në Durrës

anija-Katar-1280x725.jpg
nev ila14:36 | 25/08/2019

Një anije-muze për lundrimin detar të Katarit është ndaluar në Durrës. Vizitorët e shumtë patën fatin të njihen me vlerat dhe një pjesë të historisë së një vendi siç është Katari.

Anija e konsideruar një muze mbi trashëgiminë e detarisë në Katar dhe që lundron nëpër Mesdhe duke promovuar kampionatin botëror të Futbollit Katar 2022 si dhe vlerat e miqësisë mes vendeve ka mbërritur në Durrës.

Shoqëruar  nga një atmosfere festive dhe argëtimi për qytetarët dhe turistët e shumtë që ndodhen në qytet këtë sezon.

“Fateh Al Khair 4”, u ankorua në kalatën 5 dhe ishte në dispozicion të vizitoreve.

Ekuipazhi i saj u prit nga autoritetet vendore, ambasadori i Katarit në vendin tonë dhe shume njerëz  që shijuan edhe koncertin e mikpritjes të organizuar në port mbrëmjen e kaluar.

Ambasadori i Katarit në vendin tonë Ali Bin Hamad Al-Marri ka falënderuar kryebashkiaken Sako për organizimin e kësaj pritjeje madhështore.

“Jam i lumtur që mirëpresim këtu në këtë qytet të historisë dhe kulturës shqiptare, anijen “Fateh Al Khair 4”. Prandaj, më lejoni që në emrin e të gjithë juve, t’i uroj mirëseardhjen anijes, kapitenit të saj Muhamed bin Yusuf Al-Sada dhe marinarëve të tij, dhe t’i uroj atyre suksese në përcjelljen e mesazhit të tyre popullit mik shqiptar, si dhe në  hapjen e horizonteve të reja të komunikimit dhe shkëmbimit kulturor dhe social midis dy popujve tanë, tha ai. 

Të pranishmit patën  mundësinë të shohin nga brenda velierën  e llojit ”Boom safari” e punuar në dru, të njihen me kulturën detare të Katarit dhe t’i gëzohen suvenireve sportive të shpërndara me këtë rast.

Kjo vizitë është dhe një mundësi njohjeje e promovimi për turizmin shqiptar dhe Durrësin./ABC News Albania 24/7

plazh-i-lire-770x360.png
ad min10:00 | 07/08/2019

Në Durrës janë liruar rreth 2000 m2plazh i zaptuar në mënyrë të kundërligjshme dhe janë proceduar 12 pronarë subjektesh, nga këta 6 në Durrës e 6 në Vlorë. Ata akuzohen  për veprat penale “Zënia e hapësirave publike”, “Fshehja e të ardhurave”, “Moslëshimi i kuponit tatimor”, “Punësimi i paligjshëm” dhe “Pushtimi i tokës”. Kështu policia e Durrësit në bashkëpunim me Policinë Bashkiake, kanë vijuar operacionin për lirimin e hapësirave publike, duke vënë në dispozicion të pushuesve rreth 2000 m2 plazh, pronë publike e zaptuar në mënyrë të kundërligjshme. Në Vlorë në vijim të kontrolleve të subjekteve tregtare të cilat kanë zaptuar plazhet publike bregdetare në mënyrë të paligjshme, Policia ka proceduar penalisht 6 administratorë subjektesh në Radhimë dhe Himarë./ABC News Albania 24/7

images.jpg
ad min15:15 | 04/08/2019

Një 29 – vjeçar është arrestuar në Durrës pasi vidhte kabllot elektrike dhe linte zona të tëra pa energji elektrike. Sipas policisë ai është një i ri me njohuri te posaçme si elektricist dhe gjatë një javë ka vjedhur kabllot elektrike të furnizimit me energji elektrike në bokset kolektive të matësve elektrikë në disa lagje të qytetit të Durrësit duke i lënë  banorët pa energji elektrike. Specialistët për Hetimin dhe Parandalimin e Krimeve në Komisariatin e Policisë Durrës, nisur nga kallëzimet dhe ankesat e qytetarëve dhe të OSHEE-së se  për vjedhje  të kabullit elektrik në disa lagje, kanë organizuar punën duke ngritur shërbime (grackë) në afërsi të bokseve kolektive të matësve elektrikë. Ky person më parë ka qenë i dënuar për prodhim dhe shitje të lëndëve narkotike./ABC News Albania 24/7

 

 

policia-1280x623.jpg
ad min11:30 | 03/08/2019

Policia e Shtetit ka proceduar penalisht në gjendje të lirë 7 shtetas në Durrës dhe 3 në Shëngjin, mes të cilëve, Drejtori rajonalë të Taksave dhe Tarifave vendore. Ata akuzohen shpërdorim detyre dhe zaptim të plazheve publike.

Zaptimi i plazheve publike vijon të mbetet problem në bregdetin shqiptar. Gjatë operacionit  “Plazh i lirë”, në Durrës dhe në Lezhë., policia e shtetit ka proceduar 10 persona nën akuzën e korrupsionit, fshehje të ardhurash dhe zënie të hapësirave publike.

Në Durrës, njofton policia , janë proceduar në gjendje të lirë 7 persona në Durrës, mes të cilëve edhe Drejtorin e Drejtorisë së Taksave dhe Tarifave Vendore në Bashkinë Durrës, në akuzën se ka shpërdoruar detyrën. 6  persona të tjerë,  akuzohen për Fshehja të të ardhurave, zënie të hapësirave publike.

Ndërkohë në Lezhë është proceduar Drejtori i Drejtorisë së Taksave dhe Tarifave Vendore në Bashki, për shkak se nuk kishte kryer kontrolle në zonat e plazhit

Policia procedoi në gjendje të lire edhe 2 pronarë në zonën e Shëngjinit, të cilët në mënyrë të paligjshme kishin vendosur shezlongë dhe çadra pa kontratë përdorimi.
Policia ka bërë të ditur se do ta vijojë aksionin përgjatë gjithë vijës bregdetare në vend./ABC News Albania 24/7


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono