shemben

shembet-shkolla-kurbin.jpg
nev ila13:51 | 06/12/2019

Zyra operacionale në raportimin e saj ditën e sotme njofton se ka përpunuar 476 thirrje telefonike të qytetarëve qe raportojnë për dëmtime në banesat e tyre.  Sipas Zyrës Operacionale shumica e këtyre thirrjeve ka qenë për verifikim dëmesh  në banesa.

Për sa i përket terrenit zyra operacionale njofton se janë prishur gjithsej 30 objekte në disa zona të prekura nga tërmeti ku tashmë po vijohet me pastrimin e inerteve.

Njoftimi i Zyrës Operacionale: 

“E premte, 6 dhjetor 2019, ora 13:30 pm:

Përshëndetje, vijojmë me përditësimin e të dhënave dhe bilancin paraprak të punës, bashkitë Durrës, Krujë, Shijak, Kurbin, Tiranë, Kamëz, Vorë dhe Lezhë.

QENDRA DISPEÇER

Deri në orën 12:30 të ditës së sotshme, numri i thirrjeve të përpunuara deri tani nga gjashtë operatorët në dispozicion të qytetarëve për të tre numrat e gjelbër: 0694114100; 0694114101 dhe 0694114040 është aktualisht: 476 (Tiranë – 211; Durrës – 225; Lezhë – 38; Elbasan – 1; Shkodër – 1).

Sërish, sikurse edhe gjatë dy ditëve të fundit, shumica dërrmuese prej 414 thirrjesh ka qenë për verifikim dëmesh në banesë.

PUNA NË TERREN

Janë prishur gjithsej 30 objekte në zonat e prekura nga tërmeti i 26 Nëntorit 2019, nga të cilat:

Në Bashkinë Durrës: 19 objekte

Në qytetin e Thumanës, Bashkia Krujë: 10 objekte, përfshirë 1 objekt 2-katësh dhe shkollën 9-vjeçare të fshatit Bubq, Bashkia Krujë.

Ndërkohë, po në Bashkinë Durrës:

  • Ka filluar prishja e një objekti 4-katësh në Lagjen Kënetë.
  • Vijon prishja e një objekti 4-katësh në zonën e plazhit, tek “Ura e Dajlanit”.

Vijon puna për copëtimet dhe pastrimet e inerteve në këto objekte:

  • Në objektin afër Kompleksit “Tropikal;
  • Në shtëpinë e Familjes Reci, në qytet Durrës ;
  • Në Kompleksin “Miramare”;
  • Tek ndërtesa e Familjes Lala në Kënetë;
  • Tek ndërtesa tek Rr. “Dhimitër Gjerko”

Në të gjitha objektet e shembura do të vijohet me procesin e pastrimit të inerteve.

Në fshatin Bubq, Bashkia Krujë ka mbaruar aktualisht procesi i prishjes për objektin 2-katësh, shkollës 9-vjecare dhe ka filluar prishja një objekti 3-katësh.

SHËNDETËSIA

Numri aktual i pacientëve të shtruar në spitale është 19 pacientë (16 pacientë në spitalin Universitar të Traumës dhe 3 pacientë në spitalin Rajonal të Durrësit)

3,839 vizita të kryera në njësitë akomoduese

809 qytetarë të vaksinuar në Durrës, Krujë, Lezhë dhe Vorë

AKOMODIMI

Numri i të akomoduarve në struktura hoteliere në Qarkun e Lezhës dhe Qarkun Durrës deri sot:

1. Hotel “Vala” 104
2. Hotel “Bonita” 213
3. Hotel “Eter” 93
4. Hotel “Casa” 90
5. Hotel “Pameba” 80
6. Hotel “Kolaveri” 471
7. Hotel “AS/Ibiza” 337
8. Hotel “Aler” 135
9. Hotel “Fafa Premium” 461
10. Hotel “Dolce Vita” 290
11. Hotel “Pishat e Buta” 90
12. Hotel “Diama” 350
14. Hotel “Rafaelo” 830
15. Hotel “Froidi” 123
16. Hotel “Ermir” 347
17. Hotel “Aragosta” 39
GJITHSEJ 4053

 

DËMET NË BANESA

Ndërkohë edhe një përditësim për qarqet e tjera që nuk kemi raportuar në daljet e deritanishme:

Qarku Shkodër.

  • Të dëmtuara lehtë (të banueshme) 78 banesa,
  • Të dëmtuara rëndë (që mund të banohen, por të mundshme për rikonstruksion) 27 banesa,
  • Të pabanueshme (të cilat do prishen) 11 banesa.

Qarku Dibër.

  • Të dëmtuara lehtë (të banueshme) 179,
  • Të dëmtuara rëndë (që mund të banohen, por të mundshme për rikonstruksion) 28,
  • Të pabanueshme (të cilat do prishen) 37.

Gjithsej 244 banesa dhe nga këto 10 janë apartamente.

Qarku Fier.

Bashkia Lushnje.

  • 6 pallate të dëmtuar, ku 2 prej tyre kanë dëmtime serioze. Në këto 2 pallate nuk janë futur banorët.

Bashkia Fier.

  • Në fshatin Darëzezë të njësisë administrative Dermenas është mbyllur 1 shkollë 9-vjecare për shkak të dëmtimit të saj. Shkolla është bllokuar dhe nxënësit janë transferuar në një shkollë tjetër.

Bashkisë Mallakastër.

  • Në njësinë administrative Fratar është mbyllur nga specialistë të bashkisë shkolla 9-vjecare “Gjok Doçi”.

Nxënësit janë transferuar në një shkollë tjetër. Dëmtimet kanë qenë të mëparshme, por nga tërmeti ato kanë avancuar më shumë.

Qarku Vlorë.

Bashkia Vlorë. 

  • Ka 37 ankesa për dëme, prej të cilave janë evidentuar 22 dhe janë në proces 15.

– 9 raste problematik pallatesh krisje muresh dhe bashkim pallatesh,

– 16 plasaritje muresh, dhe

– 2 shkolla dëmtim pjesërisht, por pa problem për mësimdhënien.

Bashkia Selenicë.

Ka 15 ankesa, evidentuar 9 raste, dëmtim i plotë 3 raste, dëmtim i pjesshëm 4 raste.

Duke ju falënderuar për vëmendjen dhe bashkëpunimin, ju njoftoj për takimin tonë të ores 18:30.

Faleminderit!”./abcnews.al

vila-verde-1280x720.jpg
ger ta13:30 | 01/12/2019

Në Durrës ka nisur sot shembja e objekteve të dëmtuara nga tërmeti. Mësohet se është shembur ‘Vila Verde’, në zonën e plazhit.

Ndërtesa 4 katëshe ishte shkatërruar nga tërmeti, ndërsa rrezikonte dhe ndërtesat e tjera aty pranë dhe siç mund të shihet nga pamjet tashmë kanë mbetur vetëm gërnadhat.

Sakaq, pritet të nisë edhe shembja e hotel “Lubjana”, po ashtu e dëmtuar nga tërmeti. Ndërkohë, më herët janë shembur ndërtesat e dëmtuara edhe në zonën e Thumaës.

Durrësi dhe Thumana janë zonat më të prekura nga tërmeti i 26 nëntorit, ku 51 persona mbetëm viktima dhe mbi 700 të tjerë u plagosën./abcnews.al

LUSHNJE-FASHTI-BRAKTISJE-1280x720.jpg
ent ela13:58 | 25/03/2018

Rrëshkitjet e tokës kanë shkaktuar dëme të mëdha në Allprenaj të Lushnjes. Shtëpitë janë dëmtuar dhe banorët kërkojnë të largohen, por nuk kanë se ku të shkojnë.

Familja e Tajar Bllikut është më e dëmtuara. Gruaja e tij, Mirjana, përpiqet të mbushë të çarat e mureve me rroba të vjetra. Të paktën të mos futet era, e cila shkakton lëkundje në çdo dhomë. Këtu banojnë pesë persona, të cilët zgjohen me makthin e shembjes së shtëpisë

“Ka rrëshkitur toka nga shirat e tepërt, ja këto i kam zënë vetëm nga era, se lëre shiu, hyn e hyn, edhe andej e ka marrë ka ikur dheu”

Nga themelet e shtëpive po rrjedh ujë.  Rrëshkitjet kanë shkaktuar çarje të mëdha të  mureve.Këtu, në Allprenaj të Lushnjës  fshatin po e përpin toka. Pesë banesa janë shembur 10 të tjera janë të pabanueshme.

“Para dy ditësh kam bërë një vijë që po del uji këtej nga themmelet, po mos ta kisha bërë këtë vijën këtu do ishim brenda”.

Burrat e fshatit bëjnë roje natën, Dikush duhet të qendrojë zgjuar për të lajmëruar të tjerët nëse toka nis të shkëputet. Në çdo shtëpi në Allprenaj, flitet për braktisjen e zonës. Të gjithë duan të ikin.

“Gjithë natën rrimë roje, sidomos unë dal përjashta”.

“Po ku kemi mundësi, po të kishim mundësi kishim blerë shtëpi në Lushnje”.

“Jemi në rrezik nuk mund të rrimë brenda, kemi frikë, kalamajtë i kemi përjashta, kemi frikë t’i lëmë brenda”.

 Gratë nuk lejojnë që fëmijët të futen brenda dhe pse jashtë është shi. Ato janë të tmerruar nga mendimi se muret mund të zënë poshtë.

Shkarjet e tokës në Allprenaj kanë nisur të japin probleme që prej 10 vitesh. Banorët tregojnë se ekspertët kanë zbuluar se çarja e tokës është rreth 37 metër në thellësi.

Gazetare e ABC news, Lushnje: Anila Sefa

/abcnews.al

 

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono