racizëm
WASHINGTON, DC - APRIL 02: Medical professionals from Children's National Hospital administer a coronavirus test at a drive-thru testing site for children age 22 and under at Trinity University on April 2, 2020 in Washington, DC. Hundreds of children, with referrals from their doctors, have been tested at the site as efforts continue to contain the COVID-19 pandemic. (Photo by Drew Angerer/Getty Images)

marega.jpg
Vladimir Prenga08:21 | 17/02/2020

Boll më! Futbolli nuk është për të nxitur urrejtje. Racizmi është ulur këmbëkryq dhe këtë herë është shfaqur në mënyrë të shëmtuar në Portugali. Moussa Marega ka rënë pre e tifozëve, që e kanë ofenduar.

Futbollisti i Porto ka shënuar golin e fitores për skuadrën e tij në transfertë me Vitoria Guimaraes, ndërkohë që në minutën e 69-të ka nisur revolta e tij kundër thirrjeve raciste që tifozët lëshuan në stadium.

Futbollisti me origjinë nga Mali, por me pasaportë franceze, ka lënë lojën. Shokët e tij janë përpjekur ta bindin që të qëndrojë në fushë. Ka qenë e pamundur diçka e tille dhe ndoshta jo veprimi i duhur.

Marega do ishte ndjerë i mbështetur nëse edh ata do e braktisnin fushën, çka do përcillte një mesazh për ata tifozë që në stadium shkojnë dhe i prishin bukurinë një loje si futbolli, që si qëllim nuk ka përçarjen, por rritjen e unitetit mes njerëzve. /abcnews.al

miranda-vasco-de-gama-u20.jpg
Vladimir Prenga08:32 | 12/12/2019

Mbrojtësi i Vasco De Gama U20, Miranda, ka shpërthyer në ndeshjen kundër Indipendente U20 në COPA RS U20. Shkak janë bërë thirrjet raciste ndaj tij dhe mbrojtësi është hakmarrë pasi ka realizuar golin e fitores me penallti.

Skuadra e tij shkoi në gjysmëfinale, kurse Miranda shkoi drejt kamerave për të festuar. Gjithçka ishte e planifikuar, pasi mbrojtësi ka përcjellë një mesazh: “Unë nuk jam një majmun, jam shumë krenar për ngjyrën time. Jam shumë krenar”. /abcnews.al

jesus-1280x720.jpg
Vladimir Prenga09:29 | 27/09/2019

Racizmi në Itali është kthyer në një problem të madh. I fundit që e ka pësuar është lojtari i skuadrës së Romës Juan Jesus. Mbrojtësi ka zbuluar një mesazh që i ka shkuar në “Instagram” dhe i ka kthyer edhe përgjigje.

“E ke vendin në kopsht zoologjik, të marrtë dreqi. Gorillë e zezë e mallkuar”, i shkruan tifozë brazilianit të Romës. “Tani e dini çfarë të bëni me një tifoz si ky. Krenar për ata që janë tifozë të vërtetë”, shkruan Juan Jesus.

Nuk ka qëndruar indiferente edhe Roma, që fillimisht ka raportuar profilin që ka sulmuar lojtarin e tyre. Gjithashtu njoftohet se është bërë edhe një denoncim në autoritet policore. Klubi italian gjithashtu e ka përjashtuar përjetë tifozin të ndjekë Romën në “Olimpico”./abcnews.al

ITALI-FUTBOLL-RACIZMI-M1T1.mpg_snapshot_00.06-1280x720.jpg
ent ela14:35 | 16/09/2019

Tjetër skandal racizmi në futbollin italian. Një analist televiziv u shkarkua nga puna pasi ofendoi sulmuesin e Interit, Romelu Lukaku.

E kuptoi tepër shpejt se ku kishte ardhur. Romelu Lukaku u ofendua në mënyrë raciste, ndërsa luante për Interin në fushën e Kaljarit, por ky trajtim nuk do t’i vinte vetëm nga tifozët kundërshtarë.

Një skandal edhe më i madh ndodhi së fundmi, me një analist italian që bëri komente raciste për sulmuesin belg.

Luçiano Pasirani deklaroi në ekranin e televizionit “Top Kalço 24” se “Lukaku është kaq i fortë, saqë për ta rrëzuar duhet t’i hedhësh 10 banane”, pra duke e krahasuar me një majmun.

Pasirani kërkoi falje më pas, por kjo mjaftoi që drejtuesit e televizionit ta largonin nga puna.

Bëhet fjalë për një 80-vjeçar, që ka mbi 50 vjet që është I lidhur me futbollin.

Për këtë arsye, paneli I Premier Ligës angleze, komentoi në Tuiter se “problemet me racizmin janë shumë të thella në Itali”.

Jo vetëm kaq, por Lukaku pati kundër edhe tifozët e tij, ata të Interit, që disa ditë më parë mbrojtën tifozët e Kaljarit pas ofendimit që I bënë sulmuesit të tyre.

“Ajo që ndodhi ishte një mënyrë për të të trembur, dhe nuk ishte racizëm”, – deklaruan ultrasit.

Racizmin e ndjeu këtë fundjavë edhe lojtari i Milanit, Kesi, që u ofendua nga tifozë të Veronës, në ndeshjen e Serisë A. /ABC News Albania 24/7

fshf.png
ad min22:20 | 30/10/2018

Një ditë pas ndeshjes Partizani-Skënderbeu, Federata Shqiptare e Futbollit distancohet nga parulla raciste e shpalosur në fillim të ndeshjes në seksionin e tifozerisë së kryeqytetasve. Në një deklaratë për shtyp FSHF e konsideron një parullë dukshëm me sfond racist dhe me mesazhe të papranueshme për fushën e blertë dhe lojën e futbollit.
“Duke theksuar se mbetet në përgjegjësinë e klubit parandalimi i këtyre incidenteve, në rastin aktual i klubit Partizani, bëjmë me dije se komisionet juridike pranë FSHF-së do të mblidhen në mënyrë urgjente dhe do të shqyrtojnë të gjithë incidentin për të vijuar me masat përkatëse.”, përfundon deklarata e Federatës Shqiptare të Futbollit.
Në shkallët e tifozerisë së Partizanit të hënën në mbrëmje u shpalos një banderolë me mbishkrimin “Një grek më pak, një bastard më pak”, e cila u hoq pak minuta më vonë nga delegati i ndeshjes, e u bë objekt komenti i mediave greke./abcnews.al

greku-1280x646.png
ad min18:53 | 30/10/2018

Disa tifozë të Partizanit shpalosën një banderolë raciste antigreke në ndeshjen ndaj Skënderbeut. Kjo solli reagime në Greqi, ndërsa klubi kryeqytetas e dënoi gjestin.

Gjetën një mënyrë për t’u bërë protagonistë. Disa tifozë të Partizanit shpalosën një banderolë raciste anti-greke, në ndeshjen ndaj Skënderbeut në stadiumin “Selman Stërmasi”. “Një grek më pak, një bastard më pak”, ishte parulla e hapur në një nga tribunat ku ndodheshin ultrasit, ndonëse nuk u mbajt ashtu për një kohë të gjatë. Ky veprim nuk mbeti pa u komentuar nga media të caktuara në Greqi, të cilat jo vetëm dënuan veprimin e tifozëve të kuq, por edhe e lidhën ngjarjen me presidentin e Partizanit, Demi, dhe drejtorin sportiv, Rama.

Partizani nuk vonoi të reagonte, duke e dënuar përmbajtjen e banderolës. “Distancohemi nga episodet sporadike, si rasti i banderolës, – shkruhej në deklaratë, – që nuk kanë lidhje me ngjarjen sportive dhe bien ndesh me politikat e lojës së ndershme të klubit tonë”.
Edhe tifogrupi “Ultras Guerrils” dolën me deklaratë duke u shprehur se veprimi nuk kishte të bënte me ta.
“… grupi Ultras Guerrils nuk ka lidhje me me parulla raciste, të shfaqura nga individë në stadium, nuk i mbështesim parulla të tilla që na barazojnë me nivelin e një ekstremisti”./abcnews.al

GJERMANI-SPIUNI.mpg_snapshot_00.01-1280x720.jpg
ad min22:56 | 18/09/2018

Deklaratat raciste kanë bërë që shefi i shërbimeve sekrete gjermane të shkarkohet nga detyra. Por lëvizja e ministrit të Brendshëm për largimin e zyrtarit që kishte shprehur simpati për ekstremistët e djathtë konsiderohet në të njëjtën kohë shpëtimi i qeverisë së kancelares Angela Merkel.

Qeveria gjermane ka njoftuar të martën shkarkimin e shefit të shërbimeve sekrete të brendshme, pas akuzave se kishte shprehur simpati për të djathtën ekstreme. Vendimi për zëvendësimin e Hans Georg Masen i jep fund debateve që vunë në dukje përçarjet e thella në qeverinë e kancelares Angela Merkel. Masen, i cili kishte vënë në dyshim origjinalitetin e pamjeve filmike që tregonin ekstremistët e djathtë që u viheshin pas emigrantëve në qytetin lindor Çemnic, mësohet se do të caktohet në një post tjetër në Ministrinë e Brendshme. Social-demokratët e qendrës së majtë, që janë pjesëtarët e rinj të bllokut konservator të Merkel, kërkuan largimin e Masen nga detyra që ai mbante që prej vitit 2012.

Në një komunikatë të qeverisë gjermane thuhet se vendimi për largimin e Masen ishte marrë nga ministri i Brendshëm Horst Zehofer. Në njoftimin zyrtar saktësohet se në detyrën e ri, Masen nuk do të ketë lidhje me veprimtarinë e shërbimeve sekrete. Ndërkohë, mediat gjermane e kanë komentuar vendimin si një masë të qeverisë për të shpëtuar fytyrën, që nuk është gjë tjetër përveç se një promovim i Masen, që mes të tjerash është kritikuar edhe për keqmenaxhim të disa hetimeve të profilit të lartë. Aktet e dhunshme të ekstremistëve të djathtë në Gjermani, më të rëndat në disa dekada, ndodhën në fillim të muajit pas vrasjes së një shtetasi gjerman, për të cilën u fajësuan dy emigrantë. Komentet e Masen për pamjet filmike binin ndesh me ato të Merkel, që i cilësonte veprimet “një shprehje të qartë të urrejtjes” që nuk mund të tolerohej./abcnews.al

maqedonia.jpg
ad min11:55 | 03/08/2018

Presidenca e Maqedonisë organizoi një ceremoni me rastin e fetës së Republikës. Gjatë ceremonisë ka paur thirrje anti-shqiptare, por deri tani Presidenca nuk është distancuar nga këto incidente. Reagimet në vend kanë qenë të shumta.

Me thirrjet anti-shqiptare “Shqiptar i mirë është shqiptari i vdekur” një pjesë e të pranishmëve në ceremoninë e organizuar nga presidenca maqedonase me rastin e festës së Republikës, shoqëruan vendosjen e luleve në Meçkin Kamen në Krushevë. Çdo gjë ndodhi para syve të presidentit Ivanov.

Mediat maqedonase kontaktuan me Presidencën, e cila ishte organizatore e manifestimit, por nga ky institucion nuk pati as edhe një distancim nga thirrjet raciste anti-shqiptare, ndërsa sipas Kushtetutës, presidenti duhet të jetë figurë unifikuese në shtet në momentin që thirrjet u bënë në festën e Ilindenit.

Qeveria maqedonase nga ana e saj i dënoi thirrjet raciste në ditën e Republikës në 2 Gusht. Në një deklaratë për shtyp thuhej se qeveria e Republikës së Maqedonisë i dënon thirrjet për urrejtje dhe dhunë, që janë në kundërshtim me interesat e qytetarëve të Republikës së Maqedonisë dhe u bën thirrje institucioneve kompetente t’i hetojnë këto dukuri dhe të marrin masat e duhura. Ilindeni është ditë për bashkim dhe jo ndarje, thuhej më tej.

Nga ana tjetër, atmosferë krejtësisht e ndryshme mbretëronte në manifestimin në Pelincë. Përveç këngëve dhe valleve maqedonase, në këtë organizim të qeverisë, u shfaqën edhe valle shqipe dhe ato të bashkësive të tjera etnike në vend.

Presidenti Ivanov në festën e Ilindenit u paraqit para qytetarëve me një fjalim të ashpër kundër pushtetit. Ai kundërshtoi marrëveshjen me Greqinë për çështjen e emrit, e cila sipas Ivanovit, e nënshtron shtetin ndaj Greqisë si dhe e fshin identitetin dhe historinë maqedonase.

Edhe pse NATO ka garantuar anëtarësimin e vendit sapo të përfundojë marrëveshjen me Greqinë, Ivanov theksoi disa herë se marrëveshja nuk garanton automatikisht integrim të vendit në NATO dhe BE. “Çfarë na duhet prosperiteti, pa identitet”?! Me këtë pyetje retorike Ivanov iu drejtua edhe ndërkombëtarëve, të cilët sipas tij, duan ta bindin popullin të vetëshuhet.

Maqedonia festoi në 2 Gusht Ditën e Republikës dhe dy Ilindenët historik, 115-vjetorin e fillimit të Kryengritjes së Ilindenit dhe 74 vjetorin e KAÇKM-së./abcnews.al

ukraina.jpg
ad min09:06 | 25/06/2018

Në një kohë kur retorika ndaj emigrantëve dhe romëve në Europë e jo vetëm ka arritur kulmin, një sulm me motive raciste në Ukrainë që ka lënë pas një të vdekur ka shkaktuar reagim ndërkombëtar.

Një grup personash, të armtosur me shkopinj bejsbolli dhe armë të ftohta sulmuan një kamp romësh në rrethinat e Kievit, në Ukrainë. Si pasojë e sulmit, një person mbeti i vrarë pasi u godit disa herë me thikë, ndërsa 4 të tjerë, përfshirë një fëmijë 10-vjeçar, mbetën të plagosur.

Sulmi ndodhi në qytezën Liviv dhe është më i fundit në një seri agresionesh ndaj komunitetit rom të Ukrainës. 7 të dyshuar, të moshave 16 dhe 17 vjeç, janë arrestuar, si dhe një 20-vjeçar që mendohet të jetë organizatori i sulmit.

Autoritetet policore ukrainase kanë nisur një hetim penal për akuzën e “vrasjes me paramendim”, që parashikon dënime deri në 15 vjet burg.

Komisionerja ukrainase për të drejtat e njeriut, Ludmilla Denisova i ka kërkuar ministrit të Brendshëm që të mbikëqyrë personalisht hetimin dhe që t’u sigurojë të lënduarve një akomodim të përkohshëm.

Në Prill, grupi i ekstremit të djathtë C14 i vuri flakën tendave të një kampi rom në kryeqytetin Kiev dhe dëboi prej andej gra e fëmijë. Më herët gjatë muajit, përmes një letre të përbashkët Amnesty International dhe Human Rights Ëatch paralajmëruan autoritetet në Ukrainë për rritjen e sulmeve raciste nga e grupet e së djathtës ekstreme ndaj minoriteteve./abcnews.al

deputeti.jpg
ad min22:59 | 10/05/2018

Agimi i Artë në Greqi ka shpërthyer me tone raciste ndaj Shqipërisë dhe shqiptarëve në një seancë të komisionit për çështjet me jashtë, ku do të votohej memorandumi shqiptaro-grek për integrimin e vendit tonë në BE.

Në parlamentin grek është diskutuar të enjten miratimi i memorandumit të bashkëpunimit mes ministrive të Jashtme të Greqisë dhe Shqipërisë, për përshpejtimin e procedurave të integrimit të vendit tonë në BE.

Në seancën e mbajtur nga Komisioni për çështjet e jashtme memorandumi mori vota pro nga partitë Syriza, Anel dhe Potami, ndërsa partitë e tjera, mes të cilave PASOK dhe Demokracia e Re, abstenuan. Por nga ana tjetër ra në sy qëndrimi kundër i deputetit të Agimit të Artë, Ilias Kasidiaris, i cili u mëshoi toneve raciste ndaj Shqipërisë dhe shqiptarëve.

Deputeti ekstremist kritikoi ashpër edhe këngëtaren greke me origjinë shqiptare që merr pjesë në festivalin Eurovizion, si dhe futbollistët shqiptarë që luajnë në Greqi, të cilët sipas tij, sapo sigurojnë të ardhura veshin bluza me simbolet e UÇK-së dhe Shqipërisë së Madhe.

“Le të rrijnë aty ku janë, njësoj si dikur kur nuk ishin askush dhe nuk kishin këpucë në këmbë. Nuk duhet të ketë asnjë bisedim me shqiptarët dhe asnjë negociatë pa marrë fund më parë politika anti-greke në Shqipëri. Agimi i Artë kërkon vendosjen e vetos për të ndaluar çdo diskutim me qeverinë e Edi Ramës për integrimin në BE”, ka thënë Kasidiaris./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono