rreshqitje

Durrs-1280x760.jpg
ent ela13:55 | 10/04/2019

Reshjet e shiut kanë shkaktuar problem në Durrës dhe në Vlorë. Ndërsa në Currila vazhdojnë rrëshqitje të tokës, në Jug rrugët u mbushën me ujë. Uji vërshoi nëpër rrugët e qytetit të Vlorës. Reshjet gjatë natës në sasi të mëdha, shkaktuan përmbytje.

Rrjedha shkoi deri në katet e para të banesave dhe tek bizneset. Me problematike situata u bë në rrugën pranë Portit në Vlorës, pranë vendit te quajtur Albano dhe Romina por edhe në segmentin e hapur në bulevardin kryesor.

Probleme pati në lëvizjen e mjeteve dhe këmbësorëve. Në Durrës reshjet e dendura u shoqëruan me rrëshqitje të tokës në kodër Currila. Qarkullimi vazhdon të bëhet në njërin sens pasi tjetri është i pasigurt.

Kjo gjendje krijohet sa herë qyteti përfshihet nga moti i keq me reshje shiut. Të rrezikuar si pasojë e shkarjes se tokës mbeten edhe lokalet e ndërtuara rrëzë kodrës.

Përgjatë 8 viteve të fundit në këtë vend dy biznese dhe tre shtëpi u shembën, kurse shumë të tjera rrezikojnë si pasojë e erozionit të tokës. Investimi i pesë viteve më parë për frenimin e erozionit nuk kanë dhënë asnjë rezultat./abcnews.al

Durres-Currilat-1280x691.jpg
ent ela10:20 | 10/04/2019

Reshjet e dendura të shiut që kanë shoqëruar qytetin e Durrësit përgjatë ditëve të fundit kanë risjellë rrëshqitje të dherave në kodër Currila.

Dherat e rëna nga kodra kanë përfunduar në rrugë duke u bërë pengesë për qarkullimin e automjeteve në njërin sens të segmentit rrugor.

Kjo gjendje krijohet sa herë qyteti përfshihet nga moti i keq me reshje shiu, çka sjell dhe rrëshqitje të dherave nga kodra.

Të rrezikuar si pasojë e shkarjes se tokës mbeten edhe lokalet e ndërtuara rrëzë kodrës.

Përgjatë 8 viteve të fundit në këtë vend dy biznese dhe tre shtëpi u shembën, ndërsa shumë të tjera rrezikojnë si pasojë e erozionit të tokës.

Investimi i pesë viteve më parë për frenimin e erozionit nuk kanë dhënë asnjë rezultat./abcnews.al

 

korcaaaaa.jpg
ad min15:03 | 17/01/2019

Ngricat dhe bora ka shkaktuar probleme edhe për banorët e Korçës të cilët janë mësuar me dimër të ashpër. Mjekët në spital tregojnë për shumë paciente që për shkak të rrugëve me akull kanë thyer këmbë e duar.

Rrugët dytësore në Korçë janë të mbuluara nga akulli. Këmbësoret prej dy javësh po lëvizin me vështirësi megjithëse janë mësuar me acarin dhe borën. Kujdesi nuk i ka shmangur rastet e lëndimeve, nga rrëshqitjet e pashmangshme. Urgjenca e spitalit të Korçës, prej fillimit të Janarit ka pritur dhe trajtuar mbi 40 raste të thyerjeve apo frakturave, pasojë e rrëzimit nga ngricat. Mosha më e prekur është ajo e mesme dhe të moshuarit, por nuk kanë munguar as dëmtimet e gjymtyrëve tek fëmijët.

“Pranë urgjencës së spitalit tonë, repartit të ortopedisë janë paraqitur afërsisht 41 persona me dëmtime të ndryshme që i përkasin rrëshqitjes në akull dhe i përkasin grupmoshave të ndryshme. Më të shtuara janë grupmoshat 35-45 vjeç”, tha Koço Mati, mjek ortoped.

Trashësia e akullit është e konsiderueshme dhe qytetarët nuk e heqin dot vetë edhe pse janë përpjekur të pastrojnë sa munden. Ata janë të irrituar me bashkinë që sipas tyre nuk hedh kripë. Në kushtet kur akulli vazhdon të jetë prezent ne çdo lagje, mjeku këshillon të tregohet kujdes me ekspozimet jashtë. Të evitohen lëvizjet dhe në çdo rast të lëndimit të paraqiten menjëherë tek specialisti. /abcnews.al

guree.jpg
ad min10:05 | 21/11/2018

Gjatë natës në Elbasan, reshjet shkaktuan jo pak probleme. Për pasoje pati rënie të gurëve dhe të inerteve në rrugë. Te Kthesa e Murrashit në rrugën Elbasan-Librazhd lëvizja e mjeteve u bllokua, por me ndërhyrjen e Emergjencave Civile në mëngjes rruga u hap.

Ndërkohë gazetari i ABC News raporton se reshjet kanë rritur prurjet e përrenjve në disa fshatra si Peqin, Elbasan, Cërrik, Gramsh dhe Librazhd, të cilat kanë vërshuar edhe në rrugë duke i përmbytur me ujë, baltë dhe inerte.

Por sipas shefit të shtabit të emergjencave në prefekturën e Elbasanit, Mustafa Arapi, situata është nën kontroll dhe aktualisht nuk ka probleme./abcnews.al

vlcsnap-error594-1-1280x720.jpg
ent ela10:16 | 18/01/2018

Disa makina që po lëviznin nga zona e Postribës në drejtim të Shkodrës u bllokuan në rrugë për shkak të rrëshkitjeve të tokës. Gurë dhe dhera ka patur në vendin e quajtur Prekal dhe për këtë arsye rruga për 12 ore ishte e pakalueshme.

Gurë të përmasave të tilla mund të kishin marrë jetë njerëzish.

Por për fat kjo nuk ndodhi.

Shkarjet e shkëmbinjve ndodhën në Postribë, në rrugën Dukagjin -Shkodër.

Banoret tentuan t’i largonin ato, por ishte e pamundur. Për 12 orë asnjë makinë nuk lëvizi nga njëra anë e rrugës në tjetrën.

Shume makine mbeten te bllokuar kurse banoret prisnin dikush tu shkonte ne ndihme.

Mesohet se shkak per situaten u be  devijimi i ujit në kanalin e Shtodrit që ndodhet mbi rrugë.

12 orë më pas në vendin e ngjarjes shkuan fadromat. U desh dhe një kohe tjetër që segmenti të bëhej i kalueshëm. Por rrezikon të bllokohet sërish pasi nuk ka mirëmbajtje.

Me 22 dhjetor  perfundoi  kontrata me firmën e mirëmbajtje dhe menjëherë rruga i kaloi bashkisë se Shkodres, e cila nuk pati as kohë ta parashikojë në buxhetin e 2018-ës dhe të kontraktojë një firmë tjetër./abcnews.al

Gazetar i ABC News Shkodër, Simon Shkreli

avioni-3.jpg
ad min11:57 | 14/01/2018

Një avion me 162 persona në bord ka rrëshqitur teksa ishte duke u larguar nga pista. Ngjarja ka ndodhur në aeroportin e Trabzonit në Turqinë verilindore mbrëmjen e së shtunës.

Avioni i Pegazit ka qëndruar shumë afër detit, pa përfunduar në ujë. Pasagjerët janë tronditur nga kjo ngjarje e cila për fat të mirë ka përfunduar pa viktima.

Sipas zyrtarëve lokalë, shkaqet e aksidentit mbeten të paqarta, ndërsa aeroporti mbeti i mbyllur për shumë orë për të kryer hetime.

Në një moment, tymi filloi të dilte nga kabina, por ndërhyrja për ndihmë ka qenë e menjëhershme dhe askush nuk është lënduar./tvklan.al

vlcsnap-error289-1280x720.jpg
ad min14:20 | 07/01/2018

Prokuroria e Gjirokastrës nisi hetimet për zbardhjen e shkaqeve që çuan në rrëshqitjen e kodrës në lagjen “Punëtori” duke rrezikuar pallatin pesë katësh. Shkak i kësaj rrëshkitje dhe çarje të tokës dyshohet se janë punimet në kundërshtim me rregullat e ndërtimit, ndërsa rezulton se një subjekt aty pranë është pajisur me leje nga pushteti lokal. Për këtë arsye është kërkuar zyrtarisht informacion bashkisë dhe emergjencave civile. Ndërkohë, sipas policisë është bërë kallëzim për shtetasen M.K, 42vjeç, banuese në Gjirokastër, pasi dyshohet se në lagjen “Punëtore” në objektin në pronësi të saj, po kryente punime pa leje./abcnews.al

vlcsnap-error264-1280x719.jpg
ad min11:14 | 03/01/2018

Ka nisur sërish të rrëshkasë toka pranë murit mbajtës të Rrapit të Bërzeshtës, i cili është një pemë shekullore dhe i cilësuar monument kulture. Në vendngjarje për të parë nga afër situatën u ndodh dhe vetë kryetarja e Bashkisë së Prrenjasit Miranda Rira. Ajo bashkë me stafin e saj ka kërkuar ndërhyrje emergjente dhe në të njëjtën kohë i ka kërkuar Ministrisë së Kulturës të ofrojë fonde për mirëmbajtjen e Rrapit 560 vjeçar simboli i Bërzeshtës, Mokrës, Qukësit Ohrit e Strugës. Ky rrap ka një lartësi 26 metra dhe dikur ka shërbyer si vend takimi për kuvende burrash./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono