veliu

Albin-Kurti-2-EPA-Valdrin-Xhemaj-e1578510714574-1280x720-1.jpg
eri Ida15:24 | 25/03/2020

Kryeministri i vendit, Albin Kurti në seancën e kësaj të mërkure është shprehur se shkarkimi i ministrit Agim Veliu nuk është shkak për rrëzimin e Qeverisë, sipas tij shkak për këtë është marrëveshja e gatshme me Serbinë që nuk po e mbështetë.

kreu i qeverisë së Kosovës ka deklaruar se këto pazare presidenciale janë të dëmshme dhe të rrezikshme dhe se nuk mund ta kenë atë si bashkëpunëtor dhe mbështetës.

Gjithashtu në fjalën e tij në seancën plenare Kurti ka dhjënë detaje dhe në lidhje me atë që është diskutuar në takimin e tij me presidentin e vendit Hashim Thaçi.

Sipas tij, motori i kësaj pune është të s’postohet ai, të shpallet gjendja e jashtëzakonshme dhe të realizohet pazari i marrëveshjes së gatshme.

“Me mua kryeministër me këtë qeveri nuk shpallet gjendja e jashtëzakonshme pa u krijuar, dhe nuk ka marrëveshje as në shpi të bardhë as të gjelbër e as të kuqe për shkëmbim territorial me Serbinë. Motori i nxitimit të shkarkimit të kësaj qeverie ka të bëj me marrëveshje të gatshme për shkëmbimin e territoreve me Serbinë. Pazari presidencial e kërkon rrëzimin e qeverisë”, ka thënë Kurti./abcnews.al

81042f3c-3b81-466b-a1aa-193c061f27ef.jpg
eri Ida12:57 | 06/02/2020

Drejtori i Përgjithshëm i Policisë së Shtetit, Ardi Veliu,  këtë të enjte ka dalë para komisionit të vetingut ku ka berë deklarimet e pasurisë së tij. Veliu në dorzimet e tij ka deklaruar një apartament në Tiranë me vlerë 79 mijë euro i cili është në ndërtim e sipër, ndërsa ka shtuar se ka paguar deri më tani 37 mijë euro. Ndërkohë së bashkë me bashkëshorten e tij kryepolici ka deklaruar se jeton në një banesë me qera në Tiranë, ku ka deklaruar edhe një kredi 5 milionë lekë, dhe të ardhura familjare.

Mbi këto të ardhura, ai ka deklaruar 750 mije lekë të depozituara, mes te cilave 5 mijë euro në bankë i ka nga shitja e një automjeti. Ndërkohë, bashkëshortja e tij ka deklaruar 2 milionë e 400 mije leke te dhuruara nga prindërit dhe 800 mijë lekë, të ardhura nga paga. Mësohet se shuma e dhuruar nga prindërit për bashkëshorten e Veliut rezultojnë të ardhura nga nga një apartament i shitur në Vlorë, 61 m2, në pronësi të sajm ku sipas komisionit dhurimi është vlerësuar i ligjshëm.

Gjithashtu komisioni i Jashtëm i Vlerësimit të efektivëve të policisë, bën me dije se ka përputhje të deklarimit të drejtorit të Policisë së Shtetit, me të dhënat e marra nga institucionet.

“Subjekti ka kryer deklarim të saktë në perputhje me ligjin. Nuk ka kryer deklarim të rremë dhe nu e ka fshehur pasurinë”, u shpreh komisioni. Ndërkohë DSIK, në lidhje me figurën e kryepolicit thekson se Veliu është pajisur me certifikatë sigurie dhe nuk ka procedime penale për të. Nga verifikimet e kryera, nuk rezulton që drejtori i Përgjithshëm i Policisë të ketë qenë i dënuar apo i përfshirë në Sigurimin e Shtetit.

Në vitin 2002 dhe 2003 dhe 2007 Ardi Veliu e ka ushtruar detyrën në Vlorë, ka pasur informacione se ka qenë i lidhur me falsifikimin e vizave dhe ka favorizuar në kalimin e klandestineve. Por në denoncime nuk janë gjetur prova që të vërtetojnë përfshirjen e tij, raportoi komisioni i Vlerësimit. Ndaj Veliut në Komisionin e Jashtëm të Vlerësimit ka pasur dy denoncime: Nga një person me argumentin se nuk ka mbajtur qëndrim korrekt në detyrë dhe një denoncim nga Sindikata e Punonjësve të Policisë.

Ndërkohë në fjalën e tij Veliu ka sqaruar se vlerëson gjithë raportin, doja të shtoja për transpatencë diçka në lidhje me pastërtinë e figurës, në lidhje me një falsifikim pasaporte, prej prej 15 gusht 2006 nuk kam qenë pjesë e Policisë Vlorë. “Dua të hedh dritë mbi të vërtetën. Pretendimi i sindikatës së punonjësve të policisë, jam munduar të punoj me respekt ndaj ligjit,” tha ai./abcnews.al

ardi_veliu_ok-1280x690.jpg
So Nila14:25 | 25/01/2020

Drejtori i Policisë së Shtetit Ardi Veliu ka zbarkuar mbrëmjen e së premtes në Shkodër, për të bërë një bilanc në lidhje me punën e bërë gjatë vitit 2019, ku është njohur nga afër dhe me shqetësimet e shefave të policisë në këtë qark.

Shefat e policisë i kanë shprehur shqetësimin e tyre për eleminismin e telefonave, urdhër i dhënë tre ditë më parë nga kreu i Policisë Veliu. Në shqetësimin e tyre e kanë nisur mbi faktin se në disa zona të largëta si Vau Dejësi por edhe të tjera radiot nuk kanë valë.

Nga ana tjetër drejtori Veliu ishte i prerë në këtë diskutim duke thënë që në mënyrë absolute askush nuk duhet që ta përdor telefonin por vetëm radion e policisë për çështje pune dhe raportime të ndryshme policore.

Urdhri:

1- Duke filluar nga data 20:01:2020 dhe në vazhdim, gjatë shërbimit dhe kryerjes së detyrave funksionale, komunikimi për arsye pune dhe shërbimi në strukturat vendore të Policisë së Shtetit, nga drejtori i drejtorisë vendore të Policisë së Shtetit dhe deri tek punonjësi i policisë me gradën më të ulët, të bëhet vetëm me radio dore.

2- Punonjësit e Policisë së patrullave të Përgjithshme, seksionit të forcës së posaçme, Shqiponjat, sektori i patrullës së përgjithshme “Motorrist”, si edhe njësitë operacionale të rendit publik, duke filluar nga data 20:01:2020 dhe në vazhdim gjatë kohës së punës dhe shërbimit në mënyrë kategorike nuk duhet të mbajë aparate celulare me vete.

3- Drejtuesit e punonjëve të policisë të këtyre shërbimive janë pëgjegjës për zbatimin e këtij detyrimi, duke ushtruar kontroll në vazhdimësi gjatë kryerjes së instruktazhit, si edhe për ushtrimin e kontrolleve gjatë orarit të punës dhe shërbimit./abcnews.al

74745204-c279-44e2-8c12-f27755527491.jpg
ent ela09:37 | 04/10/2019

Drejtori i Përgjithshëm i Policisë së Shtetit Ardi Veliu, gjatë Konventës së Drejtoreve të Policive Europiane në ambientet e Europol-it në Hagë, është takuar me Drejtoreshën Ekzekutive të EUROPOL-it znj. Catherine de Bolle dhe me Komisionerin Europian për Çështjet e Sigurisë dhe Emigracionit Z. Dimitris Avramopoulos.

Drejtori i Përgjithshëm ka siguruar z. Avramopoulos dhe znj. De Bolle se Policia e Shtetit është e vendosur në parandalimin, evidentimin dhe goditjen e kultivimit dhe trafikimit të lëndëve narkotike, të emigracionit të paligjshëm, në goditjen e grupeve kriminale dhe në sekuestrimin e aseteve të përfituara nga veprimtaria kriminale, duke bashkëpunuar ngushtësisht me partnerët  e vendeve të BE-së e më gjerë, me mbështetjen edhe nga EUROPOL-i.

“Rezultatet e arritura nga Policia e Shtetit dhe operacionet e zhvilluara me partnerët për shkatërrimin e grupeve kriminale në fushën e trafikimit të drogave të forta, trafikimit të qënieve njërëzore nëpërmjet falsifikimit të dokumentave dhe të goditjes së elementëve të rrezikshëm në fushën e terrorizmit, tregojnë më së miri se jemi në rrugën e duhur”, ka theksuar ndër të tjera Drejtor Veliu gjatë takimit me dy zyrtarët e lartë. /aabcnews.al

67033609_1819643534847772_3874339527837351936_n.jpg
ent ela09:20 | 24/07/2019

Drejtori i Përgjithshëm i Policisë së Shtetit Ardi Veliu ishte mëngjesin e sotëm në Morinë për të parë nga afër zbatimin e masave për përballimin e fluksit. Ai ka kërkuar masa shtesë me qëllim krijimin e lehtësirave për shmangien e radhëve të gjata si pasojë e fluksit.

Veliu i porositi drejtuesit e Policisë kufitare në Morinë që në raste fluksi të aplikojnë procedurë të përshpejtuar, por nga ana tjetër punonjësit e policisë të ushtrojnë kontroll në vijën e dytë për të gjitha mjetet që dyshohen për paligjshmëri. Drejtori i Përgjithshëm i Policisë së Shtetit ka kërkuar rritje të patrullimit në kufirin e gjelbër, pasi në sezone apo raste fluksesh tendenca për të zhvilluar paligjshmërinë orientohet në kufirin e gjelbër.

Gjatë mëngjesit të sotëm ka patur një fluks të madh të qytetarëve kosovarë në drejtim të Shqipërisë, ku vetëm orët e parë të mëngjesit kanë hyrë mbi 5000 shtetas. /ABC News Albania 24/7

POLICIA-PER-TARGAT-DIXHITALE-1280x720.jpg
ent ela18:02 | 26/02/2019

Digjitalizimi i policise rrugore është e vetmja mënyrë, që të ulen aksidentet me vdekje në Shqipëri. Kështu u shprehën Ministri i Brendshëm Sandër Lleshaj dhe Drejtori i policisë së shtetit, Ardi Veliu, të cilët theksuan se gjobat do të vendosen në mënyrë në mënyrë dixhitale, e jo më me bllok policor.

Modernizimi i uniformave blu dhe konkretisht i policisë Rrugore është një nga objektivat më të rëndësishme për qeverinë Shqipatere, theksoi ministri i Brendshëm Sandër Lleshaj.

Gjatë takimi për Tabelat e Policisë Rrugore, u theksua se shumë shphet pritet të aplikohen Targat dixhitale dhe mobile të leximit të tyre.

Sandër Lleshaj: Sot fillojmë një numër tabletash për të regjistruar elektronikisht masat administrative dhe verifikimet e automjeteve në kohë reale. Me këtë hap shënohet shkëputja përfundimater nga një mentalitet tjetër.

Ardi Veliu: Të gjitha veprimet që kryehn manualisht nga Policia Rrugore për plotësimin e masës administrative të hidhen në tablet përmes aplikacionit.

Në vitin 2018 u regjistruan 213 aksidente rrugore me pasojë vdekjen nga 378 që ishte kjo vlerë në vitin 2009, duke shënuar kështu një ulje të dukshme. /abcnews.al

RAPORTI-PER-KANABISIN-NE-SHQIPERI.mpg_snapshot_00.17-1280x720.jpg
ent ela15:22 | 13/02/2019

Policia e Shtetit në bashkëpunim me  Guarda di Finanza kanë publikuar raportin me shifrat e kultivimit dhe sekuestrimit për vitin 2018. Ministri i Brendshëm Sandër Lleshaj i cilësoi historike shifrat e publikuara nga raporti për goditjen e kultivimit dhe trafikimit të kanabisit. Sipas ministrit, kemi arritur një fitore në një betejë të rëndësishme por lufta vazhdon. 

Për vitin 2018 niveli i kultivimit të kanabisit është në minimumin e tij historik, ndërsa sasia e kapur në Itali është 81% më e ulët se në 2017. Kështu u shpreh ministri i Brendshëm Sandër Lleshaj gjatë raportit të publikuar nga  Guarda di Finaza  në bashkëpunim Policia e Shtetit.

“Orientimi i goditjes ligjore, jo thjesht kundër bimëve narkotike, por kundër rrjeteve dhe grupeve kriminale, funksionimi i një sistemi të qartë përgjegjësish të drejtpërdrejta të zyrtarëve të pushtetit qendror e vendor që kanë detyra për kontrollin dhe administrimin e territorit, korrelacioni i qartë i përgjegjësive mes punonjësve të policisë me zonat potenciale për kultivimin të bimëve narkotike si dhe monitorimi i rreptë dhe i shumëfishtë i gjithë territorit, ku veçohet operacioni i monitorimit nga ajri, janë disa nga elementët kryesorë që kanë mundësuar rezultatin historik të arritur në këtë luftë të rëndësishme për të ardhmen e vendit”.

Ndërkohë Ambasadori i BE-së Luigi Soreca në Shqipëri përgëzoi strukturat për evidentimin dhe goditjen e kultivimit të kanabisit. Ai kërkoi që tani të konfiskohet pasuria e grupeve kriminale.

Luigi Soreca, Ambasadori i BE: “Ndiq paratë. Rezultatet janë mbresëlënëse, ulje drastike në kultivimin e kanabisit në Shqipëri. Gjithashtu tregohet edhe një ulje e kanabisit që është sekuestruar në Itali. Në emër të BE-së iu përgëzoj. Sekuestrimi i drogës duhet të ndiqet nga veprimet e tjera të konfiskimit të pasurisë për grupet kriminale” .

Për Ardi Veliun rezultatet e arritura përgjatë vitit 2018 janë ndër më të mirat që nga fillimet e viteve 90, ndërsa shtoi se janë pezuluar shumë efektiv të policië nga puna.

“Ajo që në themel e bëri të suksesshëm punën tonë këtë vit, ishte  integritetit i punonjësve të policisë të ngarkuar me detyra në fushën e parandalimit dhe goditjes së veprimtarisë kriminale të kultivimit të bimëve narkotike dhe vendosmëria për të ndëshkuar cilindo punonjës policie që do abuzonte me detyrën apo do bëhej palë me shkelësit e ligjit”.

E  ngarkuara me punë në ambasadën e SHBA-së në Shqipëri, Leyla Moses përgëzoi arrestimet e Kelmend Balilit, Arbër Çekajt  dhe Met Kananit që tashmë janë në duart e drejtësisë. /abcnews.al

 

BABALJA-TEK-TIRANA-1280x720.jpg
ent ela15:20 | 12/11/2018

Gjykata e Tiranës la të pandryshuara masat e sigurisë të dhënë me herët nga Krimet e Rënda për tre nga katër personat e vënë në hetim për çështjen “Babalja”. Ata akuzohen për “kallëzim të rremë”, në lidhje me audio-përgjimin ku pretendohet se Albert Veliu, Babalja, bisedonte me vëllain e ish-ministrit të brendshëm për çështje droge.

Sipas vendimit të Fredi Alizoti do të vijojë të hetohet më masën e sigurisë “arrest në burg” ndërsa gazetari Jetmir Olldashi në “detyrim për paraqitje”. Gjykata la të pandryshuar edhe masën “arrest në burg” në mungesë për Babalen, masë e paekzekutuar për shkak se ai ndodhet në Kosovë në statusin e azilkërkuesit. Masa ndaj tre të dyshuarve u rivlerësua pasi Prokuroria për Krimet e Rënda shpalli moskompetencë, duke ia kaluar dosjen Prokurorisë së Tiranës. I katërti i dyshuar për këtë çështje është deputeti i PD, Ervin Salianji, i cili hetohet pa masë sigurie. /abcnews.al

KONKURSI-I-POLICISE.mpg_snapshot_02.58-1280x720.jpg
ent ela15:47 | 15/10/2018

2700 kandidatë kanë nisur sot testimin teorik, si hap i parë i konkursit për të hyrë në shkollën e policisë. ABC Neës sjell opinionin e një prej aplikantëve, që nuk është rishtar në polici.

Kujtim Shkjau, ish efektiv policie, ishte larguar me dëshirën e tij para 9 vitesh nga radhët e uniformave blu dhe tani kërkon të jetë përsëri pjesë e forcës së policisë.

32-vjeçari u paraqit bashkë me 2700 konkurentë të tjerë në testimin teorik për t’u pranuar në Akademinë e Policisë.

Konkurenca është tepër e madhe, pasi në fund të konkursit, përfshirë edhe testimin fizik dhe psikologjik, vetëm 150 të rinj do të pranohen në patrullën bazë të Policisë.

I riu nga Shkodra tregon se testimi teorik të cilit iu nënshtrua ishte i shkallës  mesetare të vështirësisë.

“Testi ishte mesatar, nuk kishte vështirësi të madhe, po ndonjëherë prej stresit edhe gabon. Një vizë e keqë mund të nxjerrë jashtë, shpresoj që do fitoj dhe ishallah fiton ai që e meriton”.

Shkjau tregon për ABC News problemet aktuale në strukturat drejtuese të policisë. Sipas tij, një frymë e re do të kontribonte për mirë, sidomos në imazhin e uniformave blu.

“Shtysa është me kontribu për vendin tonë. Unë kam qenë efektiv para 9 viteve dhe tash që shumë gjana nuk po shkojnë si duhet me drejtuesat tonë shpresoj me këtë mundësi që na jepet këta të rinj dhe të reja të kenë mundësinë të arrijnë të bëjnë diçka më shumë”.

Për largimin e tij nga policia, Kujtimi radhit disa arsye, më kryesore ndër të cilat ishin ndërhyrjet dhe lufta politike brenda strukturave drejtuese.

“Ka qenë një periudhë që duhet të merrja një gradë nuk mu dha mundësia ta marr atë gradë edhe anashkaluan pak me bërryla e kshu gjënash dhe përfundova tjetërkund, shpresoj të eci përpara”.

Gjatë ceremonisë para testimit teorik të kandidateve, drejtori i Policisë së Shtetit Ardi Veliu pohoi se shërbimi në radhët e policisë, nuk është privilegj, por sakrificë.

Veliu: Ata të cilët do arrijnë të kalojnë me sukses këtë proces do të sakrifikojnë nga jeta e tyre nga koha e lirë e tyre dhe do të privohen nga disa të drejta. Procesi i përzgjedhjes do jetë i gjatë dhe transparent.

Testimi teorik që zgjat dy ditë, është i pari i konkursit që i nënshtrohen, kandidatët për shkollën e policisë. Fituesit e këtij testimi do t’i nënshtrohen me pas edhe testimit fizik dhe atij psikologjik. /abcnews.al

vlcsnap-error334-1-1280x720.jpg
ent ela11:21 | 20/02/2018

Drejtori i Përgjithshëm i Policisë së Shtetit Ardi Veliu, zhvilloi një takim me delegacionin e lartë të Guardia di Finanza-s të kryesuar nga gjenerali Vito AUGELLI, komandant i Guardia di Finanza-s, i Rajonit të Pulias.

Gjenerali siguroi drejtorin e policise shqiptare vijimësinë e bashkëpunimit të shkëlqyer.

Vito Augelli veçoi ndër të tjera edhe punën e mirë të Zyrës ndërlidhëse të Policisë së Shtetit në Bari.

“Rezultatet e shkëlqyera kanë ardhur vetëm në sajë të një bashkëpunimi të ngushtë dhe një shkëmbimi në kohë reale të informacionit- tha zyrtari italian. Nga të gjitha kapjet e kanabisit në Itali, 80% i ka bërë Guardia di Finanza e Pulias dhe këto falë një bashkëpunimi të ngushtë me Policinë shqiptare. Kemi arritur të ndërtojmë një rrjet shkëmbimi informacioni që bazohet në besim reciprok dhe profesionalizëm të lartë- përfundoi fjalën e tij komandanti i Guardia di Finanza i Rajoinit të Pulias, gjenerali Vito AUGELLI. Drejtori  i pergjithshem I policies shqiptare Ardi Veliu vlerësoi kontributin e Guardia di Finanza-s dhe Policisë italiane duke siguruar se të gjitha projektet e drejtuara nga Italia do të kenë mbështetjen e plotë të Policisë së Shtetit dhe angazhimin maksimal për arritjen e objektivave./abcnews.al

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono