Me rritjen ekonomike të vendit, edhe prodhimi i brendshëm bruto për frymë rritet, por Shqipëria mbetet mbrapa për prodhimin vjetor bruto për frymë. Me një vlerë të PBB-së për frymë prej pak më shumë se 4500 dollare në vit, vendi ynë mbetet ndër të fundit në Europë.
Të dhënat e fundit të Fondit Monetar Ndërkombëtar tregojnë se disa vende kanë përmirësuar në renditje, duke na lënë ne vetëm para Kosovës në renditjen e rajonit të Ballkanit.
Mes 189 shtetesh, vendi ynë renditet i 105-i. Edhe pse Bosnje-Hercegovina ka shfaqur shpesh mangësi në zhvillimin ekonomik krahasuar me vende të tjera të rajonit, në këtë rast, në renditje është më mirë se Shqipëria. Renditja e të ardhurave për frymë, i përket këtij viti, ndërsa po sipas parashikimeve të Bankës Botërore dhe FMN-së edhe vitin e ardhshëm, rritja e të ardhurave për frymë në vendin tonë do të jetë më e ulët se mesatarja e rajonit të Ballkanit. Nisur nga pasuria ekonomike për frymë, Shqipëria lë pas në Ballkan vetëm Kosovën, e cila renditet në vendin e 20-të, ndërsa në krahasim me të gjitha vendet e Europës, tregon se PBB për frymë është më e ulët Ukrainë e Moldavi.
Sipas parashikimeve të FMN-së në pesë vitet e ardhshme, të ardhurat për frymë në vendin tonë do t’i kalojnë 6200 dollarë në vit./abcnews.al
https://youtu.be/j6oydSlWpg4
