shteti

sudan.jpg
nev ila23:45 | 11/04/2019

Është rrëzuar pas 30 vjet në pushtet presidenti i Sudanit, Omar al Bashir, i cili është arrestuar nga ushtria e vendit afrikan. Ministri i Mbrojtjes ka deklaruar se ushtria do të kontrollojë periudhën dyvjeçare të tranzicionit deri në mbajtjen e zgjedhjeve të rregullta.

Ndërkohë, protestuesit janë zotuar se do të vazhdojnë të qëndrojnë në rrugë pavarësisht një shtetrrethimi të vendosur nga forcat e armatosura.

Protestat kundër presidentit Bashir, që ka qeverisur vendin afrikan që prej vitit 1989, zgjasnin prej muajsh. Tani protestuesit kërkojnë një këshill civil për të menaxhuar periudhën e tranzicionit dhe jo ushtrinë.

Pas arrestimit, vendndodhja e tashmë ish-kreut të shtetit nuk dihet, ndërkohë që shërbimet e inteligjencës kanë paralajmëruar lirimin e të gjithë të burgosurve politikë. Prej dekadash, Sudani vuan nga varfëria, korrupsioni i lartë dhe mungesa e drejtësisë./abcnews.al

gjoka.jpg
ad min13:33 | 04/04/2019

Shteti duhet të ketë ndëshkime të forta ligjore për dhunën në futboll, edhe kur ajo kryhet nga njerëz të tribunës VIP. Ky është mendimi i specialistit të njohur, Ernest Gjoka, që flet edhe për kërcënimet ndaj trajnerëve në Shkodër

Nga Tirana, në Laç apo Shkodër, ky vështirë të cilësohet sport.

Veçanërisht e rëndë ngjarja mes presidentëve të Laçit e Tiranës, në vazhdim të skandalit në “Selman Stërmasi”, dhe trajneri i njohur, Ernest Gjoka, mendon se gjithçka është në dorë të shtetit.

“Kur dikush që ka një status në tribunën VIP ngrihet, bërtet, shan, provokon, atëherë çfarë do të bëjnë njerëzit? Ne duhet të kemi një ligj. Ligji duhet të jetë si për tribunën VIP, sipër njeëzit, si për ndokënd, si për trajnerin apo lojtarin sepse ne që e ndiejmë dhe e kemi në kurriz këtë lloj presioni nuk e keni idenë se sa të vështirë e kemi të punojmë”, tha Gjoka.

Gjoka ishte vjet trajner i Vllaznisë dhe u kërcënua, ndërsa tashmë lajmet janë që është kërcënuar edhe trajneri aktual, Agim Canaj.

“Me një dashuri shumë të madhe sepse shkova në një qytet që ka prodhuar gjithmonë jo vetëm futboll, por edhe në art. Pata problem deri në rrezik të jetës sime për arsye sepse u mundova të jem profesionit dhe për arsye sepse ata njerëz që nuk e meritojnë të jenë pjesë e ekipit të mos jenë nëpër këmbë dhe të na pengojnë punët. Qytetin e ka kap pjesa e keqe. Ai qytet duhet të luftojë shumë me pjesën e keqe. Nuk është e kollajtë. Kam qenë prezent në disa raste sëbashku me kryetaren e bashkisë, ku presionin që kisha unë e kishte dhe ajo”, tha Gjoka.

Tekniku që fitoi Kupën e Shqipërisë me Flamurtarin në 2014, analizon çerekfinalet e luajtura në mesjavë.

“Kam parë dy fytyra të Partizanit. Një fytyrë ndryshe në kampionat dhe një fytyrë ndryshe në ndeshjet e Kupës. Një Partizan që në Kupë është një ekip jo me atë agresivitetin e kampionatit, një ekip që e merr ndeshjen lehtë. Laçi bëri mirë, por Tirana arriti t’ia merrte në momentet e fundit. Kryendeshja ishte mes Kukësit dhe Teutës. Aty pashë një Kukës me një dëshirë për të kaluar dhe pashë një Teutë edhe pse është ekip me shumë cilësi nuk arriti të bënte asgjë”, tha Gjoka./abcnews.al

dervishi-1280x718.jpg
ent ela21:29 | 01/04/2019

Për gazetarin Ferdinand Dervishi, shteti nuk funksionon në qytetin e Shkodrës, e për pasojë aty ndodhin ngjarja të rënda. Sipas tij qeveria ka ardhur në pushtet duke bërë pakt me djallin në këtë rast me krimin, ku tani i duhet të paguajë faturën e rëndë.  

“Unë teni mendoj se  flasim për një pesimizëm që nuk bëhet apo Shkodra, dhe thuhet  është e vështirë ose pse mbërritëm në këtë ditë. Por po të shikojmë historikun dhe flasim pas viteve ’90 ka pasur një periudhë në mos gaboj nga viti 2001 deri në citin 2005-2006 ku Shkodra ka qenë nën sundimin e plotë të shteti dhe të policisë. Nuk ka pasur trima në Shkodër dhe trimat futeshin me një telefonatë. Kam qenë personalisht në makinë e drejtorit të policisë Asllan Dogjani që po shkonim për në Theth dhe pa njërin nga këta Bajrat e fortë si duk sikur kishte një makinë sikur kishte probleme dhe shefi iu tha policëve në telefon merreni dhe shikojeni se mos ka probleme makina që ka ai. Dhe e morën dhe i raportuan që e kemi probleme edhe se makina por edhe personi ka probleme. Pra kemi pasur një periudhë ku shteti bënte punën e vet në Shkodër. Tani kemi një periudhë ku shteti nuk po e bën punën e vet në Shkodër. Ku ë shikoj unë problemin?

Kemi mosfunksionim të shtetit sepse gjithmonë krimi është një hap përpara politikave që ndjek shteti përmes policisë dhe ministrisë. Por dersa kemi pasur një periudhë të gjatë të kontrollit të Shkodrës nga policia kjo tregon se shteti i ka treguar vëmendjen e duhur pjesës që quhet rendi dhe siguria. Unë e lexoj problemin në Shkodër por duke e lidhur pak edhe me Elbasanin sepse aty u vra një avokat, dhe me aq informacion që kam unë besoj që në një moment kur vjen në pushtet me atë epitafin e famshëm aleancë dhe me djallin do përballosh ca fatura më pas. Kur bëhet aleancë me djallin do të thotë aleancë edhe me krimin”./abcnews.al  

PROVOKACIA-26-SHKURT-MONOLOGU-DHE-BOLLINO-PJESA-1.mpg_snapshot_30.34-1280x720.jpg
ent ela20:48 | 26/02/2019

Problemi që ka Shqipëria sot është modeli i shtetit. Kështu u shpreh në studion e Provokacija gazetari Karlo Bolino, i cili bën përgjegjës ish-kryeministrin Sali Berisha për ndërtimin e një modeli diktatorial të shtetit.

“Shqipëria vend i vështirë, por ku ka shumë për të bërë. Bazat ku ndërtohet demokracia është shteti, fillon nga marrëdhënia që ka me shtetin. Berisha nuk ka ndërtuar një model shteti, ai e ka rrëzuar konceptin e shtetit, që shteti baraz me diktaturë dhe ky është problemi kryesor që ka Shqipëria sot”.

Sipas tij ky problem është shumë i thellë në shoqërinë shqiptare, të cilën e shehtë ndarë në dy grupime, njëra që ëndërron modelin e shtetit modern dhe tjetra që ka nostalgji ëpr shetin anarshist sipas tij të Berishës.

“Problemi është i thellë dhe ka të bëjë më shoqërinë. E gjithë Shqipëria nuk është si Berisha. Një pjesë ëndërron modelin e shtetit modern dhe tjetra që ka nostalgji për shtet anarshist si ai i Berishës. Berisha ka marrë në dorë shtetin. Po dëgjoj disa nostalgjikë që fajësojnë shtetin, por jemi ne individët që e ndërtojmë shtetin. Duhet të ketë një model për të ndërtuar shtet”.

I vendosur prej gati 25 vjetësh në Shqipëri, Bolino thekson se njeh më mirë politikën shqiptare se atë italiane, por i pyetur se kush do kishte më shumë mbështetje politike në Itali, Rama apo Berisha, ai  përgjigjet:

Nano: A do kishte Berisha mbështetje nëse do ishte ne politikën italiane?

Bolino: Nuk e besoj, ndoshta tani që shtë modeli i populizmit, Berisha është populist

Nano: Po Rama?

Bolino: Rama mund të marrë më shumë vota në Itali se në Shqipëri, ngjan më shumë me një popull evropian, disa herë Rama interpreton. Në Itali ka modele politikanësh si Rama, politika mendjehapur pa tabu e pa paragjykime, Rama është figura e privatizmit, ka vizion ndryshe nga e majta tradicionale.

Për Bolinon shqiptarët kërkojnë një bajraktar, sepse sipas tij ky është modeli që është trashëguar nga e kaluara jo komuniste, por demokratike.

“Gjithmonë shqiptarët po kërkojnë një bajraktar, ky është modeli i trashëguar nga e kaluara demokratike jo komuniste, gjithçka ishte në dorën e Berishës dhe opozita ishte shtypur me dhunë ose forcën e kartonave”.

/abcnews.al

basha-5-1280x716.jpg
ent ela16:23 | 13/02/2019

Turin e takimit me qytetarët për t’i ftuar në protestën e së shtunës, kryetari i Partisë Demokratike e vijoi në Burrel, ku bisedoi me qytetarët për problemet e tyre.

Ndalesa e rradhës, Burreli. Edhe atje në bashkëbisedim me qytetarët e Burrelit, kryedemokrati dëgjoi për mungesë pune dhe ekonomie familjare.

Asgjë nuk është bërë në vite për rrethin e Matit sipas qytetarëve, e kjo duhet të ndryshojë.

Kjo qeveri është kapur duke vjedhur këdo, nga studentët tek pacientët, tek votat e shqiptarëve dhe paratë e tyre, sipas Bashës, ndaj koha është ta largojnë arkitektin e gjithë kësaj./abcnews.al

juli-xhokaxhi.jpg
ent ela21:21 | 11/02/2019

Vendimi i marrë nga Gjykata e Apelit e Krimeve të Rënda, e cila pranoi gjykim të shkurkuar për Dritan Dajtin, ka përplasur mendimet e ekspertëve në studion e emisionit “Byro Politike”. Dajtit i janë hequr 4 dënime të përjetshme, duke e dënuar me 25 vite, vendim i marrë më 8 Shkurt. Problemi sipas ekspertëve është tek mosfunksionimi i Gjykatës Kushtetuese, pasi në saj të vetingut janë shkarkuar shumë gjyqtarë dhe anëtarë të saj.

Çlirim Gjata: Kismet kur të bëhet Gjykata e Lartë. Pse erdhi në fund të fundit kjo çështje deri këtu. Rreforma në Drejtësi dhe vetingu e lanë vendin pa Gjykatë të Lartë. Duhej filluar vetingu nga shkalla më e ulët. Po të fillonte nga poshtë do të kishte një rritje të përgjegjësisë edhe lart sepse do u vinte radha. Në këtë situatë pa një dërhyrje të fuqiahmë, nuk ban vaki. Këtu çdo gjë ka të bëjë me prapavijë politike. Janë të famshmet telefonata nga burgu të atij me persona të lartë që e kanë takuar në burg.

Ferdinand Doja: Unë nuk mund ta shoh dot nga pikëpamja politike. Faktikisht vendimi lë për të dëshiruar në këtë aspekt, sepse gjyqtarët kanë abuzuar sepse në donin e jepnin dhe nëse nuk donin nuk e jepnin. Ky është një vendim i kufizuar psepse çështja është lënë plotësisht në dorë të gjyqtarit. Sot gjyqtari nuk e arsyenton se pse nuk e jep një vendim. Ai ka detyrimin gjithmonë të arsyetojë.

Saimir Vishaj: Në gusht të 2017 në ligj thuhet se të gjitha veprat që kanë burgim të përjetshëm nuk kanë të drejtë të kërkojnë gjykim të shkurtuar.  Roli subjektiv për të dhënë këtë vendim është në dorë të gjyqtarëve që herë ë japin e herë nuk e japin.

Ferdinand Doja: Në fakt vetingu ku abuzar me sitemin gjyqësor sepse jemi i vetmi shtet në botë që nuk ka Gjykatë Kushtetuese. Ne jemi pa kupolën e drejtësisë. Ne nuk dimë se ku jemi dhe çfarë do bëjmë. Jo për rastin konkret por për çafarëdolloj rasti.

Mentor Kikia: Për mua ky nuk është një vendim i papritur. Ishte një çështje e pastër nga ana e provave. Nuk bënte pjesë tek çështjet misterioze sepse nuk ishte e sigurt autorësia. Shteti është bërë qesharak. Në një raport thuhej se nuk po përfundonte një çështje për 4 policë të vrarë. Kjo histori duhet bërë pjesë e korrikula shkollore për të kuptuar se çfarë nuk ka funksionuar në këtë sistem./abcnews.al

dacic-me-unknow-933x445.jpg
ent ela16:47 | 21/01/2019

Një shtet i vogël që përbëhet prej një grumbulli ishujsh në Paqësor dhe që funksionon në aleancë me SHBA, ka tërhequr njohjen e pavarësisë së Kosovës. Serbia pretendon se ka arritur të kthejë mbrapsht dhjetëra njohje të Kosovës, dhe kjo vjen pas tensionimit të marrëdhënieve për shkak të taksës.

Ka udhëtuar 25 orë nga Palau për ta gëzuar ministrin e jashtëm të Serbisë, Ivica Dacic, me tërheqjen e njohjes së pavarësisë së Kosovës. Presidenti i këtij shteti 21 mijë banorësh në Pacifik, Thomas Tommy Remengesau, i ka dhënë mbështëtje dialogut para statusit.

Presidenti i Palau, pasi ka ftuar serbët për turizëm dhe not me peshkaqenët vegjetarian që nuk hanë njerëz, ka sqaruar vendimin.

Thomas Remengesau JR President i Palau: Kishim pak informacione për situatën në këtë pjesë të botës. Paraardhësi im ka njohur Kosovën pa kuptuar se kjo çështje ka nevojë për një dialog paqësor dhe domethënës.

Serbia nuk kishte marrëdhënie më shumë shtete si ky. Daçiç thotë se ka përmirësuar gabimin. I pyetur nëse do të ndalonte lobimin në rast të vazhdimit të dialogut, Daçiç është përgjigjur kundër.

Ivica Daçiç ministër i Jashtëm i Serbisë: Meqë ju vini nga Shqipëria, t’ju pyes nëse Shqipëria do të ndalojë të lobojë për njohjen e pavarësisë së Kosovës? Nëse Shqipëria nuk ndalon, nuk ndalojmë as ne. Besoj jam I qartë, secili të bëjë punën e tij. Kanë shkruar mediat këtu se do të kemi edhe 4-5 tërheqje tjera, mendoj se kjo është deklaratë pesimiste.

Serbia i ka hequr vizat për banorët e Palaos dhe ka firmosur bashkëpunim për rini e sport./abcnews.al

vlcsnap-error141-1280x720.jpg
ent ela14:23 | 24/02/2018

Peshkatarët e Vlorës kërkojnë që të investohet më shumë në sektorin e peshkimit.Sipas tyre mungon hapësira e nevojshme për ankorim të anijeve,  ndërsa duhet thelluar deti pranë Triportit për të shmangur dëmtimin e mjeteve lundruese.

Dalin në punë që prej orëve të para të mëngjesit dhe mund të qendrojnë në det nga 36 orë deri në dy ditë.

Nuk janë të pakta problemet që ndeshin gjatë peshkimit.

Peshkatarët e Vlorës thonë se nuk kanë vende as për të ankoruar anijet.

Ata kërkojnë thellimin e detit pranë Triportit, pasi mjetet lundruese dëmtohen ose ngecin.

Kjo do të thotë për peshkatarët disa ditë pa punë, derisa të riparohen anijet e peshkimit.

Në Vlorë funksionojnë 100 anije peshkimi. Ndërkohë që në disa zona ata janë të kufizuar për të ushtruar gjuetinë e peshkut.

Gazetar i ABC News: Elton Nika

/abcnews.al

22901735_10212579586783596_410881948_n.jpg
ad min13:55 | 30/10/2017
Qyteti i Krujës së shpejti do të ketë një pamje të re. Nga buxheti i shtetit është akorduar një fond prej afro 370 milionë lekë. Sipas projektit, do të investohet një shesh i ri me parking modern. Sipas vendorëve ky projekt do ta kthejë Krujën në një vend më të frekuentueshëm nga turistët falë edhe dy muzeve që ndodhet aty, ai historik dhe arkeologjik.


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono