Fermerët në Kukës janë nga ata njerëz që e duan tokën më shumë se kushdo tjetër. Shumë prej tyre nuk mund t’i lenë pa panuar parcelat dhe pse në fund nuk kanë fitime.
Nuk ka zbritur nga traktori që nga vitet 90-të. Dhe nuk ka fshat e fermë të Kukësit që Haki Elezi të mos ketë pa punuar. Por nga ajo kohë e deri kur nisën subvencionet për mekanikën bujqësore, ai nuk ka përfituar asgjë. Thotë që në jo pak raste punon veresie.
Në Kukës, fermerët janë në pikun e punës në bujqësi.
Mjete e fermerë janë në fushë e po plugojnë tokën për mbjelljen e misrit. Thonë se nuk kanë fitime, por nuk mund të lenë tokën djerrë.
Ka fshatarë që prej 25 vitesh e punojnë tokën. Ky është Bari Zeneli me 2 hektarë. Nuk ka arritur t’i bëjë me hipotekë ndaj nuk përfiton as subvencionet.
Sefë Cengu, njohës i mirë i agrokulturës, shpeshherë i këshillon fermerët. Ai tregon problemet që kushtëzojnë zhvillimin e bujqësisë në zonë.
Një pjesë e mirë e fermerëve në Kukës nuk kanë certifikatë pronësie mbi tokën. Bashkia e Kukësit ka nisur procesin e regjistrimit në Shtiqen, njësia administrative që ka edhe pjesën më të madhe të tokës së punueshme, regjistrim që mendohet të përfundojë brenda këtij viti./abcnews.al
