Pas pushimeve pranë familjeve emigrantët kanë nisur të kthehen në vendet ku jetojnë e punojnë. Gjithashtu shumë të huaj që vizituan vendin tonë këtë sezon veror janë kthyer në vendlindje.
Nga pika kufitare e Kapshticës në fundjavë u larguan drejt Greqisë rreth 7 mijë e 800 persona. Më shumë se 5 mijë vetë udhëtuan drejt Maqedonisë së Veriut nga Qafë Thana. Drejt Italisë po këtë fundjavë u larguan përmes portit të Durrësit mbi 18 mijë persona.
Ndonëse gushtit po i vjen fundi ka dhe prej atyre që nisin pushimet në vendin tonë, por më të paktë në numër.
Rreth 4 mijë e 500 persona erdhën përmes pikës kufitare të Kapshticës dhe rreth 6 mijë nga Qafë Thana.
Nga porti i Durrësit 18 ditët e para të muajit erdhën në vendin tonë mbi 140 mijë udhëtar.
Për të përballuar fluksin tragetet e linjave Durrës Bari dhe Durrës Ankona do të vijojnë lundrimet e dyfishta deri fundjavën e parë të shtatorit ndërsa numri i sporteleve të përunimit të pasagjerëve dhe automjeteve nga 24 ka shkuar në 30. Ndërsa në doganën e Kapshticë policia kufitare shqiptare po punon me katër sportele dhe ajo greke me dy.
/abcnews.al
