transmetojë te enkriptuar rezultatin ne sistemin qendror pranë KQZ-se.
Mbas përmbylljes se procesit pajisjet do te paketohen me kode sigurie dhe do te dërgohen ne qendrat e administrimit zgjedhor.
Votat për një numër te caktuar qendrash votimi mund te numërohen ne letër për te verifikuar sistemin.
Vota e ruajtur në memorien elektronike të pajisjes është e dhëna parësore për hartimin e rezultatit zgjedhor ndërsa vota e printuar, e depozituar në kuti, ka vlefshmëri ligjore dhe prevalon ndaj votës elektronike, në rast se ka mospërputhje, per qëllime të nxjerrjes së rezultatit zgjedhor ose ne procesin ankimor.
Ne fund te votimit çdo pajisje prodhon raportet e veta dhe komisioni ka mundësi te verifikoje se sa votues janë identifikuar dhe sa vota janë hedhur.
Sistemi Qendror
Sistemi qendror për votimin elektronik do te përfshijë te gjithë infrastrukturën elektronike te nevojshme për te dokumentuar/audituar sigurinë për çdo pajisje identifikimi dhe votimi si dhe për te mundësuar infrastrukturën e nevojshme për sigurinë e informacionit ne çdo nivel te tij.
Përpara çdo procesi votimi, sistemit qendror i votimit do te mundësojë personalizimin e pajisjeve te identifikimit dhe votimit me te dhënat për zgjedhjet dhe zonat përkatëse.
Ne fund te procesit sistemi grumbullon te dhënat nga te gjitha zonat dhe nxjerr rezultatin paraprak te votimit.
Mbas procesit te votimit te gjitha pajisjet lidhen me sistemin qendror ( direkt ose memoriet e tyre) për te transferuar votat elektronike ne sistemin qendror.
eri Ida16:04 | 20/02/2020
Përfaqësuesi i opozitës dhe ish-deputeti i PD-së, Oerd Bylykbashi, ka reaguar ndaj deklaratave të bashkëkryetarit të reformës Zgjedhore, Damian Gjiknuri, i cili bëri me dije se nuk do të ketë qeveri tranzitore.
Bylykbashi përmes një postimi në rrjetin social Facebook shkruan se deklaratat e Gjiknurit bëhen me qëllim kushtëzimin e reformës dhe në këtë mënyrë PS të vazhdojë me misionin e saj të blerjes së votave me ndihmën e kriminelëve.
Ndër të tjera në reagimin e tij ish deputeti i PD-së ka theksuar se opozita nuk pranon reformë farsë dhe propozomi i saj për qeveri kujdestare pa Edi Ramën është garancia qe masat e reformës zgjedhore nuk mbeten vizatime ne letër.
Postimi i Plotë:
Deklaratat e sotme te perfaqesuesit te Kryeministrit ne Reformen Zgjedhore, nuk jane asgje tjeter vecse kushtezim i saj me nje qellim te vetem: te bllokojne reformen zgjedhore dhe PS te vazhdoje te bleje vota dhe te perdore kriminelet.
Qendrimet e PS ne reforme synojne qe vjedhjes se zgjedhjeve t’i vendosin vulen e gjykatesve qe kane vene nen thunder dhe presion politik me vetingun, sic e thote troc ODIHR ne raportin perfundimtar per 30 qershorin 2019.
OSBE/ODIHR e tha qarte se me 30 qershor 2019 votimet u kryen pa marre ne konsiderate interesin e zgjedhesve per te zgjedhur te lire dhe ne fshehtesi dhe per pluralizem demokratik. Opozita e bashkuar, ne perputhje me angazhimin e saj publik ka bere propozime qe synojne te mbrojne voten e shqiptareve nga kriminelet dhe te korruptuarit qe rrethojne Edi Ramen.
Propozimi i Opozites se Bashkuar per nje qeveri kujdestare pa Edi Ramen eshte garancia qe masat e reformes zgjedhore nuk mbeten vizatime ne leter, por garantojne realisht interesin e zgjedhesve shqiptare. Opozita nuk pranon reforme farse por vetem nje reforme zgjedhore te vertete!/abcnews.al
ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.
NUIS/NIPT K01711004FKontaktTelefono
