reja

Duka-Reja.jpg
Veronik Istrefaj19:02 | 03/03/2020

Presidenti i Federatës Shqiptare të Futbollit, Armando Duka, ka folur për Supersport pas hedhjes së shortit të UEFA Nations League, aty ku tha: “Shorti është short, nuk ishte i keq. Duhet të kemi parasysh se programi i ndeshjeve është shumë i ngjeshur, luhet çdo 3 ditë dhe duke marrë parasysh këtë gjë, është grup i vështirë, pasi luajmë në distanca të larta.

Në këtë këndvështrim, është grupi më i vështirë. Të tilla janë të ndara skuadrat, në pikëpamjen sportive skuadrat janë të njëjtit nivel. Nuk ka skuadra të lehta, duhet të përgatisësh mirë. U pa në ndeshjen kundër Andorrës, të cilën Shqipëria nuk e fitoi dot. Jemi në një grup ku të katër skuadrat kanë mundësitë e tyre. Objektivi i Shqipërisë është të jetë i pari në Grup dhe të kalojë në Ligën B dhe pse jo, të provojë me ndonjë shans në “Play-Off”, por është shumë e vështirë.

Shmangia e Kosovës? Më mirë kështu, shqiptarët do të shohin dy ndeshje dhe jo një. Më mirë që shkoi kështu. Edy Reja? Ne e kemi deklaruar që do të vazhdojmë me trajnerin, kemi firmosur kontratë jo vetëm me Rejën, por me gjithë stafin e tij, i cili është i njëjti me të cilin përfunduam ndeshjet kualifikuese të Botërorit”, tha Duka./abcnews.al

Duka-Panucci-1280x729.jpg
Veronik Istrefaj11:02 | 10/01/2020

Armando Duka ka folur hapur! Presidenti i Federatës Shqiptarë të Futbollit ka dhënë një intervistë për “RadioSei”, aty ku i thuri elozhe Eduardo Rejës, si dhe shpërtheu kundrejt ish-trajnerit, Christian Panucci.

“Teknikët italianë janë më të mirët”, tha fillimisht Duka për Radiosei. “Reja ishte pak i hutuar në fillim, kështu që Igli (Tare) e thirri dhe e bindi që të bëhej trajneri i Shqipërisë. Edy ka një përvojë shumë të mirë si trajner dhe një njeri i mençur. Ai solli një buzëqeshje përsëri në ekip dhe ka një atmosferë përfundimisht konstruktive”.

PANUCCI – “Një zgjedhje e gabuar, shkatërroi ekipin. Ai është një njeri me konflikt: ai kurrë nuk do të jetë trajner. Pas çdo ndeshje pati tensione me shtypin, ajo krijoi çarje në ekip. Ai nuk mendon për futbollin, por vetëm për paratë. Kur e njoftova për shkarkimi, menjëherë më tha që do të pretendonte edhe qindarkën e fundit.. Nuk është çështje ekonomike, por korrektësi etike”, përfundoi Duka./abcnews.al

Duka-Panucci-1280x729.jpg
Veronik Istrefaj20:13 | 08/01/2020

Presidenti i Federatës Shqiptare të Futbollit, Armando Duka, ka dhënë një intervistë të gjatë për “Gazzetta Dello Sport”, aty ku ka prekur shumë tema. Më shumë, Duka u ndalua te trajnerët italianë, si dhe te futbollistët shqiptarë që luajnë në Serie A.

TRAJNERËT – “Pas kualifikimit historik në Euro 2016, synojmë të shkojmë në Euro 2024 me Edi Rejën, trajner i kombëtares sonë dhe të moshave U-17, U-19, U-21. U besojmë shpesh trajnerëve italianë sepse janë mjeshtra të taktikës dhe të disiplinës. Talentet tona më të mëdha luajnë në Serinë A dhe kjo i ndihmon që të rriten”.

KUMBULLA – “Kumbulla është profili i lojtarit shqiptar me më shumë të ardhme. Është 20 vjeç, po bën gjëra të mira te Verona, është rritur tek moshat e këtij klubi dhe është thirrur nga trajneri Reja, madje ka debutuar duke luajtur disa minuta. Është i destinuar për të qenë një lojtar i madh. Është i fortë taktikisht, fizikisht dhe ka karakter të mirë. Te Verona është edhe Rrahmani, ka luajtur me Shqipërinë, por më pas vendosi të zgjedhë Kosovën”.

KAPITENI – “Hysaj është kapiteni ynë, është lojtari me më shumë eksperiencë dhe shpresojmë që të sërish hapësira tek Napoli. Me Ançelotin luajti shumë pak. Gjimshiti është një lojtar i mirë, luan në Champions dhe kjo nuk është pak për ne. Strakosha dhe Berisha janë të fortë dhe vënë në vështirësi zgjedhjeje trajnerin Reja. Por në Serinë B është edhe Veseli me Empolin”.

ITALIANËT – “Trajnerët italianë kanë sukses kudo, këtë e thotë historia. E nisa duke i dhënë besim Dossenës, por qëndroi pak. I dyti ishte De Biassi, na çoi në Europian për herë të parë dhe iu dha edhe nënshtetësia shqiptare. Tek ne konsiderohet hero. Pas tij erdhi Panuçi, i vetmi që më zhgënjeu pak. Nuk arriti të krijonte një klimë të mirë. Vendosa ta marr trajner për shkak të karakterit të fortë që tregonte në fushë, pasi e admiroja kur e shihja në televizor. Ishte pa eksperiencë si trajner, por kjo nuk më kushtëzoi që t’i ofroja postin në kombëtare. Kur erdhi më tha: ‘president, nëse një ditë do të më shkarkoni, atëherë nuk do t’ju kërkoj asgjë’. Nuk ndodhi kështu. Madje, tani na ka sjellë edhe një kërkesë që duhet t’i paguajmë shpërblimet e pas-shkarkimit. Këtë kërkesë po e studiojnë avokatët, por nuk është çështje lekësh, mua kjo më ka hidhëruar”.

REJA – “Është një trajner ekspert dhe së bashku me të dhe stafin e tij do të përpiqemi të çojmë përpara një projekt afatgjatë. Kualifikimi në Botëror është i vështirë, por synojmë me të gjitha forcat që të kualifikohemi në Euro 2024. Është ëndrra ime”.

AIR ALBANIA – “Stadiumi i ri është gjëja më e bukur në Shqipëri sot dhe është tejet i rëndësishëm për ne. Në stadiumet e qyteteve që u goditën nga tërmeti tani janë vendosur çadra për të dëmtuarit. Të gjithë lojtarët e Kombëtares dhuruan para të konsiderueshme për të dëmtuarit, ndërkohë që ka kontribuuar edhe vetë federata italiane me në krye presidentin Gravina. Reja gjithashtu dha një kontribut, por edhe klubi i Lacios. Me paratë e mbledhura do të mund të ndërtojmë shtëpi të reja. Më 10 janar do të luhet edhe një ndeshje mes legjendave të futbollit italian, grek, turk dhe shqiptar. Të ardhurat do të shkojnë për bamirësi”, përfundoi Armando Duka./abcnews.al

Shkira.png
Veronik Istrefaj17:02 | 10/12/2019

Mbrëmë, në emisionin “Pressing” në ABC News, ishte i ftuar trajneri i kombëtares shqiptare të futbollit, Edoardo Reja. Emisioni u moderua si zakonisht nga Gerti Çarçani dhe bukuroshja Einxhel Shkira, e cila shpeshherë “ngacmoi” strategun e kombëtares kuqezi.

Në përfundim të intervistës së Rejës, Shkira i tha trajnerit italian se është një figurë shumë e dashur për të gjithë shqiptarët, dhe përveç kombëtares, edhe ai tashmë mund të quhet dashuri.

Biseda në studio:

Shkira – “Jo vetëm kombëtarja është një dashuri, tani mund të themi që edhe trajneri është dashuri”.

Çarçani – “Kolegia më tha se trajneri është dashuri”.

Reja – “Faleminderit (qesh)”.

Shkira – “Është e qartë se Reja ka fituar zemrat e të gjithë shqiptarëve dhe dua ta falënderoj shumë që ishte me ne sot dhe iu përgjigj pyetjeve tona. I urojmë suksese dhe ta shikojmë me rezultate sa më të mira në kombëtaren tonë”.

Çarçani – “Edhe me prezencën tënde (drejtuar Shkirës) në konferencën për shtyp”.

Shkira – “Patjetër, në stadium dhe në konferenca për shtyp”./abcnews.al

edi-reja.jpg
Veronik Istrefaj23:04 | 09/12/2019

Edoardo Reja, i ftuar në studion e “Pressing”, foli për Lorenc Trashin, afrimet në kombëtare nga kampionati Superiore dhe për një grumbullim të mundshëm të Endri Çekiçit.

TRASHI – “Lorenc Trashi që kur ka ardhur në stërvitje, më ka pëlqyer. I kam thënë të presë, të rrijë gati për Shqipërinë, pasi unë nuk e kam grumbulluar gjithmonë. Është një lojtar cilësor, i kam thënë të presë momentin e tij dhe ai pranoi. Më pas luajti dhe bëri një paraqitje shumë të mirë. Për të tjerët, po shikojmë nëse kemi ndonjë rast që mund ta konsiderojmë”.

SUPERIORE – “Dëshira jonë është që të shohim në veprim lojtarë që luajnë në Shqipëri. Unë kur kam mundësinë, vij dhe i shoh. Edhe Bulku më thërret kur ka ndeshje të rëndësishme në Shqipëri. Ne nuk rrimë në shtëpi gjatë javës, kemi takimet tona, shëtisim nëpër Europë, studiojmë lojtarë që mund të vijnë në kombëtare. Të gjithë janë të monitoruar, edhe të atyre që vijnë në Shqipëri. Unë i kam skedat e të gjithë lojtarëve që luajnë në Shqipëri”.

ÇEKIÇI – “Është një lojtar me dhunti nga ana teknike. Ka një rol që nuk e kam kuptuar: Është mesfushor qendre apo fantazist? Godet mirë goditjet standarde, do ta studiojmë. Jemi aty, po e ndjekim. Nëse përmirësohet dhe pak nga ana fizike, do të ishte më mirë”./abcnews.al

Reja-1.jpg
Veronik Istrefaj22:46 | 09/12/2019

Edoardo Reja, në emisionin “Pressing”, tregoi objektivat që ka me Shqipërinë gjatë katër vjeçarit të ardhshëm. Në fjalën e tij, strategu i kombëtares kuqezi tha: “Mund të bëjmë një program të shkurtër për dy vite.

Ky është programi që duhet të bëjmë. Po të shohim moshën e skuadrës sonë, është relativisht e re. Duhet të rrisim disa lojtarë që të rrisim sa më shumë nivelin teknik. Mund të jemi tashmë të kënaqur me këtë skuadër. Është një program katër vjeçar projekti jonë. Disa lojtarë shkojnë në të 30-at dhe nuk mund të flasim menjëherë për Europianin.

Të flasim për Botërorin. Nëse kemi lojtarë të U-21 që na sugjerohen, do t’i integrojmë me skuadrën. Kemi raste me lojtarë që nuk ishin grumbulluar më parë, Bare, Gjasula. Ata janë lojtarë të mirë, por mund të bëjnë akoma dhe më mirë. Këta lojtarë që të përmenda, pres të jenë skeleti i skuadrës. Po kërkojmë në të gjithë Europën lojtarët cilësorë. Unë do të shikoj menjëherë dy vjeçarin. Nëse kemi lojtarë gati, do t’i aktivizojmë menjëherë.

Rinovimi në këtë moment, nuk mund të jetë total, por gradual. Duhet të jenë 2, 3 lojtarë në të njëjtën kohë. Kemi Djimsitin, Veselin, Roshi, lojtarë të tjerë që mund të ecin më përpara. Hysaj 25 vjeç dhe ecën më përpara. Vetëm Memushaj ka shkuar në njëfarë moshe. Cikalleshi edhe 2-3 vite i nxjerr shumë mirë. Jemi munduar të gjejmë lojtarë të rinj në sulm. Kemi një skuadër të mirë, 20 lojtarë. Duhet të gjejmë 3-4 lojtarë të tjerë”./abcnews.al

edi-reja.jpg
Veronik Istrefaj22:36 | 09/12/2019

Edoardo Reja iu përgjigj pyetjes së gazetarit Anton Cicanit sa i takon rinovimit me katër vite të kontratës. Në studion e ABC News, në “Pressing”, Reja pranoi se rinovimi për katër vite ishte një kërkesë e presidentit Armando Duka, si dhe pranoi se dëshiron të qëndrojë sa më shumë në krye të Shqipërisë, pavarësisht moshës.

“Kohëzgjatja e kontratës? Në karakterin tim, unë përgjegjësinë e ndjej gjithmonë. Përgjegjësia që unë ndjej, është gjithmonë sikur të kisha katër vite. Unë e pranova këtë detyrë, pasi presidenti ma propozoi.

Do të doja të rrija sa më shumë, jam gati ta nis këtë rrugëtim edhe pse nuk jam më i ri. Përderisa jam në gjendje ta bëj këtë punë, do ta bëj. Nuk jam vetëm unë, kam dhe stafin tim pas vetes, kemi edhe Salihin dhe Bulkun, që janë dy engjëjt e mi mbrojtës.

Kemi krijuar një grup të jashtëzakonshëm lojtarësh. Në këtë këndvështrim, mund të bëjmë një punë shumë të mirë”, tha Reja./abcnews.al

edi-reja.jpg
Veronik Istrefaj22:26 | 09/12/2019

Trajneri i kombëtares shqiptare të futbollit, Edoardo Reja, është i ftuar në studion e ABC News, në emisionin “Pressing”. Krahas Sulejman Starovës, Reja falënderoi Bobin për fjalët e mira, si dhe pranoi se ajo ndeshje kundër Andorrës, është e pafalshme.

“Duke analizuar të gjitha ndeshjet e Rejës, përfitoj nga rasti të them se Shqipëria kishte nevojë për një trajner të tillë si mister Reja. Do të kishim fituar atë që e tha edhe Reja, një trajner që vjen nga jashtë nuk i njeh lojtarët. Reja erdhi në mes të kualifikuesve. Panuçi mund të bëhet një trajner i mirë, por Shqipëria nuk ka nevojë për një trajner të ri që ta rrisë, por një trajner me eksperiencë që të rrisë Shqipërinë. Janë aq shumë lojtarë, baza është shumë e madhe. Dalin lojtarë të rinj, disa lojtarë luajnë ose jo. Trajneri do kohën e tij që të njohë të gjithë lojtarët. Reja ka treguar që gëzon respektin tonë, jo vetëm për të kaluarën, por edhe për atë që po bën te Shqipëria. Fakti që iu rinovua kontrata është pozitive, të gjithë ne e pranojmë se kemi një trajner të mirë në krye të kombëtares. Ne duam Europianin, të kualifikohemi edhe njëherë”.

“Qëndrimi që kam mbajtur në klubet tona, është demokratik. Ka nevojë për respekt gjithmonë, jo vetëm ndaj meje, por edhe ndaj shokëve të skuadrës. Është e rëndësishëm që skuadra ta ketë kuptuar. Janë djem të zgjuar dhe e kuptojnë. Duhet respekt për të gjithë. Në këtë aspekt jemi përmirësuar shumë. E falënderoj Starovën për besimin që më dha, shpresoj t’ua shpërblej. Edhe në këtë moment të kualifikimeve, nëse merrnim një pikë në Islandë, sikurse edhe të fitonim në Turqi ku patëm raste me Manajn, atëherë ishim në garë për Europianin.

Nëse ne luajmë me Andorrën në këtë nivel, nuk mund të shkojmë në asnjë drejtim. Një paraqitje e tillë nuk mund të ekzistojë, as paraqitja kundër Moldavisë. Pësuam dy gola dhe ne nuk u treguam të aftë për të mbrojtur. Katër mbrojtës tanë, me dy sulmues. Nuk shkon kjo gjë, nuk mund të pësohen gola të tillë. Është një mungesë vëmendje, janë momente të veçanta, episode që nuk duhet të ndodhin. Të gjithë e kishim vëmendjen te Franca dhe Andorrën e nënvlerësuam. Sikur donim të kurseheshim, nuk donim të dëmtoheshim, pasi luanim në stadium të ri përballë Francës. Në disa ndeshje, ndikon gjendja psikologjike”./abcnews.al

Reja.jpg
Veronik Istrefaj22:20 | 08/12/2019

Trajneri i Shqipërisë, Edoardo Reja, ishte dje i pranishëm në stadium për të ndjekur ndeshjen mes Udinese dhe Napolit.

Menjëherë, mediet italiane shkruan se strategu kuqezi shihet si një kandidaturë e mundshme për të zëvendësuar Ancelottin te nënkampionët e Italisë.

Megjithatë, Reja për “ilnapolitane”, tha se nuk ka asnjë bisedim me Napolin dhe se është i bindur se Ancelotti do të rikthejë të kaltrit aty ku i takojnë: “Nuk kam asnjë kontakt me Napolin.

Është një moment i vështirë që po kalojne dhe isha dje në stadium vetëm për të ndjekur ndeshjen ndaj Udinese. Jam i bindur se Ançeloti me aftësitë që ka, do ta zgjidhë vetë këtë situatë. Do të jem edhe të martën për të përshëndetur Hamsik”./abcnews.al

duka-reja.jpg
Veronik Istrefaj23:21 | 19/11/2019

Presidenti i FSHF-së, Armando Duka dhe trajneri italian, Edoardo Reja, kanë pasur sot një takim të gjatë, ku kanë diskutuar për rinovimin e kontratës së teknikut 74-vjeçar. Takimi ka zgjatur rreth pesë orë dhe palët kanë diskutuar gjerësisht për çdo detaj. Deri më tani, nuk ka ende nuk ka njoftim zyrtar, por me shumë gjasa, do të ketë një rinovim të teknikut italian.

ÇFARË THA DUKA PËR REJËN NË PRESSING – “Nuk i kam lexuar deklaratat e trajnerit, nuk kam biseduar as sot me trajnerin. Gjithsesi, unë e kam thënë para ndeshjes, që mënyra si ka drejtuar, asgjë nuk është perfekte. Perfeksionin e ka Zoti, jo Reja.

Por, nëse bëjmë bilancin, peshorja shkon pozitivisht. Gjithsesi, nuk mund t’i harroj dy ndeshjet e fundit, që ka përgjegjësi dhe trajnerin. Eksperienca e tij nuk duhet të na lejonte të shkonim e të nënvlerësonim Andorrën. Peshorja është nga ana pozitive dhe do të ulemi të bisedojmë.

Këto dy ndeshje, kanë lëkundur disi, pasi ishim emocionalë pas vërshëllimës së fundit. Ndeshja me Andorrën ishte rezultat negativ, por nuk duhet të merrja vendime emocionale. Nëse një trajner merr nota pozitive në 7 muaj, siç ka marrë Reja, nuk është profesionale që të ndërpresim bashkëpunimin”./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono