objektivat

ruci.mpg_snapshot_01.43-1-1280x720.jpg
ent ela13:44 | 30/09/2019

I pakënaqur dhe kritik ka qenë kreu i Kuvendit Gramoz Ruçi në mbledhjen e grupit të deputetëve “Miqtë e Fëmijëve”. Ruçi tha se janë realizuar vetëm 20% te objektivave të raportit të monitorimit, ndërsa kërkoi që justifikimet të lihen mënjanë.

Janë 29 të zgjedhur ndër deputetët e Kuvendit për të mbrojtur të drejtat e fëmijëve në Shqipëri.Por rezultatet nuk janë arritur u vë në dukje kryetari i kuvendit Gramoz Ruçi.

Grupi i deputetëve Miqtë e Fëmijëve ka ende rrugë për të bërë për të realizuar ato çka përcaktohen në strategjinë e hartuar për fëmijët. Madje edhe si ligjbërës kanë mangësi.

Nuk ka politika e programe pa burime e pa fatura financiare. Prandaj kryeparlamentari Ruci i kërkon ministrisë së financave të sqarojë se cilat janë planet për rritjen e buxhetimit për sektorin social, për arsimin parauniversitar dhe për sektorë të tjerë që lidhen me mbrojtjen dhe zhvillimin e fëmijëve. Nëse vazhdohet me justifikime dhe lihen pa u realizuar ato çfarë u kërkohen ministrive e bashkive, raporti monitorimit nuk do të përmbante asnjë vlerë të shtuar sipas kreut të kuvendit. /ABC News Albania 24/7

 

ppp-1-1280x718.jpg
ent ela08:00 | 26/02/2019

Rusia ka publikuar listën me objektivat amerikanë që do të sulmojë në rast të një agresioni bërthamor ndaj saj. Mes shënjestrave të raketave të Kremlinit janë edhe Departamenti i Mbrojtjes dhe një kompleks presidencial.

Televizioni shtetëror rus ka publikuar listën me bazat ushtarake amerikane që Moska do të sulmojë në rast të një sulmi bërthamor. I njëjti burim ka deklaruar se një raketë hiper-sonike që Rusia po zhvillon aktualisht do të jetë në gjendje t’i godasë ato në më pak se 5 minuta. Objektivat përfshijnë edhe Pentagonin, si dhe selinë presidenciale në Kemp Dejvit, në Merilend. Lajmi në televizion vjen pak ditë pasi presidenti Vladimir Putin deklaroi se Rusia ishte gati për një krizë të re raketash me Shtetet e Bashkuara si ajo e stilit kubanez. Me tensionet në rritje dhe shqetësimin e Kremlinit se Amerika mund të vendosë raketa bërthamore me rreze të mesme veprimi në Europë, Putin ka paralajmëruar se Moska do të reagojë duke vendosur raketat hiper-sonike bërthamore në nëndetëset e saj në afërsi të ujërave territoriale amerikane. Nga ana e tyre, Shtetet e Bashkuara kanë deklaruar se nuk kanë në plan vendosjen e raketave të tilla dhe i kanë cilësuar paralajmërimet e Putin si një propagandë hipokrite. Dhe në fakt, aktualisht Uashingtoni nuk ka raketa bërthamore me bazë tokësore që mund t’i vendosë në kontinentin e vjetër. Sidoqoftë, vendimi për t’u tërhequr nga traktati bërthamor i vitit 1987 i hapë rrugë Shteteve të Bashkuara që të prodhojnë armatime të tilla./abcnews.al

 

KLIMA-RAPORTI.mpg_snapshot_00.01-1280x720.jpg
ent ela12:23 | 22/01/2019

Në raportin e fundit të publikuar rreth ndryshimeve klimaterike, Instituti i Burimeve Botërore jep alarmin se objektivat kryesorë të vendosur për vitin 2020, nuk mund të arrihen.

Bota po humbet rastin më të mirë për të shmangur efektet e ndryshimeve klimaterike dhe për të arritur objektivat kryesorë për vitin 2010. Edhe pse planeti tokë aktualisht është goditur nga shumë stuhi të mëdha, thatësi, përmbytje të provokuara a e nivelit të detit, emetimet e gazit serë vazhdojnë të rriten dhe një studim i institutit të burimeve botërore tregon se përpjekjet për të kufizuar rritjen e temperaturave po dështojnë.

Në vitin 2017 ekspertët vendosën si objektiv për vitin 2020 që të  mos kishte më një rritje temperature prej më shumë se 1.5 centigradë. Disa progrese janë bërë në energjitë e rinovueshme pro në shumë sektorë të tjerë, sipas raportit, masat e marra janë të pamjaftueshme.

Në këtë kuadër duket gjithnjë e më e vështirë që të arrihet një reduktim drastik i emetimeve në vitin 2020. Dhe rreziku për të arritur në një pikë të pakthyeshme është dramatikisht gjihnjë e më konkret. /abcnews.al

Suits-Harvey-e-Luois-1280x454.jpg
ent ela23:58 | 05/09/2018

Një punë më e mirë, një marrëdhënie më e mirë me të dashurit, miqtë, të afërmit, një trup të skalitur, shtëpia për t’u rinovuar. Ja disa shpjegime se si ta ndryshoni dhe përmirësoni jetën tuaj.

Dëshironi të ndryshoni jetën tuaj? Filloni duke planifikuar ta bëni atë

Planifikimi në fakt do të thotë të përqëndrohemi në atë që ne synojmë, duke i dhënë drejtim asaj që duam të arrijmë dhe duke përcaktuar kohë dhe mjete për ta bërë atë.

Vlen si për profesionin, ashtu edhe për jetën personale, për të cilën mund të vendosni të bëni listën dhe objektivat.

Vendosni se çfarë dhe cilat objektiva doni të arrini

Për të planifikuar më mirë muajt e ardhshëm ju mund të pyesni veten: Cilat janë qëllimet e mia? Çfarë do të më pëlqente të arrija në një vit?

Këto pyetje përdoren për të vënë në fokus rezultatin dhe për të marrë drejtimin efikas për të arritur atë që duam.

Në këtë pikë, merrni një fletë dhe shkruani përgjigjet që i keni dhënë vetes.

Shkrimi ndihmon për ta fiksuar në mendje dhe ju mund t’i lexoni këto fjalë sa herë që ndjeni t’ju bjerë motivimi.

Përcaktoni një afat kohor

Ka nga ata që preferojnë të përcaktojnë qëllimet mujore, dikush tjetër javore dhe nga ata që preferojnë të bëjnë listat pa afate.

E vërteta është se çdo lloj qëllimi ka një kohë të nevojshme që duhet arritur. Dhe sëpaku në këtë fazë do të duhet të jeni shumë racionalë duke ju dhënë një afat specifik për çdo mision që duhet përfunduar.

Nëse flasim për objektivat madhorë gjithashtu përcaktohen karakteristikat e tyre, si mund t’i arrini ato, çfarë mund t’ju ndihmojë dhe sa kohë ju duhet.

Përcaktoni një kohë, do t’ju ndihmojnë që të mos e shtyni më vonë.

Për objektiva mikro ju thjesht mund t’i fiksoni ato në fillim të muajit duke shtuar përfitimet tuaja pas arritjes së tyre dhe motivimi juaj do të rritet në mënyrë dramatike.

Nxitoni me çështjet praktike

Për të shmangur rrezikun e dorëzimit të angazhimeve duhet së pari të largoheni nga çështjet më praktike siç janë shkuarja në treg ose te parukierja.

Shpesh ne tentojmë t’i shtyjmë ato për mungesë kohe dhe dëshire, por nëse i planifikojmë në agjendë ne do të kujtojmë dhe do të shmangim vrapimet e minutës së fundit, që do të na bëjnë të duken ditë të pakapërcyeshme dhe qëllimet tona të dukshme.

Gjithashtu përfshini aktivitete të këndshme që duhet ti kushtoni vetëm vetes tuaj si psh: një ditë në llixha, ose një trajtim bukurie apo ne SPA dhe konsiderojeni atë një takim biznesi për veten tuaj.

Mjetet

Nëse është një agjendë në letër ose agjendë virtuale, ky është mjeti që do t’ju ndihmojë më tepër.

Me Google Calendar, ju mund të vendosni etiketa me ngjyra të ndryshme në varësi të angazhimit.

Për shembull, me ngjyrë të verdhë ju mund të etikoni angazhimet e familjes dhe me ngjyrë të kuqe angazhimet e punës.

Në këtë mënyrë ju do të jeni në gjendje të shënoni ditët tuaja më me lehtësi.

Letra mbetet e përjetshme, në të cilin mund të shkruani idetë ose mendimet që nuk dëshironi të neglizhoni.

Zgjidhja më e mirë? Përdorini të dyja! /abcnews.al

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono