Drejtori i Institutit për Demokraci për Demokraci dhe Ndërmjetësim Gjergji Vurmo ka deklaruar në studion e ABC me gazetarin Endri Xhafo se mbajtja e konferencës së parë ndërqeveritare për Shqipërinë mund të shtyhet për shtatorin e ardhshëm.
Ai tha se ndërkombëtarët do të presin për mbajtjen e zgjedhjeve parlamentare të 25 prillit të cilat do të jenë vendimtare për pozicionin e Shqipërisë.
“Ne kemi humbur një vit kohë. Nuk besoj se do merret një vendim për mbajtjen e konferencës së parë ndërqeveritare para shtatorit që vjen. Ata do shohin si do mbahen zgjedhjet.
Unë kam përshtypjen se rezultati i zgjedhjeve të ardhshme do të jetë aq i qartë sa nuk do kemi problem nga zgjedhjet. Nuk pres, për më tepër se kur bëhet fjalë për çështjet zgjedhore ne dimë të surprizojmë në çdo rast”, deklaroi Gjergji Vurmo./mv.abcnews.al
