mustafa nano
Postimi i Mavrajt

Screenshot_4-5.png
R D21:18 | 11/02/2020

Nga Mustafa Nano*

Nicola Gratteri është një prokuror i Republikës italiane, prokuror në Catanzaro. Është një nga njerëzit më të nderuar në Itali. Sepse i ka shpallur luftë Ndranghetas. Dhe jo luftë me fjalë boshe. I ka shpallur luftë me vepra. Në muajin dhjetor ai urdhëroi e udhëhoqi operacionin për arrestimin e mbi 300 vetave të lidhur me Ndranghetan kalabreze.

Një vit më herët ishte një operacion tjetër i tij, që solli arrestimin e dënimin e mbi 100 të tjerëve. Të lidhur me Ndranghetan, gjithashtu. Dhe Ndrangheta nuk është shaka. Ndrangheta është një nga bizneset më kriminale të botës, aktiviteti i së cilës kap 3% të GDP-së së Italisë, dhe ky 3%-ësh i gdp-së së Italisë është baraz me 40-50 miliardë dollarë.

Thënë ndryshe, Ndrangheta është ekonomikisht katër herë më e fuqishme sesa Shqipëria. Dhe është edhe kjo fuqi që e bën të frikshme. Ndrangheta nuk të lejon t’u përzihesh në punët e veta. Ajo nuk të fal. Në fakt, Ndrangeta nuk e ka falur Gratterin. E ka shpallur atë një kufomë që ecën. Që do të thotë se ia ka bërë benë. E megjithatë, Gratteri po vijon punën e tij. Nuk ka ndërmend të tërhiqet.

Si ka mundësi që nuk del një Gratteri në Shqipëri? Ja, kjo është një pyetje që meriton një përgjigje. Por këtë përgjigje nuk do ta jap sot. Do ta jap një herë tjetër.

Tani, do ta jap!!!??? Dua të them: do të provoj ta jap. Se nuk është e lehtë ta japësh.

Sot dua të them tjetër gjë, për të cilën më ngacmoi Nicola Gratteri. E pashë Gratterin në televizor dy ditë më parë. Po e intervistonte Lucia Anunziata, në kanalin RAI3. Intervista ishte shumë interesante. Dhe Gratteri tha mes të tjerash:

“Është vetëm 6-7% e sistemit të drejtësisë e korruptuar. Dhe kjo është e rëndë, e tmerrshme. Unë dhe kolegët e mi kemi një rrogë të mirë. Marrim 7 200 euro në muaj. Me këtë rrogë jetohet mirë. Plotësohen të gjitha nevojat. Kështu që kush korruptohet, e bën këtë nga lakmia, e jo nga nevoja. Gjyqtari apo prokurori nuk janë në situatën kur nuk mbajnë dot fëmijët me bukë. Përkundrazi. Prandaj, neve nuk na falet”.

La të kuptohet, se niveli i rrogës është i rëndësishëm. Dhe nuk e ka gabim. Një rrogë e lartë i lë gjyqtarët pa asnjë alibi. Dhe nuk është vetëm rroga që i lë pa alibi, në fakt. Është edhe fakti që një gjyqtar a prokuror e ka këtë rrogë gjithë jetën, të paprekshme, të garantuar. Të garantuar si vdekjen. Jo vetëm që askush nuk mund t’ia heqë, por askush as nuk mund t’ia ulë.

Kjo do të thotë që ai mund të bëjë llogarira e plane për të ardhshmen mbi bazën e kësaj rroge. Është një pagë që do ta marrë gjithë jetën, derisa të ketë frymë mbi dhé. Sepse, edhe në pleqëri, për shkak të rrogës, së lartë, do të ketë një pension shumë të mirë.

Prandaj, rritja e pagave që iu bë pjesëtarëve të sistemit të drejtësisë në Shqipëri, në kuadrin e reformës që po kryhet, është një nga gjërat më të mira që është bërë. Madje, pagat e tyre duhet të ishin edhe më të larta. Sepse gjyqtarët e prokurorët nuk janë shumë në numër. Janë disa qindra në gjithë Republikën. Më pak se një mijë.

Veçse tash e tutje nuk duhen toleruar. Duhen kontrolluar, monitoruar, ndjekur. Dhe duhen dënuar në mënyrë ekzemplare nëse nuk i përgjigjen këtij kujdesi apo sakrifice të shoqërisë, nëse e tradhëtojnë besimin e publikut.

Dhe nuk është vetëm sakrifica e besimi i publikut që duhet t’i bëjnë ata të ndihen të përgjegjshëm. Është edhe lloji i përgjegjësisë që ata kanë marrë dhe i profesionit që ushtrojnë. Ata kanë marrë përsipër të japin drejtësi në këtë botë. Dhe nevoja për drejtësi është shumë e rëndësishme.

Njeriu mund ta pranojë varfërinë fare kollaj, madje mund të bëjë me faj veten për varfërinë e vet, por padrejtësinë nuk ta pranon. Për padrejtësinë nuk bën me faj veten. Dhe prej padrejtësisë bëhet edhe i rrezikshëm dhe i dëmshëm për shoqërinë. Nevoja për drejtësi, përsëris, është bazilare për njeriun, është si nevoja për të mbrojtur kokën, si nevoja për të qenë i lirë. Madje, është më e madhe sesa nevoja për të qenë i lirë. Nuk ka se ç’i duhet robit liria para drejtësisë, apo liria pa drejtësi. Dhe këtë nevojë janë gjyqtarët që mund t’ia përmbushin njeriut. Sa të rëndësishëm janë gjyqtarët. Ata e meritojnë të shpërblehen. Dhe ne meritojmë që ata të na japin drejtësi.

E kam fjalën, për situatën pas Vettingut, kuptohet.

*Monologu i gazetarit dhe analistit Mustafa Nano në emisionin e tij “Provokacija” në Abc News. 

profesoriiii.png
eri Ida22:54 | 07/02/2020

Këtë të premte në “Provokacja” me Mustafa Nanon ka qenë i ftuar Ruzhdi Stringa, specialist i shqipes në Pekin, ka folur për përhapjen e epidemisë së koronavirusit në provincën e Wuhan. Në fjalën e tij Stringa është shprehur se se koronavirusi është shfaqur në Kinë para se të publikoheshin dhe të përhapej i gjithë lajmi nëpër media.

Profesori shqiptar në Pekin, thekson se në Shqipëri është kthyer përpara përhapjes së virusit, por ai thekson se e ka kuptuar se në Kinë po përhapej një virus pasi autoritetet i merrnin në telefon dhe i pyesnin si ishin, çfarë ndienin etj. Ndër të tjera përballë gazetarit Nano, profesori Stringa shprehet se paniku është i zmadhur, sipas tij media e zmadhon akoma më shumë, ai është një virus i panjohur dhe për sa kohë është i panjohur padituria e bën njeriun ose të ketë frikë ose ta zërë paniku.

Gjithashtu nga “Provokacja”, ai ka folur në lidhje me eksperiencën e tij në lidhje me studentët kinezë dhe kënaqësinë që ai merr nga marrëdhënia me to që prej vitit 98′ që ndodhet si profesor në universitetin e Gjuhëve të Huaja në Pekin.

E gjithë jeta ime akademike është zhvilluar në Universitetin e Gjuhëve të Huaja në Pekim. puna ime si profesor i gjuhës shqipe me studentë shqiptarë dhe të huaj. Kjo është një zgjehdje që e keni bërë ju jeni atje nga halli apo nga qefi,janë dtë dyja së bashku zgjodha të shkoj vetë por patjetër kjo zgjedhje është dhe një formë detyrimi, por jam i lumtur që kam bërë një punë të mirë atj. Kjo është një kohë e fituar gjatë qëndrimi tim atje”, tha ai.

Nga eksperienca juaj në kinë, janë gjëra të zakonshme apo është një përvojë e veçantë?

Është e veçantë pasi është një gjë që jo rrallë e ndesh njeriu, sidomos një profesor i gjuhës shqipe i cili duhet të mësojë këtë lëndë disa personave që kanë njohur zero jo vetëm për gjuhën por edhe për vendin.

Ju po flisni për një vend që Shqipëria nuk njihet, por këtu ka një legjendë se në Kinë ka një lloj interesimi të veçantë për shqiptarët?

Kjo legjendë ka një bazë të vërtetë pasi për një periudhë të caktuar vende tona kanë qenë vende mike, dhe gjuha i tregon më së miri këto ngjarje. Ajo periudhë e marrëdhënies së ngushtë mes dy vendeve është e ndarë në dy pjesë, një pjesë është miqësorë dhe tjetra armiqësore. Kjo është një periudhë e jetuar nga breza, nga 60 vjeçarët e lartë që e ruajnë këtë lloj njohje për Shqipërinë, por brezi i ri nuk ka njohje. Kinezët i trajtojnë popujt sipas interesave të tyre pragmatike, ato i shikojnë marrëdhëniet mes tyre me një prizëm pragmatik, miqësia me Shqipërinë dhe në atë kohë nuk është trajtuar me atë vështrim siç ne e kemi trajtuar miqësinë me të.

Kinezët që studiojnë gjuhën shqipe çfarë janë? Është zgjedhje individuale apo ka ndonjë strategji?

Universiteti ku unë jam ka një drejtim të caktuar ku ti mund të diplomohesh por mund të ndjekësh dhe degë të tjera. Gjuha jonë bën pjesë në atë që quhet fakulteti i gjuhëve të vogla të evropës, ku futet italishtja, shqipja etj, ndërsa anglishtja dhe spanjishtja janë degë më vete dhe nëse një student nuk fiton këto degë futet dhe në gjuhën shqipe.

Kur do të ktheheni ju në Kinë?

Ne mbajmë kontakte me universitetin dhe unë kam marrë lajmin se shkolla do të fillojë me dy mars, por do të jetë online mësimi do të vijojë deri në mars online. /abcnews.al

 

nano-vejsiu.jpg
ger ta21:09 | 07/02/2020

Mustafa Nano monologun e tij në “Provokacija” ia ka kushtuar Alketa Vejsiut. Prezantuesja mori pjesë në festivalin e Sanremos, dhe ka qenë orët e fundit në qendër të vëmendjes mediatike.

Mes kësaj vale komentesh, Nano teksa ka vlerësuar Vejsiun për aftësinë e saj në skenë, i ka dhënë edhe një kritikë.

Moderatori i ka kërkuar prezantueses ta shohë me kujdes Sanremon, duke e paralelizuar edhe me Festivalin e Këngës në RTSH, që këtë vit u moderua nga Vejsiu.

Sipas tij, ashtu siç u bë në Sanremo, edhe në festivalin e dhjetorit duhet të ishin ftuar personazhe të rëndësishme, por sipas Nanos një gjë e tillë nuk ndodhi, pasi Alketa i bëri vetë të gjitha.

Ndërkaq, më tej Nano i kërkon prezantueses që pasi të kthehet të zbresë me këmbë në tokë, duke e vlerësuar edhe njëherërë për aftësinë në mderim.

Me të mbërritur në Shqipëri të kthehet me këmbë në tokë dhe të mos mendojë se është një heroinë dhe që është një figurë e madhe e kombit shqiptar. Ajo është ajo që është, ajo që do të jetë, ajo që ne njohim, është Alketa Vejsiu një prezantuese e shkëlqyer e spektaklit shqiptar”, tha Nano ndër të tjera.

Monologu i plotë i Mustafa Nanos:

Unë vetë ka ca kohë që nuk e ndjek Rain me vëmendjen që e kam ndjekur vite më përpara. Por kur vjen muaji shkurt, që është muaji i Sanremo, unë ulem në divanin e shtëpisë time dhe me telekomandë sinkrinizohem në valët e Rai Uno që është kanali që transmeton festivalin e Sanremos.

Përveç faktit që është një shoë i rëndësishëm, i bukur dhe interesant, unë vitet e fundit kam filluar të shijoj edhe një gjë tjetër që Sanremo në një mënyrë apo në një tjetër ka qenë edhe pak shqiptar.

Këtë herë ishte gjithashtu pak shqiptar sepse në Sanremo ishte edhe Alketa Vejsiu. Ishte ftuar aty midis grave të tjera si prezantuese e këtij festivali në krah të prezantuesit kryesor, Amadeus.

Alketa Vejsiut iu dha një hapësirë e rëndësishme në natën e tretë të Sanremos. Ajo diti ta shfrytëzonte në mënyrë të shkëlqyer këtë hapësirë. Ajo diti të jetë Alketa Vejsiu që ne njohim, që do të thotë një vajzë e rrjedhshme në të folur, elokuente, që di të dominojë skenën, dhe një vajzë që është një garanci në vetvete për ritmin që duhet të ketë një shoë ku ajo merr pjesë.

Ajo u mirëprit edhe nga publiku italian pikërisht për këto arsye. Ajo në mendimin tim nuk bën pjesë te vajzat apo personat, që thotë gjëra që që mbeten në mendje, nuk është vajzë që thotë gjëra uau, por ka karakteristikat që unë përmenda që janë të rëndësishme për një showwomen apo për një showgirl.

Tani unë dua t’ju kthej juve dy muaj më përpara, dua t’ju kthej më Shqipëri. Në muajin dhjetor, ku këtu në Tiranë u mbajt “Sanremo shqiptar”, Festivali i Këngës në RTSH, i cili u moderua nga Alketa Vejsiu.

U moderua në një mënyrë që ne e dimë tanimë, provoi një diskutim që zgjati për ditë të tëra, madje edhe për javë të tëra. Unë shpresoj që Alketa Vejsiu nëpërmjet pranisë së saj në Sanremo, të ketë bërë një vëzhgim, që unë jam i sigurt që ajo e ka bërë edhe herë të tjera sepse është një vazhgim që mund të bëhet lehtë.

Unë shpresoj që ajo të ketë vëzhguar me kujdes këtë herë që Festivali i Këngës në RTSH ashtu sikurse edhe Sanremo, nuk mund të jenë një “one men show”siç ishte fetsivali i dhjetorit, i moderuar dhe prezantuar nga Alketa Vejsiu.

Festivali ynë i dhjetorit duhet të jetë ashtu si Sanremo, një ngjarje e rëndësishme kulturore për vendin, nëse duam t’i rrimë modelit besnik deri në fund sepse festivali ynë ka për model Sanremon.

Unë dua të them se në festivalin tonë duhet të ishin ftuar, ashtu siç u ftuan në Sanremo për pesë ditë me radhë, duhet të ishin ftuar njerëz të rëndësishëm të kulturës shqiptare, të artit shqiptar, njerëz që nëpërmjet aktivitetit të tyre, kanë qenë të zëshëm në arenën lokale, kombëtare dhe këta njerëz duhen sjellur.

Fjala vjen Alketa Vejsiu mund të kishte ftuar në festivalin e fundit që ajo drejtoi Igli Taren, mund të kishte ftuar Emonela Jahon, mund të kishte ftuar komikë të njohur të botës shqiptare, të cilët e meritojnë një skenë si ajo e “Sanremos shqiptare”. Por Alketa Vejsiu nuk e bëri këtë gjë, ajo përkundrazi bëri një festival ku gjithçka e kishte emrin “Alketa Vejsiu”.

Alketa Vejsiu bëri prezantuesen, Alketa Vejsiu bëri këngëtaren, bëri balerinën, madje bëri edhe monologje të natyrës intelektuale. Për mua kjo ishte e pafalshme. Kjo është kritika që unë i bëj Alketa Vejsiut.

Dhe me këtë krritikë unë nuk i heq asgjë aftësisë dhe zotësisë, më saktë zonjësisë së Alketa Vejsiut, ajo mbetet një prezantuese e shkëlqyer e Shqipërisë.

Dhe unë mendoj se me t’u kthyer nga Sanremo, sido që ajo dha shenja që po jetonte atë ngjarje, po sillej sikur kishte kapur qiejtë dhe me të drejtë ishte ngjarje shumë e rëndësishme në jetën e vet, unë dua që ajo me të mbërritur në Shqipëri të kthehet me këmbë në tokë dhe të mos mendojë se është një heroinë dhe që është një figurë e madhe e kombit shqiptar.

Ajo është ajo që është, ajo që do të jetë, ajo që ne njohim, është Alketa Vejsiu një prezantuese e shkëlqyer e spektaklit shqiptar dhe kjo nuk është pak e dashur Alketa. Ky ishte monolgu im për sonte që ia dedikova Alketa Vejsiut dhe e shoqërova me një kritikë të vogël, që unë shpresoj që ajo ta marrë me dashamirësi./abcnews.al

 

 

lulzim-zeqaj-1280x826.jpg
nev ila22:56 | 04/02/2020

I ftuar në Provokacija mbrëmjen e sotme ishte aktori Lulzim Zeqaj. Ai është pjesë e një kasti aktorësh që do të luajnë premierë dramën “Skena nga një ekzekutim” e shkruan nga një dramaturg i famshëm britanik, në skenën ë Art turbinës.

Kjo premierë do të luhet ditën e premte nga një kast shumë i mirë aktorësh me regji të Rovena Lule Kuka.

Aktori Zeqja gjatë bisedës në studio me Mustafa Nanon prezantoi veten dhe se si ishte bërë pjesë e skenës dhe kastit të aktorëve. Në bisedën e tij aktori Zeqaj ndërsa theksoi se nuk e kishte marrëdhënien shumë të mirë me kameran tha se teatri mbetet vendi ku ai gjen veten.

Pjesë nga biseda në studio:

Lulzim Zeqaj: Marrëdhënia me televizionin është e vështirë pasi kam një lloj kompleksi pasi nuk besoj se jam një njeri që artikuloj shpejt mendimin, kamerat i konsideroj pak të ftohta ose mbase nuk më ka takuar të përballem me gazetarët.

Mustafa Nano: E keni fjalën edhe për kamerat e filmit?

Lulzim Zeqaj: Jo është gjë tjetër kamera e filmit. Atë lloj kamera e kam bërë mik.

Mustafa Nano: Ju sot në Shqipëri jeni një aktor i afirmuar, a merrni pjesë në audicione?

Lulzim Zeqaj: Po unë shkoj, audicioni i fundit ishte me Bujar Limanin një produksion gjerman, “Virgjëresha shqiptare” dhe fitova.

Mustafa Nano: Përpara emisionit gati më përcolle mesazhin se ishe i ndrojtur…

Lulzim Zeqaj: Jo por nuk kam një raport të mirë me intervistën, e kam problem të flas për veten. Në fakt aktori duhet të promovojë veten.

Mustafa Nano: Ka aktorë që shfaqen në Tv për të folur për punët publike dhe jo për aktrimin.

Lulzim Zeqaj: Unë nuk merrem me analiza, unë merrem me analizat e tekstit.

Mustafa Nano: Si e keni nisur aktrimin?

Lulzim Zeqaj: Kam mbaruar fakultetin e artit skenik në 2001.

Mustafa Nano: Jeni bërë aktor se keni dashur apo se ashtu qëlloi?

Lulzim Zeqaj: Kur kam shkuar në teatër kam qenë në vitin e dytë në gjimnaz, më pëlqeu shumë dhe shkova më pas 3 -4 herë dhe fillova të pija kafen te teatri dhe më pëlqenin aktorët, më dukeshin si njerëz të drejtpërdrejtë. Një pakënaqësi nga realiteti e kishin shumë më të drejtpërdrejtë dhe jo formal dhe kjo më pëlqeu shumë. Një ditë, në gjimnaz vjen Alfred Trebicka dhe krijon një trupë teatrore në shkollë. Unë shkova u paraqita, Fredit i pëlqeu shumë dhe më tha se duhet të isha pjesë, pastaj mu fut në gjak, kisha shumë dëshirë .

Mustafa Nano: Dmth deri  në atë moment nuk kishe jetuar asnjë çast me idenë se mund të bëheshe aktor?

Lulzim Zeqaj: Jo nuk e kam pasur si ide, nuk më ka shkuar në mendje.

Mustafa Nano: Keni rol kryesor në premierën që do të shfaqet?

Lulzim Zeqaj: Jo kam rol dytësor. Galaxia është një vepër që në qendër të saj ka një piktore të cilës i jepet një detyrë nga shteti për të pikturuar një nga betejat më të famshme të njerëzimit, siç ishte beteja e Lepantos. Ngjarjet zhvillohen në Venecian e shek të 16. Piktorja has në një vështirësi shumë të madhe midis luftës që pushteti kërkon të manipulojë pikturën, kurse piktorja do ta paraqesë në mënyrë sa më realiste këtë betejë, pra siç ka qenë në të vërtetë. Është në diskutim lufta e madhe mes pushtetit dhe artit, se si pushteti herë pas here ndërhyn tek artisti për të mos thënë të vërtetën, siç ndodh edhe sot.

Mustafa Nano: Ju si aktor jeni nën presion?

Lulzim Zeqaj: Jo, unë jam ekzekutues, jam aktor kurse mund të ketë regjisor të cilët kanë një lloj presioni nga pushteti.

Beteja e Lepantos është një betejë mes ushtrisë osmane dhe frontit të krishterë. Për herë të parë osmanët pësuan një disfatë dhe ky moment merret si fillimi i fundit të perandorisë osmane./abcnews.al

Screenshot_1-13.png
R D21:12 | 31/01/2020

Monologu i Mustafa Nanos në Provokacija

Para pak ditësh televizioni italian RAI3 dha një lajm të veçantë dhe të çuditshëm; të çuditshëm për ne shqiptarët. Kishte të bënte me kanabizimin e Shqipërisë! Me të tjerave RAI thoshte:

“Prodhimi i kanabisit është rikthyer me shumë stil në Shqipëri, ku që nga viti i kaluar ka pasur një rritje të konsiderueshme prej më shumë se 1200 për qind. E dëshmojnë dhe këto fotografi nga ajri që janë futur nga policia në një dosje të rezervuar, por që TG 3 arriti t’i lexojë. Janë gjetur rreth 100 mijë bimë të ndara në kultivime të vogla të fshehura në male. Bimë të ulëta, të një cilësie të importuar nga Vietnami dhe të modifikuara gjenetikisht për të pasur një përqindje shumë të lartë të efektit të saj”.

Kryeministri Rama ishte i pari që reagoi pas këtij lajmi. Ai reagoi duke e quajtur një fabrikim të turpshëm, turp gazetaresk dhe u kërkoi autoriteteve italiane ta përgënjeshtronin.

Përgënjeshtrimi erdhi autoritet thanë se është lajm i rreme që nuk provohej nga asnjë burim zyrtar. Më bëri përshtypje reagimi i Kryeministrit shqiptar, ishte i indjinuar shumë indjuar dhe ne të tjerët nuk mund të rrinim pa u solidarizuar me indinjatën e tij. Në të vertetë lajmi nuk është i vertetë, ne e dimë situatën në vendin tonë. Nëse do kishte do ta kishin bërë lajmin gazetarët tanë, do të kishte reaguar opozita, që kësa radhe nuk u ndje fare; sepse lajmi i RAI3 ishte i pavertete. Për indinjatën e Kryeministrit nuk do emocionoheshim fare, sepse Rama kështu është indinjuar edhe më përpara kur kanabizimi i Shqipërisë po bëhej në sytë tanë.

Edhe atëherë Kryeministri shqiptar u indjunua më shumë se këtë here dhe iu sul gazetarëve dhe në këtë kuptim jemi mësuar me indinjatën e tij. Sikur të isha në vend të tij do të hezitoja të shprehesha me indinjatë kësaj radhe sepse isha djegur herën e parë, do ia lija gazetarëve ta bënin këtë punë. Ta shprehnin indinjatën. Nuk i shkon Ramës të indinjohet në këtë fare feje kur fabrikohen lajme. /abcnews.al

Screenshot_5-5.png
R D23:54 | 28/01/2020

Pediatrja e njohur Lira Gjika e ftuar mbrëmjen e së martës në emisionin e Mustafa Nanos “Provokacija” foli për sfidat që po kalon shoqëria dhe familja shqiptare.
Ajo tha se e e shoh familjen shqiptare më të gjallë. “Kur dy individë duan të ndërtojnë familje janë më të vetëdijshëm se sa kanë qenë më parë. Gruaja është më e emancipuar dhe më aktive. Ka edhe kontigjent që vazhdon traditën ku vendos familja për vajzën, por e përgjithshmja është se vajzat shqiptare në pjesën më të madhe të rasteve zgjedhin vetë”, tha ajo. Po kështu, Gjika kritikoi disa sjellje të çuditshme të prindërve, si për shembull për të puthur fëmijët në organet intime. Po kështu ajo tha se prindërit ende e konsiderojnë fëmijën si objekt. “Jemi komb që betohemi në kokën e fëmijës!”, u shpreh pediatrja.

Mustafa Nano: Kur një fëmijë ka një prind të vetëm, si rritet?

Lira Gjika: Nëse mjedisi është i përgjegjshëm them se rritet mirë, sepse ne jemi 60 për qind produkt i mjedisit ku jetojmë. Nëse jetojmë në mjedis të varfër dhe të ashpër ashtu do bëhemi, le ti kemi genet e mira.

Mustafa Nano: Në Londër dhe vendet perendimore ka fëmijë që rriten nga prindër të të njëjtit seks, ky mjedis familjar është i shëndetëshëm?

Gjika: Fëmija ka nevojë për siguri dhe dashuri, kështu fëmija do bëhet vetja. Nëse këta që e marrin e rrisin fëmijën me edukim të mirë, do të bëhet fëmijë i përgjegjshëm. Ne duhet të rrisim fëmijët që të mos kenë frikë, të kenë vetëbesim. Fëmijët rriten në jetimore dhe jo më nga dy individë të të njëjtit seks.

Nano: Një fëmijë që kalon fëmijëri të vështirë prodhon individë problematik?

Gjika: Po është e vertetë!

Mustafa Nano: Nëse marrim parasysh familjet tona patriarkale, mendon se jemi rritur keq?

Lira Gjika: Po jemi rritur me figurën e babait të rreptë. Jam kundra frikës së fëmijët nga prindi. S’ka gjë më të tmerrshme se sa fëmija të ketë frikë nga prindi. Rregulli është kushti kryesor në edukim. Jo rregull si në zbor por të bësh ritualin familjar që nga higjiena e deri tek leximi i librave. Në darkë leximin e përrallave duhet ta bëjë babai, që të mos jetë prezent vetëm nëna në jetën e fëmijëve. Figura e babait në familjet shqiptare ka qenë e largët (e distancuar). Në kohët e sotme, baballarët e rinj janë më aktivë dhe më të lidhur me fëmijët. Kjo është në Tiranë, ndërsa nuk di si është situata në rrethe.

Mustafa Nano: A jeni kundra këtyre rregullave që kanë jashtë vendit, ku shteti merr në mbrojtje fëmijët nga prindërit.

Lira Gjika: Jo nuk jam kundra. Ne jemi shoqëri pedofile. E puthura e fëmijëve në organe është molesti! Kështu që fëmijët duhet të kenë mundësi të ankohen për prindërit, siç funksionon në disa shtete.

 

Screenshot_4-5.png
nev ila23:30 | 28/01/2020

Imami nga Kosova Drilon Gashi i ftuar mbrëmjen e kësaj të marte në “Provokacija” me Mustafa Nanon, ka folur në lidhje me shkarkimin nga puna që i është bërë, sipas tij në mënyrë të padrejtë. Imami tha se ai nuk është i pranueshëm nga autoritetet atje edhe pse ka shumë fansa jo vetëm në Kosovë por edhe në diasporë. Gashi ndër të tjera është shprehur se kleriku nuk e pranon pasi ai nuk pajtohet me disa ide të tyre.


Bashkëbisedimi në studion e Provokacija

Mustafa Nano: Ti vetë mendon se evolucioni darvinian nuk ka ndonjë kontraditë me islamin.

Drilon Gashi: Jo vetëm me evolucionin por unë mendosj se shumë prej hoxhallarë bien në kontraditë me islamin, sipas meje dhe asaj që kam studiuar. As sekularizmi nuk bie ndesh as me Kuranin e as me Islamin edhe plot mendime të tjera pasi mendoj se edhe jomuslimanët mundet që të shkojnë në xhenet ndoshta me kushte të tjera, nuk jam dogmatik si ato , ata nuk e kanë dëshirë reformën, ndoshta kanë dëshirë të mbajnë islamin që e kanë mësuar që e kanë mësuar që nga perandoria otomane, një islam mesjetar, sektar.

Mustafa Nano: Për ty unë supozoj që kurani është fjala e diktuar nga zoti.

Unë besoj se besoj Kuranin por nuk jam sektar, kënaqësia më e madhe  ishte që të bashkohen dy shqiptare nga pjesë të ndryshme të atdheut. Në njërën anë qëndron një besimtar që e beson kuranin por ndoshta në anën tjetër mund të jetë një person që nuk beson, i vetëdeklaruar ateist.

Mustafa Nano: Kam vënë re se besimtarët refuzojnë të vijnë me mua në studio unë do të doja Shefqet Krasniqin ose shumë imam në Tiranë, por që nuk vijnë pse thua.

Drilon Gashi: Unë po shikoj një shmangie nga imamët, por ka ardh koha të debatojmë.

Mustafa Nano: Edhe njerëzit me prirje sekulariste mund të shkojnë në xhenet?

Drilon Gashi: Unë mendoj se islami është perandori shpirtërore, ndërsa sekulariteti përfshin drejtimin e shtetit edhe mospërzjerjen e fese në organet shtetëroe. Islami nuk ka ardhur për të rregulluar komunën ose parlamentin, por parlamentin e zemrës, të shtetit e udhëheq kryeministri Edi Rama në Shqipëri ose ish kryeministri jonë Haradinaj që na e keni paditur në gjyq ishalla po kalojme mirë për këtë padi. Po pse emri i emisionit “provakacija”, pasi ne shqiptarëve të Kosovës na tingëllon pak si serbisht.

Mustafa Nano: Është serbisht si fjalë, në një moment të caktuar pas ndeshjes Shqipëri-Serbi, që u pezullua dhe shkuam edhe në gjyq për shkak të asaj ndeshje ne shkuam edhe ne Evropian, për shkak të ngjarjes që ndodhi në fushë, mediat serbe kanë folur shumë për termin provokacia i cili erdhi më pas në Tiranë dhe u bë barbarizëm. Unë e mora në mënyrën më të pafajshme.

Drilon Gashi:Vëllai Mustafa për një vendim të tillë apo vendime të  “mëdhaja”, që i bën shteti duhet me u pyet edhe ne dhe jo me u bë qefin palëve të treta dhe vëllai tënd me i kthy shpinën.

Mustafa Nano: E ke me Edi Ramën?

Drilon Gashi: Po e lëmë anash politiken dhe po i kthehemi temës sonë. Nuk është armik nëse nuk ka bërë krime dhe nuk kemi shpall armiqësi, në të ardhmen duhet të kemi bashkëpunime pasi i kemi komshi. Profeti Muahamed na ka urdhëruar që të sillemi mirë me komshinjtë, por nëse komshiu ti mbyll të gjitha dyert dhe don që të pushtojë siç ka bërë atëherë çfarë të mbetet ti në punën tënde dhe unë në timen.

Mustafa Nano: Unë ju pyeta për kuranin nëse besoni se është fjala e diktuar nga Zoti, por aty në kuran mesa e njoh unë nuk ka një mendim të mirë për sekularistët apo personat që nuk janë pjesë e fesë islame.

Drilon Gashi: Një nga problemet që sillet mes atyre që shpjegojnë fenë është shpjegimi i terminologjive që është ajo e mohimit. Qafiri sipas kuranit është mos me e pranu të vërtetën kur të paraqitet dhe me qenë armiq ndaj tjetër ky është qafiri i vërtetë që zoti i ka përgatitur dënim. Ndryshe nga ersoni që është duke e gjurmuar të vërtetët ai nuk është qafir është njeri i thjeshte dhe nuk ka normë të caktuar sheriatike sipas kuranit.

Mustafa Nano: Ti përballe ke një qafir?

Drilon Gashi: Unë nuk e di a je qafir vetëm zoti e din. Në kuran fjala “kefer” e ka mbuluar të vërtetën ndryshe me këtë fjalë i thuhet edhe bujkut që e ka farën në dhe. Në këtë rast në terminologjinë islame kofiri është mohim i të vërtetës, ndryshe injoranca dhe mosdija nuk është kofer.

Mustafa Nano: Për ju besimi fetar është me i rëndësishëm se dashuria për vendin

Drilon Gashi: Të dyja janë të rëndësishme nuk shkeputen prej identitetit, unë mendoj se pas asaj që kam parë dhe kam folur deri më tani ju jeni më musliman se ato që më kanë hequr mua nga puna, mos me pas qenë musliman nuk do më kishe ftuar në studio dhe nuk do të bëjë këtë bisede kaq interesante me mua në studio, nuk je kriminel, nuk je dyfytyrësh nuk je zullumqar ky është islami.

Mustafa Nano: Duhet guxim i madh të më quash mua musliman pasi ka disa kritere, muslimanët duhet të bëjë harxh që unë nuk e kam në plan, të lutet pesë herë në ditë unë nuk e bëj ky është përkufizimi zyrtar që i bëhet islamit.

Drilon Gashi: Përkufizimi sektar po, por islami i kuranit është diçka tjetër shtyllat e islamit sipas kuranit është ndryshe nga ato që predikojnë klerikët.

Mustafa Nano: Unë nuk jam musliman edhe për arsye të tjera sepse unë kam lexuar kuranin shqip dhe anglisht, por..

Drilon Gashi: Sot ose do më bindesh me mendimet e tua që i ke ti dhe do më bësh ateist ose do të bindi dhe do të bëhesh musliman sikurse jam unë.

Mustafa Nano: Gjysme ore është pak me e bind njëri tjetrin. Unë besoj te gjerat që ekzistojnë, prova të qarta dhe dokumentare., ne e dime që profeti ka qenë i martuar me Hatixhen, që ka lindur në Mekë, që iku njehere në Medinë këto nuk janë fakte që ne i kemi të dokumentuara diku por thjesht një person pas 200 vitesh e ka ndërtuar si histori.

Drilon Gashi: Këto që e kanë shkruar kanë qenë servilë të pushteteve të kohës dhe janë munduar që profetin ta paraqesin me imazhin e kalifit, për me fitu prestigj. Librat që janë shkruar për historinë janë shumë të ndryshme./abcnews.al

mustafa-nano.jpg
ger ta21:14 | 21/01/2020

“Bild” na ka borxh një shpjegim”. Kështu u shpreh në monologun e tij në “Provokacija” Mustafa Nano.

Moderatori iu referua artikullit të gazetës prestigjoze gjermane për çështjen e lobimit rus. Teksa Nano i cilëson “broçkulla kolosale”, mes të tjerash në shkrim thuhej se Lulzim Basha ka lobuar me rusët për të penguar procesin e integrimit të vendit. Ndërkohë, pa kaluar shumë orë, artikulli u fshi.

Pikërisht përë këtë veprim, Nano shprehet se gazeta duhet të japë një shpjegim, mbi arsyet që e çuan të ndërmarrë një gjë të tillë.

Unë mendoj se “Bild” duhet ta shpjegojë këtë gjë në mos, reputacioni i vet vihet në dyshim të paktën tek shqiptarët të cilët kanë jetuar gjithmonë me idenë se mediat e rëndësishme europiane janë të rëndësishme edhe për faktin që kanë një marrëdhënie të caktuar me të vërtetën”, shprehet Nano mes të tjerash.

Monologu i Mustafa Nanos në ‘Provokacija”:  

Këto ditë shqiptarët kanë dëgjuar të flitet për gazetën gjermane “Bild”, e cila është një gazetë shumë e rëndësishme, madje është më e rëndësishme në termat e tirazhit. Ka dekada që është gazeta më e rëndësishme në Europë. Ka shitur gjithë kohën miliona kopje edhe sot kur interneti ka bërë punën e vet dhe ka afektuar gjithë botën tjetër të medias në versionin print. Gazeta “Bild” mbahet akoma në këto nivele, shet miliona kopje, arsyeja është e thjeshtë, është një gazetë tabloid, me fjalë të tjera bulevardeske që është e fokusuar tek lajmet sensasionale, tek thashethemet. Dhe këto thashetheme jepen në një gjuhë të shkujdesur, është e fokusuar gjithashtu tek seksizmi. Pra janë që ndjellin vëmendje. Shkruhet në këtë gazetë edhe për gjëra serioze, por shkruhet nga një këndshikimi i veçantë dhe shkruhet siç e thashë me një gjuhë të shkujdesur. Që shkruhet për gjëra të rëndësishme duket edhe te fotografia që unë kam zgjedhur që është portreti i Angela Merkelit.

Në këtë kuadër gazeta “Bild” ka publikuar një shkrim për Shqipërinë, më saktë Partinë Demokratike të Shqipërisë dhe për Luzlim Bashën, i cili sipas gazetës Bild, që i referohet gazetës “Mother Jones” ka paguar shumë të mëdha parash me synimin për të sabotuar procesin e integrimit të Shqipërisë në BE dhe duke lidhur në këtë funksion aleanca të çuditshme thotë “Bild” me qasje ruse anti-shqiptare.

Sipas meje kjo është një gjepurë kolosale. Është e vërtetë që Lulzim Basha ka paguar qindra mijëra euro, më saktë dollarë. Ka paguar saktësisht 675 mijë dollar, kjo është një gjë e provuar, e pranuar edhe nga vetë Lulzim Basha dhe ai akoma ka nevojë të shpjegohet për këtë gjë. Duhet të na thotë se cili është burimi i këtyre parave. Por këto para janë paguar dhe janë harxhuar në mënyrën që Lulzim Basha t’i garantonte vetes një lloj afirmimi ndërkombëtar. Ishte koha kur opozita ishte si e izoluar, kishte braktisur institucionet dhe Lulzim Basha kishte nevojë për një akses pak më shumë në arenën ndërkombëtare sepse të gjithë ndërkombëtarët në atë periudhë mbështesnin qeverinë në aksionin e vet politik dhe ishin kundër opozitës.

Ky është shpjegimi i asaj pagese dhe në këtë kuptim unë përsëris, pretendimi i gazetës “Bild” që këto para janë paguar për të sabotuar integrimin e Shqipërisë në BE, apo janë paguar ngaqë Lulzim Basha është pro rusëve. Janë broçkulla kolosale. Bild e ka bërë këtë shkrim dhe deri këtu nuk ka ndonjë gjë të keqe, është një shkrim i gabuar, por shkrimet e gabuara bëhen në të gjitha gazetat. Problemi nuk është ky, problemi u verifikua të nesërmen e ditës që ky shkrim u publikua sepse të nesërmen e asaj dite shkrimi në fjalë mungonte, ishte hequr në mënyrën më të çuditshme në mënyrën më skandaloze.

Është një gjë që mendoni se ndodh vetëm në Shqipëri, por ja bën vaki edhe me gazetat e rëndësishme të Europës. Ne “Bild” na ka borxh një shpjegim. Në fakt këtë shpjegima ua ka borxh edhe lexuesve të vet gjermanë. Por duke qenë se në këtë shkrim flitet për Shqipërinë na ka borxh një shpegim, duhet të na thotë pse ai shkrim është hequr. Mund të jetë hequr ndoshta se aty thuhen të pavërteta dhe drejtuesit e “Bild” ndoshta janë bindur se aty thuhen të pavërteta. Mirëpo në një rrethanë të tillë “Bild” do bënte atë që bëjnë gazetat serioze në botë. Do bënte një përgënjshtrim, nuk turpërohej, përkundrazi shpëtonte faqen e vet të zezë. Këtë përgënjeshtrim Bild nuk e ka bërë. Atëherë çfarë ka ndodhur? Ka shumë shqiptarë që mendja u shkon se “Bild” është paguar për ta hequr atë shkrim. Kjo në fakt është një paranojë shqiptare, madje edhe e shpifur shqiptare. Ne e kemi demostruar se në rrethana të ngjashme mendja na shkon te korrupsioni i personazheve, siç kemi bërë me ambasadorët këtu apo edhe me personazhe të tjerë. Apo siç është bërë gjatë gjithë këtyre muajve me tezën se të gjithë  ndërkombëtarët janë blerë nga kryeministri i Shqipërisë. Megjithatë shqiptarët kanë të drejtë ta mendojnë këtë për sa kohë qe “Bild” nuk ka vendosur të japë shpjegimet e veta.

Unë mendoj se “Bild” duhet ta shpjegojë këtë gjë në mos, reputacioni i vet vihet në dyshim të paktën tek shqiptarët të cilët kanë jetuar gjithmonë me idenë se mediat e rëndësishme europiane janë të rëndësishme edhe për faktin që kanë një marrëdhënie të caktuar me të vërtetën./abcnews.al

 

nanao-1280x832.jpg
R D00:14 | 18/01/2020

Mustafa Nano në monologun e tij për këtë javë në “Provokacija” është tallur me konspiracionin e avokat Ngjelës për marrëveshjen “Rama-Basha” dhe goditjen që mund t’ju vijë atyre nga SPAK-u.

“Provokacian për sonte po e nis me një kuiz, me një gjëegjëzë. Kam zgjedhur një pasazh nga shkrimi i dikujt, është analizë politike ku thuhen gjëra shumë shumë, shumë të mençura ,veçanerisht që të godasin”, u shpreh ai.

*Ndiqni Monologun e plotë në video

nanoo.jpg
in a21:22 | 14/01/2020

Mustafa Nano në monologun e tij në “Provokacija” është ndalur te fitorja e tenistëve serbë, të cilët mundën ata spanjollë në Australi, dhe fituan kupën ATP.

Tenistët serbë mundën ata spanjollë në Australi, dhe fituan kupën ATP. Pas kësaj, ata u bënë bashkë, dhe zunë të festonin. Mes të tjerash kënduan edhe një këngë për Kosovën, një varg i së cilës bën: Kush të largon ty nga shpirti im Kosovë?

Novak Djokovic nuk është hera e parë që shfaqet në versionin shovinist. Vite më parë, kur shfaqej si shovinist në publik, të tjerët mund t’ia merrnin këto shovinizma si shpërthime prej djali kokoroç. Njeriu bëhet trazovaç kur është djalë i ri, apo jo? Por kohët e fundit po mendoja se ai është pjekur. Duke qenë se është një nga tenistët më të mirë të botës, ndoshta më i miri, duke qenë se është një nga figurat më të mëdha të sportit botëror, kam menduar se ky status do ta bënte më skrupuloz, do ta bënte të kuptonte se të jesh një njeri i rëndësishëm i botës, bart me vete edhe përgjegjësi të madhe. Kjo do të thotë se nëse para 10-15 vitesh mund ta shprehte një mendim ashtu si t’i vinte, me t’u bërë i madh do të matej mirë para se të fliste. Jo për gjë, por kur je i madh çdo fjalë e çdo gjest i yti merret nga gjithë mediat e botës. Kur je i madh, je dashje pa dashje edhe model për të tjerët, sidomos për gjeneratat e reja. Kur je i madh, bëhesh vetvetiu edhe mendjehapur. Mirëpo me Gjokoviçin po ndodh e kundërta. Sa më i madh bëhet, aq më mendjembyllur bëhet. Ajo që ai bëri bashkë me shokët e vet në Australi ishte një shfaqje mizerabël e fanatizmit nacionalist.

Kjo e ka një shpjegim, sidoqoftë. Unë nuk e lidh thjesht e vetëm me Novak Djokovic. Unë e lidh me shoqërinë serbe. Serbët kanë gati 200 vjet që ushqehen me idenë fikse, se Kosova është serbe, se ajo ka qenë përjetësisht serbe, se ajo do jetë përjetësisht serbe. Mantra që “Kosova është serbe” u është kënduar në vend të ninullës, u është mësuar në çerdhe, kopështe, shkolla fillore, e kanë lexuar nëpër libra, e kanë dëgjuar nëpër këngë, ja, si kjo që e kënduan tenistët në Australi, e kanë besuar këtë gjë që nga tifozët e sportit e deri te akademikët e intelektualët e shquar. Janë të paktë, numërohen me gishtat e dorës, intelektualët serbë që e thonë hapur se ideja që Kosova është djepi i qytetërimit e kulturës serbe është një sendërgji, janë të paktë intelektualët që e thonë hapur se Kosova është tanimë e humbur.

Unë gjithnjë kam menduar se sot, edhe sikur një fuqi madhore, e mbinatyrshme, të mund t’ua rikthente serbëve Kosovën, vetë serbët do duhej të thoshin: “Kosova sërish nën Serbinë? Jo, faleminderit shumë, mnogo vam hvala. Ovo je provokacija. Veç kjo që nuk na duhet. Kosovën e patëm, dhe nuk ditëm ta mbanim. Providenca na e la ta mbanim për gati një shekull, dhe eksperimenti i bashkëjetesës mes nesh e shqiptarëve dështoi me sukses të plotë.” Mirëpo, jo, ata nuk e shohin kështu. Ata e shohin si Novak Djokovici. Që s’e ka për gjë të këndojë në vitin 2020: Kush të largon ty nga shpirti im Kosovë? Fiu! Kosova i është shndërruar në një demon që ai e ka ende në shpirtin e tij. Ky njeri duhet egzorçizuar. Shoqëria serbe në përgjithësi duhet egzorçizuar. Duhet ta nxjerrë prej shpirtit të vet “demonin” Kosovë. Dhe pas kësaj nuk është se do shpëtojë Kosova. Jo, do shpëtojnë serbët vetë. Do shpëtojnë një herë e mirë./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono