pit buttigieg

di.jpg
in a12:55 | 08/02/2020

Gjatë debatit demokrat në prag të zgjedhjeve në Nju Hempshajër, ka pasur një përplasje mes ish kryebashkiakut të Sauth Bend, Pit Buttigieg, dhe senatorit të Vermont-it, Berni Sanders.

Dy kandidatët, në krye të listës në Ohajo, shkaktuan shumë polemika teknike në procesin e votimit, për shkak se nuk i kanë kursyer akuzat ndaj njëri – tjetrit. 38 vjeçari Buttigieg u mbrojt nga akuzat dhe duke iu referuar rivalit 78 vjeçar, u bëri apel amerikanëve që të zgjedhin një kandidat që do të lërë politikën e të kaluarës në të kaluarën. Sanders, nga ana e tij, e cilësoi Buttigieg kandidatin e Uoll Stit. Senatori deklaroi se nuk kishte 40 miliarderë që të kontribuinin për fushatën e tij elektorale.

Izh zv/presidenti amerikan, Xho Bajden, edhe pse për disa ende i favorizuar për emërimin demokrat, pranoi humbjen në Ohajo dhe theksoi se dhe në Nju Hempshajër mund të humbiste, por gjithsesi e shihte si një pikënisje. Më pas ai iu drejtua Buttigieg duke e cilësuar si një djalë të jashtëzakonshëm dhe një patriot të vërtetë. Por Bajden shtoi se ai është një kryebashkiak i një qyteti të vogël që ka bërë gjëra të mira por nuk ka treguar se ka kapacitete të mëdha.

Madje Bajden është i bindur se ai nuk mund të marrë votat e komunitetit afroamerikan dhe hispanik. Butigieg iu përgjigj duke thënë se e kishte të qartë se Bajden kërkon një njeri me më shumë eksperiencë për në Shtëpinë e Bardhë./abcnews.al

pete-buttiegieg-1280x720.png
ad min22:45 | 15/04/2019

Pit Buttigieg nuk ka vonuar të hedhë kandidaturën e tij mes demokratëve që synojnë të sfidojnë Donald Trump në zgjedhjet e ardhshme. Në rast se zgjidhet, ai do të jetë presidenti i parë “gay” i Shteteve të Bashkuara.

Pit Butigieg ka hedhur zyrtarisht kandidaturën e tij për nominimet e demokratëve për zgjedhjet presidenciale të vitit 2020, me synimin për të sfiduar Donald Trump për Shtëpinë e Bardhë.

Butigieg e njoftoi lëvizjen e tij në një event të mbajtur në qytetin South Bend, të Indianas, ku ka shërbyer si kryetar bashkie që prej vitit 2012. Duke prezantuar vizionin e tij për të riimagjinuar të ardhmen, ai premtoi një politikë tërësisht ndryshe nga ajo e Donald Trump. Duke sulmuar administratën aktuale amerikane, ai u rreshtua kundër atyre që sipas tij duan të ndalojnë orën dhe të kthejnë akrepat mbrapa.

“Është koha të shkëputemi nga politika e së shkuarës dhe të shkojmë drejt diçkaje tërësisht ndryshe”, tha Butigieg përpara mbështetësve të tij.

Fushata e tij deri tani është fokusuar kryesisht tek kontrolli i armëve, ndryshimet e klimës dhe të drejtat e komunitetit LGBT. Maja e karrierës së Butigieg ka qenë pikërisht posti i kryebashkiakut të South Bendit, ku gjatë mandatit të tij ka patur një përmirësim të situatës ekonomike dhe njëkohësisht një rritje të simpatisë ndaj figurës së tij. Në rast se fiton, Butigieg do të jetë i pari presidenti homoseksual i Shteteve të Bashkuara./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono