Garcia: Nuk kemi një plan anti-Ronaldo, Sarri nuk e ndryshon dot filozofinë

19:29 | 25/02/202019:290

Trajneri i Lyonit, Rudi Garcia, foli në konferencë për shtyp para ndeshjes së parë kundër Juventusit, që do të luhet në Francë nesër.

“Ne kemi besim se do të kalojmë Juventusin, edhe pse sezoni në përgjithësi nuk ka qenë i lehtë deri më tani. E kemi studiuar Juventusin gjatë ditëve të fundit. Sarri është një trajner i suksesshëm, sidoqoftë, Juventusi është një ekip që rrallë bëjnë ndryshime të thella në identitetin e tyre, edhe kur trajneri zëvendësohet nga dikush tjetër.

Në vitin 2013, zbulova se Juventus ishte një institucion në Itali. Tani na takon të marrim rezultatin më të mirë të mundshëm në ndeshjen e parë kundër tyre. Nuk jemi ne favoritët, por shikoni Liverpoolin, të gjithë menduam se ata do të fitonin ndaj Atletico Madrid javën e kaluar, të njëjtën gjë menduam edhe për PSG-në kundër Borussia Dortmund.

Ne duhet të jemi shumë të motivuar dhe të gatshëm për t’i shkaktuar probleme Juventusit. Nuk mund të përqendrohemi vetëm në mbrojtje, kështu që duhet të jemi në maksimumin e lojës tonë në çdo aspekt dhe tifozët mund të na ndihmojnë të arrijmë një rezultat pozitiv.

Ronaldo? Ne nuk kemi menduar për të, nuk kemi një plan “Anti-Ronaldo”. Coronavirusi? Do të shohim nëse tifozët do të jenë pranishëm apo jo, ne po mendojmë vetëm për ndeshjen”, përfundoi Garcia./abcnews.al

Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono