tatimet

makina--1280x720.jpg
ad min21:29 | 01/11/2018

Një pako e vogel e cila dyshohet të ketë brenda saj lëndë plasëse është gjetur pranë një mjeti. Ngjarja ka ndodhur pasditen e sotme tek Ura Dervish Beg në Shkodër. Makina tip BENZ është në pronësi të nje punonjësi të Tatimeve në Shkodër Nehat Zaganjorit. Vetë ky i fundit ka njoftuar policinë. Dyshohet se pakoja është hedhur nga larg pasi mjeti ka nje dëmtim në pjesën e pasme të tij. Ndërkohë që policia ka nisur hetimet për ngjarjen. Zaganjori nuk njihet si person problematik. Ai prej tre vitesh punon si inspektor në Drejtorinë e Tatim Taksave në Shkodër./abcnews.al

TATIMET-PARALAJMEROJNE-BIZNESET.mpg_snapshot_00.36-1280x702.jpg
ad min17:15 | 31/10/2018

Drejtoria e Përgjithshme e Tatimeve i bën thirrje bizneseve me probleme të vetëkorigjohen, në të kundërt do të penalizohen. Gjatë kontrolleve të ushtuara këtë vit në terren inspektorët tatimorë kanë konstatuar thyerje të rregullave të analizës së riskut.

Në rast se vërtetohet se një biznes pasiv ka kryer transaksione blerjesh apo shitjesh do të kalojë menjëherë në status aktiv. Paralajmërimi vjen nga Drejtoria e Përgjithshme e Tatimeve pas një procesi monitorimi në terren ku ka konstuar pasaktesi në deklarimet e shumë subjekteve.

Ndër shkeljet e konstatuara gjatë kontrolleve të ushtuara këte vit tatimet theksojnë mospërputhje të vlerës së eksporteve dhe importeve të deklaruar në doganë dhe në organet tatime; tatimpagues pasivë që figurojnë blerës në librat e shitjes së të tretëve; tatimpagues pasivë që figurojnë shitës në librat e blerjes se të tretëve; tatimpagues që shesin tek tatimpaguesit pasive; mosdeklarim i saktë i blerjeve që verifikohet nga kryqëzimi i numrave seriale të faturave. Këto deklarime të pasakta ve në dukje Drejtoria e Përgjithshme e Tatimeve përbëjnë shkelje dhe thyerje të rregullave të analizës së riskut. Administrata tatimore nxit tatimpaguesit të vetekorigjohen, ndërsa për paqartësitë mund të informohen pranë drejtorive rajonale ku dhe janë regjistruar./abcnews.al

tabaku-ahmetaj.png
ad min14:56 | 23/09/2018

Tatimet kanë përplasur në rrjetet sociale deputeten e Partisë Demokratike, Jorida Tabaku dhe ministrin e Financave dhe Ekonomisë, Arben Ahmetaj.

Koncesioni në sistemin e tatimeve sipas deputetes sëopozitës është korruptiv.

Ndërkohë Tabaku thotë se katër vjet më parë, ministri Ahmetaj gënjente shqiptarët se koncesioni kishte zero kosto shtesë për biznesin, më pas, se nuk janë lekët e shqiptarëve, por të buxhetit të shtetit.

“Çfarë e shtynte zotin Ahmetaj të bëhej gazi i botës? Formula magjike e kryeministrit Rama? “Nuk ka supë qyl në karrigen e ministrit!” Kështu sharlatanët janë turrur kush e kush gënjen më shumë dhe më paftyrësisht për të ruajtur karrigen dhe për të bërë dallaveren e radhës”, shkruan deputetja e Partisë Demokratike.

Pas deklaratës së deputetes së opozitës ka reaguar ministri i Financave dhe Ekonomisë, Arben Ahmetaj.

“Dje një duet i dobët përçartjeje publike, sot një solo për të ardhur keq. Eshtë e kotë t’iu përgjigjesh për çdo budallallëk! Nuk ka koncesion zonjë! Por si duket ju dhe partia juaj ia keni koncesionuar mendjen paditurisë”, shkruan ministri Ahmetaj në faqen e tij në rrjetin social Facebook.

Qeveria thotë ministri i Financave dhe Ekonomisë mbetet e vendosur të çojë përpara reformat si ulja e mëtejshme e ngarkesës fiskale për biznesin e qytetarët.

SISTEMI-I-RI-FATURIMI.mpg_snapshot_00.58-1280x683.jpg
ad min12:09 | 17/08/2018

Ministria e Financave ka njoftuar se Administrata Tatimore do të aplikojë së shpejti një sistem të ri teknologjik të faturimit. Rreth 15 milionë euro do të financohet gjatë viteve 2018-2022 nga fondet e Buxhetit të Shtetit për ngritjen e këtij sitemi që parashikon ti japë fund evazionit fiskal dhe mashtrimi tatimor.

Një sistem i ri i faturimit do të aplikohet së shpejti nga administrata tatimore.Ky projekt synon krijimin e një sistemi on line të mbikqyrjes në kohë reale të pajisjeve fiskale si për pagesat në cash për transaksionet biznes-konsumatorë, ashtu edhe për transaksionet biznes-biznes.
Sistemi i ri, ndryshe nga ai aktual i ndërtuar në vitin 2010, do të lidhet edhe me modulin aktual të manaxhimit të riskut në tatime e më pas edhe në dogana, për të mundësur një analizim më të thellë të përgjegjësive fiskale të subjekteve dhe transaksioneve individuale të bizneseve.

Sistemi aktual nuk identifikon kuponin në kohë reale, por transmeton vetëm totalin e xhiros dhe numrin total të kuponëve të printuar nga çdo pajisje fiskale një herë në ditë. Në të njëjtën kohë, me sistemin aktual mungon një analize e detajuar për menaxhimin e riskut dhe kontrollit; nuk identifikohen faturat e lëshuara në mënyrë elektronike biznes-biznes dhe faturat me blloqe për shkak të mos-deklarimit të shitësit dhe blerësit, elemente këto të domosdoshme për efektivitetin e punës së administratës tatimore.

Sistemi i ri i jep fund të gjitha këtyre mangësive duke mundësuar gjithashtu edhe mundësimin e plotësimit automatiktë formularëve që tatimpaguesit duhet të dorëzojnë pranë autoriteteve tatimore (librat e shitjes dhe blerjes, apo të para-plotësojë fusha të caktuara të deklaratës së TVSH). Në transaksionet B2B, do të jetë e mundur që blerësi të përcaktojë menjëherë nëse furnizuesi është me të vërtetë një pagues tatimor i TVSH-së./abcnews.al

vlcsnap-2018-08-15-15h38m05s901-1280x699.png
ad min15:39 | 15/08/2018

Drejtoria e Përgjithshme e Tatimeve ka nisur kontrollin e deklarimit të pagave. Nëpërmjet një njoftimi për shtyp kjo drejtori inkurajon tatimpaguesit për të deklaruar pagat reale të punonjësve të tyre.

Drejtoria e Riskut, pranë Drejtorisë së Përgjithshme të Tatimeve, ka filluar të marrë në analizë nivelin e deklarimit të pagave të punonjësve për profesione të ndryshme, duke i krahasuar me pagat reale të tregut të punës. Nga këto analiza, është konstatuar se disa punëdhënës deklarojnë paga, për profesione të caktuara, që janë ndjeshëm nën nivelin mesatar të tregut apo janë afër pragut të pagës minimale të përcaktuar për efekt të kontributeve të sigurimeve shoqërore dhe shëndetësore.

Për këtë arsye, DPT, inkurajon tatimpaguesit që të përmbushin në mënyrë korrekte detyrimet, si dhe të reflektojnë në deklarimin real të pagave të punonjësve të tyre.
Administrata Tatimore do të vazhdojë të monitorojë këtë fenomen dhe për çdo parregullsi apo mosveprim korrigjues, do të vijojë me marrjen e masave që parashikon legjislacioni në fuqi./abcnews.al

TATIMET-NE-JUG.mpg_snapshot_00.56-1280x720.jpg
ad min14:35 | 05/08/2018

Edhe pse janë paralajmëruar, subjektet në jug të vendit kanë vazhduar të operojnë të parregjistruara dhe nuk kanë lëshuar kupon tatimor. Kjo ka bërë që drejtoria e tatim taksave të vendosë bllokimin e tyre për 30 ditët në vijim.

9 subjekte të tjera në jug të vendit janë bllokuar nga Drejtoria e Hetimit Tatimor.
Shkaku sipas inpektorëvë është mos rregjistrimi në organet tatimore dhe moslëshimi i kuponit tatimor.
Dy prej këtyre subjekteve të ndëshkuar janë paralajmëruar edhe më parë nga tatimorët që të pajisin klientët me kuponin gjë që nuk e kanë bërë.

Janë kryesisht dyqane, hotele bare e restorante e pika tregëtimi me shumicë e pakicë në rrugën Sarandë-Bistricë, Sarandë Gjirokastër, Livadh, borsh e Himarë.
Shumicës prej tyre nuk i lejohet vazhdimi i aktivitetit për 30 ditët në vijim, duke bërë që të mos përfitojnë asgjë nga sezoni turistik i shumpritur.

Mentaliteti për të nxjerrë të ardhura sa më shumë të munden gjatë verës ka nisur të goditet nga inspektorët e tatim-taksave të cilët kërkojnë që të gjitha bizneset në jug të vendit të funksionojnë sipas ligjit duke mos toleruar asnjë që pretendon se aktiviteti që kryejnë është sezonal.
Prandaj Drejtoria e Hetimit Tatimor tërheq vëmendjen e tatimpaguesve që operojnë në zonat turistike të respektojnë detyrimet ligjore, për të siguruar një ecuri pozitive të sezonit veror./abcnews.al

ministria-e-financave2-905x395.jpg
ad min12:37 | 01/08/2018

Mazhoranca ndeshet sërish me presidentin një ditë pasi Meta ktheu ligjin për lojërat e fatit. Ministri Ahmetaj i përgjigjet kreut të shtetit se nuk ka lehtësim, por vetëm unifikim të tatimit për këto biznese.

Jo vetëm ka ndikim negativ social në shoqëri por është edhe favorizues ndaj bizneseve që operojnë në fushën e lojrave të fatit.

Kështu e argumentoi presidenti i Republikës Ilir Meta mos dekretimin e ligjit “ Për të ardhurat”. Për këtë të dytën nuk është dakort Ministria e Financave dhe Ekonomisë e cila në përgjigjen që i kthen kreut të shtetit, sqaron se ndryshimet e propozuara në ligjin, për tatimin mbi lojërat e fatit, nuk sjellin asnjë ndryshim apo relaksim të tatimit për kategoritë e lojërave të fatit nga ligji i vitit 2015, përkundrazi, unifikojnë procedurën e tatimit, për të gjithë kategoritë e lojërave të fatit, përfshirë Lotarinë Kombëtare, që me ligjin e vjetër ka qenë e përjashtuar.

“Kuadri rregullator dhe fiskal i lojrave të fatit është vendosur dhe standardizuar në vitin 2015 me Ligjin 155/2015 “Për lojërat e fatit në Republikën e Shqipërisë” i cili përcakton konceptet, përkufizimin dhe mënyrën se si tatohen të gjitha kategoritë e lojërave të fatit”.

Ministria e Financave dhe Ekonomisë saktëson gjithashtu se Neni 52/2 i këtij ligji, përcakton shprehimisht se të gjitha kategoritë e lojërave të fatit tatohen në masën 15 për qind mbi të ardhurat bruto.

“Në ligjin e sipërcituar, Neni 4, pika 40, përcaktohet qartësisht baza e tatueshme, që është e ardhura bruto nga loja. Eshtë ky sistem fiskal dhe rregullator të cilin Presidenti në argumentat e tij e cilëson si “regjim fiskal dhe rregullator të rreptë, që synon shtimin e barrës fiskale, me qëllim dekurajimin e këtij aktiviteti”.

Sipas Ministrisë së Financave dhe Ekonomisë, është pikërisht ky sistem fiskal të cilin synon të unifikojë ndryshimi i miratuar nga Parlamenti dhe i kthyer nga Presidenti.

“Presidenti, nëpërmjet mosdekretimit, ndoshta pa dashje, ka rrëzuar pikërisht parimin që synon të mbrojë, pra parimin e një sistemi të rreptë dhe njësoj i aplikueshem për të gjithë”.

Nëse ndryshimet e kthyera nga Presidenti nuk do të hyjnë në fuqi, atëhere do të kemi një trajtim të diferencuar të një subjekti në treg, i cili do të vijojë të tatohet me shkallë tatimore 10% e mbyll përgjigjen drejtuar presidentit Ministria e Financave dhe Ekonomisë./abcnews.al

tatime.jpg
ad min14:03 | 26/07/2018

Mos lëshimi i kuponit tatimor ka ndëshkuar disa restorante të njohura në Durrës e Dhërmi. Njoftimin e ka bërë të ditur Drejtoria e Përgjithshme e Tatimeve sipas të cilës ndaj këtyre subjekteve është marrë masa e bllokimit 30 ditë kalendarike pasi është kontatuar për herë të dytë se nuk kanë dhënë kuponin tatimor për shërbimin e ofruar.

Drejtoria e Përgjithshme e Tatimeve fton sipërmarrjet që ushtrojnë aktivitetin në sektorin e turizmit të respektojnë detyrimet ligjore në funksion të përmbushjes së përgjegjësive tatimore, deklarimit të punonjësve dhe lëshimin e kuponit tatimor./abcnews.al

protesta-fier-12.jpg
ad min12:30 | 20/04/2018

Në Fier dhe në Vlorë tregtarë të vegjël janë grumbulluar duke protestuar kundër përfshirjes në skemën e TVSH-s. Megjithatë ndryshe nga çfarë pritej në të dy qytetet, numri i protestuesve ishte i pakët. Në Vlorë, gjatë protestës, në të njëjtën kohë që në Shkodër po zhvillohej seanca për ndryshimin e masës së sigurisë, u kërkua edhe lirimi i protestuesve kundër taksës së Rrugës së Kombit./abcnews.al

drejtoria-e-tatimeve-1280x657.jpg
ad min21:57 | 06/03/2018

Bizneset, të cilat do të hyjnë në skemën e tatimit mbi vlerën e shtuar, do të duhet që nga 1 Prilli të mbajnë librat e shitjes ku çdo ditë do të shënojnë të ardhurat dhe shpenzimet. Ndryshe nga sa ata veprojnë deri më sot, në kupnin tatimor që do të printojnë për blerësit çmimi duhe ttë jetë +20%, duke i shtuar tvsh-në, ndërsa deklaratën e parë te attimet duhet ta bëjnë brenda 3 muajve.

Nga 1 Prilli nuk do të ketë më kthim mbrapa. Të gjithë bizneset të cilët kryejnë xhiro deri në vlerën 2 milion lekë do të jenë pjesë e zinxhirit të tatimit mbi vlerën e shtuar. Në total 11 mijë e 300 ndërmarrje tashmë duhet të mbajnë librat e shitjes, ku do të shënojnë të ardhurat dhe shpenzimet, kasën fiskale dhe plotësimin e deklaratës së tvsh-së njëherë në 3 muaj.

Drejtoria Tatimore thotë se nuk do të ketë ndryshim për asnjë nga bizneset në pagesat e reja që ata do të bëjnë, pasi ata nuk do të paguajnë TVSH-në, por vetëm do ta shtojnë te faturat që do të presin, pasi taksa ka si target konsumatorin.

Tatimet do të mbajnë në monitorim të gjitha ndërmarrjet të cilët kërkojnë të bëjnë çregjistrimin e tyre ose pezullimin e aktivitetit për të shmangur përgjegjësinë tatimore ose futjen në skemën e TVSH-së. Javët e fundit është konstatuar një numër në rritje i bizneseve që kërkjnë mbylljen e më pas regjistrimin e aktivitetit nga persona të lidhur me ta./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono