vdekshmëria
So Nila15:56 | 12/03/2020
Deri më tani asnjë rast i infektuar me koronavirus në Itali nuk ka të bëjë në mënyrë direkte me Kinën.
Tre personat e infektuar, dy turistë dhe një italian që u kthyen nga Wuhani, i cili u infektua në atë vend, në fakt ishin të izoluar dhe nuk ia transmetuan sëmundjen askujt. Ekziston edhe një konfirmim tjetër që Covid-19 kishte qarkulluar për ca kohë në Itali, kur u përhap për herë të parë në Codogno dhe personat që rezultuan pozitiv ishin personat e brezit të dytë ose të tretë sipas studimit epidemiologjik të botuar nga Instituti i Lartë i Shëndetësisë.
Sa i përket shpërndarjes së rasteve, shumica (62%) janë meshkuj dhe janë kryesisht njerëz shumë të moshuar.
Rastet mes fëmijëve midis 0 dhe 9 vjeç janë shumë pak (0,5%) numri ka shkuar në 43.
Në grupmoshat midis 10-19 vjeç të prekur janë 85 (1%), të prekurit midis moshës 20-29 vjeç janë 296 (3.5 %), mosha 30-39 ka të prekur 470 (5.6%), mosha 40-49 ka të prekur 891 (10.7%), mosha 50-59 ka të prekur 1.453 (17.4%), mosha 60-69 ka të prekur 1,471 (17.7%), mosha 70-79 ka 1.785 të prekur (21.4%) dhe 1,532 të prekur (18.4%) janë mosha mbi 80.
Siç shihet virusi ka prekur personat mbi moshën 60 vjeç, mbi 57%.
Sidoqoftë, përqindja e vdekshmërisë është shumë më e zhvendosur drejt grupmoshave më të larta.
Midis moshave 40 dhe 49 vjeç u raportua vetëm një i vdekur (0.3%), tre të vdekur midis 50 dhe 59 vjeç dhe tridhjetë e shtatë midis 60 dhe 69 vjeç. Nga mosha 70 deri në 79 vjeç pati 114 të vdekur.
21% e të infektuarve janë shtruar në spital, 12% janë në kujdesin intensiv. Askush në grupmoshat 0-18 nuk ka qënë në kujdes intensiv. 10% e pacientëve të shëruar janë të moshës j19 deri 50 vjeç, 46% janë nga 51 deri në 70 vjeç dhe 44% janë mbi 70 vjeç.
“583 raste janë diagnostikuar midis punonjësve shëndetësorë – shkruan Instituti i Shëndetësisë -. Kjo shifër është paraprake sepse hetimi epidemiologjik ende nuk ka përfunduar “./abcnews.al
ent ela15:00 | 25/07/2019
INSTAT ka publikuar shifra shqetësuese për rritje të vdekshmërisë për nënat dhe foshnjat në vitin 2018. Sipas raportit 7.3 femra në 100 mijë lindje humbën jetën, niveli më i lartë i regjistruar prej vitit 2011.
Sapo i kanë sjellë në jetë, i thonë lamtumirë.
Nuk janë pak. Shifrat e publikuara nga INSTAT tregojnë se të paktën 7 femra për 100.00 lindje, kanë humbur jetën në vitin 2018, nga 6.3 që ishte një vit më parë. Nga ana tjetër Instituti i Statisktikave saktëson se edhe pse në 2018 është shënuar rritja e vdekshmërisë së nënave, ky tregues në Shqipëri është shumë më poshtë mesatares botërore.
Vdekshmëria foshnjore është një tjetër fenomen që tërheq vëmendjen në Shqipëri. INSTAT tregon se në vitin 2018, të paktën 257 foshnje kanë vdekur, nga 28,934 bebe të lindur. Sipas Institutit të Statistikave, në 2017, numri i foshnjeve të vdekura ishte 8.0 për 1000 lindje. Humbja e jetës e nënave gjatë apo pas përfundimit të shtatzanisë, ka si shkak sipas INSTAT më shumë mënyrën se si menaxhohet shtatzania, sesa arsyet aksidentale. Ndërsa rritja e vdekshmërisë foshnjore në vend, shoqërohet sipas statistikave me ulje të numrit të lindjeve.
. /ABC News Albania 24/7
ent ela18:02 | 07/08/2018
Sipas disa studimeve të fundit, fjetja e 8 apo më shumë orëve çdo natë mund të krijojë rrezikun e një vdekjeje të parakohëshme.
Studimi i kryer në Universitetitn Keele në Staffordshire të Anglisë, tregon së njerëzit të cilët kanë tendencën që ti përkushtohen gjumit më shumë se sa nevojitet, bëjnë të mundur që tu shfaqen më vonë probleme me frymëmarrjen dhe sëmundje të ndryshme të zemrës.
Dembelizmi që shoqërohet me këtë simptomë është gjithashtu tregues i një shëndeti të përgjithshëm jo të mirë. Studimi përfshiu rreth 3 milionë njerëz. Gjithashtu, për marrjen e të dhënave, u nevojit një përiudhë kohore që përfshin vitet 1970-2017, duke marrë informacione për vdekshmërinë e sëmundjet kardiovaskulare në përpjestim me sasinë e gjumit tek secili person.
Studiuesit rekomandojnë që sasia e nevojshme për çdo njeri, është 7 orë gjumë në natë./abcnews.al
ad min14:49 | 19/11/2017
Shifrat e Aksidenteteve rrugore me pasojë vdekjen ose plagosje të rëndë i ngjasojnë një bilanci lufte. ABC News siguron numrin e plotë të vdekshmërisë nga aksidentet, ku në 101 raste drejtuesit e automjeteve janë larguar pas përplasjes, duke shaktuar shumë viktima.
Numri i vdekshmërisë nga aksidentet rrugore ka kapur shifra të frikshme krahasuar me vendet e Bashkimit Europina.
Të udhëtosh me automjet por edhe të kalosh nga njëra anë e rrugës në tjetrën, mund të të kushtojë edhe jetën, pasi mungon ndriçimi, vijëzimi dhe po kështu edhe tabelat orientuese, si ato vertikale dhe horizontale.
ABC News ka siguruar shifrat e aksidenteve rrugore deri në tetor të 2017-s, krahasuar me të njëjtën periudhë të një viti më parë. Kështu, në total numri i aksidenteve për këtë 10-mujor është 1669, ndërsa për 2016 shifra ka qenë 1695. Pra në vitin shkuar ka pasur 26 aksidente më shumë. Por ajo që evidentohet më shumë nga policia rrugore është, se numri i viktimave nga aksidentet me pasojë vdekjen është 42 më pak krahasuar me 2016.
Gjithashtu një nurmër i lartë gjatë aksidenteve rrugorë është plagosja e drejtuesve të mjeteve por edhe personave që udhëtojnë me to. Deri në tetor 2017 janë plagosur rëndë 295 persona, teksa diferenca ka qenë më lartë për 2016 me 374 ose 79 të lënduar më shumë. I njëjti trend paraqitet edhe për plagosjet e lehta gjatë aksidenteve, ku në 2017 ka pasur më pak se në 2016.
Pavarësisht se policia ka marrë fushata të gjera për gjobitjen e drejtuesve të atomjeteve në 2017, kryesisht për drejtim automjeti në gjendje të dehur, apo mos vendosja e rripit të sigurimit dhe për përdorimi i celularit, ndëshkimi ka qenë më pakët krahasuar me 2016. Në total për 2017 janë vendosur masa administrative në të gjithë vendin 423 mijë gjoba, ndërkohë për 2016 kjo shifër ka qenë edhe më lartë pra 451 ndëshkime.
Një fenomen shqetësues për policinë rrugore është largimit i drejtuesve të automjete të përfshire ne aksidente me pasojë vdekje ose në plagosje të rëndë. Për këtë dhjetëmujor, numri i tyre është 101 raste. Më i theksuar ky fenomen është në Komisariatin e Policisë Rrugore Tiranë dhe në Policisë Rrugore Durrës./abcnews.al
ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.
NUIS/NIPT K01711004FKontaktTelefono
14:11 | 02/04/2020
