vlore
in a11:24 | 25/03/2020
Policia e Vlorës ka njoftuar se në kuadër të operacionit ndërkombëtar “Lulet e Pranverës”, ka rënë në pranga një 39-vjeçar banues në Vlorë.
Strukturat e Policisë së Vlorës bëjnë me dije se vazhdon monitorimi dhe zbatimi i masave kufizuese të ndërmarra për parandalimin e përhapjes së COVID-19.
Informacion/ Vlorë
Vijon operacioni ndërkombëtar “Lulet e Pranverës”.
Kapet dhe ndalohet një prej të shpallurve në kërkim në kuadër të këtij operacioni.
Strukturat e Policisë Vlorë, krahas angazhimit maksimal për monitorimin e zbatimit të masave kufizuese të ndërmarra për parandalimin e përhapjes së COVID-19, vijojnë punën për parandalimin, evidentimin dhe goditjen e paligjshmërisë, kapjen e personave që qarkullojnë me armë dhe lëndë narkotike, si dhe atyre të shpallur në kërkim kombëtar dhe ndërkombëtar.
Në këtë kuadër, në vijim të operacionit ndërkombëtar “Lulet e Pranverës”, të zhvilluar në shkurt të vitit 2019, Policia e Vlorës, në bashkëpunim më Interpol Tirana, në bazë të informacioneve të marra në rrugë operative, ka organizuar punën dhe si rezultat është bërë kapja e shtetasit në kërkim ndërkombëtar:
- F. Xh., 39 vjeç, banues në Vlorë.
Gjykata e Lecce-s, Itali, ka lëshuar urdhër-arrestin për këtë shtetas, për kryerjen e veprës penale “Trafikimi i lëndëve narkotike”, kryer në kuadër të grupit të strukturuar kriminal për drogat, parashikuar nga Kodi Penal dhe Dekreti i Presidentit Italian.
Sid Orela10:17 | 25/03/2020
Për shkak të krizës së krijuar nga epidemia e koronavirusit në vend, prej kohësh tashmë qytetarët duhet t’u binden disa rregullave të caktuara për qarkullim.
Konkretisht, lëvizja e qytetarëve lejohet vetëm nga ora 05.00 e mëngjesit deri në 13.00 të drekës dhe më pas mund të lëvizin vetëm persona të cilët kanë autorizimet përkatëse.
Gjithsesi, nuk mungojnë qytetarë që vazhdojnë të jenë të pabindur.
Policia në Vlorë ka njoftuar se 26 automjete janë bllokuar vetëm gjatë 24 orëve të fundit për këtë arsye. /abcnews.al/
nev ila13:07 | 23/03/2020
Vlora është një tjetër qytet që i shtohet hartës së të infektuarëve. Ata janë pjestarë të së njëjtës familje. ABC Neës ishte pranë zonës ku jeton familja, ku mësoi se 69 vjeçari ishte shitës ambulant. Ndërkohë autoritet nisen dezinfektimin e zonës.
4 antëarë të një familje në qytetin e Vlorës gjyshja 77 vjeç, çifiti 69 dhe 50 vjeç dhe djali 24 vjeç janë nisur drejt spitalit infektiv në Tiranë.
Ata dyshohet se janë të infektuar nga djali i tyre, i cili ka ardhur pak ditë më parë, në datën 8 mars nga Bergamo dhe në 20 mars është larguar përsëri në Gjermani.
ABC News mësoi se 69 vjeçari ishte shitës ambulant. Banorët treguan se ai ka punuar çdo ditë në zonën e njohur si Ish-Kapelja në qytetin bregdetar, në të cilën ndodhet edhe tregu i madh i qytetit. Fqinjët e familjes treguan se ndihen të frikësuar nga situata.
Edhe lëvizjet në qytet të tij gjatë kësaj kohe kanë qenë të shpeshta.
Ndërkohë djali i cili dyshohet se ka sjell virusin është larguar drej Gjermanisë në datën 20 Mars. Gjatë kohës që ka qenë në Shqiperi nuk ka shfaqur probleme me shëndetin. Takimet e tij gjatë 12 ditëve janë të shumta.
Mëngjesin e kësaj të hëne autoritetet kanë nisur dizinfektimin e zonës ku jetonte familja e infektuar./abcnews.al
in a09:56 | 23/03/2020
4 anëtarë të një familje në Vlorë sipas burimeve kanë rezultuar pozitiv me COVID-19. Ata kanë shfaqur simptoma të ngjashme me koronavirus dhe tashmë ndodhen në Spitalin e Infektivit në Tiranë dhe po marrin trajtim të specializuar. Gjithashtu është mësuar se kryefamiljari punonte si shitës ambulant.
Gazetari Elton Nika tha për abcnews.al se qytetarët janë nisur në drejtim të Tiranës për shkak të simptomave që kanë shfaqur. Mjekët e Vlorës kanë besuar që ti dërgojnë drejt Tiranës për të marrë mjekim më të specializuar.
“Kryefamiljari punonte si shitës ambulant. Është kryer dezinfektimi nga autoritetet në orët e para të mëngjesit. Gjithashtu lëvizja e këmbësorëve ka filluar sipas fashës së zakonshme dhe tregtarë të fruta-perimeve janë tën vendosur në zonë.
Familjarët që tashmë janë në Spitalin e Infektivit janë gjyshja 77-vjeçe, çifti 69 dhe 50 vjeç dhe djali i tyre 24-vjeç.
Djali tjetër i tyre ka ardhur nga Bergamo, aktualisht ndodhet jashtë shtetit, ai nuk ka shfaqur problematikë apo simptoma dyshuese të COVID-19.
Fillimisht kushdo që ka simptoma njofton 127 dhe më pas komunikohet nëse do të trajtohet në Vlorë apo në Spitalin Infektiv.
Banorët kanë folur për “Abc News”, duke shprehur edhe shqetësimin e tyre për rastin në fjalë.
“Është shoku jonë, e kemi pasur shumë pranë. Thonë se janë infektuar si familje”, u shpreh një nga qytetar.
“Jemi shumë të frikësuar, i kemi pasur shumë afër”, tha një tjetër qytetar.
“Është tmerr kjo që po dëgjojmë, nuk është shaka”, u shpreh një banor i zonës.
in a09:22 | 23/03/2020
4 anëtarë të një familje në qytetin e Vlorës kanë janë infektuar me COVID-19 . Mediat kanë qenë ato të cilat kanë informuar qytetarët vlonjat për një rast të tillë.
Personi në fjalë, 69 vjeçari i infektuar siç konfirmohet edhe nga banorët ka punuar çdo ditë në zonën e njohur si ish-Kapelja, në të cilën ndodhet edhe tregu i madh i qytetit.
Siç konfirmohet nga banorët dhe personat që e njohin personi në fjalë ka ushtruar aktivitetin edhe pak ditë më parë, teksa nga banorët konfirmohet se gjatë këtyre ditëve ka lëvizur i lirë nëpër qytet, duke mos e ditur që ishte i infektuar. Banorët e pallatit ku familja jetonte si dhe tregtarët ndihen të frikësuar nga situata.
Për më tepër fare pranë tyre edhe këtë të hënë tregtarë të fruta perimeve po tregtojnë ngjitur shtëpisë së tyre. Në një zonë e cila mund të jetë e infektuar nga COVID-19.
Ata shprehen se nuk kanë qenë më parë të informuar për situatën se nëse do e dinin nuk do dilnin për të tregtuar.
Teksa shprehen se nga autoritete vendase ju është kërkuar qe te zhvendosin mallin e tyre disa metra me tutje dhe asnjë masë shtesë nuk është marrë.
Mëngjesin e kësaj të hënë ka nisur edhe dezinfektimi i zonës përreth ku jetonte familja me 4 anëtarë teksa përveçse dezinfektimit asnjë masë shtesë nuk është marrë./abcnews.al
nev ila20:40 | 22/03/2020
Me sa duket koronavirusi në Shqipëri vazhdon të infektojë edhe me shume persona duke zgjeruar hartën në vend.
Burime për ABC News kanë njoftuar se janë konfirmuar 4 raste me Covid -19 në qytetin e Vlorës.
Bëhet fjalë për 4 anëtarë të një familje, gjyshja 77 vjeçe, një 69 vjeçar, një grua 50 vjeç dhe një djalë 24 vjeç.
Dyshohet se 4 anëtarët e familjes janë infektuar nga djali tjetër i familjes i cili kishte ardhur nga Bergamo në datën 8 mars në Shqipëri.
Më pas djali është larguar nga Shqipëria në datën 20 mars në Gjermani. Mësohet se ai nuk ka shfaqur shenja gjatë qëndrimit në shtëpinë e tij në Vlorë.
Vlora i është shtuar kështu hartës së të infektuarve me koronavirus në Shqipëri./abcnews.al
ger ta09:37 | 21/03/2020
Ditën e sotme ka ndryshuar orari i lëvizjes për qytetarët në të gjithë vendin. Ky urdhër i ri i ka detyruar qytetarët vlonjatë që të dalin të kryejnë të gjitha punët e tyre paradite.
Gazetari Elton Nika raporton për Abc News se tek tregu i fruta-perimeve është mbushur me qytetarë të cilët bëjnë blerjet e tyre, pasi lëvzija do të jetë e daluar nga sot në mesditë deri në orën 05:00 të mëngjesit të së hënës.
Kufizimi i lëvizjes ka sjellë edhe mungesë produktesh në tregun e Vlorës. Ndërkaq, gazetari raporton se këto ditë nuk ka patur luhatje të mëdha çmimesh, përveç agrumeve./abcnews.al
in a17:12 | 20/03/2020
Në rrethet e vendit duket se qytetarët janë zgjuar më herët dhe kanë mbushur plot rrugët, tregjet, dyqanet, bankat apo zyrat e tjera të shërbimeve. Po gjithçka u mbyll para orës 10 pasi më tej rrugët ishin boshatisur nga njerëzit. Vetëm disa prej bankave ka patur qytetarë të shumtë.
Përtej orës 10 ka dhe qytetarë që rrinë në radhë në banka pa mjete mbrojtëse. Në këtë të premte po vijojnë shërbimet dhe përtej orarit të lejuar.
Ndërsa banorët e Vlorës duken më të ndërgjegjësuar për të respektuar radhët dhe oraret ndryshe nga një ditë më parë, por nuk kanë mjete mbrojtëse.
“Unë pak dal, nga një orë, E mbajmë rregullin, duart i lajmë dhe qëndrojmë në distancë”, shprehet një qytetar.
Ndërsa një tjetër qytetare thekson se mban shallin si masë mbrojtëse dhe mban distancën.
Pas orës 10 Policia e Vlorës ju ka bërë thirrje me megafon që të futen në shtëpi.
Banorët e Peshkopisë deri në ora 10 kanë nëpër rrugë aq të shumtë në numër siç e tregojnë e pamjet sa duket si një ditë e zakonshme. Por janë të vetëdijshëm që pas kësaj ore duhet të futen në banesë.
“Kjo është luftë bakteriologjike dhe fatkeqësisht nuk po merren as bakteorologët as epidemiologët, por po merren politikanët dhe kjo është fatkeqësi për ne. Virusin vetëm laboratori e shikon duhet të jemi shumë strikt, sepse është mision”, u shpreh një i moshuar.
Sarandiotët mund ti veçojmë këtë të premte si më shembullorët.
Edhe buzë detit nuk ka asnjë qytetar që të shijojë rrezet e diellit.
Po dhe në Durrës nga pamjet duket qartë se qytetarët janë shumë të pakët.
Ndërsa në Krujë ka ndodhur një situatë jo e pëlqyeshme për banorët ata janë zgjuar që në 7 të mëngjesit për të përfunduar punë nëpër banka po i kanë gjetur të mbyllura.
“Kanë dërguar mesazh që janë në orën 07:00 deri në 09:00 të hapura, ora shënon 08:00, por ende nuk janë të hapura”, u shpreh një tjetër qytetar.
Në Shkodër ka mbizotëruar qetësia dhe askush nuk duket në rrugë nga ora 10 e më pas vetëm policë, shihje nëpër rrugë./abcnews.al
eri Ida13:36 | 19/03/2020
Banorët e Vlorës thyejnë rregullin e ri. Ata lëvizin në grupe. Madje disa familje të komuniteti rom protestuan para Bashkisë pasi izolimi i pengon të kryejnë aktivitete për të fituar para.
Gazetari Elton Nika raporton për ABC News se ata janë përplasur me policisë pasi nuk lejohen protestat.
Ndërsa disa zyra si ato të UKT-së nuk janë të hapura dhe kanë njoftuar që pagesat duhet të kryhen në banka. Vetëm pak njërez janë drejtuar tek pikat e OSHEE për të paguar faturat. /abcnews.al
in a19:24 | 18/03/2020
Të moshuarit e vetmuar po ndihmohen nga punonjësit e caktuar nga bashkitë që të ushqehen. Meqë urdhëri i qeverisë i ndalon ata të dalin jashtë disa prej tyre e kanë respektuar dhe kanë pritur ushqimet tek dera e shtëpisë. Ky i moshuar nga Gjirokastra ka ruajtur dhe distancën.
“Më tha vajza të merrja numrin dhe të lidhesha më Bashkinë sepse do të më ndihmonte”, u shpreh një qytetar.
Ndërsa në të gjithë vendin po abuzohet me çmimet e frutave, një vlonjat ka shpërndarë portokalle falas.
“Këtë fitim që kam bërë këtë muaj të blejmë portokalle për 10 apo 15 veta. Të sensibilizojmë të gjithë tregtarët e Vlorës që të mos i shesin shtrenjt”, tha një prej tregtarëve.
Të moshuarit ndihen mirënjohës.
“Biznesi i vogël ka bërë diçka të bukur, këtë ta bëjnë të gjitha bizneset e tjera”, u shpreh një i moshuar.
Ekpertet per rritjen e imunitetet këshillojnë përdorimin e agrumeve për shkak se kanë përmbatje të lartë të vitaminës C./abcnews.al
ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.
NUIS/NIPT K01711004FKontaktTelefono
