evrope

austria-koronavirusi.jpg
eri Ida08:00 | 03/04/2020

Shqipëria edhe pse avancon me shpejtësi më të madhe se BE drejt plakjes ende konsiderohet me një popullsi me të re në moshë. Popullsia mbi 65 vjeç në janar të vitit 2020 përbënte 14.7 për qind të totalit të popullsisë ne vendin tone.

Në raport me një vit më parë të plakurit e Shqipërisë u shtuan me 0,3 pikë përqindje, ndërsa në raport me një dekadë më parë kjo grupmoshë u rrite 4 pikë %. Në vitin 2001 popullsia mbi 65 vjeç në Shqipëri përbente vetëm 7.6 % të totalit të popullsisë.

Popullsia mbi 65 vjeç në Europe me 2019 u rrit 0.3 pikë përqindje në raport me vitin 2018 dhe me 2,9 pikë përqindje në raport me 10 vite më parë.

Eurostat e bëri këtë analizë për të parë se sa për qind e Europës është target direkt i Korona virusit.

Në të gjithë shtetet anëtare të BE-së, pjesa më e madhe e moshuarve në raport me popullsinë e përgjithshme në vitin 2019 u vërejt në Itali (22.8%), e ndjekur nga Greqia (22.0%), Portugalia dhe Finlanda (21.8% secila), Gjermania (21.5%) dhe Bullgaria (21.3%).

Niveli më i ulët i popullsisë mbi 65 vjeç u vërejt në Irlandë (14.1%) dhe në Luksemburg (14.4%).

Në nivelin rajonal, përqindjet më të larta të personave të moshuar u gjetën në Chemnitz (28.9%) në Gjermani, e ndjekur nga Liguria (28.5%) në Itali, Ipeiros (27.0%) në Greqi, Limousin (26.7%) në Francë dhe Sachsen-Anhalt (26.5%) në Gjermani.

Nivelet më të ulëta u regjistruan në Mayotte (2.7%) dhe Guyane (5.8%) në Francë dhe në Ciudad Autónoma de Melilla (10.7%) në Spanjë.

Sipas hartës bashkëngjitur ngjyra portokalli simbolizon vendet që kanë ende një nivel të ulët të popullsisë mbi 65 vjeç, ku bënë pjesë edhe Shqipëria, vendet e Ballkanit perëndimor dhe e gjithë Turqia dhe disa vende të Europës Lindore./monitor

fg.png
Sid Orela16:17 | 31/03/2020

Një vajzë 12-vjeçare, e cila ndërroi dje të hënën në Bruksel, është bërë viktima më e re në moshë nga koronavirusi në Evropë.

Disa ditë më parë, mediat raportuan gjithashtu për rastin e një 16-vjeçar i cili ndërroi jetë në Francë dhe më pas edhe një 14-vjeçar nga Portugalia. Të dy adoleshentët e humbën jetën nga koronavirusi, shkruan abcnews.al

Mjekët thonë shpesh që fëmijët nuk janë shumë të rrezikuar nga Covid-19, por gjithsesi duket se askush nuk është “imun” ndaj këtij virusi.

Edhe drejtori i përgjithshëm i Organizatës Botërore të Shëndetësisë Tedros Adhanom Ghebreyesus ka kërkuar që situata të merret seriozisht pasi “koronavirusi ësdhtë një sëmundje serioze.”

“Koronavirusi është një sëmundje serioze. Edhe pse provat që ne kemi sygjerojnë se personat mbi 60 vjeç janë më të rrezikuarit, të rinj, përfshirë edhe fëmijë, kanë vdekur,” ka deklaruar Ghebreyesus.

Dhe Maria Van Kerkhove, menaxherja e programit dhe urgjencave të OBSH-së, shpjegoi se “ajo që dimë deri më tani është se fëmijët preken nga infeksioni, dhe madje edhe nëse ata zhvillojnë forma më të buta të sëmundjes, ne kemi parë që të humbin jetën. Kjo është arsyeja pse duhet t’i mbroni ata në çdo rast si një kategori e ndjeshme.” /abcnews.al/

0_Spread-of-the-coronavirus-disease-COVID-19-in-Brussels.jpg
eri Ida10:37 | 31/03/2020

Një 12 vjeçare është viktima më e re në Evropë që ka humbur jetën nga koronavirusi.

Vajza adoleshente ka ndërruar jetë në një spital në Belgjikë, duke u bërë dhe një ndër viktimat më të reja në botë që humb jetën nga COVID 19.

Sot na duhet të bëjmë një njoftim të vështirë. Bëhet fjalë për një vajzë. Gjendja e saj u përkeqësua tre ditë pas shtrimit”, tha mjeku virolog Steven Van Gucht duke njoftuar vdekjen e 12 vjeçares.

Vdekja e saj vjen pas asaj të një djali 14-vjeçar që humbi jetën të dielën në mëngjes pasi u diagnostikua me Covid-19 pranë Porto në Portugali.

Ndërsa të mërkurën e kaluar një vajzë 16-vjeçare vdiq në një spital për fëmijë në Paris, ku po kurohej për koronavirus, ndërkohë në viktima më e re në Birtani është një 18 vjeçar./abcnews.al

Capture455.jpg
eri Ida10:19 | 16/03/2020

Koronavirusi është kthyer në një ankth për të gjithë botën, duke shënuar deri më tani më shumë se 6.400 viktima, derisa mbi 170 mijë tjerë janë infektuar. Virusi është shtrirë në të gjithë kontinentet përveç Antarktikut, duke bërë që shumë shtete si masë parandaluese kanë mbyllur kufijtë.

Mediat ndërkombëtare bëjnë me dije se në SHBA deri më tani janë infektuar 3.482 persona, derisa 65 tjerë kanë humbur jetën nga coronavirusi. Ndërkohë duket se koronavirusi këtë herë ka “pushtuar”, Evropën që duket se është dhe kontinenti që ditët e fundit po paraqet gjendjen më të rënduar.

Itali është vendi që deri më tani gjendja paraqitet alarmante pasi vetëm të dielën kanë humbur jetën 368 persona, që po cilësohet si numri më i madh i rasteve kurse në total e kanë pësuar me jetë 1.809 persona.

Kujtojmë që prej shpërthimit të pandemisë, në Itali janë infektuar 24.747 persona, duke u ndjekur nga Spanja dhe Franca, ku janë infektuar 7.753 persona dhe në Spanjë 5.423. Në Kinë gjatë të dielës janë konfirmuar 16 raste të reja, derisa një ditë më parë ishin raportuar 20.

Ndërkohë numri total i të infektuarve në këtë vend deri më tani ka shkuar në 80.860, derisa janë shëruar 67.749 pacientë./abcnews.al

bqe-me-misioni-p-euml-r-ekzaminimin-e-q-euml-ndrueshm-euml-ris-euml-s-euml-bankave_hd-780x439-1.jpg
eri Ida20:27 | 12/03/2020

 Pas shpërthimit të pandmisë nga koronavirusi Banka Qëndrore Europiane ka marrë një paketë masash në mbështetje të ekonomisë dhe tregjeve financiare. Eurotaëer ka zgjedhur të furnizojë me likuiditet bankat qëndrore të vendeve anëtare të Eurozonës. BQE njoftoi gjithashtu një plan të përkohshëm të blerjes së pasurive prej 120 miliardë euro deri në fund të këtij viti.

Për të stimuluar kreditimin dhe ulur inflacionine lartë në ekonom BQE përdor lehtësimin sasior përmes blerjes së obligacioneve qeveritare në shkallë të gjerë nga bankat qendrore.  Pas vendimit të këshillit mbikqyrës , Kreu i Bankës Qëndrore Europiane kristine lagarde u kërkoi qeverive të BE të mështesin ekonomitë e tyre. Ajo deklaroi se masat që banka qëndrore po ndërmerr duhet të përdoren në mbështetje të ekonomisë dhe jo për të rritur shpërndarjen e dividentit apo bonuset e menaxherëve. Banka qëndrore ka thënë Lagarde do të jetë vigjilente në përdorimin e këtyre masave.

Lagardë ka shprehur shqetësimin se koronavirusi mund të shkaktojë kolaps ekonomik njëlloj si kriza financiare e vitit 2008. Sipas Lagarde nëse nuk merren veprime në kohë, Europa do të rrezikonte një “skenar që do të kujtojë shumë prej nesh për Krizën e Madhe Financiare të 2008. Megjithatë BQE nuk mori vendim për të ulur normën bazë të euros duke e lënë atë në nivelin e mëparshëm Sidoqoftë, ajo paralajmëroi që masat e ndërmarra të politikës financiare do të funksionojnë vetëm nëse ato do kishin mbështetjene plotë nga qeveritë e BE-së.

Shefja e BQE përgëzoi veprimet e disa vendeve, por tha se duhet të bëhet më shumë. Sipas saj dëmi ka të ngjarë të përhapet në vendet e tjera dhe se pa veprime të guximshme, udhëheqësit po rrisin rrezikun e rënies së ekonomisë./abcnews.al

 

25851348-0-image-a-53_1583955670275.jpg
Sid Orela08:26 | 12/03/2020

Numri i rasteve të konfirmuara me koronavirus në Evropë i ka kaluar 22,000. Italia mbetet shteti më i goditur ndërsa Danimarka izolohet.

Numri total i të infektuarve në Evropë ka shkuar në 23,339 ndërsa 951 është numri i personave që kanë ndërruar jetë. Në Itali, që është edhe vendi më i goditur nga virusi, numri i rasteve të konfirmuara ja shkuar në 12,462 ndërsa 827 kanë humbur jetën.

Lajmi vjen në një kohë që gjithnjë e më shumë shtete të Evropës po raportojnë vdekjet e para si pasojë e infeksionit. Kryeministri danez Mette Frederiksen njoftoi sot se të gjitha shkollat, universitetet dhe kopshtet do të mbyllen për dy javë për të ngadalësuar përhapjen e virusit.

Masat e reja të ashpra gjithashtu do të përfshijnë ndalimin e eventeve në ambiente të mbyllura ku mund të mblidhen 100 ose më shumë raste. Punëtorët e sektorit privat gjithashtu do të inkurajohen të punojnë nga shtëpia, pasi Autoriteti Danez i Sigurisë së Pacientëve raportoi dje 442 raste të reja. /abcnews.al

winter.jpg
Sid Orela15:26 | 06/03/2020

Evropa ka kaluar dimrin më të ngrohtë në histori, që nga dita që kanë nisur të mbahen regjistrime. Të paktën kështu kanë deklaruar shkencëtarët së fundmi.

Që nga fillimi i dhjetorit dhe deri në fund të shkurtit, temperaturat mesatare kanë qenë jo pak, por 3.4 gradë Celsiues sipër normales që është regjistruar nga vitet 1981-2010 dhe 1.4 gradë më e lartë se regjistrimet e marra nga vitet 2015-16.

 

Carlo Buontempo, drejtor i Copernicus është shprehur se krahasuar me vitet e shkuara, ky dimër ka qenë i ngrohtë në një mënyrë aspak të zakontë.

Buontempo u shpreh:

“Këtë variacion e kemi vënë re nga viti në vit, sidomos në vendet e tropikut, por ky dimër dallon nga të tjerët si shumë i ngrohtë.”

Gjithsesi, si duket, ngritja e temperaturave nuk ka ardhur vetëm si pasojë e ndryshimeve klimaterike. Sipas studiuesve, kjo situatë mund të përsëritet një herë në 50-100 vite. /abcnews.al/

https___s3-ap-northeast-1.amazonaws.com_psh-ex-ftnikkei-3937bb4_images_3_3_7_4_25324733-3-eng-GB_Cropped-1583228566RTS2ZZ8O-1-1280x720.jpg
Sid Orela17:37 | 03/03/2020

Koronavirusi vazhdon të prekë gjithnjë e më shumë persona ndërsa deri më tani numërohen 92,320 raste të konfirmuara në botë. Numri i personave që kanë humbur jetën ka shkuar në 3,137 ndërsa numri i rasteve të shëruara është 48,458.

Sa i përket situatës në Evropë, gjatë ditës së sotme kryeministri i Britanisë së Madhe, Boris Johnson ka shpalosur planin që qeveria e tij ka gati për t’u përballur me COVID-19.

Dymbëdhjetë raste të reja të koronavirusit janë konfirmuar në Britaninë e Madhe të martën ndërsa në total numri i të infektuarve është 51. Qeveria angleze paralajmëroi gjithashtu se mund të ketë një rritje të rasteve të vdekjeve sidomos mes personave të moshuar dhe grupeve më të rrezikuara.

Sa i përket vendeve të tjera të Evropës, ministria e Shëndetësisë në Francë konfirmoi vdekjen e katërt si pasojë e koronavirusit.

Ndërsa, nisur nga situata në Itali, India ka njoftuar se ka pezulluar të gjitha vizat e personave që vijnë nga ky vend i Evropës si dhe Irani, Koreja e Jugut e Japonia.

Kjo lëvizje vjen pasi India konfirmoi dy raste të tjera me koronavirusin duke e çuar totalin në pesë raste.

Rastet e konfirmuara me infeksionin e rrezikshëm janë rritur edhe në Iran, ku u raportua se ndër të tjerë, janë infektuar edhe 23 deputetë.

Në Itali rezultojnë të infektuar 2,036 persona ndërsa 52 persona kanë ndërruar jetë. Është njoftuar gjithashtu se shkollat e të gjitha niveleve në Liguria do të qëndrojnë të mbyllura deri më 8 mars. /abcnews.al/

Capture-18.png
So Nila11:40 | 15/02/2020

Një person vdiq në Francë nga koronavirusi dhe është viktima e parë jashtë Azisë. Ministri francez i Shëndetësisë dha këtë njoftim duke deklaruar se viktima është turist kinez 80-vjeçar.

Ai arriti në Francë më 16 janar dhe u vendos në karantinë në spitalin e Parisit më 25 janar. Vetëm tre vdekje deri më tani ishin raportuar jashtë Kinës  – në Hong Kong, Filipine dhe Japoni.

Megjithatë, më shumë se 1.500 njerëz kanë vdekur nga virusi brenda Kinës, kryesisht në Hubei ku u shfaq për herë të parë.

2,641 njerëz të tjerë janë konfirmuar  si të infektuar, duke e çuar numrin e të infektuarve në 66.492.

Franca ka deklaruar më parë se janë 11 raste të konfirmuara të koronavirusit, dhe gjashtë jane ende  në spital.

Raportohet se vajza e burrit të ndjerë gjithashtu është infektuar, por ajo është duke u kuruar./abcnews.al

106354446-1579895686858gettyimages-1195290556-1280x852.jpeg
So Nila08:46 | 25/01/2020

Franca ka konstatuar tre rastet e para të të infektuarve me koronavirusin e përhaput ditët e fundit në Kinë.

Ministria Franceze e Shëndetësisë bën me dije se tre rastet e shënuara në Francë shënojnë dhe rastet e para të të infektuarve në Europë.

Njëri pacient është 48 vjeç në jug-perëndim të Bordos, shprehet në deklaratë ministria.Francezi 48 vjeçar kishte udhëtuar në Kinë dhe kishte vizituar Ëuhan-in përpara se të kthehej në Francë me 22 janar. Ai i ka bërë testet mjekësore dhe që pas testeve 48 vjeçari është izoluar në shtëpi dhe nuk ka dalë jashtë.

ndërkohë si pasojë e koronavirusit deri më tani kanë humbur jetën 41 persona në Kinë dhe mbi 1300 të tjerë janë infektuar./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono