Reali i Madridit

ATLETIKO-TURPERON-REALIN-ABC-M4-T1.mpg_snapshot_00.02-1280x720.jpg
ent ela12:40 | 27/07/2019

Reali i Madridit pësoi një turpërim të madh në derbin ndaj Atletikos në Amerikë. Kritikat ishin të ashpra për ekipin e trajnerit Zidan, pas disfatës me shifrat 3-7.

Nëse deri tani nuk kishin bindur, këtë herë shkaktuan një tronditje të thellë.

Ata që mbajnë veshur fanelën më të famshme të futbollit në botë, atë të Realit të Madridit, pësuan një katastrofë përballë rivalit më të hidhur, Atletikos po të Madridit, me shifrat 3-7 në stadiumin “Metlajf” të Nju Xhersit, në Shtetet e Bashkuara të Amerikës.

Krejt tjetër gjë pritej, por ja që kështu i ndodhi të mbiquajturve “mbretër të Europës”.

Skuadra e trajnerit Zinedin Zidan nuk e nisi mirë ndeshjen, duke e pësuar keq në pjesën e parë, por nuk arriti të përmirësohej sa duhet.

Pa ritëm, pa dëshirë, pa ide të qarta, dhe me një futboll aspak të pëlqyeshëm.

Duket se brezi fitues I mëparshëm nuk do të jetë e lehtë që të zëvendësohet, me Ronaldon të larguar, Modriçin e Krosin jo si dikur, dhe po ashtu Marselon apo edhe kapitenin Sergio Ramos.

Asensio është I dëmtuar, Bejl gati për të ikur, ndërsa lojtarët e rinj të ardhur do të duan kohë të përshtaten.

Të tillë, Rodrigo, Kubo, Joviç madje edhe vetë Eden Hazari.

Lavdërimet për projektin e Simeones nuk kanë të mbaruar, pasi Zhoao Feliks shkëlqeu, dhe Diego Kosta u duk sërish si në ditët e tij më të mira.

Mesfusha e Atletikos ishte e shpejtë si shigjeta, dhe bëri presion të fortë ndaj kundërshtarit, ndërsa mbrojtja u duk e fortë, siç e ka për traditë.

Diego Kosta shënoi 4 herë, ndërsa nga një gol ishte për Zhoao Feliksin, Angel Korreandhe Vitolon.

Për Madridin, autorë të rrjetave ishin Naço, Benzema me penallti dhe Karrera.

Nervat ishin të forta, dhe në pjesën e dytë u përjashtuan me karton të kuq Dani Karvahal për Realin dhe Diego Kosta për Atletikon.

“Një “banjo” për historinë, – titullon “Marka”, – bardhekuqtë shkelin me këmbë të besuarit e Zidanit në derbin e parë, në Shtetet e Bashkuara”.

“Turpërim me një mesazh, – vazhdon e përditshmja e Madridit, – Reali nuk është për të luftuar për asnjë titull këtë sezon”.

Gazeta “AS” ishte po ashtu e pamëshirshme: Një ekip i madh dhe një rrënojë, sukses historik i Atletikos, ekzibicion i Zhoao Feliksit”.

Tifozët e Realit mbetën shumë të tronditur nga kjo disfatë e rëndë, pavarësisht se në një miqësore vere.

Ata nuk janë të sigurt nëse Zidan do të jetë në gjendje të krijojë sërish një ekip të madh si ai që fitoi Championsin tri herë radhazi. /ABC news Albania 24/7

 

REALI-I-MADRIDIT-TRANSFERIMET-_ABC-M1-T1.mpg_snapshot_00.14-1280x720.jpg
ent ela14:50 | 24/06/2019

Reali i Madridit ka në plan të fitojë rreth 500 milionë euro nga transferimi i futbollistëve këtë verë. Klubi i madh spanjoll pritet të largojë 13 lojtarë.

Galaktikë në fushë, galaktikë edhe jashtë saj. Reali i Madridit jo më kot cilësohet si klubi më i madh i botës, dhe gjithçka që ndodh tek ai merr përmasa jashtë të zakonshmes.

Plot 13 lojtarë mund të largohen nga “Santiago Bernabeu” këtë verë, gjithnjë nëse lista e presidentit Florentino Perez dhe trajnerit Zinedin Zidan “zbrazet” e gjitha, sipas projektit.

Gazeta “Marka” informon se bëhet fjalë që Reali mund të largojë më shumë se një formacion, duke nisur me portierin Kejlor Navas, e deri tek lojtarë të sulmit si Bejli, Mariano e Hames Rodrigez.

Shifra e plotë që pretendohet prej tyre është 474 milionë euro, pra afërsisht gjysmë miliardi.

Nuk dihet sesa do të arrihet kjo gjë, por mund të thuhet pa frikë se asnjë klub në botë, që kur është krijuar futbolli e deri më sot, nuk ka pasur plane të tilla.

Perez është i detyruar të veprojë shpejt sepse shpenzimet deri tani kanë arritur në 300 milionë euro, ndërsa parashikohet të rriten.

Kjo verë ishte e para, pas disa vjetësh, me afrime të mëdha.

Në “Bernabeu” erdhi ylli Eden Hazar nga Çelsi, dhe po ashtu edhe sulmuesi Luka Joviç nga Frankfurti.

Nuk mund të harrohen lojtarë të tillë si Rodrigo, Eder Militao apo Mendi.

Ndër ata që duhet të largohen, Garet Bejl ka vlerën më të lartë të kartonit, 80 milionë euro, dhe po aq, talenti I marrë nga Malaga, Isko.

Më pas, Hames Rodrigez vlerësohet në 42 milionë euro, Kovaçiç e Jorente nga 40 milionë, për të vazhduar me Naçon e Marianon nga 30 milionë secili, dhe Sebajos me 35.

Më pak, janë portieri Kejlor Navas me vlerë kartoni 10 milionë euro, mbrojtësi Vajeho me 12, por edhe të tillë si Lukas Vaskez, Teo, De Tomas nga 25 milionë euro.

/ABC News Albania 24/7

BARCA-KALON-REALIN-PER-NEYMAR.mpg_snapshot_00.21-1280x720.jpg
ent ela23:40 | 21/06/2019

Skuadra e Barcelonës ka ofruar 100 milionë euro plus shërbimet e mesfushorit Kutinjo për të arritur tek Nejmar. Katalanasit janë favoritë për të nënshkruar me 27-vjeçarin Brazilian.

Jo vetëm Real Madridi, por edhe Barcelona ka thurur strategjinë për të nënshkruar me brazilianin Neymar. Mediat spanjolle raportojnë se drejtuesit e skuadrës katalanase janë të gatshëm të ofrojnë 100 mln euro plus shërbimet e mesfushorit Kutinjo për të rikthyer në Kamp Nou 27 vjeçarin. Barcelona shpenzoi plot 160 mln euro për Kutinjon i cili nuk ka mbushur pritshmëritë gjatë dy sezoneve tek katalanasit. Drejtuesit e skuadrës së Paris Saint Germain mund të pranojnë ofertën e blaugranave. Kutinjo pëlqehet shumë nga Presidenti i skuadrës së Paris Saint Germain, AL Khelaifi. Mesfushori brazilian i ka dyert e hapura në Francë ku i garantohet vendi i titullarit, ndryshe nga çfarë paraqitet situata tek Barcelona, ku ish lojtari i Liverpool aktivizohet minimalisht. Raportet mes Neymar dhe drejtuesve të PSG janë krisur dhe largimi nga Park De Prince bëhet më i lehtë. Barcelona është në pritje të zhvillimeve të reja rreth Neymar dhe kjo mendohet të jetë arsyeja që bisedat nuk kanë avancuar me Antuan Grizman, i cili qëndron në pritje të ofertës konkrete. Në Barcelonë Neymar është i mirëpritur dhe këtë e kanë shfaqur hapur drejtuesit por edhe Lionel Messi.

Dy sezonet e fundit katalanasit kanë vuajtur në fazën sulmuese dhe Neymar do të plotësonte hapësirat e lëna bosh, pikërisht që prej largimit të tij dy vite më parë.

Katalanasit duhet të bëjnë kujdes pasi edhe Real Madrid ofron shifra të çmendura për yllin Brazilian. Presidenti i madrilenëve Florentino Perez i ka ofruar Al Khelaifit 130 mln euro plus shërbimet e njërit mes Bale dhe James Rodriguez. /ABC news Albania 24/7

fenerbahce.jpg
ad min15:04 | 29/12/2018

Fenerbahçe e mbylli në vend të krye, fazën e parë të Euroligës në basketboll për meshkuj. Skuadra e fortë turke fitoi një dramë të vërtetë ndaj Realit të Madridit.

Luixhi Datome ishte njeriu që shënoi koshin e fitores, por edhe ai që shkëlqeu më shumë në sfidën e gjigandëve në Arenën e shkëlqyer të Stambollit.  Fenerbahçe vendase, nënkampione e Europës, mundi 65-63 Realin e Madridit, kampion të Europës, pas një drame të vërtetë.  Një duel jo vetëm mes dy ekipeve më të mirë të momentit në kontinentin e vjetër, por edhe mes dy trajnerëve të mëdhenj, si Zheljko Obradoviç e Pablo Laso.

Turqit patën nervat më të forta dhe fituan në fund. Italiani Datome udhëhoqi ekipin me 17 pikë dhe 7 topa në tabela, ndihmuar nga çeku Jan Veseli me 13 pikë, Marko Guduriç me 11 dhe Ali Muhamed me 10. Reali kryesoi me 6 pikë epërsi (63-57) dy minuta para përfundimit, por Fenerbahçe u përgjigj me një ecuri 8-0 për të përmbysur rezultatin.  Madrilenët e trajnerit Lasa luftuan fort, por Sergio Jul nuk ishte i zakonshmi duke shënuar vetëm 2 pikë, e duke u përjashtuar nga loja.

Tashmë, trajneri Obradoviç, i cilësuar si më i miri i Europës, e sheh ekipin e tij në krye të Euroligës në përfundim të gjysmës së parë të ndeshjeve në grupe. Pas 15 javëve të para, Fenerbahçe kryeson me 14 fitore e vetëm 1 humbje, Reali e ndjek me 12 fitore e 3 humbje, ndërsa CSKA e Moskës është e treta, me 11 fitore e 4 humbje, pas disfatës që pësoi në Athinë me Panathinaikosin, 84-96./abcnews.al

3335.jpg
ent ela23:25 | 01/05/2018

Reali i Madridit është finalisti i parë i Champions League, pas barazimit 2-2 me Bajernin e Mynihut në “Santiago Bernabeu”, por që në finale i shërbeu rezultati 1-2 në ndeshjen e parë.

Ishte Kimish që zhbllokoi shifrat që në minutën e tretë, por Benzema barazoi në minutën e 11-të. Pjesa e dytë nisi me golin e dytë të Bezemasë. Hames rindezi shpresat për Bajernin, pas golit të barazimit në minutën e 63-të, por vetëm kaq, pasi ishte portieri Navas ai që shpëtoi në aq shumë raste ekipin madrilen.

Me rezultat të përgjithshëm 4-3, Reali kualifikohet në finale, ndërsa nesër vendoset finalisti tjetër në ndeshjen Liverpul-Roma. /abcnews.al

reali-1280x766.jpg
ent ela13:58 | 07/03/2018

Nuk pati garë në duelin mes Paris Sen Zhermenit dhe Realit. Francezët dhe spanjollët deklaruan se Madridi e meritoi plotësisht kualifikimin për në çerekfinale.

E shpeshtë si festë, por aspak e mërzitshme.

Edhe për një ekip dhe një yll që kanë dalë dy herë radhazi kampion i Europës, një sukses i madh në Champions jep lumturi të pamasë.

Kristiano Ronaldo dhe gjithë Reali e provuan përsëri atë ndjenjë special që të jep futbolli, pasi triumfuan në një duel që pritej tepër i vështirë, dhe që u ndoq nga gjithë bota, atë ndaj Paris SG.

Madridi e meritoi plotësisht kualifikimin, madje edhe triumfin brenda në Francë.

Jo më kot 12 herë fituese e Championsit, formacioni spanjoll bëri paraqitjen më të mirë pikërisht atëherë kur mendohej se presioni do të ishte më i madh.

Logjikisht, trysninë e ndjeu skuadra me më pak përvojë, Paris SG.

Ronaldo shënoi golin e tij të 118-të në këtë garë, një thellim i rekordit, ndërsa të rinjtë Asensio e Vaskez ishin shumë lart.

Zidan: “Mendoj se na shkoi gjithçka mbarë, dhe se zhvilluam një ndeshje shumë të mirë, madje një ndeshje të përsosur. Nuk ishte e lehtë këtu në Paris, ndaj mendoj se e merituam, dhe për këtë jam edhe më shumë i kënaqur. Paris Sen Zhermeni luajti shumë mirë ndeshjen e parë, ndërsa këtë herë jo edhe aq mirë. Jam i lumtur me Lukas Vaskezin dhe Marko Asension, që janë veçanërisht në formë, veçse me këtë kalendar të ngjeshur, do të na duhet të aktivizojmë shumë lojtarë. Më vjen mirë që po e lavdërojnë punën time, dhe unë jam këtu pikërisht për të bërë këtë punë, por meritën kryesore e kanë futbollistët”.

Kapiteni Sergio Ramos u përpoq menjëherë ta largonte mendjen nga suksesi, dhe të mendonte për më tej.

Ramos: “Jemi shumë të kënaqur me punën e bërë në këtë ndeshje. Ishte një tjetër rast i mirë për të treguar veten në kompeticionin tonë të preferuar, dhe ia dolëm mbanë. Luajtëm shumë mirë, fituam dhe u kënaqëm me futbollin tonë. Tani duhet ta ruajmë këtë gjendje, këtë mentalitet, sepse vërtet kaluam në çerekfinale, por ende nuk kemi fituar asgjë”.

PSG ishte një zhgënjim i madh.

Një publik prej gati 50 000 tifozësh në “Park dë Prensis” bëri gjithçka që t’i nxiste të vetët, por doli e pamundur.

Jo vetëm kaq, por francezët ishin më keq edhe sesa në ndeshjen e parë, ndërsa mungesa e Nejmarit u ndje më shumë përsa I përket personalitetit në fushë.

Trajneri Unai Emeri tregohet me gisht për dështimin dhe pyetet për të ardhmen.

Emeri: “Të eleminohesh nga Reali i Madridit nuk është diçka e jashtëzakonshme. Natyrisht, fatkeqësia është që u eleminuam pa arritur në çerekfinale. Është e vërtetë që Championsi ishte një objektiv për ne, dhe pas shortit shanset ishin 50 me 50, por ne gabuam në ndeshjen e parë, kur i kishim mundësitë. Në ndeshjen e dytë, Reali ishte më mirë. Nuk mendoj nëse do të largohem apo jo nga kjo skuadër, mendoj të fitojmë kampionatin dhe kupën”.

Tek Paris SG ende nuk thuhet asgjë për stolin, ndonëse përmendet emri i Zidanit si pasardhës i Emerit.

Gjithsesi, presidenti Al Helaifi, duhet të ketë parasysh kritikën e Arrigo Sakit se idetë e futbollit nuk mund të blihen.

Al Helaifi u tregua kritik për të vetët.

Al Helaifi: “Po, mbetëm shumë të zhgënjyer. Ne besuam tek fitorja përpara po ashtu edhe gjatë ndeshjes, dhe unë mendoj se dominuam në pjesën e parë. Mund të kishim shënuar, por nuk ia dolëm, ndërsa u bë edhe më e vështirë pas kartonit të kuq. Ndaj Realit është e vështirë të luash me 10 vetë, por e vërteta është se nuk luajtëm ashtu siç duhet”.

Kualifikimi pra ishte i Realit, një nga të shumtët e skuadrës së madhe që kënaqet vetëm me kupën.

Trajneri Zidan ia doli edhe pa regjisorët Modriç e Kros, padyshim do ta ketë më të lehtë, kur ata të jenë gati./abcnews.al

vlcsnap-error608-1280x720.jpg
ent ela13:52 | 15/02/2018

Reali i Madridit fitoi sfidën më të madhe të raundit të dytë të Ligës së Kampionëve. Skuadra spanjolle triumfoi bindshëm ndaj Paris Sen Zhermenit, me Ronaldon që vendosi rekorde të reja.

Iu përgjigjën thirrjes nga idhujt e tyre.

Tifozët madrilenë ishin në krah të ekipit që nga hoteli e deri në përfundim të ndeshjes së veçantë ndaj Paris SG në Champions.

Futbollistët e Realit kishin kërkuar mbështetje maksimale dhe padyshim u lumturuan kur ndjenë atmosferën në prag të sfidës në “Santiago Bernabeu”.

Autobusi i kampionëve të Europës u shoqërua nëpër kryeqytet sikur të kishte fituar ndonjë trofe të madh, dhe mbështetja e nxehtë I bëri edhe më të fortë, kur hyrë në stadium për të luajtur ndaj asaj skuadre që kërkon t’i rrëmbejë vendin në kontinent.

Futbollistët madrilenë ia shpërblyen këtë përkrahje të rrallë publikut të tyre, ndonëse kishin përballë një formacion elitar si PSG-ja, dhe ndonëse pësuan gol të parët.

I ndihmoi përvoja e madhe prej 12 herë kampionësh të Europës, egoja e veçantë e yjeve, por po ashtu edhe fakti se Championsi është shpresa e fundit për të shpëtuar sezonin.

Suksesi 3-1 në përfundim të sfidës së parë të turit të dytë, i vuri në pozicion të favorshëm për të synuar kualifikimin.

Ja si u shpreh Kristiano Ronaldo, autor i dy rrjetave.

Ronaldo: “Po, ishte një fitore e rëndësishme. E nisëm ndeshjen mirë, por pësuam gol, veçse ky është Championsi. Reali ka përvojë dhe di t’i përballojë situata të tilla, ndërsa ne e dinim se duhej të merrnim një rezultat pozitiv. Rezultati me dy gola epërsi na jep një avantazh mjaft të mirë. Në pjesën e parë bëmë presion të madh, ndërsa pas pushimit u lodhëm pak, veçse u treguam të zgjuar dhe patën më shumë raste”.

Ronaldo ka tani 101 gola me Realin në Champions, një rekord i ri.

Ronaldo: “Po, është shumë e rëndësishme të shënosh golat, për veten dhe për ekipin. Këtë herë pata sukses duke realizuar dy herë dhe duke ndihmuar ekipin për të fituar, por e dimë se kualifikimi nuk është vendosur. Duhet të shkojmë në Paris për të shënuar dhe për të fituar”.

Gjithsesi, strategu ishte Zinedin Zidan.

Trajneri u tregua vendimtar me zëvendësimin e dysfishtë, duke hedhur në fushë Lukas Vaskezin e Marko Asension.

Pikërisht ky i fundit dha pasimin e dy golave të fitores.

Zidan: “Mendoj se duhet të jemi shumë të kënaqur me këtë ndeshje që e luajtëm shumë mirë, që nga fillimi deri në fund. Ia dolëm edhe pse pësuam gol dhe arritëm një rezultat të mirë. Dua të përgëzoj gjithë ekipin, sepse ishte fitore e të gjithëve. Sot ia dolëm, por ndeshja e kthimit do të jetë e vështirë dhe gjithçka mund të ndodhë”.

Kapiteni Sergio Ramos, një nga më të mirët në fushë, vlerësoi faktin se skuadra e tij reagoi pas një periudhe të vështirë, duke mos lejuar dështimin e gjithë sezonit, po ashtu përballoi presionin e madh në një ndeshje për jetë e vdekje.

Tifozët padyshim që ishin në festë.

Skuadra e tyre e zemrës i bëri krenarë me një tjetër paraqitje madhështore, duke i bindur se mbetet më e mira e Europës.

Le të ketë krizë në La Liga, le të eleminohen në Kupën e Mbretit, Championsi mbetet gjithnjë kompeticioni i Realit të Madridit.

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono