mbi

urat-gjanica-1280x703.jpg
nev ila16:52 | 03/11/2019

Rehabilitimi i qendrës në Fier, i ka ndryshuar pamjen edhe urave mbi lumin Gjanica. Por për qytetarët ky transformim ishte i panevojshëm jo vetëm sepse u ka hequr këtyre objekteve simbolikën historike por edhe janë kryer shpenzime të panevojshme.

Problematik për shkak të ndotjes por pjesë e arkitekturës së një qyteti. Gjanica, lumi i vogël që përshkon Fierin ka mbi shtrat dhjetëra ura. 2 me të rejat u shtuan pas rehabilitimit të qendrës se qytetit.

Rindërtimi i qendrës së Fierit, përfshiu edhe urat mbi Gjanicë. Disa për shkak te amortizimit ndërsa të tjera si ish ura me harqe, për një dekor të ri. Ky i fundit mbetet i diskutueshëm te qytetarët, jo për stilin, por për traditën dhe historinë e zhdukur bashkë me pamjen e vjetër të urave.

Përtej debatit për ruajtjen apo rindërtimin e tyre, urat e Fierit mbeten funksionale. Qindra qytetarë dhe automjete kalojnë çdo ditë mbi to, si e vetmja rrugë për të kaluar në anën tjetër të qytetit

Fieri emërtohet nga studiuesit edhe si qyteti i urave. 13 të tilla ndodhen brenda tij ndërsa një tjetër në dalje të qytetit mbi lumin Seman e ashtuquajtura Ura e Mbrostarit. Pamja e dikurshme e tyre tani ndodhet vetëm në fotografi. Ura e parë u ndërtua pranë Kishës së Shën Gjergjit në vitin 1777 nga Kurt Pasha i Beratit.

Fill pas kësaj nisi themelimi i Fierit si qytet tregtar./abcnews.al

 

voda-1280x728.jpg
ad min13:30 | 09/08/2019

Akuzat e prokurorëve italiane për kanabizimin e Shqipërisë, të bëra përmes një cikël reportazhesh i televizionit italian “Rai 3”, i titulluar “Narcotica”, iu është përgjigjur zv ministrja e Brendshme Rovena Voda. Nga Vlora ajo tha se po hidhet baltë mbi vendin tonë dhe se që prej 2017 është bërë progres në luftën kundër kanabisit.

protesta-7-1280x723.jpg
ent ela16:15 | 28/03/2019

Mbi 1000 efektivë u angazhuan në protestën e opozitës, të mbajtur para Parlamentit. Por ndryshe nga herët e tjera, tensionet në nisje të manifestimit u kryen pranë ministrisë se Brendshme.

Protestues e zonës së Astirit bashkë me qytetarë të tjerë tentuan të pengojnë takimin ndërmjet ministrit të Brendshëm të Shqipërisë me homologun e tij Holandes.

Në ndihmë të forcave të rendit erdhën edhe ato të Ndërhyrjes së Shpejtë. E  njëjta situatë vijoi edhe para Parlamentit

Disa here u zhvilluan tentativa nga protestuesit për çarë me forcë kordonin e parë të policisë. Për disa momente u krijua kjo gjendje mes manifestuesve dhe uniformave blu. Në drejtim të këtyre te fundit u hodhën kapsolla dhe lëndë piroteknike.

Pas shumë tentativash, protestuesit u tërhoqën duke ndjekur kreun e opozitës Basha me marshimin e heshtjes drejt Ministrisë së Brendshme. Në drejtim të godinës u hodh boje e zezë, duke shprehur inatin e shumë të arrestuarve nga protestat e mëparshme të organizuar nga opozita./abcnews.al

trump-1-1280x720.jpg
ent ela22:28 | 26/03/2019

Pavarësisht shfajësimit nga akuzat për bashkëpunim me Rusinë, Donald Tramp duket se nuk do t’i kalojë lehtë telashet me drejtësinë. Një komision i Kongresit amerikan ka miratuar një draft që kërkon zbardhjen e materialeve hetimore për akuzën e pengimit të drejtësisë.

Komisioni për çështjet e gjyqësorit në Kongresin amerikan votoi unanimisht të martën një rezolutë që udhëzon Departamentin e Drejtësisë të dorëzojë materialet hetimore për akuzën e pengimit të drejtësisë, që rëndon ndaj presidentit Donald Trump. Sipas mediave amerikane, ligjvënësit kërkojnë materialet e mbledhura nga FBI dhe agjencitë e kundërzbulimit të Shteteve të Bashkuara në adresë të kreut të shtetit.

Pak ditë pasi raporti i Robert Myler e shfajësonte Trump në lidhje me ndërhyrjen e përfolur ruse në zgjedhjet e 2016-s, komisioni votoi në mënyrë dypartiake, me 22 vota pro dhe asnjë kundër, në favor të rezolutës. Drafti do të shkojë për një votim të përgjithshëm në Dhomën e Përfaqësuesve dhe nëse merr aprovimin do t’i japë prokurorit të përgjithshëm Uilliam Berr 14 ditë për të përmbushur kërkesën.

Mes materialeve hetimore përfshihen edhe ato audio të regjistruara fshehurazi në ambientet e Departamentit të Drejtësisë për një shkarkim të Trump në bazë të nenit 25 të Kushtetutës së Shteteve të Bashkuara. Neni në fjalë ofron procedurat për zëvendësimin e presidentit në rast vdekjeje, shkarkimi, dorëheqjeje, apo paaftësie për të qeverisur.

Konkretisht, ligjvënësit kërkojnë të dhënat e hetimeve që ish-shefi i FBI-së, Endriu Mek Kejb nisi pasi Trump shkarkoi nga detyra pasardhësin e tij Xhejms Komej në maj të 2017-s. Hetimi në fjalë u zëvendësua më vonë nga ai i prokurorit të posaçëm Robert Myler, që e përfundoi procesin javën e kaluar. Raporti i Myler nuk përmbante prova që stafi elektoral i Trump të ishte mpleksur me palën ruse, por nuk e shfajësonte atë nga akuza e pengimit të drejtësisë./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono