opozita
ger ta14:56 | 03/04/2020
Kryeministri Edi Rama i është përgjigjur akuzave të opozitës, por edhe juristëve dhe ekonomistëve lidhur me vendimin për qiratë. Ata të cilët e kanë kundërshtuar vendimin e qeverisë, Rama i ka quajtur “honxhobonxhot”, ndërsa ka publikuar edhe dy modele, atë të Gjermanisë dhe Francës.
Po ashtu kryeministri thotë se shumë shpet “do ju informoj për aktet zbatuese të aktit normativ mbi qeratë dhe njerëzit më në hall do të shohin edhe njëherë dhe edhe më qartë për qeratë , se unë dhe kjo qeveri, jemi me ta dhe për ta deri në fund”.
Reagimi i plotë:
“Honxhobonxhoja është dikush që jo vetëm nuk ndryshon mendim përballë faktit, po nuk ndryshon as argument”, thotë një fjalë e mençur.
Dhe meqë këta honxhobonxhot vazhdojnë merren me qeverinë, sepse duan të vrasin me një gur dy zogj, duke synuar nga një anë të nxisin mllef e përçarje mes popullit e qeverisë që po luftojnë së bashku, e nga ana tjetër shkatërrimin e arkës së shtetit për të nxitur rrëmuja më pas si në 97-ën, ja se kush tjetër ka bërë fiks të njëjtën gjë për qeratë:
GJERMANIA – Mospërmbushja e detyrimit kontraktor të pagimit të qerasë që rrjedh nga një kontratë qerasë, nuk përbën shkak për qeradhënësin të zgjidhë kontratën. Pamundësia e përmbushjes së detyrimit të pagesës së qerasë për periudhën 1 prill 2020 – 30 qershor 2020 lidhet me gjëndjen e shkatuar nga COVID -19. Ky parashikim nuk mund te interpretohet ne dëm të pronarit.
FRANCA – Nuk mund të ndëshkohen me penalitete financiare, kamatvonesa, dëmshpërblime, zbatimin e klauzolës së përfundimit të kontratës, apo zbatimin e çdo klauzole penale apo që aktivizon garancitë, për shkak të mospagimit të qerasë ose të tarifave të qerasë, lidhur me ambientet profesionale dhe tregtare, pavaresisht nga dispozitat kontraktuale dhe atyre të percaktuara nga kodi tregtar. Kjo dispozitë zbatohet mbi qeratë, pagesa e të cilave duhej bërë nga 12 marsi 2020 deri në një afat prej 2 muajsh nga data e përfundimit të gjendjes së urgjencës shëndetësore.
E pra balona tabake që ne quajmë gabimisht opozitë, ta harrojë se i bën dot Shqipërisë atë që as armiku i padukshëm nuk ka për t’ia bërë dot, sepse koha kur ky vend u katandis në balonë tauke nga këta honxhobonxho ka vdekur dhe nuk kthehet më!
Shumë shpejt do ju informoj për aktet zbatuese të AKTIT NORMATIV mbi qeratë dhe njerëzit më në hall do të shohin edhe më qartë, se unë dhe kjo qeveri, jemi ME TA dhe PËR TA #derinëfund
/abcnews.al
eri Ida13:52 | 08/03/2020
Ka njerëz që luftojnë fort për tu zgjedhur këshilltarë bashkiakë, por ka edhe nga ata që mandati ju troket në derë, por brava nuk hapet.
E tillë është situata e krijuar në Bashkinë e Kavajës pas zgjedhjeve të 30 qershorit, ku opozita nuk mori pjesë.
Dy këshilltarë socialistë dorëzuan mandatet në fillim të nëntorit, pasi morën pozicione të tjera në administratë, dhe KQZ u vendos menjëherë në lëvizje për të plotësuar vakancat.
Por lista e kandidatëve socialistë kishte shteruar, dhe në këto kushte, një mandat i takonte partisë tjetër brenda koalicionit. Sipas llogaritjeve ky mandat i takonte Partisë G-99. KQZ ju dërgoi shkresë një pas një 4 kandidatëve të parë të kësaj partie, por asnjëri nuk tregoi interes dhe nuk e dorëzoi formularin e dekriminalizimit brenda 10 ditësh për të fituar mandatin e këshilltarit bashkiak në Kavajë.
KQZ ka kontaktuar të 5-in. Ai është Mendel Byku, por ai nuk gjendet. Komisioni i ka dërguar njoftim përmes Postës, por kjo e fundit thotë se ky njoftim nuk i është dorëzuar për arsye se rezulton të jetë në Itali.
Në këto kushte, KQZ e ka shpallur në kërkim kandidatit Byku dhe sipas ligjit, ka bërë afishim publik në bashkinë Kavajë si dhe shpallja është publikuar edhe në faqen zyrtare të internetit të Komisionit Qendror të Zgjedhjeve.
Nëse kandidati nuk depoziton formularin e vetëdeklarimit brenda afatit, konsiderohet se refuzon mandatin dhe do të kontaktohet kandidati i 6-të i G-99-ës. G-99 është parti që u krijua nga aktivitët e lëvizjes MJAFT, që drejtohej nga Veliaj./abcnews.al
eri Ida12:52 | 08/03/2020
Në tetor Rudina Hajdari u kërcënua nga deputetët e saj se do ta shkarkonin si kryetare grupi, pasi merrte vetë të gjitha privilegjet që i takonin grupimit opozitar.
Prej tensioneve disa mujore, Hajdari vendosi të bëjë disa ndryshime, për të kënaqur rebelët. Ajo hoqi dorë nga drejtimi i Komisionit të Integrimit dhe i kërkoi Kuvendit që këtë komision ta drejtojë deputeti demokrat Halit Valteri.
Njëkohësisht propozoi që drejtues i Komisionit të Medias dhe Edukimit, të jetë Halil Jakimi.
Por cfarë eksperience të mëparshme kanë këta persona? Të dy janë bërë deputetë pasi opozita dogji mandatet.
Halit Valteri synon të drejtojë Komisionin e Integrimit, i cili, përpara Hajdarit është drejtuar nga Genc Pollo apo Majlinda Bregu. CV e tij është thuajse e zbrazët. Ai ka shënuar me shkrim dore se ka kryer arsimin e lartë, por pa sqaruar profilin, ndërsa tek eksperienca në punë, vetëm ka thënë se ka qenë administrator në sektorin privat, por edhe këtu nuk ka detaje për kohëzgjatjen e këtij angazhimi apo sektorin në të cilin ka vepruar.
Halit Valteri nuk ka harruar të shënojë se ka qenë kryetar i forumit rinor demokrat në njësinë bashkiake nr 7 në Tiranë. Nga ky përshkrim i jetës së tij, Valteri nuk ka asnjë pikëprerje as në arsimim e as në punë me fushën e integrimit apo marrëdhënieve ndërkombëtare.
Situata nuk është ndryshe as për kandidatit për kryetar të Komisionit të Edukimit dhe Medias, Halil Jakimi. Deputeti i Dibrës, ka deklaruar një arsim të lartë por pa dhënë detaje, si dhe ka shënuar se ka qenë veprimtar i PD-së.
Eksperiencat e tij në punë kanë qenë si këshilltar bashkiak në Bulqizë, drejtues i zyrës së ndihmës ekonomike në një ish komunë, si dhe oficer kredie për pak kohë në një fondacion.
As Jakimi, nuk ka ndonjë kualifikim as në fushën e Arsimit, as në të Medias ku dëshiron të drejtojë punën parlamentare.
Këto kërkesa të Hajdarit do të shqyrtohen të hënën në Konferencën e Kryetarëve, dhe vendimet do të merren në seancën e ardhshme parlamentare./abcnews.al
eri Ida14:20 | 04/03/2020
Partia Demokratike e quan kthimin e ligjit për betimin e anëtarëve të Gjykatës Kushtetuese nga presidenti Ilir Meta e ka cilësuar si aktin e duhur në mbrojtje të Kushtetutës dhe interesit publik nga interesat private korruptive të kryeministrit të vendit.
Sekretari per Çeshtjet ligjore ne PD, Çlirim Gjata, përmes një deklarate për mediat ka deklaruar se uzurpimi i Gjykatës Kushtetuese është një nga qëllimet e hershme të Edi Ramës për të kapur të gjitha organet e drejtësisë.
Gjata e ka cilësuar vendimin e presidentit si një ndër vendimet e duhura në mbrojtje të kushtetutës dhe ka theksuar se duke i rrëmbyer kompetencat Presidentit, kryeministri i zgjedhjeve të vjedhura me krimin kërkon të ketë kontroll mbi Gjykatën Kushtetuese.
Deklarata e plotë:
Uzurpimi i Gjykatës Kushtetuese është një nga qëllimet e hershme të Edi Ramës për të kapur të gjitha organet e drejtësisë. Kjo është arsyeja pse vendi ndodhet prej dy vjetësh pa një Gjykatë Kushtetuese funksionale dhe përse Edi Rama po ndërmerr akte që shkelin Kushtetutën, që zhbëjnë reformën në drejtësi dhe minojnë stabilitetin politik të vendit.
I tillë është ligji antikushtetues që ndryshon procedurën e betimit të anëtarëve të Gjykatës Kushtetuese, të cilët, në kundërshtim me Kushtetutën, detyrohen të bëjnë betimin me postier, përmes një deklarate me shkrim.
Ky ligj që privatizon Gjykatën Kushtetuese nga Edi Rama, është kthyer nga Presidenti i Republikës, i cili, ka bërë aktin e duhur në mbrojtje të Kushtetutës së vendit. Partia Demokratike mbështet kthimin e këtij ligji, që i jep Edi Ramës kontrollin total të shtetit dhe shënon rënien e demokracisë dhe shtetit ligjor.
Akti i Presidentit parandalon një goditje të rëndë kundër Kushtetutës, pasi neni 129 i Kushtetutës sanksionon në mënyrë të qartë dhe urdhëruese se “Gjyqtari i Gjykatës Kushtetuese fillon detyrën pasi bën betimin para Presidentit të Republikës.” Kushtetuta nuk lejon asnjë lloj procedure tjetër betimi, as me noterët, as me postierët e Edi Ramës.
Duke i rrëmbyer kompetencat Presidentit, kryeministri i zgjedhjeve të vjedhura me krimin kërkon të ketë kontroll mbi Gjykatën Kushtetuese, sepse ajo do të shqyrtojë votimet moniste të 30 qershorit dhe aktet e tjera antikushtetuese që cënojnë rëndë lirinë e shprehjes, që përligjin vendimet e Edi Ramës pët t’u vjedhur pronat pronarëve të ligjshëm, ia heqin hetimin prokurorisë dhe ia japin narkopolicisë politike dhe bëjnë Edi Ramën pronarin de facto të Shqipërisë.
Akti i Presidentit shkon në unison me aspiratën e qytetarëve shqiptarë të cilët duan një shtet ligjor, një drejtësi të pavarur dhe të barabartë për të gjithë, që funksionon me standardet më të mira europiane; duan një Gjykatë Kushtetuese që, mbron interesin publik nga interesat private të politikanëve dhe kryeministrit të vendit. Akti i Presidentit është guri i fundit institucional në mbrojtje të parimit kushtetues të kontrollit dhe balancimit të pushteteve në Shqipëri./abcnews.al
eri Ida13:13 | 03/03/2020
Përfaqësuesi i opozitës dhe ish-deputeti i PD-së, Oerd Bylykbashi, ka kometuar draftin e propozuar këtë të martë nga opozita për financimin e partive politike ku ka theksuar se kjo është mënyra e vetme për të shmang kapjen e zgjedhjeve të lira.
Ndër të tjera në deklaratën e tij për media Bylykbashi është shprehur se me paketën e re bëhet e mundur forcimi i makanizmit të kontrollit, mbi deklaratat e partive për shpenzimet në një fushatë elektorale.
“Është një risi në propozimin tonë që ato që kanë marrë para përmes tenderave nuk mun dtë financojnë dhe kush financon subjektet politike nuk mund të marrë tendera apo subvencione nga shteti. Kjo do të na ndihmojë për ta shkëputur kapjen e zgjedhjeve nga shteti. Ne forcojmë mekanizmat e kontrollit, mbi deklaratat e Partive që shpenzojnë shuma marramendase për reklama. Shqetësimi i madh në lidhje me manipulimin e listave të zgjedhjeve që manipulohen nga kryetarët socialistë të bashkive me urdhrin e qartë që vjen nga kryeministri për të fituar 800 mijë votat që i duhen. Duke tranferuar zgjedhesit nga Tirana, Elbasani, Durrësi etj, vetëm që kandidatët që zgjedh qeveria të jenë ato”, tha Bylykbashi.
Ndër të tjera në fjalën e tij ai ka theksuar se një ndër çështjet që do të trajtohet në reformën zgjedhore do të jetë dhe pajisja e qytetarëve me kartë identiteti.
“Kuptuam që qeveria nuk ka asnjë masë që zgjedhësit të votojnë aty ku kanë vendin dhe nuk kanë marrë asnjë masë për pasjisjen e qytetarëve me një dokument identifikimi pasi shumë zgjedhësve ju ka skaduar tashmë mjeti i identifikimit. Shumë nga zgjedhezit në pamundësi ekonomike do të penalizohen. Nëse në 2009 qeveria e Berishës bëri maksimumin sot kjo reformë zgjedhore do të bëjë të pamundurën që ta trajtojë këtë çështje”, është shprehur ai.
Pretendimi i Bylykbashit për të pajisur të gjithë qyetarët me karta identiteti, është komentuar ng aGjiknuri i cili është shprehur se ministria e Brenshme po kujdeset që çdo qytetar të jetë i pajisur me një mjet identifikimi.
“Këto janë deklarata politike nga përggjigjet që u dha nga autoritetet e ministrisë së Brendshme kapacitetet aplikuese shtrirëse janë më të mëdhajat që kanë qenë ndonjëherë në territorin e shqipërisë. PD i është kërkuar një shifer per zgjedhësit që janë pa asnjë mjet identifikues kemi kemi kohë të mjaftueshme për të bërë fushata pse jo dhe përmes fushatave të tjera nxitëse për pajisjen me dokument identifikimi”, tha Gjiknuri./abcnews.al
eri Ida09:25 | 03/03/2020
Tryeza e Reformës zgjedhore mblidhet sërish këtë të martë në kuadër të takimeve për diskutimin e planit të punës të përcaktuar. Ndërkohë pak para takimit janë zbardhur propozimet e Partisë Demokratike për financimin e partive politike.
ABC News ka siguruar draft propozimin e Partisë Demokratike ku theksohet se burimet e financimit të fushatës për subjektet zgjedhore janë fondet e dhëna paradhënie nga Buxheti i Shtetit për partitë politike të regjistruara si subjekte zgjedhore. Janë po ashtu të ardhurat e vetë subjektit zgjedhor të krijuara sipas ligjit.
Gazetari Juxhin Mustafaraj raporton për ABC News së ky është drafti i fundit që PD-ja do të paraqesë në tryezën zgjedhore, ekspertët dhe përfaqësuesit politike po diskutojnë draftin për financimin e partive politike. Partia Demokratike duket se është tërhequr nga qëndrimi i saj fillestar për financim 100% nga buxheti i shtetit duke marrë parasysh edhe sugjerimet politike.
Ndër të tjera në propzimin e PD-së për financimin e partive politike thuhet se financimi i partive udhëhiqet nga parimi i transparencës. Të dhënat për burimet financiare të partive, si dhe për shpenzimet e tyre publikohen kurdoherë.
Sipas draftit Komisioni Qendror i Zgjedhjeve është organi përgjegjës për monitorimin dhe mbikëqyrjen e financimit të partive, sipas rregullave të këtij ligji./abcnews.al
eri Ida08:57 | 03/03/2020
Analisti Basir Çollaku këtë të martë nga ABC e Mëngjesit ka komentuar tubimin e një ditë më parë të thirrur nga presidenti Ilir Meta në mbrojtje të Kushtetutës. Analisti në fjalën e tij është shprehur se tashmë bulevardi Dëshmorët e Kombit, 4-5 vitet e fundit duhet të njëhet me një emër tjetër me atë “Bulevardi Anti Rama”, kushdo që ti thërras shqiptarët për tu grumbulluar aty kundër kryeministrit ato shkojnë.
Reagimi i ambasadës Amerikane sipas tij ishte një reagim interesant, pasi duket më shumë poetik reagimi i tyre, në atë ambasadë sipas analistin nuk ka asnjë ndryshim që në kohën e Donald Lu.
“Shqiptarët janë aq amerikan dashës sa nuk konkurohen nda asnjë vend tjetër kontinent dhe në dasma kanë flamunj amerikanë. Pas viteve 90’ ajo që më ka bërë përshtypje te ambasada amerikane punojnë mbi 15 spiunë shtetit. Ato i kanë njoftimet e gatshëm aq më tepër kur në pushtet janë këto që janë eprorët e tyre. Aty sikur nuk ka ndryshuar asgjë duket sikur është akoma Donald Lu, atë njoftim ato shkresa, peshku andej peshku këtej. Ngjarja e djeshme tregon se ne jemi në zyrtarizimin e diktaturës nuk e di çfarë ka ngelur pa kapur nga kryeministri që është vetëm presidenca dhe jo vetëm i kapur por që ka dhe ingformacion. Kemi hyrë në vitet 80’ vetëm interneti na mban sikur jemi vend i lirë. Policia është bërë private. Jemi kthyer në një shtet partiak ku institucionet e drejtësisë janë privatizuar në rastin më të mirë dhe asgjësuar në rastin më të keq”, tha Çollaku.
Ndër të tjera në fjalën e tij analisti nga ABC e Mëngjesit ka theksuar ndër të tjera se tubimi i djeshëm tregon se opozita duhet të ishte treguar më radikale.
“Kjo është një vazhdimësi e 30 qershorit që qytetarët i bëjnë Ramës dhe qeverisë që ato njerëz që e kanë refuzuar atëherë e refuzojnë dhe tani. Opozita duhet të ishte më radikale dhe të mos i ndërpriste protestat. Rama nuk bën pjesë te njerëzit që merr vesh nga reagimi i qytetarëve me lutje nuk i njeh, ai ka ardhur në pushtet prej 21 vitesh dhe mendon se do të vdesë aty, ulja e opozitës në tryezë paradite dhe protestat e janë ato që e kanë bërë më skeptik. Protestat janë një mjet i domosdoshëm dhe kërkesa e tyre është që të largojnë Raman. Opozita duhet ta organizojnë këtë energji të qyetarëve”, ka thënë ajo.
Gjithahstu ai ka theksuar se, opozita e ka lënë hapur shtegun e protestave pas 15 marsit nëse nuk do të arrihet marrëveshje dhe unë mendoj se nu kdo të mund të realizohet një marrëveshje me të gjithë zigzaget që ka.
“ Nëse opozita do të largojë kryeministrin dhe këtë qeveri protesta është mjeti i domosdoshëm dhe sduhet të fillojë në 8 të darkës që ska asnjë por në 8 të mëngjesit dhe të mos largohen që ato pa ikur ai që do të ikë”, është shprehur Çollaku./abcnews.al
in a16:23 | 02/03/2020
Kryeministri Edi Rama zhvillon sot takime sektoriale në PS. Kryesocialisti po zhvillon takime me deputetë e ministra.
Gazetarja Esiona Konomi tha për “ABC News” se takimet nuk kanë qenë të programuara.
“Teksa të gjithë presin marshimin e Metës, kryeminsitri Edi Rama prej disa orësh po zhvillon takime me deputetë të PS-së. Deputetët kanë raportuar se çfarë është bërë deri më tani. Këto takime nuk kanë qënë më herët të programuara”, raporoti gazetarja Esiona Konomi.
Ndërsa sa i përket manifestimit të thirrur nga Presidenti, demokratët kanë njoftuar se do të jenë shesh.
Gzetari Junxhin Mustafaraj nga selia e PD raportoi se duke qenë se kjo është një manifestim i thirrur nga Presidenti, lideri i PD ka zgjedhur një tjetër itenerear për të mbështetur mitingun, Basha do të vijë si qytetar i thjeshtë nga shtëpia e tij.
Edhe kryetarja e LSI Monika Kryemadhi, ish-kryeministri Sali Berisha do të jenë në manifestim si qytetarë të thjeshtë, për të mbështetur thirrjen e Presidentit në mbrojtjte të Kushtetutës.
Të gjithë drejtuesit opozitar i kanë bërë thirrje mbështetësve të tyre të jenë të pranishëm në mbrojtje të Kushtetutës./abcnews.al
eri Ida10:51 | 02/03/2020
I ftuar në studion e “ABC News” Mentor Kikia ka komentuar këtë të hënë tubimin që do të zhvillohet këtë pasdite me thirrjen e Presidentit Ilir Meta.
Drejtori i lajmeve në “Klan Plus” ka deklaruar se situata në të cilën ndodhet politika në Shqipëri është një situatë e paprecedentë që ka ndodhur në këto 30 vite. Kikia ndër të tjera në fjalën e tij me gazetaren me Juli Xhokaxhi ka theksuar se kjo është hera e parë që një president thërret një protestë dhe pse ai nuk e quan të tillë.
“Për herë të parë në 30 vjet zyra e presidentit pavarsisht përdorimit apo shpërdorimit nga të gjithë që në kohën e berishës, nuk është më zyra e një kryetari të shtetit, por një “megafon” jo në kuptimin e keq të thirrjeve. Për herë të parë kemi një president që fton njerëzit të dalin në protestë, pavarsisht se refuzon ta quajë të tillë por manifestim. Marrëdhëniet qeveri-president asnjëherë nuk kanë qenë normale, por pavarsisht përplasje mes drejtuesve të paktën nga ana proceduriale kanë funksionuar në ndryshim nga tashmë që duket që këto marrëdhënie janë zbehur”, tha Kikia.
Sipas tij Meta nuk zgjodhi të rrijë në zyrë e të presë shkarkimin, por zgjodhi që të reagojë.
Çfarë mund të arrijë Ilir Meta me këtë manifestim? Cila mund të ndodhë?
Zhvillim i çdo tubimi apo manifestimi është një lajm i mirë nuk ka rëndësi kush e organizon, por një shoqëri që fle nuk reagon është e destinuar që të zhvatet. Ajo që po bën presidenti sipas tij është vendosja e rendit kushtetues. Në një studio televizive ai është shprehur se ky tubim do të kthehe identitetit institucioneve shqiptare. Presidenti thërret një tubim paqësor, para ka një pushtet që sipas tij i ka grabitur institucionet ka një opozitë që thotë se Rama duhet të rrëzohet. Nëse do të përfundojmë te tubimet e dhunshme që e tentoi opozita por që u ndalua nga ndërkombëtare. Ajo që bën presidenti sot është matje forcash.
Çfarë të kuptojmë me këtë?
Unë mendoj se Presidenti nuk priti që ato të zyrës së përmbarimit të shkojnë në zyrë dhe ti thonë se është shkarkuar, por vendosi të reagojë. Opozita ndërkohë është ulur në tryezë për reformën zgjedhore dhe reformat e tjera, meta nuk kishte rrugë tjetër ose do rrinte në zytrë e të priste shkarkimin.
Mbetet të thuhet ka apo jo të drejtë?
Në një pjesë të akuzave ka të drejtë por ai në këtë rast po luan me kartën e nacionalizmit nuk ka flamurë partiakë. Presidenti në mënyrë sistematike i është drejtuar shqiponjës dhe flamurit./abcnews.al
eri Ida08:11 | 02/03/2020
Anëtari i Kryesisë së PD-së Aleksandër Biberaj nga ABC-ja e Mëngjesit këtë të hënë është shprehur se opozita do të jetë pasdite në Bulevard në mbështetje të kushtetutës.
Biberaj në studio me Enkel Demin ka deklaruar ndër të tjera se thirrja e presidentit është mbi palët, është një thirrje kombëtare dhe në mbrojtje të kushtetutës.
“Presidenti është në rolin e vet kushtetues dhe siç e ka shprehur është i mandatuar deri në 2022 dhe e gjykoj që është një manifestim mbipolitik, interesi është më i madh se i një partie është në interes kombetar në mbrojtje të kushtetutës“, tha Biberaj.
Gjithashtu këtë mëngjes ai ka komentuar edhe reformën zgjedhore duke theksuar ndër të tjera se nëse rilindja do të kërkojë afat të shtyrjes së reformës përtej 15 marsit atëherë ne duhet patjetër që ti rikthehemi preotestave.
“Me 15 mars unë mendoj se duhet të kemi një reformë që duhet të miratohet në parlament dhe nëse rilindja përpiqet që ta shtyje ne atëherë duhet ti kthehemi patjetër sërish protetsave nuk ka rrugë tjetër“, është shprehur ai.
Pjesë nga biseda:
Opozita do të marrë pjesë në manifestimin e Ilir Meta, janë vetëm deklarata apo ka dhe organizim për të marrë pjesë?
Ka organizim për të marrë pjesë janë bërë mbledhjet me të gjithë strukturat organizative, është vënë në lëvizje për të marrë pjesë në manifestimin e sotëm në mbrojtje të kushtetutës dhe të institucioneve.
Kohët e fundit shpesh mazhoranca ka akuzuar se presidenti është në krye të opozitës?
Presidenti është në rolin e vet kushtetues dhe siç e ka shprehur është i mandatuar deri në 2022 dhe e gjykoj që është një manifestim mbipolitik, interesi është më i madh se i një partie është në interes kombetar në mbrojtje të kushtetutës. Sepse e dimë që rilindja i ka kapur të gjithë institucionet, dhe i vetmi që ka ngelur është Gjykata Kushtetuese.
Çfarë pritet të ndodhë sot pasdite?
Organizimi bëhet nga presidenca dhe ne nuk dimë detaje, por dihet se është një manifestim paqësor. Natyrisht se presidenti është shprehur se sot do të fillojë demontimi i shtetit dhe për këtë do të ketë një dekret. Ne manifestuam vitin e kaluar përmes protestave të shumta që kishin një pjesmarrje të madhe dhe pse nuk patëm shumë rezultat kjo pasi ne duhet të rrinim në shtet.
Ju jeni në një tryezë bisedimesh për reformën zgjedhore që ka një afat që është 15 marsi, a do ta respektoni këtë afat apo do të kërkoni shtyrje të tij?
Me 15 mars unë mendoj se duhet të kemi një reformë që duhet të miratohet në parlament dhe nëse rilindja përpiqet që ta shtyje ne atëherë duhet ti kthehemi patjetër sërish protetsave nuk ka rrugë tjetër.
Kryeministri në kongres tha se donte 800 mijë vota
Nëse do e lejojmë ne si shqiptarë jo vetëm ne si opozitarë ai mund të kërkojë edhe 8 milionë. Pjesmarrja në 30 qershor ka qenë shumë e vogël dhe pse i vetëm ai nuk ka arritur që të sigurojë 800 mijë vota. Është e vështirë tashmë që të lexohet ai por ai është në panik. Ky është një manisfestim mbipolitik, pavarsisht se Meta përfaqëson të majtën ne jemi të djathtë kjo thirrje është një manifestim mbarëkombëtar nuk ka ngjyra politike dhe nuk ka një karakter politik.
Ai dje ka sjellë në vëmendje lëvizjen e dhjetorit që formoi PD-në, a ka një tendecë për të krijuar të njëjtin front?
Është detyrë e opozitës që të krijojmë një front ndaj qeverisë ka shumë të majtë që nuk e pëlqejnë më këtë qeveri. Pasi të shikojmë dhe politikat ato nuk kanë më lidhje me asgjë të majtë. Kjo qeveri është pa identitet, pa filozofi të caktuar. Është detyra jonë që të bashkojmë popullin shqiptar ndaj kësaj qeverie,dhe është e rëndësishme që të fitojmë zgjedhjet e parakohshme, zgjedhjet lokale të përsëritura dhe ato të pergjithshme. /abcnews.al
ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.
NUIS/NIPT K01711004FKontaktTelefono
